mi(sual).com

Ka thianpa, Serkawn tlangval (tunah chuan nupui a nei tawh), cher lam pang, sang iak uak deuh kha Lalmanga lawm rawih ni, ni rei be ni a a pian vang hi emaw ni a sang tha delh delh khawp mai a. Pumrua en chuan inkawm thei pawh a mawi lawi khawp in san hleih kha kan ni a.

Motor ke chu ni ila khalh kan hrehawm awm ve ngawt ang. A ni kha kan class a pa sang ber pawl a ni a, kei  ve thung kha kan class-a a palian lo thlan tur nise  hmaih hauh lo tur kha ka ni ve ngat a. Ti chung khan  enge maw  ti ti  chuan kan  inkawm  ngaih ve em em teh tlat a.

Nula chhai lamah  lah chuan chhim leh hmar em kan nih loh pawh in chhak leh thlang chu kan ni hial ang chu tih tur a ni a…. Nula lamah chuan ka adviser ni thei tur khawp a ni.  A thiamna te ka hmang tangkai lo kha chuan in ngaihzawng zawn kawngah ka sawngnawi phah a nih tak hi.

He ka thiana ka hriat chhuah fo na tur thawnthu hi ngaihnawm lo zet mai ka nei pek a. Tum khat  chu Pawl sawm pahnih kan zawh tawh dawn ruai khan  kan class-ah khan duh ve deuh mai , tun lai tawng tak a ‘Arsi’ ve deuh ka nei  ve teh tlat a, ka sawi mai hreh deuh a. Kum hnih lai nitin deuh thaw kan in hmu a. Kum khat lai phei chu class khatah kan awm hova. Ni kha leh chen ka  lo chu kha em em loh kha enge maw avangin tha ka ti thar deuh tlat a.

Chung hun lai vel chuan… Ngai teh, kan sikul a Evangelical Union (EU) in Advanced Christmas hmanna tur vel thil kan buai pui lai a ni a.  Ni khat chu ka arsi chu a thiante an lo sikul lo tlat mai a, tlai lamah ka haw rual pui ang chu tiin ka lawm ru ang reng khawp mai a… Ka haw rualpui theih mai in ring chuan ka hlim ru ang reng khawp mai. Mahse chutianga hlim taka ka awm lai chuan EU thil ah haw tlai a lo ngai a. Ka thian ten kan pawisa bawm (Mi harsate tanpuina tur bawm kan hung a) a pawisa chhiar tur an ti mauh mai a. Ka tel lo pawh in a chhiar thei teh lul nen  a, a hminga hruaitu ve  chu min lo ko ve a, kal ve loh a rem si lo a.

Hmmmm…. ruahmanna thar ka nei leh ta a. Advanced Christmas (Krismas hma a Sikul kal tawp ni  ber a ni bawk a) hma a ka tih fel angai tlat …a chhan chu Krismas ka hmang hang  dawn si a. Ka Adviser hnenah chuan kan  Advanced Christmas  hmani in ka sawi ang ka ti a… ka sawi ang tih lemah ka duh ti lovin ka arsi thu chiah sawi a tul, a bak chu a lo ti fel vek mai dawn tih chu pahnih leh pahnih belh pali a ni tih tluk in ka chiang. Tin, a rei a rial kher lo ang, Advanced Christmas niin a lo sawi ang a, a fel dawn chuan a fel vek a ni mai. Chutiang chuan mahni tawk a phur tak in ruahmanna ka lo siam ve a.

Ka ni tiam chu a lo tleng a, enge maw avangin tum ai in Sikul ka thleng hma thei  ta lova. Sikul ka han thleng chu committee thu rel fel sa vek tawh kha kan member pakhat( He nu hi Singapore ah a zir thin a, a la zir emaw chu) in an lo ti danglam ve ngawt mai pek. Ruahmanna anga thil kal lo ta chu Sikul kan thleng chu min lo hau luai luai mai a. Chung vel a kan thil ti fel vel a ta lang chuan ka  thil sawi tum pawh chu ka sawi ta lo. Kan Adviser te nen chuan kan haw haw takna a ka sawi tha a tho lo a ni ber mai. Mahse … a va pawi thui em. A pawi thu zia hi sawi hian a siak lo a sin maw le.

Advanced Chrismas naah lah chuan a buai pawlah kan tel a, kan in hmu mumal thei ta lo a. Ka star lah chu Choka lamah an fatu a, ka zun pah in ka va kal pel ta vel mai mai a….Ka duh tih chu hria se  chu aw…ka  THIAN NGAIHAWM-a hi ka tan a in huam dawn teh lul  nen.

Thil kal fu lo chu a va pawi em….Kha mi ni kha fuh sela chu kha mi ni thlasik ni tla tur te kha a mawi danglam ngei ang a. Ka thianpa luck vak biklo (mahse ka bulah hi chuan a  in sawi luck ve deuh thin, kan finfiah  thei vek lo a, mahse tunah chuan nupui te  min neih san a, kei ai chuan hma chu a sawn zawk a nih chu)  nen pawh khan kan Advanced Christmas hmanna atang khan Sikul lamah khan  gas bur dah in khawhar taka khan kan haw hauh lo ang mawle.

Bazaar lam a kan kal te kha Sikul chawlh rilru nen khan ka lung te kha a va leng tak em. Ka thianpa nen khan tawng bawr bawrh teh mah ila, ka lung len a hnem zo lo a chha chu a ni ber e. Thlasik  ni  tla tur hnim deuh ruihah  khan ka Krismas hman dan tur lah chuva lang chiang reng mai si a. Kha ni sawm vel lek chhung khan kei teh lul hian van atanga a lo tla a nih ngawt loh chuan  khawi lama nula mah hi chhai tluk tur ka hmu thut dawn lo tih hi Mipa ka ni tih ka in hriat chian tlukin ka hre chiang si a.

Advanced Christmas tukah NSS in Civil hospital ah thisen kan pe a, kan zirtirtu nu pakhat tih loh ah chuan ka zang ber in ka hria. Khang hun te kha nuam tak leh hlim tak chuan hmang mah ila rilru a kim thei lo a ni. Lungawi lohna dang a lo awm leh pek a, kan EU thilpek pekna turah pawh ka kal duh lova, India leh Austalia Cricket test match, TV lamah ka tlir san ta daih.

Han sawi zau lawk ila kha kum Krismas kha hmang hang ve tak chu ka ni. Urlawk zanah khan lenkhawmnaah ka kal a. Thalai kha pathum pali vel bak kan kal lo leh nghal a. Dar sawm velah lengkhawm kan bang a. Ka rual u (Ka patea thian te an ni a) ten ar kan an tum deuh a, min sawm  ve a, mahse ka haw ta daih. Ka chhungte lah chu  a meng ho zawng Street Preaching Function-ah an lo kal a, a bak chu an lo mu tawh a. Kha zan, mi rilru a sak hawk hun lai leh mi tin rilru a zat em em mai zan a, rawlthar hun hmang zo chho tlangval hre tir thisen lum ve pangai tan khan han mut tawp nan chuan ka ui ve ang reng si a. TV ka en ta mai mai a.

Ka TV en lah kha Christmas film hmuhnawm em em lem lo tak mai a ni a. A chang leh a hma thla thum liam ta a mi, Cricket match, ICC Champion Trophy, Kenya-a an neih an highlight nen khan ka en chhawk mai mai a. Mei lum bak chu kawm tur leh titi pui tur ka nei lo a. Aw a va han mal theih tlang tlang tak em ve le. Advanced Christmas hma ni boruak te kha tha sela chu THIAN NGAIHAWM-a  zarah kha ti em em kha chu kan ni bik lo ang maw le mahse….tih theih a ni rih si lo a nih kha maw le.

Vawiin ni hi ka thian ngaihawma piancham a ni  a, khawnge ka hlahril  fahrah te, Acrsotic Peom style a ka ziah hi kan tarlang ve ang e. A ni hi Hlahril khawvel a min hruai lut tu a ni miau a.

Tuanna mual mah dang se

Hal lote a in tawn leh ni

I thlir zel ang aw ! lung phang lo ten

Ami leng dang zawng zingah hian

Nangka koh Nang che ka THIAN NGAIHAWM

Nghilh ni awm lo kan nui hlui te

Ai tir te rawl thar lengrual kha

I dawn ve hian karing thin che

Hun leh ni kan chhiar zawng te

Aw! Her leh  thei hian an mawi silo

Mim ang kan pianna khua vel ah hian.

This entry was posted on Thursday, June 21st, 2012 at 6:30 pm and is filed under More than words. Both comments and pings are currently closed.