KA EXPERIENCE
by Mala Joseph
Nikum (2011) chhûng khan Zirlai hruaitu ka nih vangin Delhi-ah Midum leh a kaihhnawih thildang avangin mi tam tak ka lo buaipuiin ka lo kâwm kual ve a. Mi 5 inpuanna leh an chanchin ka ngaithla a, midang 30 vel chu thihna leh a kaihhnawih buaina dang vangin kan buaipui bawk. Hre bik ka intih vangin ka lo sawi dawn lo va, mahse, ka hriat chhun, MI TAWN NI LO, KEIMA TAWN NGEI ka lo sawi mai ang.
Delhi-ah bak ka awm loh avangin state dang chu ka hre lo, mahse, Delhi ka sawi hi chu a dik vek a ni.
ENG MIDUM NGE?
Delhi vela midum an kawp ṭhin hi Nigerian an ni deuh tlangpui a, Togo, Sudan leh Ethiopia te pawh an awm ve bawk. A tlangpui chu a hmingin Christian an ni ve bawk. An zinga tam ber eizawnna chu smuggling leh mi bum vel hi a nih avangin Delhi Police te pawhin an hre hle. Midum pakhat hi a hming leh a pianhmang sawi ta ila, hun reilote chhûngin Delhi Police te hian an chanchin leh an awmna te min hrilh nghal vek thei. Tin, sum leh pai an ngah avangin an tâng rei lutuk ngai lo. Sum an ngah a, mahse, lehkha thiam mang lo leh sapṭawng pawha ṭawng thei mang lo an ni fur. A tlangpuiin broken English leh Mizo ṭawng leh zaizir tein an inbe ṭhin.
TUTE’N NGE KAWP?
Mizo nula/nuthlawi midum kawp tam ber hi chu SPA-a (therapist/beautician etc) thawk tura lo chhuk hi an ni tlangpui. MAHSE, CHIANG EM EMA KA SAWI DUH CHU, SPA-A THAWH HI A HLAUHAWM KHER LOH. ENGA MAH HMAA SPA-A THAWK KAN ENTLEU HI CHU A DIK LO, PATHIAN THU BAK SAWI TUR HRE LO LEH NULA FEL BIK, SPA-A THAWK HI KA HRE ṬEUH. MIPUI AN THUHMUN FO THEI LO TIH KHA HRE NAWN LEH ANG U.
Tin, kum hmasa lamah pawh midum avanga kan buaina neuh neuh avangin midum kawp ṭhin engemawzat kan ko khawm a, chung zingah chuan zirlai hi an awm ngai lo bawk a ni.
A kawptute zingah hian lehkha thiam sang lo (BA zir phâk leh Call Centre-a thawk phak hi an awm ngai meuh lo) A tlangpuiin hna thawk ṭha peih lo leh mahni hnaa lungawi loh avanga bâng, haw leh hreh tawh si hi an tam ber.
ENGVANGIN NGE AN KAWP?
Midum kawp chhan hi chi hrang hrang a awm a, a tlangpui ka hriatte chu:
1) Nawhchizuar/Midum kawp tura lo chhuk hrim hrim, a awm sate’n an chahthlâk an awm (chhûngte bulah chuan ṭhiante/chhûngte awmpui tur emaw, hnathawk tur emawin an insawi).
2) Hnathawk tak tak tura lo chhuk, mahse, hna an duh ang leh beisei ang hmu lo, haw leh hreh tawh si, chhûngte bula hna ṭha tak thawk angin an insawi tlangpui (nula pangngai leh thianghlim pangngai chu an ni ngai meuh lo, chuvangin Mizoram lama nula fel tak ni sate chu an ni ngai lem lo. Mahse, 2009 kum khan nula pakhat midum kawp a awm ve tho va, kha erawh kha chu a kawp chhan tur hriatthiam harsa khawpa nula pangngai a ni; mahse, a ni ang kha chu an awm leh tawh lo).
3) Midum kawp reng reng hi chu Broken Family aṭanga lo chhuak hi an ni deuh zel a, haw dawn pawh ni se hawna tur mumal nei lo an tam khawp mai. A ṭhen erawh lerh leh hur vang chu awm bawk mah se, a pawng a puia hmuhsit erawh kei chuan ka duh ve hauh lo. Hmeichhe pakhat chuan, “Black kawp hi ṭha ka ti lo, mahse, nu leh pa ka nei lo va, hawna tur ka neih loh avangin Mizoram-ah haw châkna ka nei lo. Mahni inchâwm a ngai a, lehkha ka thiam bawk si lo va, nawhchizuar tura lo chhuk ka ni a, mahse, ka hur kher lo. Mi hrang hrang kawp kual ai chuan mi pakhatin min châwm theih chuan a ṭha ka ti tho,” a ti.
4) Rualawh vanga midum kawp hi an tam ber hial awm e. Mizo nula tam takin (AN VAIIN KA TI LO) an châk chu — a) Pawisa tam tak neih. b) Thawmhnaw thar lei. c) Pub vela intheh vel. d) Sex (mi ṭhenkhatah). Hen’g zawng zawng hi package khatah a lo kal a, chu chu midum leh vai hausaah te an ni. Intihchangkan kan tumna avang hian kan zahawmna kan hloh nasa khawp mai. Hei hi engtia siamṭhat chi nge pawh ka hre lo.
Midum kawp zingah hian thingtlang mi leh khawpui mi an inzat reng a, mahse, khawpui mi-ah chuan nun tlabal leh khawsak harsa lam deuh an ni zel. Hei hian kan rualawh dan awmzia leh intihchangkan kan châk dan hi a hril thui hlein ka hria.
5) Ruihhlo vang: Hetianga midum kawp reng reng hi chuan ruihhlo hi an duh tlangpui a, duh lo te chu an awm tho mahna (mahse, ka la hre ve chiah lo). No. 4 etc. vel zuar ṭhin ni mah se a kawptute hi chuan Mizovin kan ruih ṭhin pangngai Proxyvon etc. vel bak hi an rui ngai meuh lo. A tlangpuiin inah damdawi an rui a, party-na velah chuan zu an in thung.
6) Midum tam tak hi mi bum leh sual dang tihpui theih tak an ni a, hetiang aṭang hian sum tam tak a neih theih avangin an inkawp bawk. North East mi reng reng chu hmelhriat ngah tak kan nih avangin bialnu te nena inthuruala mi tam tak bum hi an tum ber pakhat a ni bawk. Tin, anmahniin bank account an neih theih loh avang hian an bialnu te bank account an hmansak a, sum tam tham tak kha awlsam têin a lutin a chhuak fo thei ta a ni. (Hetianga sum lut leh chhuak a tam lutuk hi chuan rinhlelh an ni fo va, a account neitu khan man te pawh an tâwk hial ṭhin. Chutih rual chuan mi sawi pakhat ka nuih tiza em em chu, nula pakhat chuan a account-ah sum tam tawk a lo lut chiah tihah a bialpa midum chu Mizoram lamah a hawsan hmak tih hi a ni).
NU LEH PA TAM TAKTE PAWH HIAN AN FATE’N SUM AN THAWN AVANG RINGAWTIN NGAIH TIṬHA SUH SE.
7) Hur herh vang: Hei tak hi chu a awm ngeiin a rin theih a, mahse, ka kawm ve tawh ho hi chuan an hur vang a nih loh thu min hrilh vek. Awih tur nge tur lo pawh ka hre chiah lo.
8} CHANCE: North East mi reng reng hi chu bum theih tak leh rilru ṭha tak kan ni tlangpui a. Kan veng leh hmun ṭhenkhatah chuan, midum reng reng hian tlangmi hmel pu hi chu an hmuh veleh hian “Hi Baby” emaw “Hello” emaw hi an lo ti ringawt ṭhin a ni. A chhan chu chutianga risk fuh tak chu hman aṭangin an lo neih fo tawh vang a ni. Restaurant-ah te hian tlangmi (Mizo pawh tiamin) lo châwl ta se, midum tlangval chuan an ei man a peksak hreh miah lo, chumi hnua ṭhiana siama khawsakpui kha a tum ber ṭhin. Chutianga a veh taka an veh chuan insum theih loh palh te pawh a lo awm thei a ni mahna (nun khawlo ve tawh tân chuan). Midum hovin kan nulate an veh ang leh sum leh paia an vûr ang hian tlangval ho hian ti ve ta ila, lengtar kan awm lo hial ang chu.
ENGTIN NGE AN INTAWN?
A tlangpui chuan Midum kawp tura lo chhuk hi chu an ṭhiante’n an chahthlak hi an ni tlangpui a, an ṭhiante’n tute emaw hnenah an introduce ṭhin. Chutiang ni lem lote chu pub-ah an kal a, an intawng ve mai. Tin, pub velah te pawh hian midum ho hi chuan an mutpui theih tur leh kawng tinrenga an hlawkpui theih tur hi an melh ve reng bawk ṭhin a, intawn chu a harsa lo khawp a niang. Tin, hmannia kawng sira lo ṭhu ka hmuhte pawh kha midum ho khan an duh duh kha an va kai hrang mai a, in-park-na hmun ve deuh te pawh an nei a ni ngei ang. Mahse, hetiang takah hi chuan Mizo hi chu an tam hmel vak loh.
MIDUM KAWP ṬHAT LOHNA
Midum kawp tawh reng reng chu an ngaih hi a sam em em tawh a, OD a thi kan nei ta nual mai. Nikuma Delhi aṭanga ruang kan thlah tam ber kha ruihhlova inhnamhnawih leh midum kawp an ni. Midum ina thi pahnih kan nei bawk. An vaiin zirlai an ni lo vek a, hnathawk tura lo chhuk, mahse, thawk peih ta lo an ni deuh fur. Tin, ruihhlo lama fihlim lo an ni vek bawk. Chuvang chuan CHHAN HRANG HRANG VANGA THIH AN HNAIH BIK.
Tin, Midum ho hi mi nunrawng tak mai an ni a, tualthah te chu an hreh lem lo. Nikumah pawh Police hovin ruang identify turin min rawn ko va, a chhan chu midum pakhatin a bialnu a that a, a ruang kha bag chhungah a lo khung vang a ni. He ruang hian a ipte-ah Mizo nula pakhat electoral ID photocopy a lo ak a, chumi chungchangah chuan a ni. Hetiang vela râwng deuh deuhva mi thah hi an hreh lo em em a ni.
Hemi ṭuma a mitthi ruang identify tura North East Pawl hrang hrangin kan nula awm ṭha duhlo te kan han kalpui mai chu, hnamdang pawhin an lo ngah ve khawp mai. Keimahni-ah pawh a hmaa kan la hriat lem loh te pawh kha police nena kal kan ni bawk a, min lo hlau lutuk a, an inhêk zel a, a kawp ṭhin chu kan hriat phah ṭeuh.
Tin, midum kawp ho avanga hnamdang (vai) hote’n min hmusit leh min entleu hi chu a tuartu nih chuan hrehawm tak a ni. In luahah te harsatna kan tawh phah châng a awm a, keimahni ang hmel pu hrim hrim in luahtir duh lote pawh an awm phah a ni. Tin, vawi khat midum kawp nula pakhat a thihin kan case IO pakhat chuan, “Engati nge in nulate hian midum hi an kawp reng theih a? Keini phei chuan an buaina hi kan hre ngun si a, a mak kan ti takzet,” a tih chuan ngaihtuah a tithui khawp mai. A bak kan hnam tana a pawina leh kan rilru leh HIV put darh tih vel kha chu ka sawi ve lo mai ang.
Hengho buaipui hian nikum chhûng khan kan chhuak nasa ve viau a, a tlangpui chuan min rawn pun ngam hauh lo. Mahse, mi fel pangngaite nena an buai hian a mifel zawkte hian min rawn pun ta ṭhin a. Chanchin ngaihnawm lo tak tak pawh a tam khawp mai.
* Vawikhat chu kan mitthi kha midum ina thi a ni a, a ṭhiannuin ‘A thawn hawna tur chu ka tum ang’ a lo ti a. Tichuan, pawisa chu min pe a, a senso zawng zawng kan rulh lêt hnu chuan a thihdan hi uluk taka chhui a ni ang a, a thihna hmun neitu midumpa pawh kha an la chhui ngei dawn tih kan IPS pakhatin a sawi hnuah chuan a ṭhiannu chuan mi rawn chhuahchhal a, a ṭhiannu bialpa midum tho pawh chuan mi rawn bia a. “Mizo ho ve hi, pawisa ka pek hnuah che u engvangin nge buaina ka la tawh ang?” a rawn ti a. A pawisa a nih pawh kan hre si lo va, a bialnu chuan a ṭhiannu ruang thawn hawna tur a lo dil lek chu niin. Hemi ṭum hian midum vauna te pawh ka dawng hial.
* Kan ṭhianpa pakhat chuan midum ina thi nula pakhat a paw thla a, a puak laiin a la zunkhum zui.. Chumi hnuah zet patling nuih heh ve tak pawh a thinchhe khawp mai.
* Police-ho leh doctor-te hian kan mitthi te hi damdawiina hruaitute zingah midum an awm chuan an ngaih a ṭhalo ngei ngei, case hi a serious bik ziah (sawi buai tur leh chhui tur a titam a, nikhatah ruang hi thawn tur pawhin lehkha tihfel tur a tam si a, kan IPS te leh MP te ṭangkawpa theihtawp chhuaha beih a ngai hial ṭhin).
* Vawi khat chu midumpa hian a ina thi kan buaipui laiin ‘top-up thun ka ngai’ a ti a, a lo tlanbo daih. Investigation ti tura a ina kal a ngai si a, tumahin kan hre si lo va, kan MP zahawm tak Pu CL Ruala hovin kan nawr a, kan ti thei hram.
* KA SAWI DUH PAKHAT CHU, THLALAK AN TARLAN ṬHIN ṬHENKHAT HI CHU A DIK VEK BIK LO. KAN COLLEGE KAN KAL LAIA GHANA AMBASSADOR FAPA TUAI LEH MIZO (?) NULA THLA AN LO POST PHEI CHU KA NUI RINGAWT. Khapa khan North East mi bak a kawm duh lo va, thla a lakpui hmeichhiate kha fawh khat pawh a fawp lo tih ka chiang. Mahse, comment chu a turu khawp mai…hehe
(Ka sawi hi Delhi bikah a nia, hmundang chu ka hre lo. Capital letter a ka ziak ho hi uluk takin in lo chhiar nawn dawn nia).
A pawimawh em a, ka rawn post chhâwng. Kan hmana kan chhiar peih chuan he’ng a hnuaia mi te hi chhiar bawk ang u.
1. Midum kawp Chungchang
2. Midum kawp hi
3. Midum ngawt maw kan buaipui tak le?
4. Whistle Blower Part-11 (Midum kawp chungchang tlem)
5. Enge i ngaih ve dan??
6. Phai-a awm turin i tlâk em?
Similar Posts:
- Midum Kawp Chungchang
- Whistle Blower Part-11 (Midum kawp chungchang tlem)
- Midum Ngawt maw kan buaipui tak le?
- Midum kawp hi
- kan hmeichhiate..
May 9th, 2012 at 5:13 pm
Midum kawp suh u. Mivar kawp rawh u, tih ani, Tuasial post hi.
Report this comment
May 9th, 2012 at 5:30 pm
Hei chu thulai la taka mahni tawnhriat ngei atanga ziah ani bawk a, a dik hmel thlup mai. Ka awih zawng tak a ni. Mizo Tlangval Pakhat tawngtaina(comment) kha ka duh khawp mai. “AW LALPA HRELOVA MIDUM KAWP HREP HNU MIZO NULA NUPUIA KA NEIH PALH LOH NAN MIN VENG ANG CHE” Tlangval la ni ta ila, ka tawngtai hla ve tho tur a ni.
Report this comment
May 9th, 2012 at 5:50 pm
Midum ber kher lo kawp duh ho hi chu ka ngai class sang vak lo.
Report this comment
May 9th, 2012 at 6:05 pm
A dik hmel viau…lung erawh a awi zan lo. Midum hmeichhia hi hlawh neia kawp tur ni ta ila ka peih pawh ka ring lo
Report this comment
May 9th, 2012 at 6:12 pm
A sawi pawh ka sawi belh peih love.
Report this comment
May 9th, 2012 at 6:13 pm
A chhan berah chuan kan nula tam zawk te hian hnamdang deuh leh PAWISA( a pawimawh love tihna niovin) hi an dah sang em a ni, kan ram a la rethei ang reng si a,khawvel dang TV,internet adt adt atang hian kan hmu hnem si a, han dem vak ngaihna hi kei ka hre thin lo. An khawngaih thlak erawh ka ti thung……….
A pawimawh ber ah chuan YMA, Zirlai pawl leh tlawmngai pawl leh a dangte hian phut let nei lova rawngbawl a ngai tawh tihna ni mai ah a ngaih theih e………Ziak tha khawp mai.
Report this comment
May 9th, 2012 at 6:16 pm
Anni vang hian mizo hmel pu hrim2 Midum leh Vai ho hian Engtik lai pawh a in peih reng tur in an ngaih phah bak ah min hmuhsit na ati zual sauh ani.Hetiang mi hi chu Hnam hruaitu te hian tih dan an hre lo emaw ni le…?!!!
Report this comment
May 9th, 2012 at 6:36 pm
MIDUM, MIDUM, MIDUMMMMM.,,,,Fb lam ah chhiar zo chiah a, hetah kan chhiar leh nghal a… sawi pawh ka sawi peih tawh lo….
Report this comment
May 9th, 2012 at 6:54 pm
Ke experience loh lam tak a ni mai a, kei zawng.
Kan khaw vcp pakhat pawh mihur hnawtchhuak turin yma leh khawtlang hruaitu ten an sawm a, a ni chuan ‘mihur mihur tih pawh hi a tituah tan loh vang mai mai, a tituah han tang ila kan ngawi hmak mai a ni’ a lo ti tlat mai a, a kal duh reng reng lo mawle..
(fth)
tren tren
Report this comment
May 9th, 2012 at 7:32 pm
A nihleh mivar kawp ho hi?
Report this comment
May 9th, 2012 at 7:40 pm
Ngaihtuah a ti thui riau. Midum kawp te ka endan a tidanglam ta deuh tlat mai. Mihring hi dinhmun tlawlh laklawh a awm ve theih a, hur vang ngawr ngawr ni lo, dinhmun tleu vanga kawp te pawh a awm theih awm e.
A tha berah chuan mahni nihna leh dinhmunah lungawi ila, a pawi ber chu kan rual awt lutuk hian sualna ah min hruailut thin ani. Delhi a Inzuar tura chhuklo khan Mizoram ah a ei khawp a thawhchhuah theih ka ring, piangsual, hnathawk theilo te a nih ngawt loh chuan.
Report this comment
May 9th, 2012 at 8:05 pm
Kei chu midum kawp leh a behbawmah hian experience sawi tur ka nei tam lo khawp mai. Hman kumah mi dum kawp thin hi(a ni ta in ka hria) Zirlai pawl angin kan va um zui ve a. Ka thiante, ka kawmngeih deuh Paite leh Hmar nula te hian phone in khawiah nge i kal min tia. Kei chuan hmeichhe dukdak vaklo kan buaipui ka ti a. Aw a dukdak te buaipui ta che min ti a, tun thleng hian kan la nuih pui thin
Report this comment
May 9th, 2012 at 8:11 pm
Naga ho tak ngial pawh an harh tawh an tia, mizo te kan va harh ve har em
Report this comment
May 9th, 2012 at 8:45 pm
Kan chemtatrawta pui hi midum kawp hian a lo seh ngei tawh a ni chu. Seh tih lemah a seh a seh tak tak chi in a kutah a seh sak a nih chu hehehehehe.In awih loh chuan fb aa status en rawh u hahahahha………
Report this comment
May 9th, 2012 at 9:04 pm
India sawrkar pawh chuan Smugglers te chu an man thei na nge?.. Eng Visa in nge an lo luh reng reng hlawm a?.. Crime an commit chuan an ramah deport leh vek rawh se!
Heng ho lo kawp duh khawp a nun beidawng kan Mizo nula an awm hi a pawi takmeuh ani.
Report this comment
May 9th, 2012 at 9:31 pm
Heng ho vanga zirlai a hmei apa in an tawrh ai chuan Vairam chanchinbu ah te zirlai an nih loh zia chhuah ta se a tha viau lawng maw? Mahse hnathawk fel tak2 in an tawrh phah a hlauhawm bawk si buai leh zo vek.
Report this comment
May 9th, 2012 at 9:52 pm
midum + mizo = zodum or mimi
Report this comment
May 9th, 2012 at 11:01 pm
Midum kuri kuri haptaiah, bawng le bawng le haptaiah…… Tuaisiala hi a colour vang ni lovin, midum specialist a ni lo maw? Fth
Report this comment
May 9th, 2012 at 11:04 pm
Black is beautiful;the colour of money is even more beautiful….ami?
Nakin ah chhiar zawm ang,’alo nih dawn hi’ tih tur a tam dawn tlat in ka hria.
Report this comment
May 10th, 2012 at 12:11 am
Mizo-te hi Aarona leh Miriami kan ang deuh, an nau Mosia’n Kus mi (Black Ethiopian) nupuia a neih avangin an sawisel ringawt a nih kha!? Mizo rilru-ah hian “Vun rawng” hian awmzia thui tak a nei a, thu pawh a sawi ring hle-in alang.
Report this comment
May 10th, 2012 at 12:21 am
Zanin chu keipaw’n midum 2 ka kawp ve a. Kan hnung kar khan ka awmna hmun hi an lo thleng a, kristian an lo nih ve avangin inkhawmna lamah ka hruaia ka buaipui a, ka KAWP ve ta a nih kha!
Mosia’n intithei tak chunga Hebrai mi a khawn hlum hnua Median rama a tlan chhiat lai khan amah Mosia ngei pawh khan YAHWEH kha a hrechiang lo bal bal khawp mai. Abrahama Pathian, Jokoba Pathian tih vel bakin amah Mosia ngei pawh khan a hre lo. A chipuite hruai chhuak tura tirh a nih pawh khan kan Pathian kha tunge i nih a zawt hial a nih kha.
Thilmak A tihsak hnuah pawh chhuanlam a la siam cheu. YAHWEH kha a chipui ten an rin ngam a ring thei thlawt lo a ni ber e. Heng chho vel hi kan inhrilh kual vel a, ka midum 2 kawpte nen chuan nuam reuh phian. Nigeria ram atanga lo kal ni mah se ka rin aiin an hre ve zek!
Report this comment
May 10th, 2012 at 7:36 am
#2, #5, #21
Black Theology-ah chuan mihang-ho hian “Isua kha midum a ni a, a rilru pawh a hang” an ti ve tlat asin! Isua lem an ziak-te pawh an tidum vel…
Report this comment
May 10th, 2012 at 7:58 am
Midum ho hian an nei dum lian tlangpui..temptation poh ani mahna nulate tan cuan..
Report this comment
May 10th, 2012 at 9:19 am
“8} CHANCE: North East mi reng reng hi chu bum theih tak leh rilru ṭha tak kan ni tlangpui a.” heta “rilru tha tak”
tih hi “rilru mawl” mi mawl tak kan ni tih zawk tur niin ka hria. Mizo ten “kan tha” kan tih hi kan tha a ni reng reng lo. Kan mawl/at lutuk avangin mi in min bum min bum a.Kan la harh chhuak har em em lehnghal.
Ka thian hnaivai tak pakhat pawh Malay midum chhiava nen an in kawp ve trat.Tun lai phei chu, chu midumpa lungin tan chhuah hlim a nia an in be ve ser ser reng mai.an in be ser ser hriat ri ngawt pawh hian an sawi hre lo mah ila thin hi a lo vin tuk reng mai ani. A thian dang tepawn a hmuh ve chhun a nih kha lo ngawi mai mai rawh! nakinah a la harh chhuak ve leh mai ang an ti sam et mai.
Sawi tur chu tam viau mahse a lo chhiar ve palh hlauh chuan pawi thui dawn e mai…ha ha haa…sawi tawh lo mai ang…a lo chhiar palh chuan ka sawi zawng zawng hi dawk vek…
Report this comment
May 10th, 2012 at 9:32 am
Hmun dangah ka chhiar tawh a. Tawnhriat ngei, midangte tana tangkai turin a ziak hi a fakawm khawp mai…
Sawi leh sawi hnu, Mizo nula ngeiin sum leh nawmsak duh avanga midum an kawp hi zawng lairil a hliam teh e..
Report this comment
May 10th, 2012 at 9:59 am
I ziak tha hle mai..
Report this comment
May 10th, 2012 at 10:49 am
mi-t(r)ial kawp tur kan zawng ve tengs
Report this comment
May 10th, 2012 at 11:26 am
Report this comment
May 10th, 2012 at 11:27 am
Thuziak chu mahni tawn hriat ngei atanga ziak a ni bawk a, tu te emaw rinthu leh tlem phuah belha an ziak vak ai chuan chhiar a nuam deuh e…midum hrim hrim hi an huatawm pawh ka ti hran lo, mahse ka hriat ve tawh te hi an rim ka ngaih theih loh chi an ni zel
Hostel awm laia kan thiannu Brenda te kha nikhatah vawi hnih chu a inbual ve ziah , a rim cial bik kha a reh chuang lo reng reng…Morocco lam mi thian 2 ka neih ve te pawh chuti tho chu
Report this comment
May 10th, 2012 at 11:46 am
MI DUM KAWP chungchang hian MI DUM KAWNG LUAN KAWP PAWH HI thingtlang Issue a ni tho a, PHAI AH NEGRO pawisa ngah deuh an kawp ani mai a, kawng kam BRTF etc Labour Camp a inzuar duh te an awm a, pawisa neih loh vang leh chaw nghei thih mai aia, inzuar ta hi ka hmu ṭhin a, ngaihdan ka sawi ngam lo na-in sawi lan ve hrim hrim ka duh a ni
Report this comment
May 10th, 2012 at 12:22 pm
Kan DMZP hruaitu(president) nitawh zawng zawng zingah chuan i nel-awm ber a izahawm ber. Hetiang thu tha tak tak min post sak vang poh hian kan lawm e.
Report this comment
May 10th, 2012 at 12:26 pm
there is no going back once you go black…. an tih ngei kha…
Report this comment
May 10th, 2012 at 12:32 pm
Chhiar a manhla hle mai, thil tawn ngei ziak ani bawk a, comments pawh chhair a nuam hlawmin nuih tur pawh atam, min tihlim phian…sawi belh ve tur vak erawh ka neilo.
Hmana ka thrianpa in nawhchizuar ho a sawi ang deuhin, kan chawma an mamawh ang te kan pe thei anih siloh chuan, duh leh an thiam thil chu lo hmang trangkai ve mai teh se…
Report this comment
May 10th, 2012 at 12:37 pm
# 33.. redandgreen.. Nia tiraw, duh leh an nawhchi chu lo nawh tir mei teh se, sum an lakluh bakah invensen a ni der si lo… tih mai a chakawm thin
Report this comment
May 10th, 2012 at 12:46 pm
MIDUM TIH RENG RINGAWT,
HNAMDANG KAWP ZAWNG TE HIAN I VEI ZAWK ILA AWWWWWWWW..
A BENGVARTHLAK KHAWP MAI
Report this comment
May 10th, 2012 at 1:21 pm
post tha tak a ni fimkhur nan i hmang ang u Delhi chauh ni lo India ram khawpui dang ah te pawh hian hetiang thil hi sawi tur a awm awm e.Midum chauh ni lo pawh.
Report this comment
May 10th, 2012 at 6:29 pm
A nih leh kan mizo nula sap ngaizawng ho leh phai a inngaizawng awm dun ho hi an sual ve lo tih na mi ?????
Report this comment
May 10th, 2012 at 6:40 pm
@olias, post chhiar phawt la…
He post hi chu midum chungchang bik a ni e. Sap kawp te, phaia awmdun ang chi chu he post hian a huam tel rih lo.
Report this comment
May 10th, 2012 at 6:56 pm
#38
Report this comment
May 11th, 2012 at 10:05 pm
#39
Report this comment
May 18th, 2012 at 7:13 pm
Ka lo comment ve mai mai nge…hmanni ah ka thiannu in facebook ah mizo nula vs midum tlangval tih group a mom a pics an upload a an soi chhia a an ti mualpho thei top a nia ka zong ka zong a ka hmulo rere…am report a FB in a paih nge ka hrelo.TRULLO LKA TI KHAWP MAI.Duh leh kawp se, an nun alawm.
Tin, MISUM kan tih ho hi MIHRING ve tho an nia, BLACK tiha refer hi a mawi zok.Negro pawh khawvel changkang hovin an ti tret trut toh ngailo.
Chaun pawimawh tak, mi hmuh leh kan hmuh danah chuan mi hur lepchiah,mawl takah kan ngai nghal a a hmeichhia kha.Chuan “midum” kha kan ngei ve em em nghal bawk a.I ngaihtuah ve ngai em?AN in hmangaih ve tak rak a ni lo maw?…An pahnih khan i va belchiang ve tawh em?Nawmsit bawl ngawt an ti bik vek kher lo.Hmangaihna a awm ve thei khawp mai chuchu a chiang hle.SAP,mingo ni ta zawk se aiwthaw!Kan ngaisangin kan en dan a dang vek om sia tiraw hehe!!
Lo vei ve vak kha a sawt lo.LET THEM BE.After all,love is what we’re all looking for, is not it?? Midum,emg,var poh nise lo soicchiat vak vak a ngaihnep em em nghal khan mimol in ni zok si a.Besides, their lives,their rules,their mistakes.None of our business!!
Nia trenkhat “midum” sual tam tak an awm.AN INANG VEK KHER LO tih hi hre tlang ang u.A rilru tet thlak e mai.
Ka perspective ve mai2 a ni e.Ka soi tum tak chu,hmangaihna tak tak a awm ve thei.Lepchiah leh nawmsit ringawt lam a nilo.Khawvel a changkang zel dawn,change tam tak a thleng zel don.Mizo hmeicchia hian mizo mipa a nei kher don lo tih hi hre ve ang u.
(He post hi ka chhiar veklo a a post relate em em pon ka ron reply lo.)
Report this comment