Hmanlai thil hmante leh tih dan

May 12th, 2012 1:00 pm by James Bond

IT (Income Tax lo zawk)lamah hian in kal chak vut vut hlawm lutuk a, ka umpha lo che u ani. Mahse tunlai IT lama advance ho hian kan hun laia thil hman hrang hrang an lo hriat ve loh takin he dictionary hi ka han post ringawt mai ani. Lo chhunzawm in thiam khawp ang.

1. Analogue telephone: 1876 kuma Alexander Graham Bell hmuhchhuah analogue (digital ni lo) telephone spring hmanga dial ngai. Bial pakua (1 atanga 0) a awm a. Kut zungtangin emaw, pen/pencil emaw hmangin a mal malin an dial ang a, hun a ngai rei duh viau. Emergency number 911 (India ramah chuan 999, 100 emaw 101) an hman nachhan pawh number 1 anga dial palh har nan atirah 9 an dah a, a dang pahnih chu awlsam tea dial theih 11 an hmang.

2. Betamax: VHS format an hman hma, Sony in 1975 a an siam. A daih rei lo.

3. Cassette tape recorder: Magnetic tape hmanga ri (sound) record leh playback theihna. Tunlai chuan Blu-ray disc leh Blu-spec CD kan hmang tawh.

4. Cyclostyle machine: Photocopying machine an hman hma, kum 1890 a British mi David Gestetner hmuh chhuah, stencil paper hmangin typewriter ah an type anga, chu chu black fluid hmangin cyclostyle machine ah an bat a, copy an siam thin. Pic/image a copy theih loh.

5. Calculator watch: 1980s chhunga an hman lar, digital calculator leh digital watch. Tunah chuan mobile phone ah a awm vek .

6. Dial up modem: Cable internet leh DSL awm hmaa hman thin.

7. Floppy disc: A tir chuan 8” floppy disc, 256 byte khawl thei, a hnu ah 3.5” floppy disc, 14 Mb khawl thei an hmang. Desktop ah chauh a hman theih tlangpui.

8. Gramophone/Phonograph: Vynil hmanga siam disc hmanga sound playback theihna. Model hlui chu spring hmanga play theih (battery/electric ngai lo) anni. (see “Turntable” below).

9. Laser disc player: DVD awm hma lawka an hman zuai, Lei sual an tam mai.

10. Portable player/TV: Sony Walkman leh Sony Watchman hmangin tunlaia Ipad ang tluk, an hmang rei fu.

11. Pager: 1970s atanga 1990s thleng an hman, pager hi TV ah doctor tan hn hman thin in hmu ang. Mobile server awm hma, awm lohna ah a tangkai. Mahse inbiak theihna ani lo.

12. Post office: Tun hma chuan lehkhathawn an ziak a, envelope ah postage stamp an bel ang a, Post Office kal tlangin an thawn thin. Kum 2005 hnua lehkhathawn la ziak miah lo ka hre nual. Tunlai chuan “love letter” pawh sms emaw facebook emaw hmangin an thawn thin an ti.

13. Slide projector: Digital projector awm hma chuan still picture frame he khawl hnag hian a en theih. Sound a awm lo.

14. STD (Subscriber Trunk Dialling): Telephone exchange hmanga hmuh hla a mite biak dan.Sexually Transmitted Disease nen a inang lo.

15. Telegraph/Telex: Internet hman lar hma chuan telephaph emaw telex hmanga word ren taka thu inthawn ani thin. Morse code hman lai nen an inrual thuak.

16. Typewriter: Electric emaw battery emaw hmang miah lova type theihna. Tunah chuan hmuh tur a vang tawh viau.

13 Responses to “Hmanlai thil hmante leh tih dan”

1
century child Says:
May 12th, 2012 at 1:05 pm
Chhiar phawt ang aw
Report this comment
2
Sony Says:
May 12th, 2012 at 1:24 pm
Roll film ka hman tawpna chu March 2006 khan.
Report this comment
3
CFL Says:
May 12th, 2012 at 1:45 pm
@ Good post.
@ Typewriter ka awh theihzia te kha aw… hmanlai a lo chang mai dawn ta. A production pawh a tawp tawh tak kha.
Report this comment
4
Ruata Pachuau Says:
May 12th, 2012 at 2:45 pm
Teleport ………..
Report this comment
5
century child Says:
May 12th, 2012 at 3:05 pm
PBVTTAN (post bengvarthlak tak a ni)
Typewriter-a kan in type ransiak lai te kha.
Miin ‘e-mail my heart’ an tih laiin ‘thaikawi bawngte thleng zo ang maw ka D runah’ kan ti thin kha nia
Report this comment
6
sonju_a Says:
May 12th, 2012 at 4:18 pm
Type writter hmang hian tonic solfa kha ka va chhu nasa hman em!
Report this comment
7
Phantom Says:
May 12th, 2012 at 5:41 pm
Keini chu meichher, darkhuang leh sih dêt(torch light) kha inbiak pawh nan kan hmang thin. Keini ai chuan in hmang changkang tlat.
Report this comment
8
Sony Says:
May 12th, 2012 at 5:51 pm
Transistor Radio kan nei thin. A awman ka hre tawh lo.
Report this comment
9
TuaiSialA Says:
May 12th, 2012 at 6:01 pm
Post BVT tak a ni.
Report this comment
10
H.Vangchhia Says:
May 12th, 2012 at 6:07 pm
A bengvar thlak e.

Cassette tape Sony in an siamchhuah hma khan tape tho, cinema reel ang deuh lian tha leng lawng tak kha a awm thin. Ka ngaithla ve hman.

Telegraph hian ka lung atileng thin em em. Kan hostel atangin Laitumkhrah post office, thianpa Karma (Tibetan) te Kalsang Restaurant piah lawk amiah kan hun neih veleh ka’n kal nal nal a. Chumi post office atang chuan nu leh pa te, telegraph kan thawn thin. Hostel naupang kanni bawk a, kan duh kha tawi takin kan thawn thin, ie: “Pawisa 1000 rang takin ka mamawh, lehkhaah a chhan kalo sawi ang.” titen emaw hairehai
Report this comment
11
PKfanai Says:
May 12th, 2012 at 8:05 pm
Thil hi a inthlak danglam chak ta khawp mai. I sawi ho khi ka hmang ve hman vek mai a. Phantoma sawi Torchlight hmanga inbiak pawh khi ka hmang ve hman(thih thu inhrilh nan leh, emergency a hockey player tha thingtlang lam a awm inchah nan) kan hmang thin.
Report this comment
12
Dr John Says:
May 12th, 2012 at 9:23 pm
Post BVT tak a ni. Lunghlui a thing-chhuak e
Report this comment
13
maawma Says:
May 13th, 2012 at 12:22 pm
Hmanlai hlawm hle mai, Analoque telephone box khi tunah pawh kan la hmang. VCD, Video Cassette tih vel pawh khi kan la kawl tha, on chuan a la play theih mai chuan ka ring deuh.
https://i50.tinypic.com/wwj3mf.jpg
Report this comment