Sanjay Dutt jail ah tang leh dawn

March 21st, 2013 2:22 pm by Sandman

Tun mai khan Supreme Court of India chuan Sanjay Dutt chu jail a tang leh turin thu a pe.

Kan lo hriatloh takin, Sanjay Dutt hi 1993 a Bombay bomb tu te an man zingah a tel ve a ni. A ni hian thil bomb velah direct in in rawlh velo mahse khang bomb ti puaktute atang khan silai a lo lei vang khan an man ve ta a ni. He 1993 serial blast ah hian mi 257 in nunna an chan a, mi 713 an hliam bawk. Muslim extremist (Mumbai underworld/mafia) ho in Babri Masjid Hindu ten an tih chhiat avanga rawn bomb let an ni e (mahse bomb puak a thi leh hliam zinga tam zawk chu Muslim tho an ni e).

Sanjay Dutt-a te in (house) hi kan in atangin minute 5 vel lek a hla a nia, mipui pawh an tam hle mai. Kalkawngah an pung khawma, media lam ta pawh in an video camera hmangin Sanjay Dutt-a te penthouse an kawk fur mai, traffic pawh a jam nasa lutuk. Kum 2006 khan Supreme Court chuan jail a tang turin thu a pe a, thla 18 a tang hnu ah kum 2007 khan a sentence hi a appeal a, chuvangin bail in a chhuak leh ta a. Mahse vawiin Supreme Court in a thu a pek dan chuan a appeal na hi an lo ngaithla a, kum 6 chhung sentence kha kum 5 ah an ti hniam a, chuan vawiin atanga kar 4 chhungin Jail ah in surrender leh turin thu a pe ta a ni.

Office banah chuan ka va kal ve teh ang an in kawt velah te

13 Responses to “Sanjay Dutt jail ah tang leh dawn”

1
Dr Mahminga Sailo Says:
March 21st, 2013 at 2:45 pm
A va peihawm dawn loh ve…
Sanjay Dutt pa(man) kan tih thinzia kha..

Report this comment
2
kilung Says:
March 21st, 2013 at 2:49 pm
A rawn chhuah chuan a tar bawih dawn a nih chu…

Report this comment
3
Emi Says:
March 21st, 2013 at 3:10 pm
I va tlawh chuan min rawn biak dawn nia, i thenawmpa chu A film ‘Lage raho Munnabhai’ tih chiah kha ka en ve tawh.

Report this comment
4
chhangte_ll Says:
March 21st, 2013 at 4:02 pm
Jail-a ‘Chaw Free’ dawngtur rau rau ah chuan mirethei deuh te thlan tur alawm mawle, Jail tang tur pawh mihausa leh mirethei kar a hla ta mange

Report this comment
5
PKfanai Says:
March 21st, 2013 at 4:08 pm
Sanjay Dutt hi, palian leh rothap hmel pui e tilo chuan, apa Sunil Dutt kha a ngaih ngawih ngawih thu a sawi ve fo mai. A pa kha Politician leh Actor lar ani bawk a, tin a fing bawk aniang, a buaina turah a chhan chhuak fo thin a. Apa a han awmlo chiah chu, chhantu a vai ve ta hle mai.

Report this comment
6
saint sammoo Says:
March 21st, 2013 at 6:21 pm
ka thik lem lo.ha3

Report this comment
7
aduhi Says:
March 21st, 2013 at 7:05 pm
a hmel hi a sual hmel hrim hrim ka ti

Report this comment
8
H.Vangchhia Says:
March 21st, 2013 at 7:53 pm
Pawi thei viau a ni!

Report this comment
9
vakul Says:
March 21st, 2013 at 10:50 pm
Ka peih loh pui mang e aw.

A rilru vak thui ve ngawt ang.

Report this comment
10
century child Says:
March 22nd, 2013 at 1:28 am
In surrender hma leh chhuah hma a nih ber chu.

Report this comment
11
chhana Says:
March 22nd, 2013 at 11:54 am
Thil thalo tih hi chu a pawi thui teh mang zawng a ni e.

Report this comment
12
drake Says:
March 22nd, 2013 at 4:11 pm
india pawh kan dan an zawm zel tawh dawn va ang ve

Report this comment
13
Hotunu_pasal Says:
March 23rd, 2013 at 4:22 pm
Tlanbona reng reng a awm lo… tih hlate pawh hi a dik fu a ni.

Report this comment