«
»

Musical Instruments (Pathianni pualin)

June 10th, 2012 6:00 am by Awmtea Leo Khiangte

April & May thlaa Bial Worship & Music Committee buatsaih Solfa Training bial chhung kohhran hrang hranga kan neiha ka paper present a ni a, ka rawn kai tawi.

music

  • Pathian fakna tak tak. Rimawi hmanraw hrang hrang thiam taka kan tum (play) hian Pathian ropuina aiin hmuhnawm (entertainment) a chang thuai ṭhin. Talent show-na ni loin Lalpa fakna a ni tih hriat reng tûr a ni.
  • Inkhawm, Zaikhawm & Fellowship kal hma. Musician kan nih chuan mipuite thlen hmaa thlen ngei ngei tûr. He quality hi musician tha chuan an nei tlat ṭhin. Chuti ang ni lova, mipui zai thup thup hnua music key mil zawn, drum ri adjust, guiter herh mil, adt. hi kan tih fo chuan kan zahawmna kan tibawrhbângin zai boruak kan tichhia a, mipui leh Pathian zah lohna a ni.
  • Thawhhona ṭha: Zai hruaitu (musician) kan nih chuan thawhhona ṭha hi thil pawimawh tak pakhat a ni. Rimawi kan tumpuite nên mitmei emaw chêtzia emawin kan inbe ṭhin tûr a ni.
  • Hla Key ngaih pawimawh: Hla rêng rêng hi zaipui nuam tâwk tûrin a key an dah deuh zêl a, chu chu kan ngai pawimawh tûr a ni. Kristian Hlabua key an dah hi chu Kohhran mipui zai nân chuan a sâng deuh hret zêl a, note chanve emaw note 1 emawin tihhniam ṭhin a ṭha. Amaherawhchu, key zawng zawng tihhniam vek erawh a dik chuang lo. Hla key kan hriat theih nân a hnuaia mi hi lo en ila:


Major

KEY

A

B

C

D

E

F

G

HIGH NOTE

FAH (D1)

ME (Eb1)

REH (D1)

DOH (D1)

LAH/TE (Db1/Eb1)

LAH (D)

SOH (D)

LOW NOTE

LAH (Gb1)

SOH (Gb1)

SOH (G1)

MEH (Gb1)

REH (Gb1)

DOH (F1)

DOH (G1)

Flat(b)/Sharp(#)

KEY

G#/Ab

A#/Bb

C#/Db

D#/Eb

F#/Gb

HIGH NOTE

SOH (Db1)

ME (D1)

DOH (Db1)

DOH/TE (Eb1/D1)

SOH/LAH (Db/Eb)

LOW NOTE

LAH (F1)

SOH (F2)

FAH (Ab1)

ME (G1)

DOH (Gb1)
  • Eng Musical Style nge kan hman ang? Musical style – rock, reggae, country, jazz, waltz, etc. a awm a, ṭhenkhat chuan an nuam tih zâwng style ringawtin an play a, zai a hahthlâk ṭhin. Hla rêng rêng hi a thlûk leh thu a zirin a style leh beat mil tûr a awm zêl a, chu chu kan zir a, kan hriat hmasak a ṭûl ṭhin. Entirnân, “Lalpa hmangaihtuten in lâwm hla rawn sa r’u… Zion tlângah lâwm r’û” tih hla te hi a phuahtu chuan march style (sipai lam music)-a play tûr leh sak tûrin a phuah a. Kohhran inkhâwmah chuan a theih chen chenah saphovin Church Music an tih ang hian zai hruai thei ila duhthusam a ni.
  • Solfa Thiam Rawh: Rimawi tumtu ṭha tak kan nih dâwn chuan solfa kan thiam hi a ṭûl hmasa ber. Solfa thiam lova rimawi tum thiam kan intih ve ngawt chuan ziak leh chhiar thiam si lova “BA ka pass” tih nên a nuih zahthlâk dân a inang reng!
  • Rimawi hi thlarau a ni. Harhna kan tih zawng zawngte pawh kha a bul chu rimawi avanga lo thleng a ni. Tûnlai thleng pawhin Kohhran hlim leh nung tehna ber chu zai a nawm leh nawm lohah thui tak a innghat. Chuvangin rimawi leh thlarau hi a inzawm tlat a, rimawi leh harhna hi a inhne reng a, rimawi leh hahdamna/phûrna/chakna hi unau a ni. Thinlung leh tihtak zeta rimawi tum ṭhinte hi thlarau mi an ni!

Zai thiamna ang bawkin rimawi tum thiamna hi talent ropui tak, Pathian min pêk a ni. Pathianin rimawi tum thiam tûrin min siam a nih chuan rimawi lâwng chauh pawhin Amah hi kan fak thei tûr a ni. Amah kan faka kan chawimawi phawt chuan kan chungah Lalpa hi a lâwm ngei ngei ang.

Bonus: 2007 Skylinks present ‘Gold Finger’ Keyboard-ah 2-na ka nih vena a nih hi. :-)

musics

Similar Posts:

Recent Posts:

This entry was posted on Sunday, June 10th, 2012 at 6:00 am and is filed under Religion. You can follow any responses to this entry through the RSS 2.0 feed. You can leave a response, or trackback from your own site.

23 Responses to “Musical Instruments (Pathianni pualin)”

  1. 1
    Dr Mahminga Sailo Says:
    June 10th, 2012 at 6:17 am

    A bengvarthlakin, post tangkai tak a nih hi.., (Y) Pathian ni hman nuam u…

    Report this comment

  2. 2
    Awmtea Khiangte Says:
    June 10th, 2012 at 6:29 am

    Chibai u le

    Report this comment

  3. 3
    chhangteval Says:
    June 10th, 2012 at 7:01 am

    m m r d s l s s f m (8)

    Report this comment

  4. 4
    century child Says:
    June 10th, 2012 at 7:23 am

    Dooohhhhh..
    Post tha hle mai (Y)
    pathianni hman nuam vek ule. (8)

    Report this comment

  5. 5
    saint sammoo Says:
    June 10th, 2012 at 7:54 am

    thingpui lum saktu tur che u an awm na nge.. Khawnge.. A patling ber hian kan lum ange.. No 5 chiah ka lum ang. Tho rawh u, in chang lo ang e. (C) (C) (C) (C) (C)
    C key a in tur..

    Report this comment

  6. 6
    Chhuaklinga Says:
    June 10th, 2012 at 8:28 am

    Tukin chu tuk chhuak a fuh tlat, tho tlai deuh mah ila. Post pawh chhiar mang hlei lovin, ti nghal ngawt teh ang. (Y) (Y)

    tren tren

    Report this comment

  7. 7
    lr hlonchhing Says:
    June 10th, 2012 at 9:47 am

    Bengvarthlak khawp mai. (Y)
    Ka inkhawm thei lo, ka thin a na lutuk a. Sunday hman nuam vek u.

    Report this comment

  8. 8
    H.Vangchhia Says:
    June 10th, 2012 at 10:27 am

    A tha e (Y)

    (F1) tih vel ho khi ka hrethiam lo??!!!! Eng solfa nge a>?

    Ka zanin music hi a ri chawrh chawrh mai hairehai :P
    https://i45.tinypic.com/10pdngp.png

    Report this comment

  9. 9
    H.Vangchhia Says:
    June 10th, 2012 at 10:36 am

    Hetiang hi chu ka sa rem thiam ve. Khitiang khi chuan ka bo viau thung!

    https://i49.tinypic.com/2mq2a92.gif

    Report this comment

  10. 10
    buh-duha Says:
    June 10th, 2012 at 10:42 am

    Good post..
    Kohhran zaiah hi chuan keyboardist te hian lo fill vak vak lo se zai a nuam zawk mahin ka hria,Mizo church music hriat a ngaiin ka hria..

    Report this comment

  11. 11
    Lamji Says:
    June 10th, 2012 at 1:14 pm

    (Y) Hla key guide khi a tha khawp mai. Ka hre ta chiah che,i play dan atang Anthony Burger i ngaisang hle tih pawh ka chhuidawn thiam mai. ;) Mizo gospel ah chuan bluegrass,blues,country hi a apply chi fu.

    Report this comment

  12. 12
    TuaiSialA Says:
    June 10th, 2012 at 1:23 pm

    A tha hle mai. Keyboard tum hi ka thiam chak em em a, mahse, ka thiam teuh si lo. Alelelele.. :-P (Y)

    Report this comment

  13. 13
    sheldon Says:
    June 10th, 2012 at 1:45 pm

    Tha, mahse ka tan a tangkai lo. Mi zai ngaihthlak hi ka duhtawk viau.

    Report this comment

  14. 14
    malsta27 Says:
    June 10th, 2012 at 2:17 pm

    Tha khop mai a…… Lamji sawi khi dik khawp mai, blugrass te, missisipi blues ang te, deep river blues ang chi ho hi kan lengkhawm zai atan hian a tha a nia……..Tin, Pu HV a sawi ang deuh khian Tonic solfa kan hmang a nih pawn a chord, line tin a awm zawng2 a hi hmeh kim vek theih chuan zai a ti nuam, Bar a mi chauh chord hmang lo hian. Chubakah a hla flow zuk chen chilh ve a hi musician tan chuan a pawimawh hle……..ka rin aiin i naupan hmel daih mai ;-) , tha deuh in in ti chho zel dawn nia. (Y) (Y)

    Report this comment

  15. 15
    Lamji Says:
    June 10th, 2012 at 2:35 pm

    Pu Hbeea score chu guitar tab te a awm vel. :) zai na’n hrim hrim hi chuan Tonic ka la thlang fan,a awlsam em mai. Quick recall na’n chuan staff in ka dah a,a hnuai ah tonic note in ka dah leh keuh zel,awlsam utu.. :D Awmtea piano play hi live in ka lo hmu reng tawh ani hi. ;) mulco27 comment a tha thei khawp mai. (Y)

    Report this comment

  16. 16
    malsta27 Says:
    June 10th, 2012 at 3:17 pm

    Shallaa……..Lambu leh :-D ,Mulco ka ni lova nia aw :-D :-D :-D ………….tonic hi kan hmang laklawh tawh hi chu tha ang reng viau na chungin staff ho hi hman ve theih vek chu tha mawle…………

    Report this comment

  17. 17
    PKfanai Says:
    June 10th, 2012 at 3:58 pm

    Awmtea chu i lo va changkang ve a. Kan la zaiho dawn nia. (Y)

    Report this comment

  18. 18
    CFL Says:
    June 10th, 2012 at 4:08 pm

    Album ka siam hunah Keyboardist atan ka hmang ang che. :-D
    (Y)

    Report this comment

  19. 19
    H.Vangchhia Says:
    June 10th, 2012 at 7:31 pm

    Post tupa chu chunglam a ka hriatthiam loh i rawn sawifiah turah kalo ngai asin :-S

    Hmmm harsa maithei… staff notation bak ka chhiar/sa thiam chuanglo :(

    Report this comment

  20. 20
    Charice_mizo Says:
    June 10th, 2012 at 9:43 pm

    I van lo inzep rei thei ve aw…ka ngaisang che (Y) , post pawh bengvarthlak e :-)

    Report this comment

  21. 21
    malsta27 Says:
    June 10th, 2012 at 11:53 pm

    @HV#8-#19: A post tu pa a awm lova tin nia nge. F1 ang chi ho a khi chu octave a nia, d/r/m……ang chi ho khi chu a base note/key atanga 1,2,3 an chhiar chhoh ang kha ni mai awm e. Instrument ah a ni tlangpui, Fah te 4th leh Soh te perfect 5th adt adt…….. an tih anga sang chho zel ang hi ni deuh mai awm e a. A fiah phah a ngem phei chu ka hre lo……… Hairehai :-) .

    Report this comment

  22. 22
    Awmtea Khiangte Says:
    June 11th, 2012 at 8:11 am

    Rimawi kutpui kan nei a, ka lut hman lo a ni. F1 tih ang chi khi chu Malsta sawi ang khian octave a ni a, a chung lama a awm chuan a sang tihna a ni a, a hnuai lama a awm chuan a hniam tihna a ni. F2 a nih chuan octave 2-in tih hniam emaw tih san emaw mai tur a ni :-)

    Report this comment

  23. 23
    Mama_B Says:
    June 11th, 2012 at 7:35 pm

    He post chu a va bengvarthlak em!
    Keipawh senior lamah keyboard ka tuipui ve tlat mai a, thiam tak phei chu ka la ni lova, april thla khan kan kohhranah keyboardist-ah min ruat ve a, hei hi biak ina ka tum vawikhatna a nia, mualpho lutuk lovin ka tlingtla thei ve hram!Hla-ah chuan hymns ho hi tum nuam ka ti ber mai. A chord a mawi hlawmin belhchian an dawl ber mai!

    Report this comment

Leave a Reply

You must be logged in to post a comment.