Jail tang tlanchhuak man leh a behbawm

June 14th, 2012 10:00 pm by Kher Kher

Aizawl Central Jail tang tlanchhuak mi 5 zinga 4 te chu nizan khan Nghalchawmah man an ni leh ta a, pakhat erawh chu chanchin buatsaih lai thleng hian man an la ni lo.

Heng tang tlan chhuak zinga pakhat hi pawngsual avanga kum 7 tang tura hrem lai mek a ni a, midang 4 te hi chu tualthah case avanga damchhung tang tura convict lai an ni. An zinga pahnih hi Tuikuk (Reang hnam) an ni a, pakhat hi hnamdang vai a ni a, a dang pakhat hi Burma mi a ni a, pakhat erawhchu Mizo pangngai a ni thung.

Nghalchawm VCP J.Lalrozika hnen atanga thu dawn danin heng Jail tang tlanchhuakte hi nimin tlai khan an lui kal hmuh an ni a, Police an hriattir nghal vat a, Police te ngenna angin khawtual mite chuan man tumin remchang lai laiah an chang ta nghal a ni. Tlai thim hlimah khaw daia an rawn lut chu an hual ta a, a then luikawrah an zuang lut a, pakhat te te in an man a, mi 4 chu an man thei ta a ni. An zinga pakhat man ve tak loh Miauchi chu reserve chhung ngaw metre 70 leh 30 bial vela zauah an hual a, hetihlai hian police te chuan mi 4 te chu mipui lamin an hmuh hmain an kalpui ta mai a, mipui lam thinrim chuan an mi hual pawh ngaihtuah chhunzawm lovin an tin sn ta niin VCP J.Lalrozika chuan a sawi.

Pu J Lalrozika chuan ‘Police te ngenna avangin chaw pawh ei lovin hah takin kan buaipui a, kan mi mante chu khaw mipuiten an hmel pawh kan hmu ve duh a, mahse an hmel pawh min hmuhtir lo leh khawtlang hruaitute pawh engmah min hrilh lova an haw vek ringawt a, an duh tawk a niang kan ti a, kan mi hual lai pawh chu kan haw san ve ta mai ani,” a ti a. Central Jail lam thawktute erawh chu hawng mai lovin an awm niin a sawi a, chumi hnu deuhah Police te thleng thla lehin Nghalchawm khawtlang hruaitute nen an in be leh a, an inbiak rem hnuah man turin khawtlang mipui an kal leh a, mahse an man thei ta rih lo a, nizanah pawh an hual chu an chawlhsan ta rih niin Nghalchawm VCP chuan a sawi.

Sairang Police lam atanga thu dawnna ve thung chuan Nghalchawm khawtlang hruaitute report an dawn bawhzuiin Nghalchawm hi an pan nghal a, khawtlang in an hual beh mek te chu khawchhung field bulah an rawn lang hlawl mai a han hmuh phut chuan nu pakhat chu a u thawt a, police constable pakhat leh home guard Sairanga awm tho te chuan a kal hmasa ber chu an bawh thlu nghal tawp a, an man bet nghal a, a dang 4 te chu an tlan darh ta a ni. Midang tlan darh te chu police leh khawtual mi ten um zuiin an hual ta a, chutih lai chuan police thenkhat leh central jail lam thawktu te leh khawchhung mi thenkhat te pawhin lui mawng lam atangin an rawn hual chho bawk a, mi pathum dang te pawh chu man an ni leh ta a ni. An mi man te hi Police motor chhungah dah luh an ni a, an manna velah an thi deuh phengphung tawh hlawm a. He thil thleng hi Lengte leh Sihhmui lam thlengin an hria a, mipui thinrim vanga thil thalo zawk thleng thei venthawn thil thuah heng Jail tang tlanchhuak man te hi saseng vat kha fel zawka an hriat avangin Police te hian kalpui mai tha an ti a, nimahsela khawtlang hruaitute hi ramhnuai lamah an la awm hlawm avangin an han ngaihven deuh a, nghak chhuak zo ta loin an tlan liam pui ta mai niin Police lam atanga thu dawnna chuan a sawi.

Nghalchawm khawtlangin jail tang tlanchhuak te man kawngah theihtawp an chhuah puinaah Police te hian lawmthu an sawi a, chutih lai chuan boruak tha lo zawk venthawn thilthuah khawtlang hruaitute nghak chhuak hman lova an tlansan chu hrethiam hram tura an duh thu Sairang Police lam atanga thudawnna chuan a sawi bawk a ni.

Chipchiar zawk a chhiar duh tan : Source
Pdf file in LINK

32 Responses to “Jail tang tlanchhuak man leh a behbawm”

1
TuaiSialA Says:
June 14th, 2012 at 10:06 pm
Nghalchawm chu an titha kher mai. A lawmawm e. Nghalchawm VCP
Report this comment
2
Charice_mizo Says:
June 14th, 2012 at 10:09 pm
Nghalchawm khua chu an ti tha hle mai, an zarah liau liau misual te man an nih theih phaha.
Report this comment
3
muantea Says:
June 14th, 2012 at 10:19 pm
Convict tlan chhuak an awm hian mipui an ralti nghal a, rang taka an man leh hi a lawmawm khawp mai.
Report this comment
4
sisen Says:
June 14th, 2012 at 10:24 pm
Prison break…mizo version
Report this comment
5
H.Vangchhia Says:
June 14th, 2012 at 10:34 pm
Nghalchawm khawtlang an fakawm viau laiin an titau hma hret em aw ka tia. An man leh thei chu a lawmawm hrim hrim e, han man vek sela tha tur!
Report this comment
6
Saitawk Says:
June 14th, 2012 at 10:45 pm
Nghalchawm khaw tlawmngaihna zoram mipuite’n kan chhawr nasa hle mai.

Hmel hmulo in mihring leh mihring a inman theih dawn a mi?? ti ta ila zawhna mawlmang em em a ni bik law’ng chu maw!
Report this comment
7
kilung Says:
June 14th, 2012 at 10:46 pm
An dinhmun aderthawng tih an hre lo mawn le
,thlamuang taka lui ah te an la kal le..
Sairang police te leh Nghalchawm mipui te an fakawm e.
Report this comment
8
malsta27 Says:
June 14th, 2012 at 10:53 pm
……….
Report this comment
9
Mx Says:
June 14th, 2012 at 11:09 pm
An ngal roll sak hlawm se a tha ang
Report this comment
10
Kher Kher Says:
June 14th, 2012 at 11:16 pm
Continue:
Thu dawn danin heng tang tlanchhuak an man leh takte hi nizan khan pahnih chu Aizawl PS-ah kawlin pahnih dang chu Vaivakawn PS-ah kawl an ni a, thuzawhfiah mek an ni. Heng mite tlan chhuah dan hi chiang taka hriat a la ni lo a. Central Jail atanga thu dawn danin an tanna Cell chhung atang hian tala in ang lo pathum chu hawngin, a hnuah an kalh leh vek a. Heng tala chabi leh a spare te hi an dahna hmun ngaiah a awm vek si a, chabi lem an nei nia ngaih a nih thu a sawi a, mahse finfiah erawh a la ni lo.
Jail thuneitu te hnen atanga thu dawn danin Jail hungna Duty post(Tower)-a duty hna hi home guard lamin an thawk a, thawktu indaih loh vang te pawh a ni anga, post tinah duty an indah kim thei lo a, pakhat karthlakin an duty thei hram niin an sawi. Tang tlanchhuak te hi duty post pakhat,duty awm lohna bulah an lawn liam niin a lang a, helai hmuna search light hi a hma zawng a tha taka eng thin kha an tlanchhuah zan ber kherah hian a thim tlat mai a, an han enchian chuan connection wire dawk a lo awm tlat mai tih an hmuchhuak bawk ani.
Jail hungna bang hian leilung leh bawlhhlawh tling te hi a khuap khawm zela khuareiah chuan bang bul hi a sang ve tial tial thin a, tuna an lawn chhuahna bang pawh hi a tir lam te ai chuan a hniam hle tawh niin Jail hnathawkte chuan min hrilh. An lawnliamnaah hian pakhat koki chungah pakhat ding tase awlsam te in jail hungna concrete wall chunga barbet wire chu an han khawih phak tih a lan reng thu sawiin Jail spl superintendent chuan chu lai hmuna barbet wire pathum chu an bedsheet hmangin an tawn kawp a, chutah chuan put chhuakin a bul mai a, duty post ruakah chuan an pakai anga awlsam takin duty post stepah nuamsain pawn lamah an chhuk ta mai nia an rin thu min hrilh a ni.
Heng Jail tang tlanchhuak mi panga te hian April thla khan tlanchhuah tumin an tanna ward bang an verh a, an tum an puitlin hmain chhuah a lo ni tawh a ani. Hemi tum hian an ward bang cement chhah tak mai chu iron rod leh thir zum hmangin a rukin an lo verh thin a, zan lama tv newschhuak en a midang an awm lai chuhin bang hi a an verh thin niin an sawi. Tlem te te in an ker hret hret a, cement bang an kerna dip te chu politheneah khungin hun remchangah pawn lamah an paih leh mai thin a ni. He an bang verh hi thildang in an zar hliah daih a, en mai chuan a lang reng reng lo. An man chhuah lai hian an bang verh hi an zo teuh tawh hle a, an tlanchhuah duh huna awlsam tea tih pawh mai theihin an dah a ni. He an thil tih hi Jail lam thuneituten an hre ru ta tlat mai a,man chhuahin an awm ta a, a hrem nan Cell-ah an vaiin khung an ni ta a ni.
An dahna cell ward-ah hian cell pindan 4 a awm a, pindan pahnih te chu a ruak a, cell pindan pahnihah mi pathum ve ve awmin he cell ward ah hian mi 6 an dah tihna a nih chu. Mi paruk zinga panga an tlan chhuak a, pakhat an hnutchhiah a, tlanchhuak ve lo pakhat hi chu an thian zinga tel a ni hran lova, case rip tak nei pawh a nih loh thu jail thuneitu te chuan an sawi. Amah hi mess inchagre ah te a awm thin a, a lo rinawm vak lova, sahbawn leh eitur eng eng emaw a lo chheprelh te manchhuah a nih vangin cell-ah hian a awm ve a, midang an tlanchhuah hian chhuah tumna a neih loh bakah tlanchhuah an tumthu pawh hi a hmain a hre lo niin an sawi.
Tlanchhuak ve ta lo hian a sawi dan chuan an awmna cell bulchiah a awm te chuan an kawngkhar chu awlsam te in an hawnga, an rawn chhuak a, an awmna cell tala chu chabi hmangin an rawn hawng leh a, a awmpui pahih te nen chuan an chhuak ta a, MD Mister chu rawn let lehin kawngkhar chu pawn lam atangin a kalh leh a, an tlanchhuah thu hi darkarkhat a liam hma chuan tumah hrilh lo turin an hrilh a, cell ward kawngkharpui tala chu chabi bawka hawngin pawnah an chhuak ta a, kawngkhar pui pawh chu pawn lam atangin an kalh leh hmiah mai niin a sawi tih jail thuneitu ten hian min hrilh bawk a ni.
Heng te hi ngaihtuah zui ta ila:
Jail tang tlanchhuak te hian tala in anglo pathum awlsam takin an hawngin an kalh leh thei a, chabi hi an siamchawp nge an ruchhuak ni ta ang?
A hmaa chhe ngai miah lo search light connection wire hemi zana adawk thei tlat hi a mak hle mai.
Tang tlanchhuak te awmna cell chhakah hian ward lian tak a awm a, chumi thlawngah chuan mi 90 vel zet awmna ward pahnihinzawm deuh thaw a awm bawk a, chung ho zawng zawng chu jailwarder pakhatin a vil thin niin an sawi a, a nih dan tur angah chuanmi pali vil tawk vel niin an sawi.
Jail bang pawn lama homeguard duty indaih lohna avanga duty post pakhat karthlaka duty hi a him tawk lo em.
Report this comment
11
Kher Kher Says:
June 14th, 2012 at 11:20 pm
Jail atanga tlan chhuak man leh takte chu:
1) MD Mister (28) S/o. MD Hussein, Nahari, Bihar, Republic veng nula Remsiami, 2004 kuma thah thubuaia man, dam chhung tang tura tih a ni.
2) Kaplianthanga (29) S/o. Dopauva, Ngur khua a ni a, Champhai PS Case a tang niin 2004 kum leh 2008 kumah tual a thah avanga damchhung tang tur a ni.
3) Budhi Joy Reang (20) S/o. Sabrah Reang, Chilui, Tripura a niin tualthah case ah dam chhungtang tur a ni .
4) Baire Riang (21) S/o Kaiprila Riang, Bethani pawh hi a chunga mi nen tual that dun an nih avanga dam chhung tang tur a ni.
La man loh chinhriat loha bo:
5) Miauchi (34) S/o. Vanchunga, Burma mi a ni a, pawngsual thubuai pahnih, Champhai-ah leh Vaivakawn PS hnuaiah a neih vanga kum 7 tang tur te an ni.
Report this comment
12
H.Vangchhia Says:
June 14th, 2012 at 11:27 pm
#10 a bengvarthlak e.

Para 3 na a tlar 5na ami, “barbet wire” tih khi ‘barbed wire‘(pronounced barbd wire) an sawi tumna a nih ka’n ring ngawt pek a!
Report this comment
13
Rokob Says:
June 14th, 2012 at 11:31 pm
chibai misual member zawng zawng te, 2010 tanga silent reader zan rei tawh hnuah member pangngai ni turin ka rawn lut ve tawp mai, tu’n min dem bik em lovang chu maw ..hehhe:-p, OT loh nan, nghalchawm mipui an fakawm hle mai mahse pu H.Vangchhia sawi ang deuh khian an titau hma deuh anih khi le..
Report this comment
14
Kher Kher Says:
June 14th, 2012 at 11:32 pm
@Pu Hv, nia nih hmel zawk khawp mai.
Report this comment
15
sonrize Says:
June 14th, 2012 at 11:33 pm
Tualthah duhloh zia lantir nana, mipuite’n an chil rawn hmaa Police ten an thiar fihlim hman hi a va tha em. Policete tihtur diktak niin ka hria, tang tlanchhuakte ka tan vang ni hauh lovin. Ka fak thlawt e Nghalchawm mipuite inpekna.
Report this comment
16
H.Vangchhia Says:
June 14th, 2012 at 11:36 pm
Rokob #10 Luil hmawk pangpar ṭhi awrhtir che-in kan lo lawm a che. Cham reng rawh khai. Hairehai
Report this comment
17
Lamji Says:
June 14th, 2012 at 11:37 pm
An tlan chhuah dan a’n turu reuh tehreng nen an man leh dan a’n ho tiah tiah! Jail lam thuhneitute zingah thawhpui an nei the mai ang em? Tlanchhuah ve tak rau rauva… Bangkok an thleng tep tawh ang chu tih nak alaia Nghalchawm a lo la awm.
Report this comment
18
Rokob Says:
June 14th, 2012 at 11:41 pm
@Pu H.V ka lawm em em e, nia cham rei viau ang..chuan tinge le smiley ho hi ka hman theih miah loh?..
Report this comment
19
Kher Kher Says:
June 14th, 2012 at 11:42 pm
Hei vang hi nia an plan ka hre chak ka tih, an ti hlawhtling hman lo nge an pawng tlanchhuah?
An Michael Scofield ber an la man lo nih hmel a, a rawn chhanchhuak leh thut maithei ni.
Report this comment
20
Lamji Says:
June 14th, 2012 at 11:46 pm
Blueprint an siam vek a,an tlanchhuah na ah a ak tu khan a thlauh palh a,an improvise ta a,an man nghal.
Report this comment
21
hiho Says:
June 14th, 2012 at 11:55 pm
#20 Tak tak em i sawi khi?
Report this comment
22
H.Vangchhia Says:
June 14th, 2012 at 11:58 pm
hiho #21 a nuih hui khi
Report this comment
23
Lamji Says:
June 15th, 2012 at 12:34 am
zas a zawk buddy.
Report this comment
24
Charice_mizo Says:
June 15th, 2012 at 2:42 am
#10 makherkhertea thil sawi khian ngaihtuah a ati thui, thuneituten an enfiah vat ka beisei e
Report this comment
25
lrpa Says:
June 15th, 2012 at 3:06 am
electronic media chak tawh zia hi tang tlanchhuak ho hian an hre lo aniang a! An ngampa hma em mai! A lawmawm e
smiley hi a langtha they miah lo nia..ka laptop that ah hian..haaha
Report this comment
26
Maisek Says:
June 15th, 2012 at 6:25 am
a bengvarthlak e… @13 Rokop, welcome em em che…
Report this comment
27
sisen Says:
June 15th, 2012 at 9:48 am
A nungchung lo pawhin man awih ti se
Report this comment
28
century child Says:
June 15th, 2012 at 10:11 am
Light khi a chhe sa ve hrim2 te a ni thei angem le? ‘A chhe sa a’ tih chu a mualphothlak ve dawn sia.. NOI
Report this comment
29
Dr Mahminga Sailo Says:
June 15th, 2012 at 10:15 am
A bengvarthlak hle mai. Misual an man leh hlauh chu a lawmawm
Mahse, an chhuah dan an sawi erawh engemaw a awm duh hmel..
Report this comment
30
doc_lib Says:
June 15th, 2012 at 10:39 am
Ka in rawlh lo ang ka ti zet a, engemaw tak chu a awm emaw ni le. Tala pathum in ang lo thalh..hawng a, kalh leh thlap lai tak khi…Kar chhia chu ni se thuhran..an kalh leh thlap theih chuan chabi spare an nei tihna ani mai a. Chu a spare chu an mahni siam em ni ang?? Ka va ring chiah lo em..Light chhia pawh kha, engvangin nge khami zan kher kher khan a wire chu pawh dawh a nih?? Hemi te pahnih ringawt pawh hi tan chhan tham awma ka hriat tlat chu le..Nge thil thleng satliah? Ka detective rilru hi a awm hle hle thei ta tlat lo mai..
Report this comment
31
doc_lib Says:
June 15th, 2012 at 11:04 am
Remsiami boral kum khan bank a dah tura a sum ken kha a bo tel em kha?. Kan police uisathiam ten Md Mister-a te an zuk man khan sum engzat nge an lo kawl tih vel han en let mai mai ka tum a, Misual.com hi kha tih lai khan a la awm lo nge ni, hai chhuah tur ka hmu der lo mai. Thil kal tawh han hriat te hi a tha ve mai mai a sin maw le.
Report this comment
32
Ku Muanga Says:
June 16th, 2012 at 12:46 pm
Tang tlanchhuak pawisak nei mang lovin kan thenawm hnaiah nunau tithlabar ta se, vawi hnih-khat han zilh ve hlak chu a chakawm duh fu maithei a ni; mipui lungawilohna hi a àwm viau mai.

Rilru kap ru rengtu hetianga man leh an ni thuai hi a thawventhlak huai alawm.
Report this comment