Zabula Champhai Ramhuai hmuh dan

May 10th, 2012 9:00 pm by CFL

Report tu : C. Laitanga
Hmuh hun : 1983 March thla

Zabula hi Champhai to Bulfekzawl kawng Pi Khawtini Contract, Sub. Contract a thawktu a ni a, a thianpa Ramfangzauva, Champhai khua chuan Sub. Contract bawkin Pu Lalhmachhuana Saitual hna leh midang hna a thawk ve bawk a.
An hnathawhna hmun hi, Hruaikawn thlang, Tiau kam, Rih dil hnuai vel tak khi a ni. Hnathawktu engemaw zat nen mi thlama riakin hna an thawk a, an kawng laih chu zawh thuai tumin an bei a ni. Zabula leh a hote hi Thlam pakhatah an awm a, Ramfangzauva leh a hote chu Thlam dangah an awm a, inhnai tein an awmho a ni.

Tuk khat chu Zabula hian bomb pathum emaw a siam a, Tiau mawng lamah sangha man tumin a chhuak a, Tiau phai zawl an awmna thlam bul mai a thlen chuan nula hmeltha tak tak inchei fe fe hian leilaih tur an dil a, an hmel han en mai chuan lei lai awm hmel an pu si lo. Pheikhawk keartui sang an bun a, kawrfual nalh tak tak an ha a. An kutte chu a no hle bawk a. Zabula chuan Sangha man turin lui mawng lama kal tum a nih thu a hrilhh chuan Sangha chu manpui tur leh Sangha reng reng thununtu an nih thu an hrilh a. Tichuan lui mawng lamah chuan an chhuk ta a, li pakhat an han ena sangha chu a lo tam hle mai a, a kalpuite chuan, “Bomb chuan vawm rawh le” an ti a. A han vawm a, sangha tam tak a lo lang chhuak a, nulaho chuan awlsam deuh mai chuan an char ta zung zung a. Pheikhawk keartui sang nen chuan tui chu an liluh zung zung ta mai a, Sangha chu tam tak an char khawm ta thuai a.

Chumi zawh chuan nulaho chuan, “Kan Lalpa hnenah kan hruai ang che,” an ti a, lui mawng lamah chuan an chhukpui ta a. An Lalpa chu an han au a, pa lianpui hmul deuh mai, hnar er van lam kawk, benghlai, khabehmul lei hnuk a lo chhuak a. Ani chuan, “Henglai hi ka ram vek a ni a, I duh chuan lalna ka pe ang che, kan nula pakhat hi nupuiah I nei dawn nia,” a ti a. Zabula chuan, “Nupui ka nei tawh a, fa pawh ka nei tawh,” tiin a chhang a. Sangha chu han vawm leh turin a hrilh a, an bula li chu a han bomb leh a sangha tam tak an thi a, nula chauh ni lo tlangval engemaw zat nen an han char a, an chhung vum ta rui mai a ni. Zabula chuan a lian tha deuh deuh chauh a ak thei a.

Chumi hnuah chuan, “Kan khuaah kan hruai ang che,” an ti leh a, Tiau ralah an kai a, hmun nuam deuh maiah hian in mawi leh nuam tak tak a lo awm a, Hotel changkang tak takah chuan nula leh tlangval an lo lam luih luih mai a, an musicte chu an tha tawp a ni mai. Pindan pakhatah an hruai a, chutah chuan thingpui leh satui an hlui a. An ei zawh hnu chuan pawnah an hruai leh a, Motor chitin mawi leh thar nuam tak tak a lo awm a, kawng pawh High Way nuam tak tak a lo awm a, Bus nalh tak takah an lo thleng zung zung a, an chhuak reng bawk. An nula zinga mi nupuiah a neih chuan heng zawng zawng hi a ta ni thei nghal tur angina an lal chuan a hrilh a. Tin, Rih luan chhuahna hnuai puk (Rih thlawr) hmunahte hruaiin thingler sang takah an lawnpui a, chuta a hmuh theih ram reng reng chu pek an tiam a, mahse chutiang a neih theihna tur chuan an nula nupuia nei turin an phut tlat thung. Ani lahin nupui a neih tawh avangin a nei thei tawh lo tih chu a ngaihdan a ni ve tlat bawk si. A tawpah chuan an lalpa chu a beidawng ta a ni ang chu, a kalsan ta daih a, nula tlangval te chuan an buk thlengin an va thlah leh ta a ni. Chutianga an thlah chuan thawpik takin an siam a, chutia a mangan lai chuan chunglam a thlir a, ban tha chak tak chuan a rawn thlamuan a, a lo harh ta a, chute chung pawh chuan ramhuai nulate chuan, “Kan lo la kal le hang” tiin an thlah hram bawk.

Zinga a chhuak chu an buk a rawn thlen leh chuan chawhnu dar 1:00 PM chiah vel a ni. A hnathawhpui Ramfangzauva hnenah a chanchin chu a hrilh a. Chutianga a sawi laite chuan ramhuai nulate chu a han hmu leh zawk thin bawk a. Buai deuh tak, fing chiah lo hian a awm. Ramfangzauva chuan, “ Sanghate chu I man em?” tia a zawh chuan, “Tam tak kan man a, ka ipte khatin ka rawn ak haw alawm” a ti a. Mahse a ipteah chuan hnahthel ro 3 chiah a awm. Zan thlengin an buaipui a, a tukah chuan Champhaiah an hawpui a, piangtharin a inhria a, inkhawmte pawh a taima hle a, khawlaiahte hial Pathian thu a sawi thin. A rilru buaizia thu sawi engmah a awm lem lo.

A ramhuai hmuh dan hrechiang leh buaipuitu han sawi mai theihte chu : Ramfangzauva, Kahrawt Champhai; Khuanghlira leh Lalsiama, Zote khua ve ve. An vaiin an la dam tha a, Zabula erawh a chawl tawh..

[Source: RAMHUAI By MUP: General Headquarters]

23 Responses to “Zabula Champhai Ramhuai hmuh dan”

1
TuaiSialA Says:
May 10th, 2012 at 9:17 pm
OT nghal ngawt te’ng, first manah.

Biak In suasam tute man anni
Tunhnai a Kolasib Vengthar leh Thingdawl a Biak In suasamtu mi 3, mipa hlir te chu Kolasib Police ten vawiin khan an man a, an zinga1 chiah hi kumtling a la nih avangin kum tling hi case siam sakin a dang 2 hi chu vawiin hian Juvenile Justice Board ahhruai a ni ang
Heng mi 3 te hi hmun dang atanga Kolasib a lehkha rawn zir, Hostel pakhat a awm an ni a, kan palai in a kawmna a an sawi danin an thil tih hun hi zanlai, an Warden te mut hnuah niin khawvar hma in Hostel ah hian an haw leh thin a, Biak In a Bible an hal hma hian vawi li theuh an lo in thawi tawh tih sawiin hetiang an tih hi April thla atang mai khan ni a sawiin Setana hnen atanga malsawmna, Dawi thil ah te, Zirna lamah te hmu dawna an in hriat vang a ni tih an sawi a, mahse man an nih thleng hian an beisei angchu engmah an dawng lo tih an sawi a, hetiang ti tur hian tumah in an thlem loh thu an sawi bakah an beisei ang a malsawmna an hmuh loh avangin man ni lo mahse tih zawm zel tumna an nei lo an ti bawk
Heng mite hi an Hostel Warden ten an bungrua an check sak tumin an Bible nilo leh Mombati engemawzat an hmuh atanga ringhlel in an dawp a, a hnuah Pastor hnenah hruaiin an zawt leh a, an in puan hnuah an chhungte hrilhin an chhungten Police kutah hian an hlan ta niin hriat a ni.
Kolasib Police thunetute chuan hetiang a Biak In suasamtute man an ni chu lawmawm an tih thu leh Mipuiten an thawhpui that avangin an lawm hle tih an sawi.

Duhlaidaily + Kolasib dot com.

Report this comment
2
Ruata Pachuau Says:
May 10th, 2012 at 9:18 pm
..

Report this comment
3
H.Vangchhia Says:
May 10th, 2012 at 9:33 pm
#1 bengvar thlak e.

Report this comment
4
houdini Says:
May 10th, 2012 at 9:34 pm

Ramhuai i va hre tam bîk ve aw!

A lunglènthlâk dáwn dáwn e a.

Report this comment
5
H.Vangchhia Says:
May 10th, 2012 at 9:40 pm
Post ngaihnawm tak ani e.

Ramhuai erawh awih a har thin viau thung!

Report this comment
6
Ruata Pachuau Says:
May 10th, 2012 at 9:40 pm
A ngaihnawm viau naa ka awih lem lo

Report this comment
7
sheldon Says:
May 10th, 2012 at 9:51 pm
Awih a awih lo turin ka chhiar duhlo. Zan rei tawh lama ramhuai chanchin chhiar chu ka zak!!

Report this comment
8
Ruata Pachuau Says:
May 10th, 2012 at 10:05 pm
@Sheldon: A hlauhawm lo, a sexy zawk mah………..

Report this comment
9
Nundika Hnamte Says:
May 10th, 2012 at 10:05 pm
Mizo Setanic ho hi adolescents an ni duh!!!

Report this comment
10
Blandina Says:
May 10th, 2012 at 10:08 pm
A ngaihnawm, mahse zan lam ah chuan mahni te chauh a awm chuan kei pawh rilru pe deuh chuan ka chhiar duh lo, ka zak tlat zel…

Report this comment
11
buh-duha Says:
May 10th, 2012 at 10:30 pm
U CFL-a hi i bei hlauhawm thei e, mahni chauh phei chuan kan mu ngam dawn hlei nem maw le…

Report this comment
12
malsta27 Says:
May 10th, 2012 at 10:57 pm
thlalak chu va nalh e ………..

Report this comment
13
Saitawk Says:
May 10th, 2012 at 10:57 pm
@TuaiSialA, OT em em pawh i nihloh hi, Ramhuai(Setana hnathawh) Post tho alawm. Good Post good first.

Report this comment
14
Lamji Says:
May 10th, 2012 at 11:47 pm
Mumang a thil hmuh ziah chhuah te pawh a ang dawn alawm le. Tlingi leh Ngama thawnthu te pawh min ti hrechhuak e! Ngaihnawm viau zel e.

Report this comment
15
pepe Says:
May 11th, 2012 at 1:37 am
a tak niloin a thil hmuh dan a nih hmel hle mai hei chu.. a lem ka tihna zawng ani hauhlo…

Report this comment
16
TuaiSialA Says:
May 11th, 2012 at 1:47 am
Henu hi a chhe lo ka ti. Ka fb friend.

Report this comment
17
pepe Says:
May 11th, 2012 at 1:51 am
#16 ka fren pawh nih ve siloh… chanhai riangvai hi

Report this comment
18
TuaiSialA Says:
May 11th, 2012 at 1:58 am
#17 Lylie Kwok

Report this comment
19
nezz Says:
May 11th, 2012 at 8:33 am
khai a…

Report this comment
20
Dr John Says:
May 11th, 2012 at 8:55 am
A ngaihnawm hle mai. Ramhuai hian taksa awmna hmun sawn lova an hruai (zel) leh taksa pawh awmna hmun sawn a, a tak taka an hruai hi a awm. Saiha bula khaw 1-a Ramhuai lak bo kha chu amah (taksa) chawp khan an hruai a, a kalna chin pawh a la hre thei vek nia… mihring han luhna leh kalna atana harsa tawpah pawh khan an kal theih zel thu leh amah zawngtute pawh an lo hmuh reng thin thu leh an enthlak reng thu te hial a sawi… mak ve tak chu a ni.

Report this comment
21
Dr Mahminga Sailo Says:
May 11th, 2012 at 9:11 am
A ngaihnawm hle mai.. OT hmasa ber lah a bengvarthlak..

Thingtlanga awm lai chuan, Ramhuai (Lasi) chanchin hi ngaihnawm kan ti thin khawp mai. Mahse, tunah hi chuan ngaihnawm takin ziak mah se, phuah chawp a ang riau vin ka hre thin…

Report this comment
22
sparta Says:
May 11th, 2012 at 1:10 pm
Ngaihnawm khawp mai. Ramhuai lam ngaina an nih dawn khi

Good Post

Report this comment
23
lushai_er Says:
May 12th, 2012 at 3:35 am
Keini ni ve ta ila kan bawh ruak ruak awm si a, a sawm tur dik tak an sawm anih hi. …ha ha ha!

Tlema hlauhawm deuh han thlang leh la maw le.

Report this comment