Thehmeh awmzia hi sawi kher lo pawha kan hriat vek a nih ka ring tho nachungin, kan sawi fiah ve rêng rêng teh ang. Thereng hrâm lai kan hmeh hlum chuan a reh hmak mai ṭhin a, chumi aṭanga a awmzia chu lâk niin ‘reh hmak,’ ‘reh duak,’ ‘reh vang vang’ sawinâ’n an hmang ṭhin. “Thereng vuak thlâk ang mai” tih leh “Pual lêng thlang tla” tihte nên pawh hian thuhmuna ngaih theih ni.
Kan lût a, kan luangliam a, kan lâm a, kan titi a, kan nui a, a tûl chuan kan ṭap zâ ṭhin. Puih ngai an awm leh inlungrual takin kan pui a, hnem ngai an awm leh thlamuanna bân kan phar lo ngai lo. Mi chi hrang hrang kan ni tih chu phat rual a ni lo, chuti ang chiah chuan kan thu phuh chhuah pawh a dang ngei e. Chu tak mai chu kan inpawhna a ni ang lawi bawk si. Magnet pawh + leh + chu a inpaih a, + leh – a inhîp zâwk ṭhin. Chuvangin mize inmil lo tak tak ni si hi kan nui ho leh dar dar chu a nih si hi!
Nimahsela, hun a lo kal a, kum te a liam a, tûnah zawng kum a uai thla tawh nge, vun a chuar tawh nge, lu a ṭuak tawh nge, tiang hawlin phei lai kan khâi tawh zâwk. He huang hi a nuam ka lo tih ve ṭhin tehlul nên, tûnah chuan a reh titih dêr mai. A ram mai ang chu ka ti phal teuh lo, mahse a nawmna erawh a hloh ṭhen ngei alawm. Site dang ka lût ve zeuh zeuh ṭhin a, post leh comment erawh ka pe ngai lêm lo. He huang hi ka tân chuan a nuam a, a nuam mai pawh ni lovin a mawi a ni. Nimahsela, heti ang reng kan nih chuan pêm rilru pu an awm mai ang tih te pawh ka hlau hlel lo ve.
Hawh teh u, i dinthar leh teh ang u. Midang el leh sên bânsan a, ṭâng dang bêl mai lovin kan vul lai i chên leh teh ang u khai. Site ṭhenkhat chu a ram titih tawh asin. Nimahsela, keini zawng i vawng nung zêl ang u. A hlutna chu member-te kutah a innghat a, a nawmna chu post leh comment pêkah a innghat bawk.
Sawi tûr a va tam tak êm! He site hi nula chu ni ngat se, kei zawng ka ngaizâwng (âtchilh) hial tawh ang chu! Chu chu HMANGAIHNA an ti! Sawi ve r’û…
May 28th, 2012 at 6:46 pm
Pu Awmte, i post hi scheduled hnuah i lo edit leh a comment a in close phah. Hei thehhmeh ang maiin a reh thiap mai.
May 28th, 2012 at 6:46 pm
Chhiar phawt ang u aw
May 28th, 2012 at 6:52 pm
Nia, ‘thehmeh’ awmzia kha ka dah belh leh hram a nih kha. Office-a ka ziah a ni a, hawn hnuin dah belh tha ka ti leh sia, dah belh leh hram maw le. Soooooo sorry………!!
May 28th, 2012 at 6:56 pm
Nia, comment in off a, comment a har tlat. A thehmeh loh nan tan la tlang ila… Kei hi min han en ula, post tin deuhthaw-ah comment ka pe tuarh thin. Hei hi nuam ka tih fal bik vang a ni lo, ka thahnemngaih vang liau liau a ni. Post tinah hian a tlem berah comment 30 aia tlem lo tal awm se ka ti em em a ni. Ka lawm e. Post a chatlak changin copy paste tur tal zawngin ka phi ruai zel a. Ka post zing reng bawk a. Kei tluka misual.com intineitu an awm bik lovang, te ka ti tûn tûn a ni.
May 28th, 2012 at 6:59 pm
Post hot deuh a awm hi chuan, nick thar a awm thluah zel a. An kawmen rei peih ngai chuang hlei lova…Chumi awm zia chu, mi rilru nghet te chauh helai site hi, kan phatsan thei lo tihna a ni. Reh hle thin mah se, kan thuziak te a chhiartu an awm reng thova; an comment lo mai mai thin a ni tih kan hriat a tha.
May 28th, 2012 at 7:01 pm
Nia.
May 28th, 2012 at 7:04 pm
Ka hriat ve dan chuan Puallenga thlang tla kan ti thin.
May 28th, 2012 at 7:05 pm
Thereng hi kan in a tui khawp mai.
May 28th, 2012 at 7:22 pm
Princess Ilefam zarah thereng a hram leh tawh e.
May 28th, 2012 at 7:25 pm
Comment#8 a mi hi a thereng in chin chu a hming pawh a thui ţha tawh khawp mai, thehmeh ang vel a ni
May 28th, 2012 at 7:32 pm
Kan la ti dawn chauh ang chu le.. Tak takah thu thiam tak tak te khan post han vawm lut chur chur mai ula, publish-tute lam pawhin duh thlan theih khawpin, a comment lam chu kan lo tang ve thei khawp a nia.
Post-tupa thahnemngaihna a ropuiin a zahawm hle mai.
tren tren
May 28th, 2012 at 7:34 pm
Beisei tawh loh hnuah leave min han phal sak le..Khawnge thehhmeh ang thiap a reh in haw teh ang hahahahaha
May 28th, 2012 at 7:35 pm
Sehhmeh ka duh jokes!
May 28th, 2012 at 7:57 pm
post tupa pwh cu thehmeh ag vang vang lawm le.
May 28th, 2012 at 8:04 pm
Ka rawn thehmeh ve zuai. Nia, chhiar liam ringawt lo deuh hian
etc. hmang tal hian comment thin ila, Postu lam pawh an phur phah deuh ngei ang.
May 28th, 2012 at 8:04 pm
Nia a dik alawm,member te u hawh u I “THEHMEH” lo ang u.
May 28th, 2012 at 8:24 pm
Current tha vak lo va, ka rawn rik leh tak hluai hi….. in va thehmeh hlawm tak em!
May 28th, 2012 at 8:25 pm
Nia, kan ta theuh ania a inti tatu apiangin nuam kan ti zel ania.
Khamoin beibiiiiiii
May 28th, 2012 at 8:52 pm
Puallenga thlangtla tiin kei pawhin ka lo hriaa, engpawh nise thehmeh tih nen chuan a hmanna a inang chiah lo deuh. Mahse tawngkam nalh tak, khawharthlak tak a ni ‘thehmeh’ tih hi, hmeh hmeh mai a
May 28th, 2012 at 8:55 pm
Hrâm ve leh te’ng, post tha tak ani.tin, a chhiar mi deuh te pawh awmve ni tain ka hria..
May 28th, 2012 at 8:57 pm
Facebook vang vek
May 28th, 2012 at 8:58 pm
Chawhmeh neih loh lai chuan thehmeh hi han keih leh zauh ṭhin ila, a zia ve viau a nia.
May 28th, 2012 at 9:35 pm
Kei chauh lo pawh khawhar in lo tam ve ka ring reng a. Misual.com hi han luh tak tak chuan ngaiah a neih theih ve a; luh loh vang vang lahin chuti bawk. Nimahsela han kalsan hlen em hi chu a fans ruhkawl tan hi chuan a lo har si a nih hi. Nick tawpa arsi hlawh chhuak theuh thei turin i tang tlang ang u aw ni.
May 28th, 2012 at 10:03 pm
Kei chu ni thum chhung ka internet a chiankuan loh vangin ka lut hleithei lova, ka insehruh teuh mai mawle.
May 28th, 2012 at 10:31 pm
2006 vel aṭangin ka lut ṭhin a, tunhnaiah ka comment ve chiah. A tirlama english hlira respected pu ben-a’n a post ṭhin laite kha ngaihawm reuh.
May 28th, 2012 at 10:47 pm
In lo la ‘thehmeh’ reng a ni maw helai chuh…ka’n ti hram te’ng, thehmeh tih leh khuavang kal lai tih hi puallenga thlangtla tih ai chuan a inchawbe daih zawk lo maw@ ptp (post tupa tihna
)
@bbney i va inthlahrung awm ve ooo, rawn comment bawrh bawrh rawh pu ben-a post chauh lo pawh aw hehe
May 29th, 2012 at 1:44 am
Thehmeh ang maia kan reh chu le.
May 29th, 2012 at 1:48 am
Lo kal ru, kha lam atang khan helamah hian i insawn teh ang u.
May 29th, 2012 at 1:57 am
Sangpuiipa, HEI HI eng nge i ngaihdan?
May 29th, 2012 at 6:31 am
A va thehmeh leh ta ve…
May 29th, 2012 at 9:45 am
Site dang kan en in, ‘A serh zinga mei ang’ lo ni tawh teh se a
May 29th, 2012 at 10:04 am
Ve zuai lawk…Magnet ah hi chuan + ni lovin, hmawr (pole) in ang (North leh North te ang hi) an inpaih zawk thin….thehmeh nghal
May 29th, 2012 at 10:14 am
Sehhmeh han sem zauh zauh ula, thehhmeh te chu a bo mai ang… Kha hei hi sehmhmeh tel lovin lo in teh u..
May 29th, 2012 at 10:26 am
Ekhai Ts, a hairstyle a va danglam ve.
May 29th, 2012 at 11:25 am
#Hope Science lampang hre thui ve lo tih takah ka post buh deuh nuai a ni maw…
May 29th, 2012 at 11:32 pm
Thehhmeh ang mai lah zuk ni a!
March 8th, 2016 at 6:09 pm
Thehmeh awmzia vawiin khan kan nauin min zawta, ka lo chhang thei meuh loa, tunah chuan ka hre ta. Ka lawm e.