Ka thianpa Rama’n tleirawl pakhat hi a fiam ve rawk mai a. Chutleirawl chuan, “I hmelchhia…i hmelchhia” a ti ta hrep mai… Ka thianpa chu za lo deuh hian heh thla..(h) duai chuan a nui vel ta mai mai a. Kei ve lah chuan ka khawngaih e tiin ka tha a lo nat pui deuhva, han tanpuia han chhanlet pui ka duh hle a, amaherawhchu, a fiam ang chiah khan fiam ve ta ila, ka thianpa hlawh bak zawng anchhia chu ka khum tur a nih ve hmel hle.
A chhan chu ka thianpa pawh hmelchia an tih chuan, a thianpa pawh hi eng ual ka ni bik lo tih hi ka in hre chiang a. Tuk chhuaka in hmu kan ni a, darthlalang kan nei ve bawk a, kan hmelin hma a sawn chak loh dan leh tun dinhmuna kan lan mek dan hi ka hai bik awzawng lo… Nihna hriat belh chhah leh ai chuan ngawih ka chuh ta a. Kan fate rual lek tawnah hmelchhiat vanga mei khupa kan han tlawm chu(h) pem hliam na em em leh pawn lama lang chhuak natna ni lovah chuan tawrh thiam harsa pawl tak chu a ni..
Mitin tan hian Pathian hian hmel min pe theuh a, inhmeh ngiang ngiang an awm laiin inhmeh thlawt lo hi chu an awm chiang. Inhmeh lo zingah hian kei pawh rin luhin ka awm ve a. Vui hmui pu a pachangin hapui thial meuh a inhrosakna tham tling si lovah chuan a hreawm ve thlawt a ni. Na ut ut lo mahse, a khual nek ber a nih avang leh; a eng a mah hma a mi hmuh hmasak ber a nih avang hian thup sen lah a ni lo.
Kan taksa dang ah te chuan ser leh mawi lo a awm a ni thei, ti itawm tur leh timawi turin silhfen chi hrang hrang a tuam mawi, bilh mawi a la ni thei a. Mahse, hmel ber, mi en hmasak ber, mit fukna ber mai chu tuam mawi chi lah a ni lo. Anihna ang ang a a lan a tul a, thin a ti rim ut ut a, mahni leh mahni in chhiatkhum reng lah a ni ber si lo. Uanglo zet a, mi min hmuh dan tur hre ru kiau chunga pho lan ve zel chu a pu tu tih tur chu a ni ringawt.
Kansuahsual vang pawh ni bik hauh lova Pathian minsiamdan mak bik hmachhawn tura khawvel eng hmu a, nuchhulkantawn keh ni atang khan fak teh chiamkanhlawh lo. Naupiang hlim ve ta chu en ve hrim hrim ang tiin naupuan keuva min entu te ner hmel chu thla khat em pawhkanla tlin hma atanginkandawng sawng tan a. Than len zel hi chakawm loh tak a ni.Kanhan leikang ve tan deuhva, nausen lai mawk in min kiansan lawk lo zui a, rual khat zinga tihduhdah pawla tan reng pawh kha vanduaina part- pakhat chu a tling.
Hmel zia deuh leh pumraw mawi deuh te chuan thur bik an hlawh nge nge a. Hmel chawhnu deuhte chu a tawp lamahkanin tlar fo mai. A hrehawmna tak pawh thil engkim hikanhre ve kur si hi a ni. Mit hriatna a bo bik lo a, beng hriatna bo bik hek suh. Chi hi a al ve thova, hmarcha pawh a thak ve tho.Kantui a hal ve thei a, ril lah mi bak bakin a tam emaw tih mai tur. Thlasikah vawtkanti ve a, nipuiah lah lum ti hlei hlei; inthlahrun tawh nak alaiin, a thente phei chuan khawlum a ti zual te min la ti zui. Engpawhnise, damchhung ni chhiar zo va, tarkun khup bih thlenga put ve zel chu aneitu mawhphurhna chu a ni miau si.
Kan han tlangval chhuak ve a, hetih hunah mawlh mai hian alawm hrehawm ta chu ni. Rualpui ten mahni tumtawk vanzemah tiin in awm tak tak an han in khingpui far mai a. Chung zinga a chuang pawl a tan ber mai kha..awi..engdang vang mah kha a ni si lo. A chiang reng. Darthlalang a in en a, kut khinghnih a biang sawk nawk nawk a, inchhiatkhum hrep mai kha a napawm. Khualkai chang a awm a, hmeltha deuh te chungah chuan reiloteah an zawlpui te mit a fu a. Mit hmangin thu an sawi a, reilote ah hmabak an insiamthuai thin.
Mipui zingah mi en bik deuh an hlawh a, pahnih khat in melh zek zek paha an in hrilh ruk tawh chin ah phei chuan, a pawng atakin thaw a lo hah ve ringawt thin. Aw…hmeltha te hi chu an va han vannei tak em…an fel emaw, fel lo emaw, vawi khat in hmuhna mai a, malsawmna an dawn hnem zia hi. Keini ve zawng rei te iak chamchilh phawt loh chuan biak thatkanchang lo a. Vawk chaw bel suan sak leh in ti zei reng reng a, min biak that theihna tur tawkdarh nen, tlema insawi theih pah tul deuh kara a dawt tlem tlem phum zeuh zeuh chunga tanlak a tul a. A hahthlak bik kher mai.
Hmeltha te hi chuan engkim mai hi an in hmeh thluam mai zel a. Thawmhnaw chhuak thar leh design hrang hrangte hian a chei mawi zual a. An duhawmna a ti zual a, en an nuam a,kanthlir ning thei hlawm lo chu a ni ber. Mahse, keini ang duang hi chuan mi mawi pui hikanmawi pui zo ve lo a,kaninchei pauh lehkantawp lian ting mai a ni. Fu ke kim mahse, a in remkhawm fuh loh laileng chu taksa landan hi a ti buai vek a.
Chuchuankanthawmhnaw thlengin a nghawng. Achhia a kal fuh tawh laklawh chuan bel mawi leh chiam tum pawh hi expenditure-a tam duh mai mai. Lu um a tangin a fuh tawh lo a, darpheng leh lu inkar ah ringawt pawh dik lo hikanhmuchhuak nitin a ni ber. Mihringkanni ve bawk a, tha tih zawng leh hmel ngainat zawngte tawn ve ni te a lo her chhuak thin.
Heng niah te tak hian a lawm chimawm chu. Thinlung chhungrilah chuan duhna leh hmangaihna chu tui angin lo in khuap li pung mahse, he hmel confi- lo lutuk avang hian nih tur ang pawh kan ni pha lo a, menpuai chunga an tukkhum thlir liam ni ava tam em. Tu hriat ve mang si loh hian kan dang a lo ro huam huam a,kantawt up up a, arngeng lah a hma ai lian lian chuan min la bawm zui. Khua hi a var mawlh love.
Aw le…kansawi seng lo ang. Mahni chunga thil thleng ti tak mai a han auchhuahpui chu, ‘Pathiansiamdan ah che hian i lungawi zo lo em ni’ tiin ngaihdan i losiama ni mai thei. Lungawi lo pawh ni ila, tih vak ngaihna a awm chuang em ni?
June 8th, 2012 at 6:38 pm
Chhiar 1st teh ang. Ngaihnawm e.
Kei chu ka hmelah ka lungawi!!! Midang an lungawi ve em ka hre law…. Lolz
Report this comment
June 8th, 2012 at 6:48 pm
# 1
Report this comment
June 8th, 2012 at 7:01 pm
Ka chhiarchhuak. Thu i thiam mahse i uluk lo lutuk aaa… Han chhiar leh mah teh, inzawm lo tur inzawm, space pekna tur a pek loh te i hmu ve teuh ang ka ring.
Report this comment
June 8th, 2012 at 7:09 pm
Thu i thiam mang e..
Ka hmel chungchang ziaka ngaiin, intitatu takin ka chhiar chhuak dap.., 
#1&3…
Report this comment
June 8th, 2012 at 7:10 pm
Mi fiam hrat fu si, fiam let dawl leh si lo hmelchhe bawk si a ni maw i thianpa chu
(fiamthur)
Post tha tak a ni
Hmelchhe hohianZiahzawm kan uar anih hi 
Report this comment
June 8th, 2012 at 7:28 pm
Ziahzawmhihmelchhetrademarkanitihnaemi?
hehe!!!
Report this comment
June 8th, 2012 at 7:29 pm
Hmelchhe khabe sep hi a fuh duh roh pek a nih hi maw le.
Report this comment
June 8th, 2012 at 7:37 pm
Report this comment
June 8th, 2012 at 7:50 pm
Hmel leh pianhmang hi hmangaih theih, a tlo lem lo. Kan “lo hetih” chung chunga min hmangaihtu te hian, mi hmuh loh leh hriat loh an hria tihna a ni. Tar kun khup bihin, pawnpui an lo delh fo asin.
Report this comment
June 8th, 2012 at 8:00 pm
Pu Hnam Sakhua post, schedule mi khu a hot leh khawp ang
Report this comment
June 8th, 2012 at 8:00 pm
If I am ugly, so are you
tih ve hmiah zel tur
Report this comment
June 8th, 2012 at 8:13 pm
Na ut ut lo mahse, a khual nek ber a nih avang leh…..
He lai hi ka la fuh khawp mai.
Nia, an sawi tawh ang khian tawngkam bungrua i neih that teh lul nen, punctuation i uluk lo ve lulai em a nih khi mawle! Tin, kaninchei pauh lehkantawp lian ting mai a ni tiha ‘pauh’ tih hi ‘poh’ ti-a ziah zawk tur a ni e.
Englekhawle, ka
e.
Report this comment
June 8th, 2012 at 8:21 pm
ho eem mai..tleirawl tawngkam ve nih chuuuuuuu.
Report this comment
June 8th, 2012 at 8:31 pm
chhiar a van har niai niah ve. Ngaihruatin lunglen a hril chang chang tih ang vel a ni. Uluk hian tu pawi mah a sawi lo. Hei aia uluk zawka i post kan lo nghak reng e.
Report this comment
June 8th, 2012 at 8:49 pm
Chhiar ava hahthlak ve… a thu a lungchhiatthlak bawk si….. Thu I thiama a ngaihnawm tho e.
Post hmelchhe tak ani e.
Report this comment
June 8th, 2012 at 9:00 pm
Khiti ang tleirawl nihna dik tak a mi chhan fawk fawk ching ho chhan dan chu, “Laipa’n min hnangaih tho”
Tin, hmelchhe deuh pawh ni ila nuih sang deuh reng tur, hmeltha tum deuh bur 
reng ai chuan hmelchhe nui sang hi an ngainatawm fe zawk tih hriat reng tur. 
Nia, chhiar nuam tak a ziah chu nise a letin a ngaihnawm ang. Han tang sauh sauh rawh khai.
tren tren
Report this comment
June 8th, 2012 at 9:07 pm
@16 Edit “Laipa’n min hmangaih tho” ni lovin “Laipa’n min hnangaih tho” tih zawk tur. Net satel vangin ka edit hman loh chu leeeeee..
tren tren
Report this comment
June 8th, 2012 at 9:12 pm
Hahahaha…. A la dik ta chuang lo
“Laipa’n min hnangaih tho” ni lovin “Laipa’n min hmangaih tho” tih zawk tur.
tren tren
Report this comment
June 8th, 2012 at 9:24 pm
#18 chhuaklinga, ala dik ta chuanglo anih hmel, en chiang teh lol
Report this comment
June 8th, 2012 at 9:25 pm
He post chuh, kan hmelchhiat zia min hriat chhuah tir dawn a lawm le……….min kan haider ve tang2 a………….
. I thianpa nen chuan kan lungrual viau dawn chu 
Report this comment
June 8th, 2012 at 9:46 pm
Charice_mizo@19, A nih tak khi, haha.. huiz… lo en rem tawh mai teh u(n). Tar a lamah chuan kan phelh phung tawh mai a nih hi
.
tren tren
Report this comment
June 8th, 2012 at 10:36 pm
Ka hmel neihchhunah hian ka lungawi khawp e.
Report this comment
June 8th, 2012 at 11:11 pm
Ka rilru ang pu mi i ni e
Report this comment
June 9th, 2012 at 12:14 am
‘Mitin tan hian Pathian hian hmel min pe theuh a, inhmeh ngiang ngiang an awm laiin inhmehthlawt lo hi chu an awm chiang’… Eng nen nge a inhmeh thin??
Nui hnem ila,hmel a that vur loh paw’n hmuh a nuam mai.
Report this comment
June 9th, 2012 at 3:23 am
thu i thiam hle mai…
min hneh tlat…. ngaihzawng hmelchhe deuh deuh hlir ka nei tawh ang /…
Report this comment
June 9th, 2012 at 11:09 am
Thu chheh kual vel i thiam nen a chung lama an sawi ang khian han uluk deuh la chhiar a nuam zaih tur hi a nia le!
Hmanah ka thianpa (kei aia hmelchhia!) nen inneih lawmnaah kan kal a. Kan hmelhriat nula pakhatin mi tam fe hriatah ka thianpa chu a lo fiam a, “a thlalak naupang tihthaih nan an hmang thin” a lo ti zarh zarh a.
Ka thianpa chu a lai vek a, chhan ngaihna hre lo-a a awm chu ka lo chhan a, “nang chu i thlalak puitling tihthaih nan an hmang thin” ka’n ti mai chu…thei se chuan min vawhlum duh hial ang.
Report this comment
June 10th, 2012 at 10:10 am
sheldon Says, ni e lo uluk hram ka lo tum tawh ang e. Hemi ka post don hian ka chhut toh sa kha edit non leh poh om chuang lo in ka paste top a. Ka tih leh hunah chuan ka lo uluk tawh ang e.
Report this comment
June 10th, 2012 at 10:12 am
Dr Mahminga Sailo….ka lawm e, ka lawm lutuk e
Report this comment
June 10th, 2012 at 10:14 am
lr Hlonchhing ka duh che
Report this comment
June 10th, 2012 at 10:16 am
saint sammoo post non leh chi em ni dawn?
Report this comment
June 10th, 2012 at 10:21 am
Comment tu te zawng zawng chungah ka lawm rual rualin, in mi hriatthiamna ka ngen nghal bawk e. Ka post dawn hian a font han tih len a, edit ngial ka han tum a, mahse a fonts a lian thei reng reng lo mai. Hetiang pheng phung hian a chhuak ta anih hi.
Chhuanlam dang vak siam pawh ka tum lo, ka fimkhur loh vang a nih ber mai hi. Post leh hunah chuan hetiang em em hi chu a ni tawh lo turah ngai ang.
Report this comment
June 13th, 2012 at 10:39 am
Confidence dude, confidence..mipa tan chuan pawimawh ber mai hehe
Report this comment