Kan han tawmim thap a, kan lang leh tham tham thin. Awm khawhar hnemtu leh Zofate tana duhaisam tinreng kan sam khawm a, hmalam thlir a hnunglam kan en zeuh zeuh lai hian theihnghilh kan nei palh ang tih ka hlau a. Mizote hi hriatrengna chak lo tak hnam kan ni a, kan han ri hluai a. Kan reh leh duak thin. Duhthu kan sam a, kan kal pah leh mai thin. He mi(sual).com a lo khel ho tawh thin, ram hnuk khawih pha ni a ka hriat, kan sawi zui leh tak si loh te hi kan lo theihnghilh palh ang tih ka hlau a, hma kan sawn dan leh tun dinhmun chiang zawk a sawi tur nei kan awm tlat ring chungin Look East Policy in a ken thil pathum ka rawn thlang chhuak teh ang. (Kan romantic tlang hlawm bawk a, hmangaihna nen aw!)
Zokhawthar International Trade Centre: A hmasa berah chuan Zofate kan inkal pawh tawna ram dang nen a insumdawn tawnna kawngka hawn hmasak ber ti i la ka ti sual awm lo ve. A hawnna a rei tawh a. Kan beisei a phak em? Trade Center hawn a nih hnuah hian immigration inflow leh custom revenue ah kan san phah em? Ruih theih thilah hma kan sawn phah hial lo maw? emaw drug trafficking leh smuggling a pun phah em? Administration hrim hrim kan hmuh dan emaw han thawh khawm nawn leh i la. Sawrkhar in sum a sen ang hu in hmasawnna kawngka a inhawng in kan hria em? tih te han thawh khawm tha leh i la.
Koladyn Multi Modal Project: Hei phei chu project ang a a kal chuan kum rei lo te ah Sittwe Port thleng rawk highway siam zawh mai tur a ni tawh a. Look East Policy in a rawn ken project ah chuan boruak a nei lian ber awm e tih tham khawp a kan zenthral miliante pawhin an comment ve sek kha ani a. A thatna lai leh a hlauhawmna lai te kan sawi tlang tawh thin a. Tun dinhmunah project hmasawnna kan hmuh dan emaw kan lo hlauh em em thin drug trafficking, immigration problem, arms smuggling route etc etc… te dang tur hian kan sawrkhar hian legislation lamah inbuatsaihna a nei em? Nge kan dan pangai hmangin kan in veng thei kan ti zawk… tih hi ngaihtuah thar leh bawk i la…
Rail Head at Sairang: Kan sawi tawp hleih theih loh leh NGO lian thenkhat te pawhin an dodal em em leh Party thenkhat in an sawichhuah ni awm zia zang a an sawi Mizoram Railway project hi kum 2014 a zo tur a duan kha a ni a. Kum li vel kal ta ah khan kan lo khel tlang chiam tawh a. Tun dinhmunah khang kan duhaisam leh kan hmathlir khan sawrkhar beng a thleng phak em? Kan sawi selna emaw fakselna emaw te kha sawrkhar hian a ngaithla em… Labour Laws leh dan te neuh neuh ah te a inhmakhua em? Project hi engchen a thui chiah nge a kal tawh emaw te thlengin han in refresh leh i la. I han sawikhawm leh dawn i la…
P.S : Post hlui leh comment tha tak tak te ka rawn link lo mai. Search chawp mai theih a ni a topic heading a zirin. Tun dinhmuna heng project kal mek te hian kan ram economy ah immediate effect emaw ram mi ten a advantage kan lak theih dan tur sawi ho nan ka rawn thai lang puat puat a ni e!
Similar Posts:
- Mizoram ah Burma mi nih a vanduai thlak khop
- Heti zawng hian hma sawn ta i la…
- Zoram HRI vei pathum lek!
- Rung Lei
- Google Science Fair 2012
May 30th, 2012 at 12:33 am
#1
Report this comment
May 30th, 2012 at 12:36 am
Mizo = Soda
Report this comment
May 30th, 2012 at 12:41 am
Le a hre ho sawi hun.
Ka lo chhiartu-per ang.
Report this comment
May 30th, 2012 at 1:08 am
Post Project tak ani
Report this comment
May 30th, 2012 at 1:21 am
Hmasawnna hi tlem te paw’n kal bek bek se a tha ah ka ngai. Tha lama hmasawnna chuan thil thalo eng eng emaw a chawm ngei thin,ent. Mobile phone te pawh hmasawnna pakhat ah ngai ta ila,mobile related court case hi tam tak sawi tur a awm tlat ani. Chutiang zelin….
Engpawh duang se,kawng tha leh power hnianghnar kan mamawh. Mall dang kan mamawh tawh lo,parking lot pawh a ngai lo(zero-tolerence week atang kan hre thei,kan khawpui te hi alo la chep reng reng lo!) Dan kengkawhtu khauh tak leh mipui te dan lama awareness nasa lehzual zawk a pek kan mamawh hle bawk. All 3 in 1-in ka comment ah ngai mai ang!
Report this comment
May 30th, 2012 at 2:26 am
Han comment phawt teh u. Naktuk lamah muangmarin a hmai hlai atangin ka rawn comment ve ang.
Report this comment
May 30th, 2012 at 2:32 am
Nia, hetiang lam hi HOT se a tha zawk..mahse a ngai leh ngai hi sawi tlut tlut a ninawm bawk sia. Chanchinbu leh eng eng ilo atanga chachin han chhiar te hi a lungawi thlak loh thei viau bawk si a. Ram tan a thahnemngaihna tak tak thinlung put hi a harsa anih hi. Ka ngaihtuah nasa ve phian thin a, ka peih tawh lo
Mi ram nen hian tehkhin a awl si a, a tehkhin hleihtheih bawk si lo a. Mi ramah chuan grass phah vel mai mai ah Minister an inrawlh a rinawm loh a, playground a zan a light chhit leh chhit loh a minister a inrawlh buai a rinawm loh bawk a. Kan khawvel hi a in ang lo em ani e. Kan la te em ani ber e. Mahse kan rilru phak tawk ani lawi bawk si!!
A tha hi duh ila, kan tha mai ang!
Report this comment
May 30th, 2012 at 7:01 am
A pawimawh hlawm hle mai
Report this comment
May 30th, 2012 at 7:46 am
Tha khawp mai. 1.Zokhawthar hi Mizoram lamin kan thlakhlelh em em Zu quality tha deuh kan hmuh phah a, Myanmar lamin kan sum an lo rut thung. 2. KMP hi hna kallai ngawrh taka thawh mek a ni a, hrethiam rih lo(ka nau pawh a phusa pawl berah a tang). 3. A tha emaw thalo emaw, Arunachalah chuan thawh char char ani a, Itanagar(Naharlagun) chu a rawn lut dawn ta reng mai.
Report this comment
May 30th, 2012 at 8:07 am
Net muan vangin comment sei deuh a lut thei lo, Huiham
tren tren
Report this comment
May 30th, 2012 at 9:04 am
Gradual development chu a awm lo maw.. Thil lian tham hi chuan kum fe hi a mamawh ve hrim2 a
Report this comment
May 30th, 2012 at 11:31 am
A then tan chuan ninawm lam pawh a kai tawh mai thei e. Government policies and execution ah hian tih theih kan neih ve chhun chu progress report lo thlithlai ve a, lo enthlak hi a ni deuh mai a. Duhthu kan sam thin a, kan hriat ang chhun chhun te kan thawh khawm hian mifing zawk leh mithiam zawkte kan cho chhuak mial mai thei a sin. Phunnawi ringawt lo in fak an ngaihna laiah fakin sel an ngaihna laiah lo sel ve hi pressure group hna a ni a, pressure groups/ NGO’s te information lakkhawm na atan chuan misual member zingah hian a ngaihna hria leh thiam an awm tih hi ka ringnghet bur a ni.
Report this comment
May 30th, 2012 at 12:18 pm
ngaihtuahna sen ngai tak a ni; motora chuangte laka strick em em, thlawhnaa chuangte check ngai lo nen khan a khaikhin tham viau ang chu.
Report this comment
May 30th, 2012 at 4:09 pm
Keini a engmah nilo zawk in a suggestions ka pe e kan lo ti ve a!! haha..saipui mitdel te chu! an kal ngai in an kal muah muah tho ang e! khuarkhurum mawng neiah kan la in zilh nuaih nuaih zel ang chu! Its not my problem…kan ti thler duai duai tan tawh mai anih hi! Mizoram vei chu a hahthlak em mai!!
Report this comment
May 30th, 2012 at 9:01 pm
14 a Larpa sawi ang deuh hian…Mizoram chu Inside looking out ai hian outside looking in hian a hahthlak a ni ber mai!! A hnawk kual vel vek!!
Report this comment