Mizoram chhunga vai tam lutuk leh ILP pawh nei mumal lo a awm chungchang te hian sawi a hlawh viau rualin engtia han tih chiam chi nge tih hi hriatthiam a har a. Thuneitu lam demna leh duhkhawp lohna ang chi te pawh a ri nasa thin hle. Hman zanah DDK Aizawlah dan lam chungchang live phone-in programme ah khan ILP chungchang an sawi lai tak ka en fuh ve a, ka rilruah a awm ta deuh riau a, misual ho chhiar atan phuailuai ang reng deuhin kan tukpum ve thawr teh ang.
Vai awm nghuk reng hi ? : A ruka lo lut tawk chu awm ve reng mahse a tam zawk hi chu Mizo mipui ten kan sponsor vanga awm an ni. Sorkar hian sponsor tu neilo a luhtir ngawt lo, sorkar hnathawk (Gov’t servant) erawh chu sponsor an ngai lo. Tin, hnamdang, Mizoram chhunga Trade Licence nei te hian an dawra an chhawr tur hnamdang sponsor phalsak an ni bawk. Hnathawk tur atana sponsor neia rawn lut si hi hnathawhna mumal pawh nei si lo an vah huai huai chhan hi tu thiamloh nge ni ta ang? ILP application form leh ILP a inziak Pass holder leh sponsor te hriattur pawimawh hi ka han tarlang tuar phawt ang e.
ILP Application form hnungah hian sponsor te intiamna hetiang hian a inziak a, sponsor tu in a sign hnan thlap tur a ni -(saptawnga inziak a ni a, saptawng inti thiamlo phunchiar deuh deuh ho(hmmm)tan Mizo tawngin ka dah)-
Kei,_____________ s/o, d/o____________ hi a hnuai a mi ang hian ka intiam e:-
1. Pass neitu (hnamdang) ka chhawr lai hi Mizorama a awm chhunga a nungchang/chet tlat danah mawh ka phur ang.
2. Chhawrna tur ka neih tawh loh emaw, Deputy Commissioner in hetiang tura thupek a chhuah chuan Mizoram atanga thawn haw dan turah mawh ka phur ang a, a ILP hi DC ah ka pe lut nghal ang3. A pass hun chhung a tawp a chhawrna tur ka la neih chuan a pass ti nung (renew) leh turin keimah ngeiin DC office ah kalin ka buaipui ang.
4. ILP diltu emaw a khawsakna/awmna hmun hi information pek a tul apiangin ka pe thei ang.
5. ILP diltu hi keimah ni lo midangin an chhawr chhawn ka remti lo ang.
6. ILP diltu hian Bengal Eastern Frontier Regulation eng pawh a lo bawhchhia a nih chuan a bail tu ah ka tang ang.
7. A chunga ka intiamna ang tih loh ka neih chuan Section 4 of BEFR in a sawi anga hrem theih ka ni ang.
( )
Signature of Sponsor
Pi/Pu_________________son/daughter of______________________ hi _____________veng/khua, H/no_____ a cheng a ni a, ___________________ hi ______________ atan chhawr a mamawh ngei tih ka hriatpui e.
_______________________
Signature of BDO/VCP with seal
ILP hnungah hian a hnuaia mi ang hian a inziak bawk ;
ILP CHUNGCHANGA SPONSOR LEH PASS NEITUTE TAN HRIATTUR PAWIMAWH TE
1. Sponsor chuan a hnamdang (non-tribal) chhawrlai chu Mizorama a awm chhungin a nungchang/chettlat danah mawh a phur ang. A hnathawhnaah mamawhna a neih tawh loh chuan a thawn hawnna tur thlengin a buaipui tur a ni a, chubakah DC in hetianga ti tura thu a pekin ILP chu a pe lut(surrender) tur a ni.
2. Sponsor chuan pass neitu (non-tribal) a chhawr chu a pass a hnathawh tur inziak ang ngei a thawk a ni tih a hrechiang tur a ni.
3. Sponsorship hi inhlan chhawn theih a ni lo a,ILP renew a tul a nih pawhin sponsor ngei Office(DC Office) ah kalin a renew tur a ni.
4. Sponsor hian a mi chhawrlai awmna/khawsakna hmun DC in hriat a duh hun apiangin a hrilh thei tur a ni.
5. ILP neitu (Pass Holder) chu a sponsor hnuaiah bak midang hnuaiah hna a thawk tur a ni lo.
6. ILP chu a thih hma ni 7 ah renew tura thehluh ngei tur a ni.
7. Pass Holder chuan a pass chu Magistrate/Police Officer/ Constable duty leh sorkar hnathawk DC in hemi chungchanga mawhphurhna a pekte hnenah a tul chuan a permit/pass chu hmuh tir theih turin a dah reng tur a ni.
8. Sponsor emaw pass neitu reng rengin BEFR Act, 1873, 1930 a siam that ang emaw, dan dinglai emaw a bawhchhiat chuan emaw thudik lo (wrong information) a hriattir chuan hrem theih a ni.
9. ILP pek chhuah atanga ni 7 chhungin pass neitu chu police station hnai berah a in report ngei tur a ni.
Ka hmuh ve chinah : Vai sponsor tu tam berte hian an mawhphurhna an hlenchhuak lo chiang hle. Entirna pe ta ila-(i) Mi tuin emaw a in sa turin vai mistiri a sponsor a, Regular ILP hi Category II ho tan thlaruk chhung atan pek a ni a, mahse he mi tu emaw hian thlathum hnu velah pawisa a neih tawh loh vangin emaw a insak a chhunzawm thei lo a, a vai chhawrlai chu hawn tir ta mai lo chuan a thlah zal ta ringawt mai a, chu vai chuan a ILP a la nun tlat si avangin mahni thua hawn mai a tum tawh teuh lo, inhlawhna tur dang a dap kual a, a hmuh mai loh chuan thirchhe zawngah pawh a inlet duh mai.
(ii) Mi tu emaw chuan a vai chhawr chu thlaruk chhung chuan a duhna angah a chhawr a, a hna pawh an thawk zo thlap a, a vai chhawrlai chu a ngaihsak zui tawh lo reng reng, a pass surrender te, an rama a hawnna tur buaipui te chu a tihtur a ni tih a hre zui tawh lo reng reng.
(iii) Mi tu emaw chuan a vai chhawrlai chu a chhawrzui thei tawh lo a, a hmelhriat te a chhawr tir ve thung, sponsorship inhlanchhawn theih loh tih hi a ngai pawimawh der lo.
Miin ‘ka mamawh e’ an tih miau chuan sponsor sak hi phal loh ngawt theih chu a ni bik lo mai thei a, mahse thenkhat ten an sponsor chhan (purpose of stay ) hi chu a zahthlak ve mah mah zawk -tuichawi te , thirchhe zawng te, cooker chhe siam te, puansu tu te…Mizo nula tlangval ten an tih ve theih leh an tih ve thiam reng si, an tih peih loh vang em ni vai chawkluh an ngaih zel mai le?
Sawi belh tur ka la ngah mai, mahse in sawi ve tur ai ka sawi zo vek ang tih ka hlau deuh sia, ka duhtawk mai ang. 
Similar Posts:
- MZP leh YMA te’n ILP an Check ve thei em ?
- Vai mistiri bawk : A thawn haw lam ve thung !
- Kan ram ah hnamdang
- Mizoram School Examination Policy
- Khampat.com is back
May 14th, 2012 at 5:15 pm
Chhiar ang.
Report this comment
May 14th, 2012 at 5:23 pm
Jacka Pi 2nd post ah ka 2nd
Report this comment
May 14th, 2012 at 6:01 pm
bengvar thlak hle mai,..
Report this comment
May 14th, 2012 at 6:35 pm
A dik khawp mai, Jacka Pi. Engtia han tih chi nge mawn’ le! Police leh NGO lam pawh hian an man ve reng chuan ka hria a, mahse an awm teuh reng tho chu a nih hi a. Zu ang deuh hian do nasat zawh pawh leh an pung ve tual2 mai angah!
Report this comment
May 14th, 2012 at 7:00 pm
Hei i va ziak tha ve. A bengvarthlak khawp mai. Ka hriatloh lam tak ania. A dik ka ti lutuk. Hindu Sakhaw bia chu sawiloh, Muslim ringawt pawh hi an va tam tak. Lammual ah an lukhum var nen an khat thup thei ania. Mizoram hmundanga awmte tello paw’n.
I sawi ang khian sponsor tu neilo chuan an rawn lut thei tawp silo a, min chimral anih pawhin a mawhphurtu chu keimahni Mizo ngei kan ni ang.
Report this comment
May 14th, 2012 at 8:36 pm
A tha khawp mai
Report this comment
May 14th, 2012 at 8:59 pm
Post tu nu hi a net a satel leh pek a, a post a vil theilo tlat mai. Chuvangin he post ah hian in-charge ka nia
Report this comment
May 14th, 2012 at 9:29 pm
Comment ve i phal em K’u sheldon..?
Nia, zu khap bur leh ILP nei lo vai luh hi a inang deuh nge ni? Hriat loh laiin an pung thur thur mai…
EPL in ti, IPL in ti leh, ILP in ti zel si… Rilru chak lo deuh chuan eng ber nge in sawi kan hre hrang thei hlei nem…
Report this comment
May 14th, 2012 at 9:39 pm
GP
Report this comment
May 14th, 2012 at 10:16 pm
A bengvarthlak hle mai. A chah chhuaktute mawhphurhna a sang hle mai. Vai vai khawm ai chuan keimahni inzirtir kan ngai a nih zawk hi maw le!
Report this comment
May 14th, 2012 at 10:41 pm
Sawi leh pek thin ang… Vai chungchang ah te,zu chungchang ah te,crime hrang hrang chungchang ah te hian DAN hi ka nei thalo ani lo,a lekkawh tu te hi an duap em ani e. Post BVTTT tak anih hi,awareness nasa zawk a in pek kan ngai tawh khawp mai.
Report this comment
May 15th, 2012 at 3:18 am
Ka duh zawng tak a ni e.
Mizo-te kan harh a hun lutuk tawh… Khasi ho angin sawt tawh si lovin kanla buai chiam anga ti nia. 
Nakinah phei chaun Tripura ang kan la ni ang!
Report this comment
May 15th, 2012 at 4:13 am
Post tha tak a ni
.
(ka comment chuan ngaihdan thaa min hriat chhuah tir
)
tren tren
Report this comment
May 15th, 2012 at 7:14 am
Tukchhuah nuam vek u le.
@Dr Mahminga, comment phalna pek i ni e…tren tren.
Report this comment
May 15th, 2012 at 8:10 am
Thil tih sual tawh hnua ngaihdam in dil a, in ngaihdam hi sim a tul. Dan ken kawh a, dan ang thlap thlap a in kaih hruai a action lak hi in zir tir kan ngai hle bawk.
Report this comment
May 15th, 2012 at 8:49 am
ILP ILP……… post a sawi zawng 2 khi a dik vek. Sorkar lam chuan an tihtur an ti e, fel vek lo mahse, mipui lam hi kan thiamlo a ni ber mai. v5 gud post
Report this comment
May 15th, 2012 at 8:57 am
Phalna ka nei ta bawk aaa(h)…
Kan thawh peih loh, kan mamawh si an thawk peih zel si a. Eng ang paw’n dan tum eng ang mah ila, vai hi an pun belh zel zawk hmel…
Hna inang rau rauvah, vai hlawh a tlem si a; hlawh tlem zawk, hna inang renga thawk thei si chu, a chhawrtu tan chuan manhla zawk hek.. Mahni ram leh hnam hmangaih avanga a chhawrtu leh hnathawktu an insiamrem mai loh chuan, vendan dang a vang khawp ang…
Report this comment
May 15th, 2012 at 9:02 am
Post tha hle mai….
Mizoram Police ah hian Vai hi percentage engzah tak awm awng maw?
A man tu tur Police ah Vai an tam miau chuan ILP hi a hlawhtling thei dawn ami?
Engtin nge Mizoram Police ah hian Vai kan tih tlem ang?
State danga kan Mizoram officer ho hian an state awmna ah hian Mizo te hi hna an pe ve ngai em?
Report this comment
May 15th, 2012 at 9:03 am
ILP chungchang ka comment zo chiah, post chung chiah ka en a, IPL leh a behbawm tih a lo awm bawk si
Ka comment-na a dik em tiin ka en leh vat a, a lo dik hlauh e… 
Report this comment
May 15th, 2012 at 9:49 am
ILP hi Independent lo rau rauah special state a min siamtuah ka ngai a. Dik taka hman a tha khawp mai. State sum hnar tha tak pawh ani thei bawk ang.
Report this comment
May 15th, 2012 at 10:20 am
Morning vek u…k’u Sheldon sawi ang khian nizan lamah net ka nei thei der lo a, post lah chu tum aia hmain a lo chhuak vut bawk sia, hei tunah INSAT an tih emawni hi engtin tin emaw ka in pawtkawi a, muang tawkin ka rawn lut thei hraaaammmm
Report this comment
May 15th, 2012 at 10:28 am
Hehehe Dr.mahminga…a lo nih hi ILP leh IPL chu a indawt chiah bawk sia, hriat pawlh nuai a awl dawn nih hi…chuan in sawi tha duh lo emai, ka hriat ve chin hi kan sawi belh leh ang e…
Entirna bawk pe leh ila, mi tuemaw chuan mi tuemaw dangin cement mistiri atana an sponsor tawh, an chhawr zawh tawh kha dawr nghaktu(shop helper) anga rawn sponsor ve leh mai a tum ta ringawt a,hei hi sponsorship inhlanchhawn satliah thil pawh a ni mai lo a, vai khan a purpose of stay kha a thlak ringawt thei tawh lo hrim hrim a, office lamah lo phalsak lo se,’mi ti kher kher, inla khirh lutuk’ tih zawng kha ILP cell ho chan chu a ni ringawt…Mizo te hian dan anga kal hi kan tlin lo a nih ber hi maw tih rum rum chang a tam mai
Report this comment
May 15th, 2012 at 10:38 am
# 22… Dik chiah…
Dan chu kan nei ve a, mahse, thuneitu te’n an duh dan ang leh nuam an tih chin (comfort zone) ah an pawt sawi kual vel mai mai a nih hi…
Report this comment
May 15th, 2012 at 2:55 pm
kan la vai vek don khop hetiang renga kan kal chuan, kristian ram hmangaih omkhom ram hi kan la vai don nih hi huiha, SOS SOS HELPPPPP!!!!!??????
Report this comment
May 15th, 2012 at 2:58 pm
pem sanve deih ang balma ramah poh pem mai ang, zarkot te khi vaikot, zemabok poh vaiabok, dawrpui poh vaidorpui kan hlat vak pon ka ring lo
Report this comment
May 15th, 2012 at 3:04 pm
A mipui nawlpui hian keimahni vang a ni tih hi kan hrethiam thin lo…ram hruaitu leh sorkar lam kan dem vak vak ringawt zel
Report this comment
May 15th, 2012 at 3:29 pm
Dan kenkawh loh hi ani ber mai kan problem chu. ILP hi dan lekkawh harsa ani lo. Permit diklo ruaitu chu a tlemberah nuaihkhat chawi tir se..pahnih khat han man se, han chawitir se..tuman an chhar ngam lo ang! A dik lo a sponsor tu man se nuaih khat chawitir se tuman a dik lo in vai an sponsor ngam lo ang. Dan hi kan palzut nasa em ani..
Report this comment
May 15th, 2012 at 3:34 pm
@ Jacka Pi… A mipui nawlpui chu a dik lo deuh em aw? Vai sponsor thei chin hi chu dawrkai lian, sawrkar hna thawk an ni tlangpui lo maw aw? Zu zuar chhungku hian vai an Karimganj vai an sponsor ve tho thin em le?…
Report this comment
May 15th, 2012 at 3:38 pm
bonafide citizen of mizoram an nih chuan sponsor thei vek, tin ka sawi tel zauh khi hnamdang pawh Trade licence nei an nih chuan hnamdang vek sponsor theih zat an nei ve tlat
Report this comment
May 15th, 2012 at 3:39 pm
oh, Dr mahminga, zu zuarin an sponsor leh sponsor loh chuka hre miah lo a, mahse mizoram mi leh sa an nih chuan an sponsor thei
Report this comment
May 15th, 2012 at 4:41 pm
Hetiang ang thu bengvar thlak hian Misual inpui hi a ti hlu zual thin…ka zawhna hi khawngaihin min han chhan sak ve teh u…ILP kha thla ruk hnuah pawh a la renew theih hmel a, vawi engzat nge renew phal a nih? ILP hi renew zel ta se vai ho hi an awm reng thei dawn tihna em ni? Industry dintu te chuan kum 10 aia tam daih pawh hnathawktu an kawl thin si a…
Report this comment
May 15th, 2012 at 4:52 pm
Ka comment khi ka chhiar leh a, ka va’n ziak sual nasa nawk nawk ve le…
@ Jacka Pi.. Ka lawm e. Ka’n hnialhrat leh hram a nih khi. Ka sawi tum ber erawh, danin a hrut theih chin awm zel hi veiawm ka ti…
Ka chunga mi khi chhang teh u…
Report this comment