Biate khaw hming chawi chhan “Biate Hnam” hian Mizoram a an luh hma hian Kabaw phaiah te lo awm tawh thin an ni a, Khampat phai leh Runlui kamah te pawh hun rei fe lo khawsa thin an ni.
Biate ho Mizoram an luh kum hi 1450 A.D vel ni a ngaih a ni. Biate tlang thut a khua an siam hun hi kum 1500 A.D vel ni a ngaih a ni.
Mizoram an luh tirh hian pukah an cheng ber thin a, an chenna puk chu ‘Sinlung’ puk an ti. He puk hi Riangtlei leh Vangtlang in karah a awm. A hnu deuhah Vangtlangah te, Riangtleiah te khaw thar an siam a; hemi hnu hian Biate tlangah hian khaw lian tham tak dinin hun rei tak an awm a ni.
An sulhnu leh hmun hmain hming an chawi hlen tak te chu Ralvawng tlang leh Ralvawng puk te, Hningtui lui leh Raifan lui te, Hningtuikawn te, Zialung kham te, Mura puk te, Zialung-khawchhan-Hrangkhupa te, Vawrhkawn leh Perhkai te, Chhuanvawra khawthlir tlang te chen in an la danglam lo a ni.
Biate tlang a khua an din lai hian an khua chu Biate khua a la ni lova, Zialung khua an ti thin. Zialung khua hming phuah chhan hi sawi dan hrang hrang awm mahse a awm angber chu tuna Biate tlak lam kham rang ruai mai, ral atanga han thlir a hawrawp ang tak taka rang nuau mai hi a ni thin awm e. Hemi kham chunga khua an din chu Zialung an ti ni ngei tur a ni.
Biate hovin Zialung khua an awm lai hian chanchin an ngah hle awm e. Mi huaisen Ralvawnga chuan Mura lakah an khua leh tui te a hum thin a, a puk hmuhchhuah Ralvawng Puk an tihah chuan naupang leh chhumchhiate a dahkhawm thin.
Ralvawnga bakah hian pasaltha huaisen Hrangkhupa pawh hian Riangtlei lal, Hawnglaia lakah venghimin chhiah thleng an awl phah a ni awm e. He pasaltha Hrangkhupa Sechal hi a lianin sawi a hlawh ve hle a ni awm e. Sakei nen an insual a, Hrangkhupa Sechal hian a si hlum der awm a sin. Mahse ko pang a a si bet kha a lu chet zawng khan Sakei che kha a la nung emaw a ti a, a si bet leh zel a. Tuihalin a thi ve thak an ti. Hriatrengna lung an phun a, Biate khaw dai Seki tui bulah a la awm reng a ni.
Hrangkhupa hian fapa huaisen tak mai Chhuanvawra a nei a, Hrihlei khua a run a, a hneh nghe nghe a. Chumi khua a run dawn a a thlirna Zialung khaw chung a tlang pawh “Chhuanvawra Khawthlir” an vuah hlen ta a ni.
Biate ho hian Zialung khua an chhuahsan hnu hian (N.B: Hmanlai khan lo neihna ram a hlat chuan khaw thar an kai thuai thin, a chhan pawh feh kawng thui deuh neih kha a ralmuan loh mai bakah a hahthlak hlei bik a ni.) Champhai leh a chheh velah khua an din leh a, chumi hnuah Vanlaiphai, Lungverh, Phaileng, Lungdar, Khawdungsei, Thenzawl, Rulchawm leh Saitualah te an awm leh bawk niin a lang.
Saitual a an awm lai phei hi chuan an Favang awllen laiin an Kut hman kha nuam an ti hle a ni awm e, an hlim lutukin buh seng hun an hai ta a. Nikhat chu Vakiin an lam zawlah buh vui a thlauh a, buh seng a tul tih an hre chhuak chauh an tih chu !
Rulchawm a an awm lai hian rul lianpui mai hi an khuaah a awm a, naupang pawnto te a la thin a. A khua a chengte chuan an hlau em em mai a, an in thawi thin a ni awm e. An thenawm hnam ten an lo hriatin Rul- bia-te an ti a, an khaw hming pawh Rulchawm tiin an vuah hlen ta a ni. A lo rei deuh va, Biate tiin an ko hlen ta mai niin an sawi thin.
Biate ho hian kum 1650 A.D velah khan Mizoram chhuahsanin Reng ramah an lut leh a, Jampui tlangdung velah rei tak an cheng leh a. A thenin Manipur an pan bawk a. Hemi hnu pawh hian kum 1790 A.D velah North Cachar Hills leh Jaintia Hillsah mi tam zawkin awmhmun an bengbel ta a ni.
[Biate chungchang in hnialna a tam lai khan post ka tum deuh va, mahse boruak a daih deuh hnu hian ka rawn post ta zawk a ni. Source: Mizoram Thil Hlu leh Thu Thlankhawm by Upa Chhunga & adt]
Similar Posts:
- Mizo landmark pahnih
- Hnehna Kawng (Hlahril)
- ‘Lung-khaw-sa’ hi i hre tawh thin em?
- Biate khuain NLUP hmasa hlawhtlinpui mek
- Rualthanzauva and co arrested
June 25th, 2012 at 10:31 am
Post a tlem lai a ni maw? Ti vuta a chhuah pawh ka ring hlei nem!
Report this comment
June 25th, 2012 at 10:37 am
Euro fever san lai a ni bawk a, England chak lo nen;monday fever nen….kan chau tlang hlawm a ni ber e….
Report this comment
June 25th, 2012 at 10:40 am
Post tha e.kan hriatna a pung leh ta.
Report this comment
June 25th, 2012 at 10:49 am
HNAM SAKHUA IN A KHING DAWN CHE U.
A post a chhiara in lo OT nasa lutuk a, le le le le…haha..
Report this comment
June 25th, 2012 at 10:56 am
A bengvar thlak hle mai. Zialung khaw chhan Hrangkhupa, Hawnglaia leh Chhuanvawra teho chanchin hi a ngaihnawm khawp mai. (A bu ka nei a)
Report this comment
June 25th, 2012 at 11:21 am
Report this comment
June 25th, 2012 at 11:25 am
Biate khaw chhuak ho hi fiamthu thiam tak tak an ni tlangpui..
Report this comment
June 25th, 2012 at 12:48 pm
Mizoram an luh kum khi a hma hle mai a
Report this comment
June 25th, 2012 at 1:16 pm
ngaihnawm e.
lushaier hi lushaihist ni zawk awma mawi a ni.
Report this comment
June 25th, 2012 at 1:19 pm
Post BVT tak a ni. Biate hnam hi an lo awm ve reng ani maw? Khawng hming mai chauh emaw ka lo tia
Report this comment
June 25th, 2012 at 1:34 pm
misual.com hi in va hman hlawm ve a
Nizan ah Sheldon te an chak lo…
Report this comment
June 25th, 2012 at 1:40 pm
Ka hre thui ve vak lo, lehkhabu ka chhiar leh phawt loh chuan.
A bengvar thlak kher mai
Report this comment
June 25th, 2012 at 2:11 pm
Asteric mai mai chuh, hliamah chi i rawn tat kher kher
Report this comment
June 25th, 2012 at 2:12 pm
Sheldon khawnge in Gerrard ve chu
PIRLO in ngam lo em anih kha nghe3
Report this comment
June 25th, 2012 at 2:18 pm
Hahaha…Soberboy, kan Gerrard-a te, kan Rooney te an ropuilo ani e, nizana kan tlak tak avang khan vawin ka mood a off a. Semi-final atang chuan Spain ka tan tawh dawn
Report this comment
June 25th, 2012 at 2:18 pm
Biate ho hi tunah chuan Haflong a ven pakhat Fiangpuiah an tam ber, dangho chu thingtlang khua te deuh2 NC hills leh a chhehvel ah an awm ber. Mizo hming diktak I leh A ang chi hi an nei deuh vek.
Report this comment
June 25th, 2012 at 2:22 pm
Sheldie te chak loh chhan chu Hnam Sakhua a post an sawi sa a, Hnam Sakhua thinrimin Engand chak lohna a ‘Khuanu’ hnenah a va inthawi a lawm
Report this comment
June 25th, 2012 at 2:24 pm
doc_lib @17, thil ni thei ani
Post tupa, kan OT ta vak mai..ngaidam teh. Asteric khian a rawn tan a
Report this comment
June 25th, 2012 at 2:26 pm
Euro final-ah England an khel dawn ta si lova, Euro chu en lo ting tang mai te’ng…
(OT chhunzawm lawks..)
Report this comment
June 25th, 2012 at 2:26 pm
Germany rawn tan ve mai rawh
OT tawh lo ang a den tlat tunlai chu misual ah ka reh sia ka inthlahrung 
Report this comment
June 25th, 2012 at 2:29 pm
Va ṭha êm!
Report this comment
June 25th, 2012 at 2:30 pm
(OT chhunzawm zel. inthlahrung takin)
Nizan zet kha chu Engtland tan hahthlak tak niin ka hria. Nawi chikimin an nawi….an tukkhuma ben vek kha ka chak ania
Report this comment
June 25th, 2012 at 2:34 pm
Nia, tension a sang tiah tiah khawp mai. Ka gravatar lah chu ka la thlak hmanlo
Post tupa in min hauh hmain out daih teh ang. Hnam Sakhua ang mai mai a ni dawn miahlo ania…hihihi
Report this comment
June 25th, 2012 at 2:54 pm
Biate tih hian Biate khaw chhuak/khaw mi tur in ka lo ngai thin a tun hma chuan. Hnam peng khat an ni lo’m ni,em?
Report this comment
June 25th, 2012 at 3:12 pm
#24 *hmar hnam peng khat*
Report this comment
June 25th, 2012 at 3:22 pm
biate tawng: Pathian = Rengpa
Lalpa = Pumapa
Pumapa zai lo chhuah na pawh hi biate ho atangin a nih duh hmel
Report this comment
June 25th, 2012 at 4:03 pm
Ngaihnawm hle mai, hriat reng tur a nih hi.
Report this comment
June 25th, 2012 at 4:36 pm
post bengvarthlak…chhiar manhla tak ani e
Report this comment
June 26th, 2012 at 4:53 am
Report this comment
June 26th, 2012 at 9:12 pm
A hma chuan Ziahlung an ti a, a hnuah an ti Zialung ta niin an sawi thin. Zialung atangin an ti Biate leh ta a. Ka pi leh pu (Ka nu nu leh pa)te hi E. Lungdar khawchhuak an ni a, Biate Lalin a awp thin a ni. An hunlaia an lal hrawn kha a lal a kha deuh a ni awm e, hlaa E. Lungdar pa-in a phuah elna hla pawh kha ka pi khan min hrilh thin a, ka hre reng ta lo. Hrangkhupa leh Chhuanvawra te ho kha chuan chanchin an ngah viau-in an sawi thin.
Report this comment
October 5th, 2015 at 3:07 pm
A in postna rei hle tawh mahse Biate Hnam chungchang thil in post hi hmu tur vak a awm ngailova chuvangin ka hmu hi mak ka tiin alawm awm ka ti bawk, han comment ve hi aphuh ngawih2 in ka hriat avangin ka rawn comment ve mai anih. Biate hnam changchang hre duh te tan he mi wedsite a hian lutin en thei ani e.
https://en.wikipedia.org/wiki/Biate_people
Report this comment
October 6th, 2015 at 6:21 pm
¿por qué no probar estos
Biate Hnam leh Zialung Khua! | mi(sual).com
Report this comment
October 19th, 2015 at 2:15 pm
Burberry Replica Handbags
Biate Hnam leh Zialung Khua! | mi(sual).com
Report this comment