Archive for April, 2012

Hakha ka kal!

Wednesday, April 18th, 2012

2012 March thlatawp lam khan Farkawn lam atangin Hakha/Halkha ka thleng chho ve nawlh pek a, a nuam dangdai hle mai.

Sawrkar lamin khaw inkar kawng a laihsak loh vangin khua leh khuate chuan,”Chuta tangin chumi thleng keinin kan lai ang e,” tiin hnatlangin motor kawng an laitlang ruah mai a ni. Hakha/Halkha thlen hma chuan blacktop ani lova, duhthusamin a khu a, engineer-te design anilo bawk a a kawng ingelh nasa hle bawk.

Halkha/Hakha hi Chin hills capital atana Burma sawrkarin a ruahhman chhan, “Helai hmun hi capital tlak a ni,” antih chhan an sawi thin ang ngeiin a ram a parh tha em em mai a. Meghalaya ram ang tak ani ringawt mai. A ram hi a dar tha em em a, khaw zauhna tur mel 40 a thui chutiang ram ruak chu ala awm cheu mai.

Hakha/Halkha:

(more…)

Posted in Lifestyle, Pictures, Travel | 59 Comments »

The Best Quotes on Philosophy of Life

Wednesday, April 18th, 2012

Hringnun awmze nei tak leh hlim taka kan hman theih nan mi ropuiten an tawn-hriat atanga an thusawi hi i han bih nawn leh teh ang u.

1. In the end, it’s not going to matter how many breaths you took, but how many moments took your breath away. – Shing Xiong.

2. When life gives you a hundred reasons to cry, show life that you have a thousand reasons to smile. – Unknown.

3. Never tell your problems to anyone…20% don’t care and the other 80% are glad you have them. – Lou Holtz.
(more…)

Posted in Advice, More than words, Opinion | 19 Comments »

Misualho felzia!

Wednesday, April 18th, 2012

Lengpuiah hahdam phah sawng sawng theih khawpa nuamin minlo hmuak a:

In lamah VIP mikhual lothleng ang maiin min rawn pan a:


(more…)

Posted in Luangliam, Mizo Society & Culture, Mizoram, More than words, Pictures | 79 Comments »

Lehkhathawn 2-na

Wednesday, April 18th, 2012

Khawvel hi a lo va mak ve, Hmangaihna nen hian nun pawh hi a lo ho khawp mai. Hun hi a kal mawp mawp a, mi a nghak der si lo a. Chhhum pawh a lo lang a,a ral leh mai thin si a. Kan hlim a, kan lungngai leh a. Hmangaih tak kan nei a, mahse kan ta tur an lo ni leh si lo a. Hlimna min pe a, mahse atawpah lunngaihna nasa tak, hlimna vawche vek tu min thlen leh a, he khawvelah hi chuan kan duh hi kan ta vek tur a ni lo tih hi ka hrethiam ve chiah. Mahse, thu dik deuh chu a hlim reng theih loh ang bawk hian, a lungngaih reng thei bik loh.

Ka hmuh hmasak ber che khan he hun hi ka tawng dawn tih hria ila chuan hmeiche dang ang tho khan ka kalpel ve tur che a nia! Mahse kan hma hun hi hria ila,ege nun hian awmzia aneih ang. Kan duh apiang nei zel ila, engtinnge CHANNA natzia kan hriat ang le. Kum 2 dawn kan in hmangaihna hun kha, ka tan chuan a hlu em em a, “Thanks for giving me an experience of a lifetime”. Ka theihnghilh tawh ngai lo anga, ka vawng tha reng tawh ang. Ka KISS hmasak ber che a, i mittui a tlak khan, i van duhawm tak em, i rilru thianghlim zia kha. Ka HMANGAIH che min tih hmasak ber zan te kha, ka tan hian a hlu a ni, mahse hun hi a inher zela, nun te pawh alo danglam chho ta.
(more…)

Posted in Luangliam | 24 Comments »

D3 LG Inter Village Volleyball Tournament 2012

Wednesday, April 18th, 2012

Champion : Maubawk

Runner Up: Nursery

Best Discipline Team : Nursery

Best Spiker : Gnat Lalrinchhana (Nursery)

Best Setter : Lalduhawma (Maubawk)

MVP : C. Lalchhanhima (Maubawk)

Best Coach : Lalthakima Ralte (Phunchawng)

Lawmman pakhatna hian Rs 50,000/- + Trophy + Medal + Certificate an la a, Rs 0,000/- + Trophy + Medal + Certificate an la bawk. Prize Money hi Mizoram Volleyball history-ah ala tam ber thum a ni. MVP hi Facebook group, Mizoram Volleyball Lovers te thlan niin stats nen tlap an la. team tel zawng zawngin Participation Prize (Rs 1000/- + Certificate) an dawng theuh bawk.

Posted in Sports & Games | 11 Comments »

Thil chîk peihte tan

Wednesday, April 18th, 2012

Khawvel-ah hian thi tawha ngaih rawn harh chhuak leh (mitthi tho leh kan tih ang) hi mi sang/ sing tam tak an awm tawh a. Ni tin, dar kar tin te pawh an awm ta ve ang. Sakhaw mi tak tak te, mahni rinnaa nghet tlut mai te pawh an ni hlawm ang. Mahse, chu’ng mite chuan van ram emaw, hremhmun emaw an fan thu an sawi ngai meuh lo. (sawi tawk chu lo awm bawk mah se…)

Keini, Mizo – mitthi tho leh kan tihte hian, engvangin nge azawng azaa van ram mawizia, nawmzia leh hremhmun rapthlakzia, hlauhawmzia an fan hman bik ziah le? Pathian-in min duhsak bik vang em ni’ang?… nge, a hnam thlan kan nih vang? (((a hnam thlan chu kan ni tehreng nge, niin kan inhre lek zawk?))) A tak ram ni si lo – duhthusam ram, suangtuahna vak vel leh zeldin thu mai mai hi kan phulpui hlut thin a ni lek lo maw?

Mipui lam lah, chutia’ng mi an awm tawh chuan van ram leh hremhmun fang turah kan han ngai nghal pang a. Kan ngaih ang ngeiin, pitar/ putar, nu leh pa thenkhat mittui titla thei tur tawk vel chuan an lo fang hman ziah bawk a. Suangtuahna-mitthla sawi thiam apiangin sawi tur an ngah a, rilru chak apiangin an sawi mar nalh a, dawt sawi huai apiangin an sawi awm-ang ni vel mai mai hian ka hre thin. Pakhat tê mah a tak an awm lo chu ka ti hauh lo; mahse… thil chik peihte tan…

(Tu rilru mah ka tina em lo’ng chu maw? Rilru na an awm chuan ngaihdam ka dil nghal e.)

Posted in Opinion, Religion | 50 Comments »

Zu in leh love song sak hi sual a ni lo.

Tuesday, April 17th, 2012

(Tunlai hi a reh in ti teh fo va, ti hian a reh loh deuh takin)

Eden bawhchhiatna sual kai mihringte hi tumah reng famkim kan awm lova, sual nei lo kan awm hek lo. ‘He khawvelah hian zawng sual leh thlemna a bang dawn lo’ tih hla ang deuh khan kan nitin nunah sual hian hmun a chang tamin min buan thlu fo thin a nih hi. Chutih rualin sual kan tih tamtak hi chu mi dang tana sual ni lem lo, mahni kan insiam chawp a awm thei viau awm e. Mizo Kristian tamtak chuan zu tem/in hrim hrim chu Piangthar lo tihna, thihpui tham sual, Hremhmuna tlak vang vangna ni hialin kan chhuah a, sual kan insiam chawp a ni. He sual siam chawp hi ka pawm lo. Khaw nge.. entirna hmangin i han sawifiah dawn teh ang.

Hman ni chu ka nute-i sap ram kal haw in Norway zu chikhat a lo hawn, um mawi deuh mai a mi hi a thlum nge a al (taste) hriat chakin a chhin khat lek ka han tem chhin a, “A um leh a zu rawng a mawi teh lul nen a va kha fek fuk em, thil tui pawh a nih nek loh hi..” tia phun bul bul chungin dawhkanah chuan ka hung leh mai a, mahse, ngaiteh, Dawhkana Chanchinbu lo let reng kawmah chuan, “Zu leh Zu in hrim hrim hi sual a ni” by- Rawngbawltua tih hi a lo chuang kuau mai a. “Kei lah Synod mi leh sa ni siin zu ka in a, a rim lah chu ka la nam rum rum mai si a, a ziaktu reu reu hian ka rim te hi a hre pha ang a, min phuar mai ang a ..” tiin ka tukhum thak lo pui hiat noh noh chung chuan ti hian ka ngaihtuah ta a. “Zu leh Zu in hrim hrim hi sual chu ni se la, Norway zu, a thlum nge a al tih hriat ka chak vanga chhin khat lek ka tem avang khan Pa Pathian hian Nunna bu a ka hming hi a thai reh daih ang, mahse a thai reh hauh si lo.(Rinna mitin ka han thlir a, a lo la awm khiau mai) Chuti a nih si chuan Zu awm mai mai leh Zu in/tem hrim hrim hi chu sual niin ka hre ve ta tlat lo mai.
(more…)

Posted in Mizoram, Opinion | 81 Comments »

Lubbock Fantasy Maid Service- Nude maids

Tuesday, April 17th, 2012

Mizoramah tih chi tak ang maw?

American ho hian sumdawn an lo thiam ber mai..  Company pakhat Lubbock chuan ruak keng kung chunga inchhung tifai leh hna dang thawk turin  maid rawih  theih annei, tih an puang uaih mai. An tlawm lo: Lingerie an hak chuan darkar khatah $100, topless chuan $150, and ruak tawp chuan $200.

An company policies chu anni ho ruai tute hian engti kawng pawh in mutpui an tum tur ani lo. Khawih pawh an khawih tur ani lo. An tum vaih chuan an maid te hi an hawng nal nal mai ang.

An company website ah chuan maid pahnih chauh an ziak lang: “Angel” leh “Star”. Hetah hian an lang:

https://www.lubbockfantasymaidservice.com/#!pics

Ka lo ngaihtuah mai mai chu Aizawlah hian sum ngah apui an tam riau mai a. Hetiang mi hi rawih theihin nei ve ta ila, dawrtu kan ngah phian ka ring tlat.

He company phakharna nuihzat thlak bawk si chu “We offer discounts to law enforcement and other public servants (heroes) including, but not limited to paramedics, fire fighters and military (active and vets”).

Ka hriat sual loh chuan Cr.PC leh IPC ah hetiang sumdawnna phal lohna a awm ka hre lo. Mi inchhung ani tlat si a.
 

Posted in HAHAHA | 44 Comments »

Champhai ah kan misual

Tuesday, April 17th, 2012

Socio Economic & Caste census lam thil avangin Champhai lamah kan va phei a. Kan misual upa min Pu Shailendra in ka kal tih a hriat veleh min rawn contact vat a. Rih dil lamah te hun chep tak karah min va kalpui a, a nuam khawp mai.

Rihdil

Champhai lam atangin Paeia leh Chhuaklinga te Pu Shai-a chawhlui min buatsaih sak min rawn kil pui ve hmanlo mahse min hmu tur hrim hrim in an lo kal ve a. A va nuam tak em!
(more…)

Posted in Adventure, Event, Travel | 28 Comments »

Philosophy of Life

Tuesday, April 17th, 2012

(Kan chhiar nual tawh maithei. Leh ve ngial ka tum a, ka tawngkam thiamin a daih meuh lo a ni. A ngai ngaiin ka rawn chhawpchhuak leh ta mai).

A professor stood before his philosophy class and had some items in front of him. When the class began, wordlessly, he picked up a very large and empty mayonnaise jar and proceeded to fill it with golf balls.

He then asked the students, if the jar was full. They agreed that it was.

The professor then picked up a box of pebbles and poured them into the jar. He shook the jar lightly. The pebbles rolled into the open areas between the golf balls.

He then asked the students again if the jar was full. They agreed it was.
(more…)

Posted in Fiction, More than words | 22 Comments »

Newer Entries »
  1. Page
  2. 1
  3. …
  4. 8
  5. of 8