Thenkhat chuan ho kan ti viau mai thei a, a then chuan fak tlak emaw entawn tlak emaw pawh kan ti lo mai thei bawk a. Mahse he zirtirtu hi kei chuan fak tlak ah ka ngai a, chuvangin ka han post a ni.
Mampui khua (Lawngtlai District) a High School (Deficit) Headmaster Laldinsanga Ralte hi fak tlak hle in ka hria. A fate hi Middle School an zawh thleng in Lawngtlai ah English Medium private school ah a kal tir a, High School an rah phak chinah chuan ama school ngei Mampui ah a kal tir vek a ni.
Engatinge Boarding School tha ah in dah ve mai loh, in tlin awm tho si a?? tih zawhna hi an tawng hnem ve bawk a ni ang. A ni chuan,” Zirtirtu ka ni a, ka fate chu ka school ah kal se, an nungchang leh an lehkha zir dan hi keimah ngei in hre chiang ila ka duh a ni” a ti mai thin.
“Ka School atanga lehkhathiam a an chhuak lo a nih chuan ka mawh a ni a, ka fel loh leh ka thiam loh liau liau a ni ang. Mahni fate school kalnan mahni school ngei pawh kan duh loh chuan zirtirtu tlak kan ni lo tihna a ni mai” a ti a ni.
Tunlai Mizoram ah hian sorkar zirtirtu in an fate kal nan anmahni school aia private school duh zawk tlat hi an tam hle mai a, heti a nih laia mahni mawhphurhna hria leh mawhphurhna la ngam kan awm hi fak tlak hle in ka hria.
Similar Posts:
- Mampui ram ah Vantirhkoh(?) an hmu!
- Central School, Champhai
- STEM
- Ka Zirtirtu
- Zirtirtu hna hi mi rinawm te thawh chi a ni
June 13th, 2012 at 4:05 am
A fakawm hle mai, private school tha pui pui neitute zingah pawh an fate phaia dah tlat an awm tam ang.
Tin, he post hi a chhuak zing tha vang vang hle mai!
Report this comment
June 13th, 2012 at 4:22 am
Good Morning vek u…
Post fak tlak tak a niin ka hria.
Report this comment
June 13th, 2012 at 4:43 am
Fak tlak anih chu
Report this comment
June 13th, 2012 at 5:09 am
Zirtirtu entawntlak tak a ni e. Good post.
Report this comment
June 13th, 2012 at 5:58 am
Ama hna a thawk takzet a nih hmel a amah pawh a inring zo veh vawh hle tih a hriat hle mai. Pa chhuanawm tak a ni e.
I hmuh hunah chibai minlo buksak dawn nia
Report this comment
June 13th, 2012 at 7:02 am
Miza pa dik tak, mahni mawhphurhna hria a, hlen tum mi leh inringtawk a nih chu. A ngaihsanawm e..
Report this comment
June 13th, 2012 at 8:20 am
Zirtirtu fak tlak tak a nih chu
Report this comment
June 13th, 2012 at 8:27 am
Ka mi ngaihsanzawng tak a ni!
Report this comment
June 13th, 2012 at 8:39 am
Fak tlak tazet a nih hi.
Report this comment
June 13th, 2012 at 8:56 am
#5 Lo buk lutuk ang che.
Report this comment
June 13th, 2012 at 9:02 am
# 6. *Mizo tih tur…
Report this comment
June 13th, 2012 at 10:10 am
A inringtawk veng vawng hle a nih chu. A taimain a hna a tlin thawkhat ka ring.
Report this comment
June 13th, 2012 at 12:31 pm
Pa inrintawk tak chu a nih chu maw le, fak mawlh ang u,
ka nau hi Mampuiah chuan sorkar hnathawkin a awm ve a, chibai mi lo buk sak teh, va ti nghe nghe teh ang….
Report this comment
June 13th, 2012 at 12:50 pm
Ka ngaihdante-
1. Fak thawkhat chuan ka fak ve phawt.
2. A fate chu lehkhathiam thei tak tak an nih chuan ka fak lehzual ang. An nih lem lohva engmah vak thleng tur chuang an nih loh vanga a luhtir a nih chuan ka fak belh vak chuang lo.
3. Lehkhathiam bawk si an nih a, an school atang chuan result tha thawkhat tak an neih bawk chuan ka fak full ang.
4. Nakiinnnnah zirna lama mi hlawhtling an nih phei chuan ka fak over ang.
A ho em aw…
Report this comment
June 13th, 2012 at 2:40 pm
One of a kind.
Report this comment
June 13th, 2012 at 3:25 pm
A ti tha e, a fate pawh mi puitling takah an chhuah ngei a rinawm
Report this comment
June 13th, 2012 at 10:28 pm
Fak tlak mai ni lovin, CHAWIMAWINA DAWNG TUR a nih zawk hi,
kan misual member-ah hian heti ang lam a hma la thei te kan awm mial lo maw?
tren tren
Report this comment
June 14th, 2012 at 12:28 am
Ka skul luh thin na a kan Principal kha chuan a fate zawng zawng bakah a unaute fate zawng zawng nen a rut khawm vek. Mahse sawrkar skul a ni lem law.
Report this comment