June 7, 2012: 35.29% in Annual Plan a pung, Annual Plan pun tam ber ṭum a ni.
Kum kal mek, 2012-2013 chhunga Mizoram Annual Plan tur chu nimin khan tihfel a ni ta a. Kum hmasaa Annual Plan cheng vaibelchhe 1700 aṭanga 35.29% a pungin, kumin hian Annual Plan tur chu cheng vaibelchhe 2300 a ni dawn ta a. Kumin hi Annual Plan punna san ber ṭum ni a hriat a ni.
Planning Commission Deputy Chairman, Montek Singh Alluwalia leh Chief Minister, Lal Thanhawla te chuan nimin khan Mizoram Annual Plan hi an tifel a. Hetianga Mizoram Annual Plan a pun chhohna-ah hian, New Land Use Policy (NLUP) avanga buh tharchhuah a pun avang te, Agriculture leh a kaihhnawih thila hmasawnna a awm avangte niin tarlan a ni.
Hetih lai hian thlai ringa industry din (Agro based industry) te, thlai sawngbawl (food processing) te, industry tenau (micro industry) din leh mau hmanga industry din te chu uar deuh deuh nise ṭhaa an hriat thu Chief Minister leh Dy. Chairman te hian an sawi bawk.
Five year plan hmasa chhung khan kawngsial (road transport), kawlphetha (power) leh hriselna (health) lamah hmasawnna nasa tak a awm niin an sawi a. Mizoram-a khua 94.4% te chu kawngpuiin a pawh tawh a, Mizoram khua 61.19% te chu a fur a ṭhala kal theihna kawng (all weather road) a pawh tawh bawk. Mizoram khua 81.31% chuan electric eng an hmu tawh bawk nia tarlangin, “Kum 2011 chhiarpuiah Mizoram mipui 91.58% te chuan ziak leh chhiar an thiam tawh a, Kerala dawtah a awm a ni,” an ti.
Inkalpawhna (transport), zirna leh hri-selna (education & health) te chu sum thawkchhuak thei zawnga tihlen tum a ni.
Chief Minister Lal Thanhawla chuan, kum 2003-2004 aṭang khan surplus budget kalpui chhoh zel a nih thu leh fiscal deficit pawh 2.4% tihhniam a nih thu a sawi a. Hemi atan hian sorkar chuan power policy thar te, industrial policy thar te, New Land Use Polocy te a kalpui mek niin a sawi bawk a ni.
Chief Minister chuan, central scheme hrang hrangte chu state kalphung mila tihdanglam phalsak turin Planning Commission hi a ngen a, hetianga her danglam a nih chuan central scheme chi hrang hrang leh Centrally Sponsored Scheme te pawh tam zawk an chawkluh theih tur thu a sawi bawk a ni.
Read more @The Zozam Times.
Similar Posts:
- Kum 2011-2012 Mizoram Annual Plan
- Mizoram Annual Plan 2008-09
- Mizoran Annual Plan 2011-2012 Rs 1700 Crore
- Congress doubts Boss’ MR Bill
- Lal Thanhawla’n budget a pharh
a tha khawp mai
June 7th, 2012 at 4:54 pm
1st
June 7th, 2012 at 4:58 pm
Budget hi han ching teh u… NLUP package hu zenthral pek kan ni chiah em? te ka tia
June 7th, 2012 at 4:59 pm
Sorkar hnathawk hlawh leh an motor enkawlna bakah an hmang chuang lovang.
June 7th, 2012 at 5:01 pm
Pung thur thur sela, a thei faten an nei thur thur ang a, miretheite chu kan rethei tulh tulh ang tih a va hlauhawm veeeeeeee
Tih theih kan nei si lova, Beiseina hi han nei leh phawt mai teh ang. Huizzzzzzz
June 7th, 2012 at 5:12 pm
Thil lawmawm tak a ni, tih a har tawh ka ti.
June 7th, 2012 at 5:14 pm
A lawm e, mahse a vai khian Mizoram alo thleng angem?
Delhi lama lo buaipuitu te hneha engzat tak pe ang mo?
June 7th, 2012 at 5:24 pm
KA hrethiam ve lo e. Bill Gates a hausakna nen han compare thiam in awm em?
June 7th, 2012 at 5:30 pm
Cheng vaibelechhe 2300 chu US#416 million vel ani a. Bill Gates an $6 billion nei ta se, Mizoram plan budget chu 0.7% vel ani.
June 7th, 2012 at 5:31 pm
F1 team khat budget aiin ala tlem tho em? An va dil chhuak hnem thei ve.
June 7th, 2012 at 5:33 pm
8..Sony, thanks..ekhai!
eiruk tham a awm lo anih chu!
June 7th, 2012 at 5:38 pm
Khai, Bill Gates chuan Mizoram hi min rawn chawm tawp se…
June 7th, 2012 at 5:44 pm
HAHA..ti chung hian kan la thle ve ber bur aaa
June 7th, 2012 at 5:54 pm
lrp, Bill Gates chuan 3/2012 khan 61 billion US dollars a nei hem mai
https://www.moneyhowmuch.com/20.....-have.html
61 billion U.S. dollars = 3.35718217 trillion Indian rupees
June 7th, 2012 at 5:58 pm
Pu HV..ka va in chhir tak! hetiang zat ka nei lo hi HAHA
June 7th, 2012 at 6:23 pm
An term tawp tep sia,an hnianghnar awm…
June 7th, 2012 at 6:26 pm
lrp #14 sim rawh! hairehai
Billte-a hi tlai share-ah chuan a buai vak lovang a. “Kawnṭi ila,” a tih ka ring lemlo hairehai
June 7th, 2012 at 7:08 pm
central ah pawh Congress tho a niaa a awm tiu-teu viau e
June 7th, 2012 at 7:19 pm
MaBilltea hi a chang chuan thlatawp broke a nei ve thin tho. RV ah pawh ba a ngah lutuk a,a kal tha ngam tawh lo.
June 7th, 2012 at 7:37 pm
Bengvarthlak e.
June 7th, 2012 at 7:41 pm
ChhanaPa #18 hairehai
June 7th, 2012 at 7:49 pm
Officer then khat chu an lawm nasa awm mange
June 7th, 2012 at 8:00 pm
Hman a ka hmelhriat nula pakhat chuan PWD kudam atangin alkatra a trip chhuak a, an mahni hnenah a supply leh vel ani awm e. Thil tithei tak tak hi an awm thin a ni…Budget tiheutu ani tho ang em?
June 7th, 2012 at 8:02 pm
Tha dawn e……..
. Bill gates hian mizoram hmasawn nan heng hi ka pe vek ang che u rawn ti mai seh 
June 7th, 2012 at 8:23 pm
Kan ram budget ei zo tute hi mi tamtak an ni lo asin mawle…
June 7th, 2012 at 9:42 pm
A nihna ang taka an hman han beisei teh ang.
June 8th, 2012 at 7:16 pm
A chung a comment ho en khian Budget sawi chhuak tu ka ni ang tih ka hlau….
June 8th, 2012 at 8:06 pm
Dik taka hman chuan Hmasawnpui dawrh tham, Hman dik loh erawh chuan Hausakpui lawih tham a ni ngei ang…..
June 8th, 2012 at 8:49 pm
A lawmawm viau rualin mizoram chu a hmanna lamah kan la buai zawk mahin ka hria. A aia tlem pawh an ti lapse ani lawmi, a lapse bang lah tamtak chu khawiah nge an kal chhui zui tlak… Sawrkar hnathawk hlawh bak contract leh supply te project lian thama pawisa kal tamtak te, department in eng scheme emaw vanga sum a hmanna lian tham ho hi chu chhui zui tlak vek anni lo maw? Department ho pawh hian financial year tawpah hian a lapse loh nan eng eng emaw tiin an buai thei hle lo maw. Financial year tawp ah hian sawrkar nilo bank tepawh an buai thei hle tih hre tho mahila mizoram sawrkar department ho buai dan hi chu tlemin a dang deuh angem.?? Public hriat meuha a lapse tawh hi chuan dawt hmang pawha hup bo ngaihna thlawt awm tawhlo khawp a nih hmel.