Christmas a hnai leh ta hle mai a, post a tlem a niang, chuvangin Isua pianna chungchang hi tlem ka han sawi ve mai mai teh ang. Kan christmas hla tam ber ah hian Josefa leh Mari te khualbuk a an len ve loh avanga Bawng in (Ran in) a cheng a, chuta an awm laia Isua piang leh Ran chaw pekna thleng a mut ta ang hi a ni deuh vek mai a ni. Lalber Khualbuk tih thawnthu hria chuan kan hre theuh in ka ring a, khualbuk vengtu(Enkawltu) khan Josefa te nupa kha khualbuk a khah tawh thu hrilh in a lo hnar a ni tih kan hre awm e. A thu zel ah chuan he khualbuk ah hian
Israelte Lalber tan khualbuk pindan pakhat chu dah a ni a, Josefa te thlen lai hian he pindan hi a la ruak reng bawk a ni. Nimahsela khualbuk enkawltu (Hetah hian vengtu ti zel in dah a ni a, mahse vengtu nilovin enkawltu a nih avangin kei chuan enkawltu ti zel in ka sawi dawn a ni) chuan he pindan hi Lei leh Van Lalber paitu a ni tih hre lovin, Mari leh Josefa te chu a lo hnar ta a ni. Tin, kan hla ah pawh khualbuk an chan ve loh avanga bawngin a an thlen thu a ni deuh vek bawk ani. He thawnthu nen hi chuan kan hla te hi a in mil thlap in a dik em em a ni. Nimahsela, Bible chang ka tarlan khi kan chhiar chuan, a thu in dawt chhoh dan en khian Isua kha Bawng In ah piang lovin Khualbuk ah ngei a piang a ni tih a lang chiang hle ani.
Lalber Kaisara’n hming ziak tur thu a pe a, Josefa pawh chu Davida khua Bethlehem ah hming ziak turin a nupui Mari raipuar teuh nen an kal a ni tih min hrilh a. Chuta a awm lai chuan a hrin a lo hun ta a, a fa tir ah mipa a hring a tiin min hrilh ani. Hetah tak hian Josefa te hi khualbuk ah an thleng tawh a, khualbuk a an awm lai in Mari fa hrin a lo hun a, a hring ta a, mipa a hrin thu kan hmu a ni. Tin, puan in a tuam a khualbuk a an len ve TAK loh avangin ran chaw pekna thleng ah a mut tir a, tih kan hmu bawk a ni. Hetah hian TAK tih bold khi mizo tawng ah chuan awmna hmun awm a la awm thei reng nimahsela eng emaw thu avanga awm thei lo/awm duh lo a kawk ani. Chuvangin Isua pian hma, Mari’n nau a hrin hma zawng chuan khualbuk ah an awm theiin an leng reng a, mahse Marin’n nau a lo hrin tak ah chuan hmeichhe tenawm leh midang zing a awm tlak lo a lo ni ta a ni. Hei vang tak hian khualbuk atangin an chhuak a,Bawnin ah an khawsa ta a, a fa pawh chu ran chaw pekna thleng ah a mut tir ta a ni. Chuvangin Isua kha Bawngin ah piang lovin khualbuk ah ngei a pianga, mahse a pian hnu ah Bawng in ah an in suan a, ran chaw pekna thleng ah alo mu ta a ni.Israel/Juda ho dan ah chuan hmeichhia te hi a nep hle a, an thi neih lai phei chuan mi zinga awm tlak lo khawp a tenawm ah an ngai a, nau an hrin lek phei chuan tenawm tak anni. Heng Israel ho in hmeichhia an ngaihdante hi chu kei aiin in hre em em ang sawi thui tur pawh ka hre lo zawk a, ka sawi lo mai ang.
Kan Christmas hla ho a hian bawngin a piang angin sawi ni mahse, a pianna dik tak chu khualbuk ah a ni tih hi chiang ang u.
Kan hla te chuan eng tin pawh lo sawi se, a hla a tha a, kan tui pui, kan zai a kan sa a kan lam pui a, a tha em em ani.
Christmas hla a zawng ah chuan
Ngaiteh Van Lal Fa chu Bethelhem Bawng In Tlawm ah,
Hringmi hrai chawiin a lo pianga,
A Lal ropuina Van thutthleng chu rawn pelin,
Min tlan turin Bawng In tlawm ah a lo piang a.
Kan lawm a che lei leh van Lal Ropui,
Theih tawp in i fak hla kan sa ang,
Riangvai te leh rethei te Lalpa,
Hmanah Bethlehem ah I tan hmun a awm lo,
Tunah erawh I tan hmun a awm kan zingah.
Tih hla hi a christmas hla ber in ka hria a ka duh ber mai a ni. He hla hi ka naupan tet lai atanga christmas hla tha ka tih leh ka duh em em a ni a, vawiin thleng pawhin christmas hla ah chuan ka duh ber leh tha ka tih ber a la ni fan ani. A Christmas hla bik riau in ka hre thin.
Similar Posts:
- Isua Thlahtu Davida Hi Tu Davida Ber Kha Nge?
- Amen ti thei – Mari (Isua nu)
- Isua i pai ngam dâwn em?
- Nausen pahnih
- Bethlehem Kaihhnawih – Part 1 (I Lo Chhût Ve Țhin Em?)
December 22nd, 2014 at 8:25 pm
I sawifiah a; a lawmawm. Mahse, khualbukah chuan a piang dawn emmawnle? Ran chaw pekna thlengah tih a nih thin kha le!!!
Report this comment
December 23rd, 2014 at 7:11 pm
Ngawi teh, Kan Bible ah hian Bawngin a a pian thu eng ziak ah mah kan hmu lova, mahse ran chaw pekna thlenga mut tir a nih thu erawh kan hmu.Ran chaw pekna thleng a a mut avang hian ran in ah a piang kher lo tih hriat tel ava tha ve.
Hman ah MST Bus ah raipuar nu pakhat chu nau a hrin dawn avangin Bus an ti ding a, kawngsir hnim phen deuh ah nau chu ava hring ta tih an sawi ka hre tawh. Thu dik a nih leh nih loh chu ka hre lo. Lo dik ta se, Kawng sir hnim zingah a va hring zet a, chumi hnu chuan Bus chhung ah ( A seat ah pawh a ni mahna) an mut tir ta a. Hei vang hian naute kha Bus chhungah a piang ta tihna a nilo.A va chiang leh si ve le…. heh heh
Report this comment
December 25th, 2014 at 1:09 pm
Engpawhnise, min tlan tur chuan a lo piang ta reng reng a; a ropui viau tho e.
Masi chibai nghal u.
Report this comment
December 25th, 2014 at 1:16 pm
Kristmas chibai vek ule.
Ran inah a piang ta, tiin kan zir thin a, bawng in tih tak ani kher em ni?
Report this comment
December 25th, 2014 at 5:01 pm
Nia, Bawngin emaw ran in emaw tih hi chu eng pawh nise, a pianna zawk kha ran in emaw Bawngin emaw nilovin, khualbuk ah emaw hmun dang ah emaw a piang ngei e tih sawi tumna a ni.
Report this comment
December 28th, 2014 at 3:42 pm
tuna i rawn tarlan khi chu ‘thlirna tlang dang’ ah ka ngai. . . athen chuan heti hian an sawi ‘judaten ran chuam an inchhungah an nei thina, chumi inchhung ran in thianghlim takah isua kha a piang’ ti in… hei pawh ka duh lo. isua kha mirethei ber leh sual ber aiawhtu anih avangin tlawm taka ran ina a piang hi k thlawp em em ani!
Report this comment
December 28th, 2014 at 5:21 pm
Hm… NIa thlirna tlang dang a ni thei teh meuh mai…. Nimahsela kan BIble ah hian ngun taka chhiar in Ran inah a PIANG ngei ani tih khawi chang ah mah asawi tlat lo. Ran chaw pekna thleng a muttir a nih thu erawh an sawi ngei mai. Tlawm tak a alo pian a ran in chauh a chang pha kha michhe ber tan pawh a hlu a ni. Mahse ka ti leh pek ang…. Kan BIble hian ran in/Bawng in a a pian thu khawiah mah a sawi tlat lo. Bible hi i pawm tlang mai ang u.
Report this comment
December 30th, 2014 at 10:13 am
Isua khan lehkha a zir tih Bible ah a in ziak lo mahse lehkha a zir kan pawm tho. . . (in pawm ve em ka hre lo) Isua kha a inthiar thin tih a inziak lo mahse inthiar thin tih kan pawm tho… Bible hi record famkim ani lo. chatuan nunna kan neih nan record tlemte chauh ani.
Report this comment
December 30th, 2014 at 6:26 pm
#Chhinga, AAAA… Chuti anih pawh in hei chiah hi han ngaihtuah chiang leh teh….He chanchin ziak tu hian khual buk ah an len loh thu hi nau pian hnu ah chauh engatinge a sawi? ‘Chuta an awm lai chuan a hrin a lo hun a’, tih a sawi a, hemi rual hian khualbuk a an len ve loh thu a sawi lo. Isua pian hma hian khualbuka lenglo nise chuan sawi hmasak ber tur ani ngei ang. Tin, a nau hrin a hun hma pawh in khualbuk a an len loh thu a sawi lo bawk. Nau a hrin hnu ah chiah khualbuk a an len ve TAK loh thu a sawi a ni. Hei vang hian Mari’n nau a hrin hma chuan khualbuk ah hian an leng tih a lang reng ani. Bawngin ani emaw Ranin a ni emaw ah Isua hi a piang lo tih a chiang tlat. A pian hnu ah Bawngin emaw Ranin ah emaw an in suan ta a ni tih hi helai chang hian a ti chiang tlat a ni.
Report this comment
January 5th, 2015 at 1:26 am
Kumthar chibai vek u le.
Report this comment
January 6th, 2015 at 8:36 pm
Kumthar chibai vek ule, lung a leng kher mai.
Report this comment
January 10th, 2015 at 1:52 am
Kum thar chibai ule!!
“Khualbuk vengtu ang mai ka ni, sual in min bawm reng e.. ” tih lai thu hi ka
Rinthu a sawi ching kan pung tual tual.. Lian tual tual!!!
Report this comment
January 11th, 2015 at 8:26 am
bauh, I ziak thiam fu mai
Report this comment