Mizote hi kan la tlem a, kan thîkthu pawh a chhia a. Mualpho pawh a awl reng a. Mi maktaduai 10 kan tlin hunah chuan tuman kan sawi tawh lovang. Chuvangin, hetianga hnam dang kawp kan sawisel ṭhin hi kan society ve reng a la ni rih a, chu kan society chu zawi zawiin a inherrem ve hret hret dawn chauh a ni; mi pahnih khatin vawi leh khata an thlak thut theih a ni lo.
Tichuan, ka sawi tum tak zawka chu, a mipui lampang hi ṭha nghal viau tur emaw, mi kan va sawisel ṭhin ang chi emaw hi simtir tuma beih vak a sawt rih lo; chumi ai chuan a thil dik lo titu mi tlem te-te zirtir hi a sawt zawk. A awmzia chu, hetia mi thlalak kan post hian a post-tute hi dem theih an ni lo, kan Mizo society kalphung ve reng a ni. Chuvangin, a thil tisualtute lamin fimkhur phah nan hmang rawh se.
Engtin nge an fimkhur ang? E le… Hnam dang thla an lo lakpui a ni thei, an ṭhiante pawh a ni thei. An ṭhiante a nih leh nih loh hi midang a lo hmutute, anmahni hretu ni lem lote’n an hre lo. An ngaihzawngte, an kawppui angin kan ngai vek tawh ṭhin. (Hetah tak hian alawm a mipui lam rilru siamṭhat tumin awmzia a nei lo ka tih) Chuvangin kan nula, hnam dang ṭhian nei te, kawppui nei te hi an fimkhur a ngai a ni. Hnam dang thla i lakpui a nih pawhin upload kher suh. I upload chuan mi thianghlim serafim pawh ni mah la i mualpho tho tho dawn (Hetah tak hian mi maktaduai 10 vel chu ni tawh ila tuman an buaipui peih lovang che).
Chuvangin mualpho inhuam a ngai. Facebook-ah emaw i post chuan a darh nghal chum chum ang a, ‘Kei zawng ka thlang Mizo val ngei’ titu pawh ni mah la hnam dang kawp angin i mualpho nghal ang. Chuvangin thla in laho a nih pawhin in computer-ah emaw, in laptop in phone-ah emaw awm mai mai rawh se. Tuman i upload laia i rilru puthmang angin an thlirsak tawh lo che.
An nuna va inrawlh chungchang hi, ṭul ti lo kan tam khawp mai. Mahni nun nuna nunga vei dang nei lem lo kan tam em a ni. An duh dan dana an nun hian Mizote kan lo mualpho ve zel tlat. Mizo hnam hmangaihtu tan chuan ngawihbopui mai mai a harsa a ni. Chuvangin, hetia midang veia an nuna va inrawlh peih kan la awm hi thil vanneihthlak tak a ni. Kan nulate pawh thinrim lovin lawm hliah hliah zawk rawh u. In mipate hian tihmualpho ngawr ngawr cheu kan tum lo va, inzirtir nan, inhauh nan, inkhak nan kan hmang zawk mai a ni.
Hetia hnam dang kawp thlalak an rawn post hi, kan hriat loh lamah fimkhur nana lo hmang tam tak an awm phah a rinawm. ‘A reh chuang lo, an kawp reng tho’ tihte chu tih mai mai a ni. Hetiang hian post vak vak lo sela chuan tun aiin hnam dang kawp hi an tam zawk ang, tih ka sawi ngam sak. Hawh u, thlalak chungchang kher kherah chuan i fimkhur ngawih ngawih ang u.
Hetia thlalak an rawn post hian, a hawtu chu hnam dang kawp chungchanga inhnamhnawihna nei an ni duh khawp mai. A fihlim chu an ngawi hmak. Chuvangin, an rawn post-a i ngaihdan a ni lo a nih pawhin ngawih mai kha a ṭha lutuk, hmeichhe tan. I rawn hniala i rawn ṭan vei pang pang chuan hnam dang la kawp ngai lo pawh ni la, hnam dang ngaizawng tawh emaw an ti fur mai ang che. ‘Duh leh min lo ngai mai mai ang hmiang, ka kawp loh phawt a hnu’ i ti a ni mai thei, ti hauh suh! Mualpho inhuam a ngai leh ta! Hmeichhe tan intihhuaisenna chi a ni lo a nia.
‘Kristian inti chungin midang kan sawi vak vak a’ te kan ti mai mai! Kristian leh tian lo teh nana hman loh tur. Mihring kan nih chhung chuan tumah kan famkim lo va, kan vei zawngte kan sawi lo thei lo. Ka ṭhat famkim vanga midang sawisel ka ni lo va, sual tak chung pawha midang khawsak dan ka vei avangin ka sawisel a ni zawk. Ka sawisela te pawhin kei aia ṭhatna leh ka tluk lohna tam tak an nei ve bawk. Kan veina zawng zawngah kan ṭang tlang mai a ni. Tin, midang sawisel turin ṭhat famkim leh sualna nei lo nih kher a ngai lo.
Hnam dang kawp hi Pathian mithmuhah thil sual a ni kher lo mai thei, kristian ṭha tak an lo nih phei chuan. Kristian an nih lo a nih erawh chuan baal hmaa ṭhingṭhi ang lek kan ni. Pathian mithmuhah sual ni kher lo mah se, Mizo kan ni a, Mizo hnam leh ram mi ka ni. Mizo society ka ngaihchan thiam a ngai a, a society mil ang zela ka khawsak loh chuan tihmualpho leh sawi sep sep ka ni reng ang, tih hi i hre tlang ang u.
‘Sap kawp kan sawi lo va, vai kawp hi kan sawisel bik a…’ tite kan awm. Mizovin vai leh sap kan huat hleihzia chu i hria ang! Sapho hi haw ngawih ngawih ni ila kan sawi em em ang. Vaiho hi Mizote’n kan huat em avangin kan sawi peih mai mai zawk a ni. (Hetah pawh hian vaiho huat loh zirtir tum suh, sawi tawh ang khan kan insiamrem hret hret mai ang) Eng vangin nge heti fakauva kan huat kan tih chuan, ram buai laia Mizote chunga an chetdan nghawng zel a ni e. Rambuai hmaa vaiho kan huat vak vak awm kan hre lo. Chuvangin, kan huat takte nena inhaw lo tak maia kan Mizo nulate an lengdun kan hmuh hian kan thîkthuchhiat a zual ṭhin a ni. Mizote chauh kan ni lo ve.
Similar Posts:
- Chawhmeh ten/ei duhloh ngah hi!
- Nunkhua an chèn
- Mizoram Pawn – Ka thil huat te
- Enge i ngaih ve dan??
- Leaked!!
a tha khawp mai
May 9th, 2012 at 7:10 pm
Nia..
Report this comment
May 9th, 2012 at 7:11 pm
Ka hawng e.
tren tren
Report this comment
May 9th, 2012 at 7:14 pm
Dik thawkhat ang
Report this comment
May 9th, 2012 at 7:22 pm
Sap(english) ho pawh khu ka lawm tehchiam chuang lo.
tren tren
Report this comment
May 9th, 2012 at 7:45 pm
Chhiar phawt ang.
Report this comment
May 9th, 2012 at 8:00 pm
Mizo nawlpui rilru ah Sap leh Vai kan hmuhdan a inthlau lutuk, tehkhin chi pawh niin ka hrelo. Hnamdang kawp kan tih chuan Sap pachal pawh nise hnamdang kawp ani tho.
Report this comment
May 9th, 2012 at 8:08 pm
sheldon, Vaichhia nilo, vaitha (timai ang)ho hi, Mizo nula neih (an nu leh pa phalna a neih) atan chuan an harsa zekin ka hria. A hmeichhia-in a zir ve fe angai, an duhtui lutuk. “Zir ve fe,” kan tih hian hmeichhe fel tak, lehkha thiam tak leh lerlo tak emaw nih angaiin ka hria.
African midum, tun ka tawng hawlo se, Nigger pawh tling phalo, a tlangpui thu a corrupt lutuk ho, scam leh fraud lama khawvel a hmingthang ram atanga lokal te kan hmeichhia ten an buaipui hi chu a pawi kati thin ngawt mai. Mizo ka nihna atangin ip chawih chawih a awl khawp mai.
Kan hriat nawn theuh atana tha ka tih chu: Mizo mipa in hnamdang nupui nei sela an fa chu Mizo a ni. Mizo hmeichhia-in hnamdang pasal nei sela an fa chu a pasal a hnam a ni, Mizo a nilo. Heihi khawvel hnam tam zawk thlirdan pawh niin ka hria.
Chuvangin thlahpawlh kan tam loh nan leh kan hnam kan la tlem em avangin theih hram chuan Zohnahthlak ngei nupui/pasal tur chu zawng hram hram ila ka ti thin. Hnamdang pawh kan rel tha ngam dawn tawh hleinem tia’ngte chuan hairehai
Report this comment
May 9th, 2012 at 8:14 pm
#7 Pu Hv
Report this comment
May 9th, 2012 at 9:12 pm
“Keini zawng thil, kan hmuh leh kan hriatte hi sawi lovin kan awm thei lo a ni e”
Report this comment
May 9th, 2012 at 9:13 pm
TS hi mak thei e… A heading chu chhiar pawh ka chhiar hlei thei lo!!
Paws chu…
Report this comment
May 9th, 2012 at 9:33 pm
thenkhatin hnam feeling an pek nat viau laiin thenkhat erawh chuan an nei lem lo… mizo kan tam deuh tawh vang em ni dawn le…??
Report this comment
May 9th, 2012 at 9:46 pm
pepe # 7 khi
Report this comment
May 9th, 2012 at 10:06 pm
Kan khaw tihdan chu kan khaw tihdan a ni mai tih idealogy ka hmu tlat a kan hriat chu
.
Pu HV a tha khop mai, hnamdang hrim2 ang zawnga huat vak mai hi, kei ka ti thei thak lo thung mai. Hnamdangah pawh a fel an awm anga a sual an awm tho bawk ang, mi pangai ang chi ho te thleng2 a dem vak erawh tha ka ti lem lo. Kan nula te nen an zia an lo in ngaina a, an hmel te leh thildang vanga an lo induh/inhmangaih ta te a nih chuan kei ka dem eih lo. A hnu a buaipui leh ngai leh lo tur ang chi te chu lo ngaizawng ve ang hmiang, Mizo leh mizo pawh kan in ngaizawng a kan in ban ve thova a danglam na teh chiam ka hmu love……..
Mahse Pawisa avang te a nih tawh hi chuan thil a kal sual duh tlangpui a fimkhur erawh a tha ka ti khop mai. Rethei in harsa viau poh ni ila, mahni in phat tur khawp em hi chuan chet loh ngam a tha in insum hram hi a tha ber ngai. A chhan chu zoram chhung ah ngei pawh Nutling/Patling mi zahawm tak2 te pawh pawisa in a an mit a tih del hi kan tam tawh a, Pathian lovah chuan thiltithei ber an tih mai PHAWISAAAA…..
a nih tawh hi chuan mihring hi kan sual hma khawp tih hi hriat a tha….
Tin, vairam/sapram ah te pawh lehkha zir kan tam ta hle a chungah te chuan thian te pawh neih theih a ni a, thla-te pawh lak ho theih a ni. Chung ho nen a thlalak, hnamdang nen an la tih avanga lo ti mualpho a lo theh darh duh tawk te kan awm a nih chuan a rilru tet mai bakah a mawl thlak letling ka ti zawk mah a hengho hi chu an awm ve reng tur a ngaih tur a ni a hriathiam chin neih an ngai zawk in ka hria. Chumi ai a pawimawh ber zawk a chu, Society in a tih vang ngawt emaw midang te tih vang ngawt ni lo hian, kan values a hi siamtha ila nghet takin vuan I la, khawi hmunah pawh awm in khawsa I la kan buai lovang…..
Fiamthu in awih emaw ka hre lova, logical deduction zawnga chhut vak chuan hetiang ang mi kan tih tam tak te leh vairengte gate/lengpui airport pelh a kan awmdan hi hi kan ram chhung mize thup loh zu ni thei teh tlat
.
A sei ta hle mai duh leh chhiar lo mai teh duh aia kan tui chu.
Report this comment
May 9th, 2012 at 11:35 pm
Report this comment
May 10th, 2012 at 12:17 am
Report this comment
May 10th, 2012 at 12:47 am
Dr John chu va tlar nasa tuar tuarh ve hehe!!
Report this comment
May 10th, 2012 at 3:24 am
Mizo hi kan tam tawh aniang Aizawl ah lah Korean hmuhtur an tam tawh e mai
OT Dal ah: A dik in a tha khawp mai he post chu. LIKE
Report this comment
May 10th, 2012 at 6:23 am
A dik ka ti khawp mai. Nula mawl deuh deuh Pub a han lam te kha thil changkang leh ropuia ngai, miin an ngaisang dawn amaw ti a, thlalak upload chut chut ho chu, mahni lu chunga meiling chhekkhawl anni mai.
Report this comment
May 10th, 2012 at 7:02 am
ngaihdan ka nei tamlo khawp mai tiang lam hi chu..
Report this comment
May 10th, 2012 at 7:15 am
Nikhat ah darkar 24 a awm a, darkar 1 vel chiah electric current kan nei ziah hi ka rilru ah a lian zawk e.
Report this comment
May 10th, 2012 at 7:23 am
#16 mambawih, Thawibawih hi chuan, hman chhunah (thlengsil, insuk, ei rawngbawl, in tihfai kar-awl-ah) ka rawn vai-hma thin alawm, hihi
Report this comment
May 10th, 2012 at 7:57 am
ka ang tui dawn tlats.. komen ve lo mai ang. Vai fa chu vai
Report this comment
May 10th, 2012 at 9:16 am
#6
Report this comment
May 10th, 2012 at 10:17 am
Post leh comment-te…
Mizo nula pawh hmu zo uk si lo hian, duhthu ka’n sam ve chhin te’ng… Nula hmeltha rau ravah, sap nula aiin vai nula ka duh zawk fe…
Report this comment
May 10th, 2012 at 11:42 am
Ka kawmen ve lo mai teh ang
Report this comment
May 10th, 2012 at 11:48 am
VAI ho hi cu ka hua alom..
Report this comment
May 10th, 2012 at 5:57 pm
Hnam dang kawp loh tur tih lam ni lo-in hnam dang kawp chuan fimkhur tur tihna lam a ang deuh em le? Ka hrethiam phak chiah lo.
Report this comment