Political Field-a sawi hlawh ber pawl, tun sorkara VIP, India sorkar pawhin a ngaih pawimawh, retheite chungchang hi ngaihtuah tham a ni a. Engtin nge an lo changkan ve ang tih chu sorkarin a ngaihtuah ber pawh a ni.
Kawng dang deuhin ngaihtuah ila, heng mi retheite hi engvanga rethei nge an nih? Sorkar thiam loh nge anmahni? Anmahniah eng chen nge retheihna tibo turin tih theih awm ve tih lam pangte hi chhut tul ka ti ve mai mai thin. Heng mi rethei tia kan sawi thinte hi sum leh pai mamawh khawp an neih loh vanga rethei ta an ni ber a, a tawi zawngin an hausak loh avangin an rethei a ni!!
Ka ngaihtuah ve danah chuan mi rethei hi chi hnih an awmin ka hre thin a, chungte chu –
1. Dinhmun chhiat vanga rethei : Mi taima, tuarchhel leh inhuam, a tul apiang thawk hreh hauh lo; mahse, an dinhmunin a zir thlawt loh avang leh remchang (chance) an hmuh ve loh vanga rethei ta an awm. Ban khur laia inhlawh duh se, chutianga inhlawhna chu an hre lo va, eng hna thawh pawh inhuamin peih mah se, chutiang chu an hmu lo. (Thenkhatin ‘chana kang pawhin chhungkua an chawm a, thawh turte chu a tam lutuk’ kan han ti ngawt thin tak na a, a tawngtu azirin a ni ngawt hauh lo. Mitin tan thil engkim hi a rem vek lo va, rem ni se Engineer hlir nih emaw kan tum ang a, a nih loh pawhin Bill Gates-a thawh ang thawka hausak ve kan duh ang chu). Hetiang mite tan hi chuan tutenemaw an rawn pui a, an khaichhuak a nih ngawt loh chuan kawng a vang a, hengho hi NLUP mamawh tak taktute leh pek ngei tlak an ni.
2. Thlahdah vanga rethei : Sum lakluhna nei, la lut thei, lakluh pawh tlem hran lo, inthlahdah vang liau liaua rethei an awm. Nimahsela pawisa hman an thiam lo va, khawl pawh an thiam chuang lo. An pawisa hmanna rilru chu mit leh ka duhzawngah a innghat a, chutiangah chuan sum pawh an hmang tam ber. Eitur duhzawng leiah an insum lem lova, thawmhnaw leh mitin a itzawng chu an nei mai thei zel bawk a. Pawisa hmang thiam chi (mi inren?) te chu ‘vanah a chhawm dawn chuang lo’ ‘damchhung tawi tea inren chiam a ngai lo, kan hmang hman nang’ ti tea inhnem an ching. Tak takah chuan hengho hi rethei tia koh tlak an ni lo va, rilru nei deuh se khawsa pangngai thei tur an ni hlawm. Heng hman/khawl thiam loh vanga retheite hian NLUP pawisa an mamawh a; mahse, pek tlak an ni lo.
A hnampum ang hian helam kawngah hian kan la sang tawk lo emaw ni dawn le? Hetiang chi hi mi rethei tia sawi chi ni lem lo sumdawng leh sorkar hnathawk teah pawh tam tak an awm. Kan nau pakhat chu, nupui fanau chawm a ni a. Kuhva a ei a, cigarettes a zu a, zu a la in zui a. Ni khata a hlawh ngaihtuahin chutianga khawsa tur an ni si lo va, han zilh lahin a sawt hlei lo va. An nu lah a ho ve bawk, secondhand te hi an neihchhunin a lo thing leh chiam thin a. Damlo hlek se, Rs 1000 a tlin tawh hi chuan kut an dawh lo chauh zel mai a. Damdawi ina thawk mi pakhatin fiamthuin, ‘vai bawng chaw phurte hi damdawi In bill-ah an buai ngai miah loh laiin, mizo thenkhat chu neih hmel deuh, inti lal hrawn hrehawm tak leh chapo takin an rawn in admit a, bill pek a lo hun chuan an buai leh si a, mi ta puk/dil phawt ngai an ni fo’ a ti a. Hetiang lifestyle hian corruption a hring a, dik taka hausate kan awih theih loh phah bawk a. Hei hi mi tam tak dinhmun mek a ni.
Tichuan, mi rethei 1-nate khi sorkarin tanla lehzualin han chawikang thei sela, rethei 2-naten insiamtha hret bawk ta sela chu kan ziaawm tlang mai awm asin. Ma’rawhchu, a ngai reng kan nih erawh chuan eng ang pawhin kan sorkar hian VIP ah min dah mah se, light chhi lo chi VIP kan nih reng a tul dawn a ni.
Similar Posts:
- Min ti harh tu atan Zu!!!
- Rethei te kan rethei zual zel dawn!!!
- Driving License Lem tih kiam nan
- Naya pawisa
- An hrosa ve vak vak lo, an ti mai….
May 2nd, 2012 at 11:38 am
Chhiar phawt ang.
Report this comment
May 2nd, 2012 at 11:43 am
Mi rethei tehna chu an ei leh in (calorie intake) lamah ani dawn lawm ni? Ni khata vawi hnih tal puar khawpa ei an hmuh loh chuan rethei anga ngaih tur an ti. Tehna dang chu ni kata cheng 68 la lut emaw chaw calorie 1000 ei tur hmu chin chu retheia ngaih anni lo, an ti bawk.
Report this comment
May 2nd, 2012 at 12:00 pm
Ziak tha hle mai. Kan retheina chhanah hian mawhphurtu pahnih, i sawi ang khian ‘Sorkar’ leh ‘mahni’ kan ni chiang khawp mai. Khawi category a awm nge kan nih inchhut a, insiamthat tum a pawimawh ang, kan theih chin chin ah.
Report this comment
May 2nd, 2012 at 12:24 pm
Thatchhiat vanga rethei hi an ngeiawm…kei chuan hetiang hi ka hmuh tam ber te an ni tlat leh nghal, nutling, patling, mahni inchung pawp thawm tur pawh a sorkar a tanpuina beisei tlat ang chi ho hi ka ten tawp
Report this comment
May 2nd, 2012 at 12:38 pm
vai bawng chaw phurte hi damdawi In bill-ah an buai ngai miah loh laiin, mizo thenkhat chu neih hmel deuh, inti lal hrawn hrehawm tak leh chapo takin an rawn in admit a, bill pek a lo hun chuan an buai leh si a, mi ta puk/dil phawt ngai an ni fo…
Post tha tak leh ngaihtuah tithui tak a ni…
Rethei dang pakhat: RILRUA RETHEI. Sawrkar hnathawk tam zawk leh, kan ram hruaitu, hlawh tam tak nei chung si a, sum tam zawk it avanga, sum thuaikawi theih apiang thuaikawi duha, mahni hmingthatna hralh duh hiala hausak chak ho hi, an lainatawm thin ka ti…
Report this comment
May 2nd, 2012 at 12:39 pm
Retheihna tam ber hi sorkar kalphung diklo in a hrin ka ti ve tlat
Report this comment
May 2nd, 2012 at 12:43 pm
Tin, retheih hrim hrim hi a zahthlak loh, thatchhiat leh mawl vang a nih loh chuan…
Report this comment
May 2nd, 2012 at 2:32 pm
#3
Report this comment
May 2nd, 2012 at 3:14 pm
Theologian 1 chuan, “Silh-leh-fen tur leh Ei tur nei lova thi an awm laia Millionaire nih hi sual a ni” a ti mauh mai!
Bible hian a eng-ang zawng pawha “rethei” hi a ngai pawimawh em em a, keini pawhin ngai pawimawh ve ila, a tak takin chawikan i tum ve ang u.
Report this comment
May 2nd, 2012 at 3:16 pm
A dik khawp mai, rethei tam tak te hi chu khai chhuak turin sum tam tak pawh pe mah ila a hman dan an thiam miau loh avangin an ti ri ral leh mai mai ṭhin a ni. Bible pawhin “Sum pei pun aiin a peipunna thinlung a ṭha zawk” a tih ang deuh khan a kawltu rilru siam ṭhat zet loh chuan pek ṭeuh pawhin a khaiding rei tak tak thei chuang lo a ni. Chuvangin a sum a in vur aiin zirna kawng ah te awlsam zawka an luh ve theih dan tur te, an in zir ve na tur kawng zau taka hawn sak hi NLUP ai pawhin a pawimawh zawk a ni.
Education a mi a ṭhan len phawt loh chuan uneducated aṭang chuan mi khai din a har ang. Sum ngah hi hausakna bul a ni kher lova, rilru hi a mature phawt a pawimawh. Tin, pakhatna retheih chhan ang ah khi chuan sorkar thiamloh a ni tlangpui. Miin thawh a chak em em, a thiam thil a thawh tur a neihloh chuan sorkar rorelna fello lam an ni duh chawk.
Report this comment
May 2nd, 2012 at 3:33 pm
Report this comment
May 2nd, 2012 at 3:36 pm
Retheihna leh vanduainain min chim lai tak tak chuan ruaithehnaah vawksa buhchiar pawh hmeh mah ila, kan hmazawnah a sa a awm ve thei lo.
tren tren
Report this comment
May 2nd, 2012 at 4:17 pm
In tirethei leh rethei inti ngawih ngawih pawh an awm ve tho awm e a.
Report this comment
May 2nd, 2012 at 5:13 pm
Rethei ka in ti a,mi pawhin rethei min ti bawk.. Thatchhiat vang hrim2 a rethei ka ni tih hi sawi pawh ka zak lo!
Report this comment
May 2nd, 2012 at 5:47 pm
@ Dr.John, i sawidik ngawt mai.
Report this comment