Hun kha leh chen kan inzui a, hlimni leh lungngaih ni; hlawhtlin ni leh kut bênga hâwn ni; thlasik leh nipui, vaivut khu leh ruahpui vân âwn thlengin kan lo tuar dai tawh a. Nun awmzia zir dûnin a hlimawmzia leh a runthlâkzia pawh kan zir chhuak ve ngei a nih kha. Mihringin chhûngrila thurûk kan neih ṭhin thlengin kan inphawrhsak a, lang lo tûra thuhrûk rêng awm lovin kan inpawh a ni lo’m ni kha? Hna ṭau lo ṭeh a, mawng-vawm-ba ang maia kan buai dun lai te kha ‘hmân ni’ tih tham lek a la nih kha maw le. Khuanu sam suih loh zawng, duh suh ila, a phelh leh mai ṭhin.
‘Bâkin phingphihlîp a rêp ngai lo’ ang bawkin kan hmaa ei tûr awm kan inchuh a, kan tlâk duak duak lai te kha ‘nun hlui’ chang mai tûr atân zawng a uiawm mang e! “Eng pawh tâwk ila, ka ṭhen hauh lo vang che” tia kan inkuah vawng vawng laite kha rei tawh hle mah se, dârthlalanga inen ang maia fiahin ka la mitthla thei asin.
‘Hmangaihna’ tia mite tlâng tlirpui ṭhin chu a pâr tlân ve dâwn mah ila, kan kuhmûmah miten pâr an chhuang si. A mawh lo ve, nang chuan hmalam hun i thlîr thiam a, kei hi ka dâwn a lo tawi lua a ni. ‘Love is blind’ an tih hi ka hre ve ṭhin a, tûnah zawng ka tawng ta! Hmangaihna hi a mit a lo del ngei a ni tih fihfiah theia ka awm hi hmasâwnna rahbi thar ka kaina a ni.
Hmangaihna hruia phuar, lang lo lama Zopa hnângdîl ngata hmerh hnan chu kan sah chah a ngai ta si. A nâ a ni tiraw? Kei ngei pawhin nâ ka ti asin! Kha mi ni kha ka dam chhûng diary-ah hian hawrawppuiin inziak mah se, chhiar nawn leh ka duh tawh ngai lo ang. Ka hriat loh leh ka hmuh loh chuan min tur a, loh theih lohvin ka tih a ṭûl si. Kha mi nia ka thusawi kha sût leh theih ni se ka ti mang e, mahse mipa-in ka sawi tawh a, ka ti ngei tûr a ni. Ka bânah na taka vuan a, ka mitah chiang taka min en kawl kawl lai te khân ka bîng mup mup a, i bianga mittui luang zawih zawih ka hmuh te khân mipa thinlung hi a tuiral ve teh meuh mai.
Ka âwm nghênga i ṭah hawm hawm lai te khân ka kut malsâwm lo zet hian i lu chûl heuh heuh paha, “Mangang mah ta che, i bulah ka awm reng dâwn alawm, eng tikah mah ka kalsan tawp lo vang che” tia tûn hmaa ka sawi ṭhin te kha sawi leh ka va châk tak êm! “Khawngaih takin min kalsan suh, min hmangaih lo em ni?” tia aw thâm ṭiaka i sawi lai te khân Vâl hi ka inten a, eng rauin nge min mawlh ka hre mawlh lo. I thinlung chu chemtea vih ang mai ni lovin a thlêrin a thlêr a ni tih ka hria a, kei ngei pawh hi ka bâng bîk chuang lo. Ka thil tih kha a chhan a awm, mahse hêng chhiartute hriat ve kher hi a ṭûl i tih ka ring si lo.
Ka âwm nghênga i ṭah hawm hawm lai khân tûnhmaa ka âwm nghênga i thlamuan ṭhin ang khân i thlamuang lo a, hlauhthâwnna leh mangannain a tlâk buak zâwk che tih ka hai lo. Chutia thlabâr taka i awm lai chuan, ka kutin i lu ka rawn dawm a, ka kai dâk che a, ngai teh, i mitah pawh en ngam lovin “Min ngaidam ang che” tia ka kalsan lai che kha khawvêla ka thiltih tawh zawng zawnga harsa ber a la ni hial âwm e. I inhnît hlawp hlawp thâwm te kha hre reng mah ila, ka beng ka hup a, inthiam lo tak chungin ka kalsan ta che a nih kha. Eng tin nge i nun chhoh zêl tâk? Hrilh tlâkah min ngai lo mah la, zânin chauh tal chu i chanchin min han hrilh teh kha, ka lung a lêng êm mai…
Similar Posts:
- Hmangaihtu ngawi chawi
- Lunglen thu hla
- Hla min thlansak ve asin….
- Ve thuai mai a!
- Ṭiavuta Hmangaih Biahthu
(Y)
June 20th, 2012 at 9:26 pm
Kan FOIST teh ang.
Nakin ah ka chhiar ah ka dah leh si.
Report this comment
June 20th, 2012 at 9:33 pm
ka chhiar peihloh chi
Report this comment
June 20th, 2012 at 10:10 pm
Tunah luangliam program tan mek ani!!
Report this comment
June 20th, 2012 at 10:49 pm
Tha ve reng mai….
Report this comment
June 21st, 2012 at 12:09 am
OT loks…. mi(sual) member Pu maawma pa, Pu C. Thangkima, Aizawl Watch House chu tun maiah khan a thi…
Report this comment
June 21st, 2012 at 12:26 am
awi Pu Maawma pa chu a van han zialo ve. A chhungte an van khawngaihthlak ve aw! RIP
Report this comment
June 21st, 2012 at 12:31 am
RIP Maawma pa
Report this comment
June 21st, 2012 at 1:53 am
A va pawi ve aw, engati nge i kalsan reng reng mawle.
” Nakin deuhvah chuan, “I hmangaihna thlazar hnuai belh leh zai ka rel ta e” i ti em lovang chu maw.
Report this comment
June 21st, 2012 at 1:57 am
A lo lêt leh ṭêp tawh e.
Report this comment
June 21st, 2012 at 3:04 am
Awmtea chu i thil tawn hi a tak tak anih chuan ka van khawngaih che, i thuziak hi rilru chhungril ruak ngawih ngawih leh nunhlui ser anga nung reng, a ruka rum, ri chhuak thei silo, lungleng tawngkhawng rawn puakchhuak a ang hle mai.
Anih loh chuan tragic-fiction ziak thiam tak i ni ngei ang le.
Report this comment
June 21st, 2012 at 6:44 am
wonderboy comment chu a va lungchhiatthlak em.
RIP
Post-tupa he thu i ziah chhan hian a lo chhiar ve a nih chuan lamang let zai a lo let leh ngei ang.
tren trem
Report this comment
June 21st, 2012 at 6:49 am
Zingkar ah kan lung a leng hma ani maw
Report this comment
June 21st, 2012 at 7:18 am
Ka lungleng a reh deuh tawh
Good morning
Report this comment
June 21st, 2012 at 7:50 am
Tukchhuah nuam vek ule
Pu Thangkima chu Mizo pa ropui tak asin mawle.
Rest in peace
Report this comment
June 21st, 2012 at 7:51 am
Post chu hman hun a chhiar ah.
Report this comment
June 21st, 2012 at 8:07 am
Report this comment
June 21st, 2012 at 8:13 am
@11, Post-tupa he thu i ziah chhan hian a lo chhiar ve a nih chuan lamang let zai a lo rel leh ngei ang, ti a chhiar awih, haha
tren tren
Report this comment
June 21st, 2012 at 8:29 am
Haha… Lam eng let leh mah na Hairehai
But it’s only FICTION te ka tiaaa
Report this comment
June 21st, 2012 at 9:06 am
Tui ang nem hmangaih biahthu min hlan leh la, tichuan maw duhlai, nang ngaih ban zai ka rel mahna (8). Triu tri triu….
Report this comment
June 21st, 2012 at 9:14 am
Awm nghengtu la tawng ve lem lo tan paw’n, hnuk a ulh teuh thei mai dawn alawm le…
I thuziak chuan, tawnmang mawla lanu ka tawn, a taka ka bem ngam tak si loh kha min tihrechhuak uai uai mai…
Post-tupa, tluk loh rim i nam mang e… 
Report this comment
June 21st, 2012 at 9:34 am
Misual ah hian thlawk thei chi hi an awm nual a nih hi khi vaki pawh a lo thlawk lut ve leh tawh a nih khi
Report this comment
June 21st, 2012 at 9:38 am
Nizan chu kan boruak a inang a nih hmel! Ka mi(sual) lova, ka mit(sulh) thung! Ka hrethiam che ni lovin ka tawng ve a nih chu
Tawi te-in hnuk i ti-ulh thei
Para 1-a mi: (‘hman ni’ tih tham lek)
“Hna ṭau lo ṭeh a, mawng-vawm-ba ang maia kan buai dun lai te kha ‘hmân ni’ tih tham lek a la nih kha maw le.”
leh
Para 2-a mi: (rei tawh hle mah se)
“Eng pawh tâwk ila, ka ṭhen hauh lo vang che” tia kan inkuah vawng vawng laite kha rei tawh hle mah se, dârthlalanga inen ang maia fiahin ka la mitthla thei asin.
erawh khi chu a in-kawl-kalh deuh lo maw ka ti.
Ka lawm e.
Report this comment
June 21st, 2012 at 9:47 am
Nia, ka sawi tum tihfiah ka duh bawk si a, pawi lutuk lo turah ka ngai ta mai a ni
Report this comment
June 21st, 2012 at 10:58 am
vaki, vakul, VaiVa, kawlhawk … ha ha ha Tunge awm nghenga thlawk thei ang aw?
Report this comment
June 21st, 2012 at 11:17 am
# 24…
Sava hming in uar riau mai, Mulukawlh, Hrangkir, Chhimbuk, Chingpirinu.., khawi ber emaw hming hi ka hmang ve dawn…
Chingpirinuuuuuu… 
Report this comment
June 21st, 2012 at 2:11 pm
Kei chu Luidungchinral tih te hi nalh ka tiaaa
Report this comment