Thla khat liamta khan rilru na em em in ka awm a, zanah ka mu thei lo a, chaw ka ei ngai hek lo. Chhunah office ka kal a, ban velah ka room sir kil thim laia thut/mut hahchawlh kha ka thlahlel ber thin. A chang leh ka inngaihtuah lungpuam a, ka tap a, a chang leh zahna leh thimrimna te leh phuba lak chakna te in ka khat thin.
Chu ti reng reng chuan ka hun ka hmang thin. Chaw ka ei ngai loh vangin ka BP a hniam a, a tawpah phei chuan ka room pawnah chhuak thei lo hialin ka awm ta a. Ka nu in drip/saline min pe thin a, chu chuan tlemin chakna min pe ve deuh.
Tuk khat ka tho chu darthlangah ka han in enchiang a, ka lo cher tawh zia leh ka hmel dang em em te, ka mit khur duk mai te ka han hmu chiang mai chu(h); keimah leh keimah pawh ka in rap lek lek zawk. Ka inbuk vat a, thla khat chhung lekin Kg.10 in ka rihna ka lo hloh hman a nih chu! Rilru natna hian mihring hi min lo van ti chhe thei tak em!
Zankhat chu zan dang ang bawkin ka room light ka off a, ka awmna thin kil thim laiah chuan ka thu a, ka nu a lo kal a, min lainat tih hriat takin ka bulah chuan ngawi rengin a lo thu ve a,a hnu deuhah ka pa a lo thu veleh ah, an pahnih bulah chuan ka rilru natna leh mi in dik lo taka min lo sawi dan te chu ka hrilh a, phuba ka la lak let ve ngei tur thu te ka sawi bawk a.
Ka pa chuan “ E…Tete, phuba lak sawi te chu a tha lo asin, a sawi ringawt pawh a zahthlak, Pathian in min hmangaih em em a, a lak atanga thil kan tihsual leh a rilru kan tihnat apiangin kan chungah phuba la ve ta ang se, mihring hi dam tur kan awm tawh nang. Nangti nge chutiang vang ringawt chuan hetianga i awm? Ngaihdamna hi phuba lakna tha ber ania sin. Nang chu ka fanu rilru lian leh tumruh tak, luhlul em em mai, rilru huaisen tak leh hmangaihna ngah tak i nih kha, inti pachang ta che “ min ti a.
Ka nu chuan zaidam takin “Harsatna leh rilru natna te hi malsawmna ah a chantir theih asin, mihring siamthat nan khawdur a ngai ang hian, engkim hi a remruatna veka thleng ani. Pathian in kan tawrh zawh loh tur khawpa harsatna kan chungah a thlentir ngai lo, Amah hnaih turin a duh che a, chuvang chuan he thil hi i chungah a thlentir a ni“ a ti a.
Ka inngaihtuah harh zawk a, ka nu leh pa sawi chu dik ka ti khawp mai . A lo ni dawn tak e! Pathian hian Amah kan hmuh theih nan harsatna te, buaina te, rilru natna te kan chungah a lo thlen tir thin a lo ni. Amah aia dah pawimawh ka lo nei tam em a ni, ti in ka in ngaihtuah harh zawk a. Zan dar 1 velah ka nu leh pa nen chuan biakinah mahni theuh in hlan tharna nei turin kan kal ta a.
Kan pathum chuan Maicham/Pulpit hmaah chuan kan thingthi a, kan tawngtai ta a. Ka han tawngtai ve tur chu sawi tur reng ka nei lo… ka ruak ngawih ngawih a, ka thinlung hi pindan chi hrang hrang ang mai in ka hmu a ; phuba lak chakna pindan te, dik ni a inhriatna te, tlinglo ni a inhriatna te, zahna pindan te, chapona pindan te…a tam mai. Pathian chuan kan thinlung hi pindan hrang hrang a then lovin, hmun khata chhung khawm vek turin min lo duh a ni. Ka maimichhing a “ Sawi tur reng ka nei lo, misual mai ka ni Lalpa, min ngaidam rawh, ka vahbosan tawh lo ang che” ti in ka rilru zawng zawngin ka tawngtai ta a.Chubak sawi belh tur ka hre lo reng reng.
Ka tawngtai zo chu ka thawl huai in ka hria, min buk rittu zawng zawng chu lak bo in a awm ta! Chumi zan chuan ka nu leh pa inkarah ka mu a, ka naupan lai tih lohvah chuan khatiang reng renga thlamuang a mut kha ka la nei ngai lo. A tuk zing ka tho chu ka natna zawng zawng chu a dam huai in ka hria.
Rilru na taka min siamtu kha ka haw tawh lo, amah ka hmuh hmasak velah lawmthu ka la hrilh ang; Pathian min hnaihtir si a, chubakah ka chhungten min lo hmangaihzia min hriat nawn tir a, nu leh pa fate tana tawngtai reng thin tu ka nei hi ka vanneih zia min hriat nawn tir leh a, min hmangaihtu leh a der mai mai a min lo hmangaihtu ka hriat phah bawk a, a chungah ka lawm em em a ni. Hringnun hi a tha zawnga thlir dan ka thiam ve ta!
“Trapped in anger, you have to surrender the pain, Forgiveness heals… just when I learnt how to forgive, I have learned the way to live, life changes… Forgiveness is the sweetest revenge… “
Similar Posts:
- Hmangaihna.. Beiseina.. Rinna..
- Beiseina
- Awmze nei lo TAWNGTAINA
- Natna hi sual a ni em?
- The Oneness of God
May 2nd, 2012 at 9:08 am
Chhiar dawn teh ang.
Report this comment
May 2nd, 2012 at 9:11 am
A ropui ngei mai.
Report this comment
May 2nd, 2012 at 9:21 am
Testimony ropui tak a ni e…
Har hle mah se, hei hi ka’n tarlang hram te’ng…
Sual ngam chein awm suh la,thatnain sual chu ngam zawk rawh. Rom 2:21
Report this comment
May 2nd, 2012 at 9:21 am
Heihi ava ropui em!!
“Pathian in kan tawrh zawh loh tur khawpa harsatna kan chungah a thlentir ngai lo, Amah hnaih turin a duh che a, chuvang chuan he thil hi i chungah a thlentir a ni“
A ropui e, mahni inhneh hi a ropui a ni malsawmna i chhar phah ta hlauh si a.
Report this comment
May 2nd, 2012 at 9:28 am
Good for you.
Report this comment
May 2nd, 2012 at 9:38 am
Report this comment
May 2nd, 2012 at 9:38 am
Hetiang hi alawm, ‘HNEHTU AIA ROPUI’ chu. Hetiang khawpa rilru na leh hrehawma i awm lai pawha i ngawi tlat thei leh hminghmerha i beilet miahlo hi a ropui ka lo ti asin aw. Engpawhnise, Lalpa hnaìh reng hi a thain a him ber e.
Report this comment
May 2nd, 2012 at 9:53 am
Report this comment
May 2nd, 2012 at 10:09 am
Eilru a khawih
Thinlung a tawk
Suangtuah a tithui
A ropui e… a ropui e…
Report this comment
May 2nd, 2012 at 10:10 am
Rilru a khawih
Thinlung a tawk
Suangtuah a tithui
A ropui e… a ropui e…
Report this comment
May 2nd, 2012 at 10:17 am
‘Phuba reng reng chu keima laktur’ Pathian in a tih kha.
Report this comment
May 2nd, 2012 at 10:29 am
Harsatna (kan sual vang ni lem lo) hi kan chunga a thlenna chhan a awm a. Keimahni kan inhmuhfiah (hmuhchhuah) theih nan te, midang-te kan hriatthiampui theihna nan te, midang tana malsawmna kan nih theihna nan te, etc. a ni. Pathianin min rintawk em avangin (Joba ang khan) harsatna-te hi kan chungah a thlen-tir a ni bawk.
D.L. Moody pawh kha Chicago-a Pheikhawk dawrah a inhlawh thin a. Pawisa bo thu-ah rinhlelh a ni a, a hming chhe hle a. A pianthar hnu chuan Boston-ah rawngbawlna ropui tak a nei a. A rawngbawlna tlak that vanglai tak chuan, Chicago-a Kohhran hruaitute atangin Boston Kohhran (D.L.Moody-a rawngbawl mek na-te) chuan lehkha an dawng a, “Kha D.L.Moody kha rukru a ni, sum siam nan-a rawngbawla vak mai mai a nih kha, lo ruai chhunzawm tawh suh u. Keini hi amah hrechiangtute kan ni e” tiin. Boston Kohran chuan an Speaker rawih mek Moody chu an kova, “He thilah hian engnge sawi tur i neih?” an ti a. D.L.Moody chuan, “Kha pawisa bo kha ka ruk a nih lohzia Pathianin min hriatpui a ni. Amaherawhchu, Moody hi misual a ni a, Pathian hmaah hian tihsual leh tih dik loh sawisen loh ka nei. Sawi tur an hre lo zawk a nih kha… in thu thu a ni e” tiin a chhang a. Moody thusawi chuan Boston kohran hruaitute thinlung a hneh a, an ruai chhunzawm ta. Hun a lo kal a, hming chhe taka an siamna hmun-ah ngei Chicago-ah chuan “Moody Church” a ding a, tunah phei chuan “Moody Bible Institute” a ding tawh a. Moody Press, etc. Lehkhabu chhuah reng reng hi Pathian thu (theological circle) lamah chuan rintlak ber pawla ngaih a ni nghe nghe.
Ngaihdam leh Phuba lak loh hi Pathian rilru a ni. Upa-ten “Ngaidam la, theihnghilh rawh” an lo tih thin kha a zawmtute tan chuan Hnehna ropui tak a ni. Hla-ah pawh, “Thlemna-ah lut suh la, luh chu sual a ni. I hneh-in thlemna dang i hneh zel thei ang” tih a nih kha…
William Shakespeare pawhin, “Harsatna chhawr bawk thiam apiangte chu khawvela mi vannei ber-te an ni” a lo tih kha a dik-in, a pawimawh khawp mai.
Pathianin a ti-chakin, a hruai zel ang che
Report this comment
May 2nd, 2012 at 10:33 am
a van ropui dap dap ve le…
Report this comment
May 2nd, 2012 at 10:42 am
Tuarna phena malsawmna
Report this comment
May 2nd, 2012 at 10:46 am
Report this comment
May 2nd, 2012 at 10:51 am
Kum 4 chhung Silent Reader ni ve in,ka in register v ta. Ka vawi1 log in na a,Harsatna phena malsawmna chhiar thei a ka awm hi, malsawmna ropui tak ni in ka hria. Misual.commers te in zavai in chibai vek u le. Zak ru, inthlahrung em2 chung in,
….
Report this comment
May 2nd, 2012 at 11:02 am
Forgiveness is the sweetest revenge…
Report this comment
May 2nd, 2012 at 11:10 am
A ropui ka ti he post hi, a chhuah hun ka lo nghakhlel lutuk a. Mi ngaihdam hi thil harsa tak a ni.
Always forgive your enemies – nothing annoys them so much. Oscar Wilde
Report this comment
May 2nd, 2012 at 11:12 am
#16 Blandina welcome welcome. Inthlahrung suh, misual.com chu a zaktheilo apiangin nuam an ti.
Report this comment
May 2nd, 2012 at 11:15 am
avan thra in chhiar ava nuam ve…God bless you
Report this comment
May 2nd, 2012 at 11:23 am
Sual ngam che in awm suh la, thatna in sual chu ngam zawk rawh tih hi kei pawh tunlai ka thupui ani ve tlat!
Report this comment
May 2nd, 2012 at 11:28 am
Ava han tha em em. Thil pakhat ilo ti reng tawh maitheia, i tawngtaina khi ziak chuak la, thinlung natna i neih leh apiangin chhiarchhuak leh thin rawh, chu chuan chakna ape thar zel ang che.
Report this comment
May 2nd, 2012 at 11:29 am
Chuvang a ni maw i reh em2.
A ropui hle mai, Pathianin awmpui zel che rawh se
Report this comment
May 2nd, 2012 at 11:40 am
A ropuiin ka tluk lo hle mai che. Kei chu phuba lak ka la duh reng asin (vuak hot tum lutuk comment)
Report this comment
May 2nd, 2012 at 11:45 am
#19 U Aduh, thanks…
veeeery very gud post…
Report this comment
May 2nd, 2012 at 12:04 pm
# 19.. misual.com chu a zaktheilo apiangin nuam an ti…
misual.com-ah hian ka zaktheilo ngawtin ka hria.., awww(h), a nuam ka tih na… 
Tawrhna hi sawi mai hian tawrh a awlsam; a tawna han tawn chiaha, tuarchhuah hian a hlu zual bik…
Report this comment
May 2nd, 2012 at 12:10 pm
Blandina, i rawn U ve ngawt ngawt.. Pi pawh kan Pi tha ngamlo a..
A K-line mai tur che a sin.. hihi
Report this comment
May 2nd, 2012 at 2:13 pm
Aleje, sipai bang hi ka la bangbo em a tin ni…hui haaams…
Hringnun a tha zawnga thlir thiam thei tur a hnehtu ropui tak i ni hi i chhuanawm hle mai,..
Report this comment
May 2nd, 2012 at 2:14 pm
Tehzek che chuan.. chutiang ka nih pawh ka lo inhre hleinem..
Report this comment
May 2nd, 2012 at 2:53 pm
I harsatna hi ka hre ril lem lova mahse hriat erawh ka nei nual. Phalna la chunga comment ka ni tih min lo hriat sak dawn nia. Tin, helaia ka comment hi keima mimal ngaihdan diktak a ni.
Relationship hi hetia en ang ngawt hi a ni lova zahawm tak leh pawimawh em em a ni. Mi tute emawin relationship an lo neih laia tuemaw zawk zawk chanchin sawi vak mai zel hi thil tih chi loh tak a ni. Kan chhungkaw member tak tak, nu leh pate unau fa leh thian hnai tak tak kan nih lem loh chuan mi relationship a inrawlh hi tih ngai loh tur a ni.
Helaia hmel pawh inhmu mang lovin kan inhria a, mi sawichhiat theihna lai kan hmuh avangin tute emaw kan nau en a, kan fapa en der mai mai a. Chhungkaw hnai tak takte pawh an inrawlh miah lohna turah hian kan inrawlh a nih hi.
Nunthar i nei a, a lawmawm khawp mai. Pathianin a pui ang che. Ni dang zelah i harsatnate min share pui i duh chuan min lo email dawn nia.
Report this comment
May 2nd, 2012 at 3:14 pm
Ka lawmpui takzet che.
Keep on moving… Lion Heart
tren tren
Report this comment
May 2nd, 2012 at 3:55 pm
E khai, a va rupui em! Hetiang
tur hi a ni. Hringnun chu tahna leh hlimna in chhawk tawn vel hi a ni. 
Report this comment
May 2nd, 2012 at 4:10 pm
Tawngkam thiam vak lovin sawi ta se:’post-tunu chu a PA hle mai‘ an ti mai thei a ni…
Report this comment
May 2nd, 2012 at 5:07 pm
Ka like nawn mawlh2 e..
Report this comment
May 2nd, 2012 at 5:09 pm
Post ropui tak a ni, ka ti lo thei lo. A post-tu hi ka tluk lo takzet. Bible-ah hmelma te hmangaih min zirtir a, a post-tu chuan a hlen chil chial (hmelma a neih phei chu ka hre law). Ka theih loh tawp tur a ni. Hmelma ka neih chu ka hre lo va, lo nei pawh ni ila ka hmangaih thei kher lovang. Ka hmangaih theih chuan ka hmelma a ni lo tihna a ni mai.
Post ropui tak a ni.
Report this comment
May 2nd, 2012 at 5:23 pm
A va tha ve. Ka Nu hi ka pa Thih in thla 3 Mu miahlo in, chaw a ei thei lo a, thingpui chauh a in thei a, kg 6 in a rihna a loss a.Mutna damdawi vel i eivak a mi i van loss tam em em.mahse Pathian thu i sawi a.lawmpui awm lutuk
Report this comment
May 2nd, 2012 at 5:41 pm
Chaw/chawhmeh ei theih loh (damloh vang ni lo, duhtui vang pawh a ni mai thei
) te hi a hrehawm; chutiangin, midang te ei theih loh (mi changkang deuh phei chuan ka digest thei lo an ti talh talh a ni lo’m ni kha..? 
) fo te hi tih duh miah loh tur. A tuartu chu keimahni chiah kan ni… ti tel hram te’ng.. (inthlahrung chung chungin…)
Report this comment
May 2nd, 2012 at 5:57 pm
#36..elly.. Nia weight ka loss nasa khawp mai, mihring hi kan in ang lova, a then chu thil ei vak lo pawn an thau hma em em a, thenkhat erawh thil an ei teuh pawn an thau thei chuang lova… A thau chi ka ni lo ve hrim hrim a, weight gain hi ka hatsat a, mahse ka damloh deuh hi chuan ka loss nasa thei hrim hrim..amak a nia… Ahma in Kg 47 ka nia, tunah Kg 37 ka tling lo male…ka chher chhe fere tawps…lolzzzz
Report this comment
May 2nd, 2012 at 6:09 pm
Kg.37.. Va cher awm ve o..Feet 5 leh inches 5 ka nia. I rihlet dawnin ka rit..
Report this comment
May 2nd, 2012 at 6:15 pm
Mihring hi cher mi kan awm a, a cher chi hi chu thil eitui viau pawh hian thau a har khawp mai. Keipawh hi 5.1″ ka nia, 49kg ka tling hram. Thau lo ve tak ka nia. Teteii pawh a cher chi i nih ve hmel a, mahse 37kg em em te chu
Report this comment
May 2nd, 2012 at 6:31 pm
ngaihnawm ve
Report this comment
May 2nd, 2012 at 11:28 pm
ka sawi thin kha, engpawh kan chungah thleng se, hlawkpuinan hman tum ila a tha asin aw. Mahse kei ngei pawh hian ka thei lo fo asin. Ka lawmpui ltk che ti daih teh ang.
Report this comment
May 2nd, 2012 at 11:45 pm
Welcome back Tete. Kan ngai lutuk che a kan dal ei pawh tumah a tui lo! Chhun mu pawh kan chhing theilo!
Tun karah pix thar kan beisei nghal..hehe! Very very gud post. 
Report this comment
May 3rd, 2012 at 12:45 am
Post ropui tak ani e.
Report this comment
May 3rd, 2012 at 1:03 am
heite hi Martin Luther king sawihi kan thailang ve teh ang “Returning violence for violence multiplies violence, adding deeper darkness to a night already devoid of stars… Hate cannot drive out hate: only love can do that.”
Tite hian han tlip leh dawn ila:-
someday we will look into the face of Christ who suffered and died for us. When that day comes do you want to remember that you refused to forgive someone, whom you did not love him or her? When that day comes do you want to remember that you despised and hated and struck back? Or, when that day comes do you want all to see that you were like your heavenly Father?
Report this comment
May 3rd, 2012 at 11:47 am
post tak anih hi
Report this comment
May 3rd, 2012 at 8:15 pm
(signl muan luat avangin a vawi 6 na atan kan try leh lawk teh ang…. grrrrr) Ka fanu, hetiang em hian i lo tuar a ni maw. I tuar tih chu ka hre tho a. Facebook ah i in deactivate phah bawk a… Mahse happy ending i chang a, ka lawmpui a che. Khi ending khi a lo pung zel tur in ka duhsakna ka hlan a che…
Report this comment
May 4th, 2012 at 11:53 pm
A ṭha khawp mai. Phuba lâk hi chu a chakawm ṭhin a, mahse hlimna a awm lo. Post
Report this comment
May 5th, 2012 at 1:28 am
Rih lam in sawi in sawi a ka comment ve lo thei lo! 5.6″ vel ka nia, 47-49 kgs vel ka nih lai khan ka lo van chhe ban awm tak ka ti, mahse pics vel ka en chuan ka danglamna em em poh ka hre chuang lo. Tunah chuan 56, 57 ka ni ve ta deuh reng mai. Ti chung hian cher tih ka la hlawh tho, ka dul erawh a kiar tha top..
Report this comment