Cartoon/Animation lampang ka ziah avang hian naupang chhia viau tûrah min ngai bîk lo ula. Tlangvâl, nupui neih rual lutuk tawh, mahse neih tûr ber la thlang fel thei lo mai chauh ka ni tih ka sawi hmasa duh. 
“Ponyo Ponyo, nghate duhawm te…” tih hla leh “Totoro, Totoro, Totoro…” tih hla hi kan hre lâr hlein a rinawm. Naupang chauh ni lovin puitling tân pawh a hmuhnawm tih phat rual a ni lo. Cartoon a nih avang hrim hrima hmuhnawm a ni lo va, a hmuhnawmna chhan ber chu a story hi a ni zâwk.
Ponyo film aṭanga kan zir tûr:
- Sosuke naupang kum 6 mi vêl lek niawm kha puitling leh rintlâk tak a ni. Naupang tê tê te pawh hi zirtîrna a ṭhat phawt chuan an lo puitlingin an rintlâk thei khawp mai.
- Sosuke naupang tê khân a pa biaknâ’n light signal a hmang thiam êm êm. A nu leh pa zirtîr vang a nih a rinawm. Nu leh pa eizawnna kawngah hian naupang te pawh hian pawimawhna an nei ve a ni.
- Tar chak lo zâwkte ngaihsak an ṭûlzia a lang.
- Ponyo hmangaihna kha a ropui thlâwt! A thiltihtheihna zawng zawng pawh hloh inhuamin Sosuke a zui. Hmangaihna awmzia a lantîr chiang hlein ka hria.
- Tui lian te, thli tleh te leh ruah sûr te pawh kan tâna ṭhatna tûra hmanraw pawimawh tak a ni thei tih a lang.
Totoro film aṭanga kan zir tûr:
- Unau inhmangaihna thûkzia a lang.
- Nu leh pa chauh ni lovin naupangte pawh hian an nu leh pate hi an ngaihtuah ve thei viau asin.
- Û ten naute an ngaihtuahzia a lang a, a ṭûl chuan an hau bawrh bawrh mai ṭhin, mahse an hmangaih vang chauh a ni.
- Mei-i bo avanga a u manganzia kan hria a, a tâwpah ṭap chunga a ngen avangin Totoro-in a ṭanpui tih kan hmu. Keini pawh hi mangan tâwpah chuan kan ṭawngṭaina leh kan ngenna hi Pathianin min chhâng ṭhin tih a lang chiang hle.
- Mizo khawtlâng nun a lang telin ka hria. Mei-i bo chungchanga an khawtlâng mite ṭanrualzia kha a ropui a, tûnlai mite hian entawn tûr kan nei ngeiin a rinawm.
Korean film-te pawh in en ṭhin ngeiin a rinawm (kei zawng ka en ve ngai hauh lo). Korean film atanga zir tûr pawimawh deuh nia ka hriat tlêm azâwng ka’n târlang ve ang e. 1. An thianghlimna leh an invawn ulukna, 2. A changtute hi a tlângpuiin company manager emaw, hna dang thawk emaw an ni tlângpui, chu chuan ṭhalai hna thawh nei lo an awm mang lo tih a lantîr, adt.
Kan thil en rêng rêng hi a hmuhnawmna mai piah lamah a zirtîr leh zir tûr ṭha hi hmu chhuak thiam ila a duhawm hle, chu chu TV en hlâwkna ber tûr pawh a ni. Hmuhnawm ti tak chunga thil tha kan zir chhuah bawk chuan chu bâk bâka thil tha a awm thei chuang lo.
Ponyo leh Totoro film-te pawh hi naupang kan enpui laiin thil ṭha zir tûr lo lang te hi hrilh nghâl zêl ila, nakin lawkah an la rawn nunpui chho zêl dâwn alawm. HPC(D) te pawh hian an naupan laiin heng film-te hi en ta se, an nu leh paten kan târlan ho khi hrilh nghâl zêl ta se, ‘unau hmel hai’ tih vêl hi chu a awm lo maithei asin! 
Similar Posts:
- SvoX :- Search for member
- Ponyo in Mizo
- Slumdog millionaire-ah Mizo!!!
- Slumdog Millionaire
- Film Ratings
June 6th, 2012 at 12:04 pm
Chhiar phawt ang u aw
Report this comment
June 6th, 2012 at 12:05 pm
Korean film hian tuai atitam
Report this comment
June 6th, 2012 at 12:20 pm
Ponyo & korean film hi ka la en ve lo na chungin……….a post chhan a chu tha khop mai, naupang tih vang ngawt hian an puitling lo tih hi chu thil tam takah a diklo thei, mental age leh chronological age hi a danglam viau thei thin tlat……….
Report this comment
June 6th, 2012 at 12:21 pm
Report this comment
June 6th, 2012 at 12:55 pm
Post tha tak a ni…
Tum loh deuhin Ponyo film hi, naute’n an en vangin ka en zo thak. Korean Film maw, Full House kha ka atchilh ve hman. Full House atang ka at tak avangin Korean film dang ka en tawh ngailo..
Full House changtunu anga hmeltha ka tih hi Mizoramah hian an awm mial ang em le? 
Report this comment
June 6th, 2012 at 12:56 pm
Report this comment
June 6th, 2012 at 1:18 pm
Report this comment
June 6th, 2012 at 1:21 pm
A thu tlangkawmna khi
tren tren
Report this comment
June 6th, 2012 at 1:23 pm
Report this comment
June 6th, 2012 at 1:47 pm
unau hmel hai
tren tren
Report this comment
June 6th, 2012 at 1:50 pm
Report this comment
June 6th, 2012 at 2:15 pm
kei pawh hmuhnawm ka ti bang thei lo… 3D ngeiin en ila
Report this comment
June 6th, 2012 at 3:25 pm
That hmel ve, kala enlo thung
Tom & Jerry = Love your enemy
Report this comment
June 6th, 2012 at 4:34 pm
Ponyo hi chu ka la en lo nain ka hre lar ve khawp mai, heng film dubbed te hi mizoramah an lar si a, naupang leh thalai te rilrua ‘values’ an tuh te hi kan chik ve fo a tha. Chutih rualin kan tu leh fate en tur chin kan thlitfim thiam a pawimawh. Mizote chu- a lar apiang, a mawi apiang, a thawm nei bengchheng apiang, a ‘hot’ apiang a that leh tangkai leh a chhiat leh pawi pawh ngaihtuah lova bawh huam huam ching kan ni a
.
Ka rawt duh chu Censor board emaw film authority comtt mumal tak te hi awmin Mizoram huapa foreign movie leh film an chhuah (broadcast) tur reng reng endikin, kan khawtlang nun a ‘impact’ dan tur awm te thlir hovin, chhuah phal chin leh phal loh chin nei teh se.
Zu, damdawi leh motor chauh hi a ruih theih loha, media leh khawlum pawh hi alo ruih theih khawp mai tih kan hriat a tha
Report this comment
June 6th, 2012 at 5:18 pm
#14 bawh huam huam policy chu a tha lo an tih kha kha mawle
post tha khawp mai.
Report this comment
June 6th, 2012 at 5:23 pm
Report this comment
June 6th, 2012 at 5:37 pm
Report this comment
June 6th, 2012 at 6:14 pm
Comment tam duh chuan hetiang lampang hi post duh vak loh tur… Nawi deuh heihna chi ni se, comment luai luai zel, mahse thu tha inzirtirna lampang hi chu ka ngaina ve hrim hrim…
Report this comment
June 6th, 2012 at 7:07 pm
Ka la hre ve ngai lo…Tom & Jerry, SpongeBob, Dora etc etc….
Report this comment
June 6th, 2012 at 7:11 pm
Korean film – ka en ngai lo.
Ponyo leh Totoro – hmuhnawm ka ti lutuk. Ka ennawn peih.
Report this comment
June 6th, 2012 at 8:56 pm
Totoro film (Ponyo nen ka hriat pawlh tlat) hi Mizoram a ka haw lai khan a lar khawp mai a. Ka thian kawm ve ber thenawm nursery zirlai tlangval nen kan en dun thin a, a tawpah “Kan thawnawmpa, Puitea, Puitea” tiin kan zai chiam thin
Report this comment