(Tunlai hi a reh in ti teh fo va, ti hian a reh loh deuh takin)
Eden bawhchhiatna sual kai mihringte hi tumah reng famkim kan awm lova, sual nei lo kan awm hek lo. ‘He khawvelah hian zawng sual leh thlemna a bang dawn lo’ tih hla ang deuh khan kan nitin nunah sual hian hmun a chang tamin min buan thlu fo thin a nih hi. Chutih rualin sual kan tih tamtak hi chu mi dang tana sual ni lem lo, mahni kan insiam chawp a awm thei viau awm e. Mizo Kristian tamtak chuan zu tem/in hrim hrim chu Piangthar lo tihna, thihpui tham sual, Hremhmuna tlak vang vangna ni hialin kan chhuah a, sual kan insiam chawp a ni. He sual siam chawp hi ka pawm lo. Khaw nge.. entirna hmangin i han sawifiah dawn teh ang.
Hman ni chu ka nute-i sap ram kal haw in Norway zu chikhat a lo hawn, um mawi deuh mai a mi hi a thlum nge a al (taste) hriat chakin a chhin khat lek ka han tem chhin a, “A um leh a zu rawng a mawi teh lul nen a va kha fek fuk em, thil tui pawh a nih nek loh hi..” tia phun bul bul chungin dawhkanah chuan ka hung leh mai a, mahse, ngaiteh, Dawhkana Chanchinbu lo let reng kawmah chuan, “Zu leh Zu in hrim hrim hi sual a ni” by- Rawngbawltua tih hi a lo chuang kuau mai a. “Kei lah Synod mi leh sa ni siin zu ka in a, a rim lah chu ka la nam rum rum mai si a, a ziaktu reu reu hian ka rim te hi a hre pha ang a, min phuar mai ang a ..” tiin ka tukhum thak lo pui hiat noh noh chung chuan ti hian ka ngaihtuah ta a. “Zu leh Zu in hrim hrim hi sual chu ni se la, Norway zu, a thlum nge a al tih hriat ka chak vanga chhin khat lek ka tem avang khan Pa Pathian hian Nunna bu a ka hming hi a thai reh daih ang, mahse a thai reh hauh si lo.(Rinna mitin ka han thlir a, a lo la awm khiau mai) Chuti a nih si chuan Zu awm mai mai leh Zu in/tem hrim hrim hi chu sual niin ka hre ve ta tlat lo mai.
Kum tam tak zu hi ka lo in ve tawh, (Lalpa Zanriah sacrament) mahse ruih tum leh ruih duh vangin vawitekhat mah ka la in lo thung. A in tu in dan, a in chhan leh a dinhmun a zirin sual chu a ni thei teh meuh mai. Zu hi a thlum nge a hang tih hriat duh vanga ka han in zeuh vang mai kha chuan Pathian hian a nunna bu a ka hming hi a thai reh ngawt lovang.. a chhandamna hi chatuan daih a ni si a”. ti a inthiam chawp chungin, ka thu tlukna ni ta chu hei hi a ni. “Zu hrim hrim leh Zu in hrim hrim hi chu sual a ni lo ve.” tiin.
Tunhnai mai ni lo, tlemlai deuh atang tawh khan Love Song sak hi sual a nih leh nih lovah kan inhnial luai luai fo tawh thin. Ngaihdan a tam, pawmdan a tam! Kal ngaihna ka hre lo tih mai awl tak tur a ni. Hei pawh hi mi tam tak chuan Love song sak hi sualah kan siam chawp leh tawh niin a hriat. Love Song sak hrim hrim hi Sual a ni ti a tan khawhtute thlirna atang chuan mihring ka atang hian Pathian Fakna chauh a chhuak tur a ni a (euu.. an va fel bik tehlul em), Piangthar dik tak chuan Love Song a sa thei tawh lova, Amah fakin, Pathian hla chauh a sa tawh tur a ni tih lampangin an sawi thin. Love Song lo sa eih tawh phawt chu mi sual, piangthar tak tak lo leh Vanram kai lo tur ang hialin an chhuah thin.
Kei chuan ka pawm lo leh ta bur mai. (Famkim lo mihring ka nih miau avangin) Love Song sak hrim hrim hi sual ni lovin, a sa tu sak hun leh hmun, a sa tu dinhmun a zir ni zawkin ka hre leh ta tlat pek mai. Khawnge, entirna hmangin i han sawifiah leh dawn teh ang.
Kei pui roh hi pa lungleng thei deuh mai leh khawhar ngaithei lo deuh mai ka ni roh a, tukkhat Office thila ka zinnaah, ka thlenna Hotel Bathroom-ah ka inbual a, nupui fanaute ngaihna thlarauin thawk leh khatah min rawn nang thut mai a, Shower-a tuilum inphuh tir sur sur pahin Love song ngialngan tak mai, amah Lallianmawia hla ngei mai kha (A thupui ka hre leh ta pek lo) faifukin ka sa ta rut rut mai a, chu mai duh tawk lovin ka hriatchian lai deuh te phei chu Pathian min pek ka aw neihchhun ngei mai khan a sakin ka sa rut rutin ka hria. Towel-a inhru mawlh mawlh chungin ka chhuak a, Dawhkana Chanchin bu hlui tawh tak chu ka bih zuai a, a kawmah chuan ‘Love Song sak hi sual a ni..’ By- Gospel Artist. tih hi a lo chuang kuau mai a. “Eu.. kei lahin tunah mai khan ka sa zo chauh kha a ni sia le(h).. ka ti rilru vawng vawng a. “Lalpa, min ngaidam rawh” ti a han thingthit rup mai ka tum lai tak chuan ka rilruah Love Song sak hrim hrim te hi chu sual a ni dawn em maw ni le? A sak hun leh hmun, a satu dinhmun a zir a ni zawk lawm ni le..? tih hi a lo lut zawk mai a. “Bathroom chhungah Faifuka ka sak ret ret te kha chu kan Lalpa hian a haw viau dawn em ni le? Piangthar chiang lo, mi sual, hremhmuna kal tur han intih em em chu a va na deuh ve le..” ti a phun nuah nuah chungin heti hian thu tlukna ka siam ta a. “Love Song sak hrim hrim hi sual a ni lo ve, a satu sak hun leh a sakna hmun, a satu dinhmun a zir a ni zawk e” tiin.
Similar Posts:
- Love Songs Sak Hi Ngatinge kan Ngaih Bawlhhlawh Tlat!!!
- Zoramchhani – Chuailo Parmawi
- Milem biakna thil te
- Siamthar ka ngai ani-PBK Liankhuma
- Sual ni awm tak hi Sual a ni em ? (Mahni insiam chawp sual?)
April 17th, 2012 at 10:33 pm
Eu! hei chu!!
April 17th, 2012 at 10:53 pm
In chunga comment in phal em? 😛
April 17th, 2012 at 10:55 pm
Hot raw pip.!
April 17th, 2012 at 11:01 pm
CHEMTAT-A a lo lan chuan a hot ang 😀
April 17th, 2012 at 11:06 pm
office bang hah tawk in kan haw a. Khawlum em em hnuai ah, Beer Vawt tawk fridge atang a kan han la chhuak, taksa tih daih nan kan han in a, kan harh fim sawng sawng te hi kei chuan sual ka ti theilo. Ka fridge chhung a thildang awm Juice nen khan a danglamna ka hre lo.
Kan rilru leh eng intention in nge kan in tih hi a pawimawh zawk in ka hria.Sunday a, Biakina nalh mangkheng a rawn in chei, Angel iang a mawi, mahse chhungril dum tluk ai chuan- Beer han lem ve zauh rilru thianghlim tak pu te hi an ngaihsan awm zawk.
April 17th, 2012 at 11:07 pm
eh! ka lo ngaih ve dan zu ni tlat pek a
April 17th, 2012 at 11:08 pm
A hot dawn e, opposition lam an tlem hmel
April 17th, 2012 at 11:09 pm
eheu….ka comment ve chuan min hmusit lutuk palh ange 😉
April 17th, 2012 at 11:10 pm
Zu hi sual a nih leh nih loh chu a in ho hi zawh mai tur a nia………. 😉 Tin, love song pawh- a sa ho 😛
April 17th, 2012 at 11:10 pm
Zu hi sual a ni lo tih hi kan hriat a poimoh tawh khawp mai. Kan in zirtir na dik lo hi thlak a hun. Mahse zurui bulah chuan ka awm peih thak lo.
April 17th, 2012 at 11:12 pm
pianghthar hi chuan selfish attitude lutuka pathian min chhandamtu a pawm mai loin christian life follow hi tum ila…elrelna te mi hmuhsitna te chapona te hi tlanbo san ila a tha in ka hria…mi tana nun hi pathian duh dan chu ani… (Y) ..christian mai niloin christlike nih i tum vek ang u..
April 17th, 2012 at 11:14 pm
Facebook lamah Super-Trio hovin Local TV a an interview naa, ‘Love song hi Setana hmanrua’ tih an sawi kha an haw hlawm kher mai. Ti tak chungin ka han defend hram hram a, kei pawh min hma tello chauh a ni. Han Comment sup sup phawt mai teh u.
April 17th, 2012 at 11:14 pm
Ka U zualbonez a sawi ang ang hi ka pawm hmiah hmiah mai 🙂
April 17th, 2012 at 11:14 pm
Saint chu va sawi chhuak tha ve!. Mizo in mi fel, tha kan tehna hi zu in lo, zuk leh hmuam ti lo, khawtlang leh Kohhrana inhmang tih a ni in ka hria a, chutiang tlangval mahse tumah in an ngaihzawn duh miah si loh an awm!. A chhan: A personality a uih tho!!
April 17th, 2012 at 11:14 pm
Love song sak hi phal loh burna dan kenkawh ni tase chu a pawi ti ber pawl chu ka ni ngei ang le. 🙂 (8)
April 17th, 2012 at 11:16 pm
#14 mamboihi-an personality a uih tho… (Y)
April 17th, 2012 at 11:17 pm
love song sak an phalloh ten fiction tamtak hi ziahin a awm nang 😛
April 17th, 2012 at 11:18 pm
@ lrpa..kal la tisual tawh suh…tak2in mizo kan han pianghtar hi chuan pathian min chhandamtu ah kan pawma kan duh tawk mai thin a..hei hi thil famkim lo tak chu ani e…chirstlike life hi tum bawk ila a tha (Y)
April 17th, 2012 at 11:20 pm
soundtrack siam ang
http://www.youtube.com/watch?v=jHEj4cRhm3E
April 17th, 2012 at 11:23 pm
Zu hi a va tha lo em! A tawk chauh a in hi a va tul em! Sual anihna laitak pawh hi no dang in leh tur a min tur thin hi ani ber mai..haha
April 17th, 2012 at 11:24 pm
2nd soundtrack (Y) 😛
http://www.youtube.com/watch?v=K0ZCfbI6R58&feature=related
April 17th, 2012 at 11:25 pm
MLTP Act nen sawi pawlh awih loh..haha..
April 17th, 2012 at 11:29 pm
Sual titu chuan sual a ti ang a, sual lo titu chuan sual lo a ti tho ang.
Thlir dan hrang theuh kan neih a rinawm a, inhnialna tawp thei lo tur kan pu Chhurbura story ang a ni ang.
For me, a hun leh a hmun a zirin a sualin; a sual lo thei. Hmana zaithiam pahnih wedding ceremony a Mimi V Renthlei-in love song a sak al al ang te :-S
April 17th, 2012 at 11:30 pm
MLTP act pawh sawi law2 ila (Y)
April 17th, 2012 at 11:35 pm
kha.. a reh in ti in ti a..zu han sawi chuan, b***-a te pawh an first lo chauh mai a lom..haha..
April 17th, 2012 at 11:38 pm
Hot rawh, hot hot :-O
April 17th, 2012 at 11:39 pm
MPCC thuchhuah leh fb a Zoram tan groupa thu post vangin FIR
By bronco | April 11, 2012 – 5:53 pm – Posted in NEWS
April ni 11 hian Pu Liansuama Adviser, MNF Gen Hqrs, Pu TC Pachhunga, Gen Secy, MNF Gen Hqrs leh MNF Gen.Hqrs Thalai President te chuan April ni 3 a, MPCC ten thuchhuah an siam chung chang ah leh facebook Zoram tan group a Post chung chang ah FIR Aizawl police Station ah thehlut in thudik tawklo vawrh darhtu zawng chhuak a a tul anga Action la turin an ngen. Pu Liansuama Adviser, MNF Gen Hqrs, Pu TC Pachhunga, Gen Secy, MNF Gen Hqrs leh MNF Gen.Hqrs Thalai President te chuan First Information Report an thehluh ah chuan April ni 3 khan Mizoram Pradesh Congress committee Aizawl Mizoram chuan Dr.Thangtea a inpuang tih thupui hmangin thuchhuah an siam tih an sawi.
Hetah hian Lalrozara Secy, MPCC Media dept in hming a ziak tih sawiin thuchhuah ah hian MNF Hruaitu thenkhat leh MNYF mi 20 rual vel March ni 30 tlai ah MNF Vice President Dr R.Lalthangliana in ah tlai chaw ei a inkawmkhawmna nei angina tarlan a ni a, chumai ni lovin Pu Liansuama Adviser, MNF Gen Hqrs, Pu TC Pachhunga, Gen Secy, MNF Gen Hqrs leh MNF Gen.Hqrs Thalai President te chu thusawina hun nei ang leh kan thusawi niawm tak te an tarlang bawk a, April ni 3 vek hian internet facebook a Zoram tan Group ah maliana inti in he thu hi a post bawk a, march ni 30 hian MPCC thuchhuah ang hian chaw kan eikhawm lova, thu kan sawi hek lo, kan hming TV leh chanchinbu ah te dawt hmanga tih lan a ni hi kan duhlo hle a, hetianga thuchhuah siamtu Lalrozara Secy MPCC media Dept leh Facebook a post tu Maliana inti hi zawng chhuak a, a tul dan anga action min lak turin kan ngen a che tiin an ziak a ni.
source: buannel (Y)
April 17th, 2012 at 11:41 pm
soundtrack siam leh ang: (Y)
http://www.youtube.com/watch?v=qMHGx8eex7k&feature=fvst
April 17th, 2012 at 11:59 pm
zu hi chuan comment a hlawh ber a lo nih hi…tren tren..
April 17th, 2012 at 11:59 pm
zu tak hi chu o.. te han ti ngawt i la..
April 18th, 2012 at 12:02 am
goodnite song (Y)
http://www.youtube.com/watch?v=8SbUC-UaAxE&feature=related
April 18th, 2012 at 12:37 am
14 & 18 : (y)
A HOT hlei theilo ani maw 🙂
Kan chai tam thawkhat tawh bawk ani.
April 18th, 2012 at 1:03 am
Love song sak hi sual a nihna ka hre lem lo. Sual a nih vaih chuan lehhhhhh……
April 18th, 2012 at 1:07 am
Sawi a tam tawh a, mahni din na ngaihah kan la ding tham bawk!!
April 18th, 2012 at 1:11 am
Chemtea a rawn lut anga, min rawn hnial da leh vek dawn a..ka comment thui ngam hrih lo 🙂
April 18th, 2012 at 1:15 am
romans 14:14
April 18th, 2012 at 1:23 am
I know and am persuaded in the Lord Jesus that nothing is unclean in itself, but it is unclean for anyone who thinks it unclean.
April 18th, 2012 at 1:28 am
lrpa chu eng enge maw ni hi i sawi ve a.. heheh… hman chang changa Pele.. 😛 or (pepe)
April 18th, 2012 at 1:31 am
Lal no_nick, ka sawi anih lo khi!!. Romans 14:14 anih khi..
April 18th, 2012 at 1:31 am
no nick … bleh bleh
April 18th, 2012 at 1:32 am
@lrpa: Romans 14:14 tih ka hrelo a alawm mawle…! Bible chhiar tam ka ngai ani e.. 😛
April 18th, 2012 at 1:39 am
no_nick, ka google chhuah ve mai mai anih khi.. 🙂 Mahse..zu chungchang nen a in relate em tih ka hre chuang lo.. 🙂
April 18th, 2012 at 1:42 am
hahaha.. verse vel hi chu byheart vek tawh tur che lawm mawle.. Sunday sikul i tlanbo thin a ni maw ? @lrpa…
Sikret break!!
April 18th, 2012 at 1:45 am
no_nick, hei vang hian zu te hi nghei ve ula, gym-ah putar mawng thlir mai mai loin..nula mawng te thlir ve ta che.. 😛
April 18th, 2012 at 2:08 am
a vuak hot nan haha
“The Son of man is come eating
and drinking” (Luke 7:34 KJV)
April 18th, 2012 at 7:19 am
zu in ngawt hi sual anih chuan chaw ei ngawt hi sual ani. mizoten kan in dawn in enge kan rilrua awm kan hre reng. nangpawh ini ve em?. A duh tan chuan zalenna kan nei theuh e. nakinah tumah inchhir awih loh. Pu Rc-a’n Kan mizo lengzem hla sa thin pakhat (hming thup)chu chhawlhlawkna ah inchhir takin a awm a tih chu!! Lengzem leh zu hi chu thihna khawp ni lem lo SUAL ah ka ngai (1 john 5:16,17) mahse fimkhur erawh a tul.(1 kor 5:6)Pu Pawla’n nitin ka thi thin a ti si a, keini pawn hei Rom 8:13 hi kan tih ve a tulin ka ring. vanram kal duh chuan Pu Saint a thil phal chin te tih hma in hei Rom 14:15 hi ngaihtuah a tul ka ring bawk.
April 18th, 2012 at 7:39 am
Zet U ZU hi chu kan sawi ngun tawh bawka sawi ve lo mai ang.
Love song sak pawh hi sual a nihna ka hre lo. Pathianin mihringte hi inhmangaih dial diala awm turin min duh a. ‘Nangmah i inhmangaih angin i vengte hmangaihrawh’ te pawh a ti lawm lawm a ni lawm ni. Chu kan inhmangaihna tak chu thluk neiin kan puang chhuak a ni mai a lawm.
Tuna kan pastor senior tam tak pawh hian an tlangval lai te khan an bialnute pawh love letter thlum tak tak an lo thawn ve tawh thin ang. Khangte kha a thluk siamin sa sela sual a ni zel mai dawn em ni ang. Thluk nei lo sual lo, thluk nei sual a nih ber awm chu.
April 18th, 2012 at 8:26 am
Ka tel lovin ngati nge zu in lo sawi, mai mai lo chuan. 😛
tren tren
April 18th, 2012 at 8:27 am
Pl-a FB status hi kan rawn ru ve ang e: 😛
Kan tawngtaina te hi,
A chang chuan a chhanna hi,
Keimahni-ah a awmsa reng thin.
Zu te hi Pathian tihrem duhzawng ni se,
Engtitheitu hian a dahbona a va rei tawh dawn em!
Chutiang bawkin sualna leh thil tha lo dang zawng pawh hi.
Mahse mahni inthiar fihlim lova a sual a zawk dahbo tumin kan phe si.
April 18th, 2012 at 8:53 am
Tlem chuan a sual deuh…ti i la chu sawi tur ngah tak tak an tam viau maithei a ni!
April 18th, 2012 at 9:16 am
Zu heh tak pakhat chuan ‘kum 20 zu chuang ka in ve tawh a, zu in thiam pakhatmah ka la hmu lo’ a ti. A zu inpui te an in thiam lo pawh a ni mahna. Zu in hi sual ka ti miah lo, misual leh in thiam lo te’n an in hian a bawl (fuihpawrh) thei thung ni maiin ka hria…
Mahse, ka thawhpui vai tam tak hi, zu in thiam deuh vek an ni lawi si, ka hrethiam teh nuai lo ve… 
Keini Zopa tan zawng, a sen chi (eng brand ber nge ka hre law..
) man to taka lei ai chuan; nula tawih tak maiin, thingpui senhang min lum sak ngei hi kan la ngaihlu zawk. Mi vannei ka va ni tak em! 
Lengzem chungchang maw? Lengzem hla theihpatawpa sa thin mi tlemte; sual rawngbawl nana hmang thin te’n, an pianthar hnua lengzem hla sak an insum peih chuan lo insum rawh se. Kei zawng, suala tluk phah nan hmang lovin, Pathianin duhataka a siam tleitiri zunzam leh mawina hla te hi ka la sa zeuh zeuh dawn; Bible atanga Hla thlankhawm an paih hma chu…
April 18th, 2012 at 9:34 am
Ka comment ve dawn maw ni chu le
April 18th, 2012 at 9:35 am
99% in he post hi ka support. Zu hi amah ngawt hi sual ani lova, love song sak pawh sual ani lo
April 18th, 2012 at 9:43 am
# 51… * Kum 20 chuang zu ka in ve tawh… tih zawk tur…
Uluk taka edit ve hnu pawh hian a.. 
April 18th, 2012 at 10:05 am
Zu hi sual a lo niawm a sin, a intute hi a tisual zel mai. Mizo zinga zu in thin tam zawk hi chuan zu kan in hian kan danglam tlat, ka hrethiam lo. Kei chu Zu ka in chuan ka ngawi daih zel
Lengzem hi Pathianin mihringte inlemna atana a phuahtir ni turah ka lo ngai thin aaa
April 18th, 2012 at 10:42 am
‘Sual a ni em?” tih zawnga kan la a nih tak rau rau si chuan, Sual chi hrang hrangte atang hian han teh chhin ila, a fuh zawk ang em?
1. In-thlahchhawn sual (Original/Inherited sin),
2. Tih-loh sual (Omitted sin),
3. Tih-sual (Committed sin),
4. Ngaihtuahna sual (Sins of disposition),
Tehna 4 atang khi chuan, ‘sual a ni lo thei a’ ‘sual a nih theih dan pawh a awm ve leh thung’ Post-tupa leh #23 lr hlonchhing-te conclusion khi a dik viau-in ka hria… “a hun leh hmun” tih khi…
A hrim hrim-in, Mizo-te hian Kristian kan nih tak avanga lengzem, lenglawng, etc. avai vaia kan hnual-suat vek ringawt hi chu… kan rilru a zim deuh em aw? ka ti ve tlat nia! Sap tih-dan kan la rau rau a nih chuan, an tih-dan tha dangte pawh chhawm-in la ve ila
April 18th, 2012 at 10:45 am
ka’n intawhna lam kawiah….Dura chhawngthu hi….1926? …( Mizo lengzem hla hmasa ber a ni em aw..)….sawi huai awih..haha….
April 18th, 2012 at 10:50 am
komen 50 kan kai khat deuh bawk a, a lawmawm e. duhtawk ang u..haha..
April 18th, 2012 at 11:07 am
Zu hian a intu mihring nihna dik tak a tarlang thinin ka hria..love song hi chuuuu…H.Lalthakima sak ngat phei chu ka ngaithla kham thei lo
April 18th, 2012 at 11:18 am
‘Insum theihna te’
April 18th, 2012 at 11:24 am
Hmangaihna hi Pathian ka’n anna ber ni hian ka hria ve tlat….
Wine tlem dawm chung leh misual tak hian…….
April 18th, 2012 at 11:34 am
Hmangaihna hi Pathian ka’n anna ber ni hian ka hria ve tlat….
Wine tlem dawm chung leh misual tak hian…….
April 18th, 2012 at 11:53 am
Zu aiin Khawizu a thlum tui fe zawk…
Lunglen em em lai (khawtlang lunglen an ti em maw ni?
) ngeia, Daduhi zai han ngaihthlak vang vang te hian khawhar a hnem thin teh e… 
April 18th, 2012 at 12:25 pm
Dry leh hmak zel mai tur ale ale hairehai
April 18th, 2012 at 12:33 pm
awm khawhar chang hian,lunglen hnemah love song ngei mai hi kei chuan ka thlang leh fo…….! zu hi chu kan khel peih lutuk hian kan tilar zual ani ber,sual anih leh nihloh ah chuan kan synooood ngaihdan thlawp mai hi tha berin ka hria….!
April 18th, 2012 at 12:48 pm
Zu hi ka ngaihdan chuan cultural issue a nih hmel ka ti. Bible College pakhat a an zirtirtu pakhatin kan nupa chawei a min sawm chuan Cranberry Vodka min hlui a. Theitui pakhat angah ka ngai, ka in chhin a. An fapa naupang pawhin a in ve!
Chutiang bawkin love song pawh hi sual a nihna ka hre lo kei chuan. Kan nupa hian kan sa nasa in kan ngaihthla nasa khawp mai. A mah erawh chu, Love song naran aia sual lamkai hla maksak tak tak leh devilish deuh deuh tunlai khawvelah chuan a tam ka tia, fimkhur chu a ngai deuh. Adama pawhin Evi kha love song a nih kha a sak sak le Pathianin Evi a pek khan, ‘Bone of my bone, flesh of my flesh.’ A lovesong ṭiah ṭiah viai hian ka’n hre khawp a!
April 18th, 2012 at 1:01 pm
Mizoramah chuan tiranga pawh SUAL a ni leh mai a, hehe.
NOI (phiamthur pah)
Nakinah chuan inkhawmnaa kawt sut hak loh pawh sual ala ni zel mahna
April 18th, 2012 at 1:11 pm
Chhun reh deuh, khua lum bawk si ah hian Daduhi hla ngaihthlak luah luah hi a lo nuam a nih hi!
April 18th, 2012 at 1:15 pm
Tlangval pakhat pawh kha a thianpa in zu a khilai a. A rui luangpuam deuh tawh kha a khilai tu te a cho vel.
April 18th, 2012 at 1:18 pm
# 66…
@ aduhi… Ka sitail in kawpi chiang…
April 18th, 2012 at 1:56 pm
Ka support rem rem hle mai. Sual ni a kan hriat hi kan insiamchawp nasa lulai deuh ani. Nakin ah chuan Amish ho ang deuh reuh a awm ve te pawh ala ngai ang heti’ang reng2 chuan.
April 18th, 2012 at 1:59 pm
Zu chungchangah erawh chuan hriatreng a tan a ṭha ka tih ve chu, ‘Tute nge chungpik ṭhin a, tute nge lungngai ṭhin a, tute nge inhau ṭhin? Tute nge thubuai nei ṭhin a, tute nge a vang awm lova hliam tuar ṭhin a, tutenge mit sen rem rum ṭhin le? Zu hmuna awm reng ṭhinte, Zu chawhpawlh in ṭhinte an ni,’ (Thufingte 23: 29-30).
Kei chu chungpikte, lungngaihte, inhauhte, thubuai neihte, a vang awm lova hliam tuar te chu ka hlauh zawng tak a nia
# 70: Ka lawm e.
April 18th, 2012 at 2:31 pm
‘Boruak ngam na’n zu in te’ng’ ti dawn ila, ka zak lo thei viau a; ‘chaw ei tui na’n’ te ti dawn ila, zu in lovin Pathian zarah ka ei tui hluam hluam viau bawk si. Nula rim huai nan ti ve ngawt ila, rim tur ka hmu zo der bawk si lo
A.., Zu hi ka la mamawh hrih lo a ni ang e. Zu in lo hian ka sual viau tho si. Ka mamawh hun ah ‘cial ngat ka in ang… 
April 18th, 2012 at 2:41 pm
kan Dr.-a in ti hmu zo lo der vel hi…
April 18th, 2012 at 3:09 pm
# 73 hahahhaha…. zu mamawhna reng reng zu nei ve lo chia!!!
April 18th, 2012 at 3:13 pm
#69 khi ka tawng tawh hairehai
April 18th, 2012 at 3:13 pm
Tangka sum ngainat hi sual tinreng bul a ni….A aia pawimawh lo zawk hi kan khel nasa, kan ti punlun….A bul ber hi ‘phoro’ kher lo pawhin a thatloh zia leh Pathian duh loh a nih zia inzirtir nasa lehzual ta ila…
April 18th, 2012 at 3:14 pm
#77
April 18th, 2012 at 4:58 pm
Zu te chu kan khap a kan ti hluhlang mai mai mawle. Love song sak leh ngaihthlak em chu min khap sak tawh lo se…hairehai
April 18th, 2012 at 5:36 pm
Mi a pawh a ngawih reng chuan mifing a ni…an tia mi kha!Zu pawh a mah ngau ngau chuan sual a nihna awm chuang lo mah se, hmansual theih a nihna lai hi hriat a pawimawh zawk.
April 18th, 2012 at 7:34 pm
Zu hi Bagha kan thlen chuan a khel zawng chuan kan khel peih tawh lo thin…Wine shop pawh hmuhnawm thlirin la hmu ngai lo phei chuan an thir…