Pt-i a ni a, a nui sèn sèn reng a. Ngo lampang, sa inphut mawi tak a ni. A nui timawi zual turin biangsum a nei a, a nuih a piangin keimah min nuih emaw ka ti thin. Min melh a, a nui sak a. Engtin nge ka lo tih thin tak kha le aw tiin ka inngaihtuah let leh pawh hian, ka hre thei tawh lo.
A nui, hmel leh ka laka a lantir thin thil tam tak a lo inphum ru tih vawiinah hian ka hrechhuak ve tan dawn chauh lek fang a. Ni chhuah atanga ni tlak thleng pawhin, a thinlung mai ni lo a hmel lang theiah khan thuruk min hrilh duh a nei tih ka lo hre hauh lo a nih kha maw le. Khang hunlai kha tukhawm dawm meuhvin ka ngaihtuah let chang hian, ka suangtuahna mitthlaah a la cham thin a nih hi.
A thuruk ril leh tha pui pui lo hmuh hmaihsak tlat thin tu kei hian, hmangaihna ka chân a ni. Min siai zeuh a, a nui sèn sèn a; ka chhanna a beisei tih engtin nge ka hriat loh theih mai le?
A hmui a seh neuh neuh lai ka hmu, a la nui hram a; a biangsum leh a hmel han inkawmngeih zia kha aw. A hmel khal mawi tak kara, min siai fo thintu a mit kha a va mawi tak em! Khatah khan chatuan daih tur rinawmna leh hmangaihna a awm ngei awm si a. Khati taka ka laka inzep thei lo leh insûm thei lo, mitmeng leh thinlung hmu thei lo tura min dawi â tlattu ka thinlung hi ka dem fo thin.
Class room khata thu kan ni ngei alawm. A hnung ber thutphah kil sira ka thu pawh, hnunglam rawn leh hawia min ngaihsak tlat thintu Pt-i thinlung kha a lo va baihvai thin dawn tak em!! Ni e, ka hmu chiang alawm. Min siai a, min nuih, ka laka a awmdan zawng zawng pawh. Mahse, mahse…chhanna a dawng ngai si lo. A lo va beidawng ru thin awm mang e aw.
Period a over a, dar a ri bawl. A hmui seh niap niapin a rawn leh hawi a, class room ka chhuahsan hun tur a nghak ang. Ka bulah inthlahrungtakin a lo ding ang a, ka darah a rawn vuan chat ang.”Lr, vawiin i damsam lo em ni? Chhunah tiffin ei dun ila…”Aw, ni e. Nia kan ei dun dawn nia.
Class room-ah ngawi rengin kan inzui lut a. Ka thutna ka pan a, a thutna a pan. Dar 12 rik hun a nghakhlel tih hairual a ni lo, ka lam a lo hawi awl lova. Engah nge min ngaihsak em em? Min thlir, a thuruk a tilang tam narawh e. Ka kianga awm a thlahlel tih ka hre thei, mahse ngati nge ka lo ât tlat si kha le. Khang hun laia a thinlung kha Calendar anga phochhuah mai a va han chak thin awm em ve aw tiin ka suangtuah let a.
Tiffin kan ei dun ngei a. A mit la sawn hlek lovin ka mit a en a, a nuiin ka hria. Ka thinlung chhunga eng emaw chu mi dil a ni, mahse a va mak em ve aw. Ngati nge tawngkama min hrilh mai loh Pt? He thinlung hian i thuruk a hrethiam thei lo a nih hi…
Nilaini a ni a. Ka mitthla hian a la theihngilh hlek lo. Kha ni khan, T-shirt sen a ha a. Kekawr bul khup thleng vel a ha bawk a, converse var hlak a rawn bun. A sam a tawn kawh vah a, a va han mawi em ve aw. A mit a len ruai a, zawn a nei a ni.
Keimaha class rooma ka thu chu, mi rawn pan nalh a. Ka bula thut min dil a, a lo thu. Sawi tum leh sawi duh a nei, mahse kei mimawl hian a hrethiam leh pek chuang lovang. A thaw halh a, a kut a nuai a; a nui leh ringawt thin. A bag a zen rawk rawk a, Munch a rawn phawrh a.”Nei rawh, i duh em?”Aw, ka lawm e.
A kutah vuan a, ka laka a awmdan chu eng vang nge tih leh lawmthu hrilh a; ka ngainat thu tal hrilh tur ka ni asin. Chu mai a ni em ni?”Sawi duh i nei em ni?”tia zawt tur ka ni bawk asin maw le.
Advance Christmas kan sikul kawt zau taka kan hman lai khan, he thil hi a thleng. Advance Krismas kan hman hma ni daih tawh khan, ka bula thut min lo dil tawh a. Eitur a lo ken teuh tur thu min hrilhlawk bawk. Ni a sat êm avangin lehkha khawng lukhum anga siam kan khum var dun hle tih ka la hria a. Krismas Card exchange a awm dawn a, ka Card ngei dawn a chak thu min hrilh tu kha amah ngei a ni. Nisat avanga a biang tai sen hlar kha, ka hmu lo a ni lo asin maw le.
Ih maw…A kianga ka thut laiin, ka din kan zawk lai chuan ka thutna Chair thiante’n; fiamthuin min lo pawhsawn sak hi a lo ni. Ka han thu leh tur chu, leiah ka inbin thu thak a nih kha. Ka va han zak tak em ve aw…Han thinrim mai chi a ni si lo. Pt-i kha a nuihza tih ka hria, a hmel ah a lang alawm. Mahse, a nui lo.
Ka tho tuah tuah a.”I kekawr leh kawr a paw vek, ka lo tihfai sak ang che.”A beng fai thuak thuak a. A hanky chu tui ti huh hlekin, mi hruksak thuak thuak bawk tih ka la hria.
Kum a tawp chhawm mai si a. Mi duh thu hrilh turin tawngkam a hmang ngam si lo, kei suihlungmawla lah hian a hrethiam der si lo. Ni e, aw ka hria. Tunah chiah hian ka harh chhuak ta.
Ih maw Pt, kan sikul hlui kha ka va tlawh a. Kan sikul leh class room hlui te kha an lo la awm asin. Mahse, nangmah ang kha an awm tawh lo. Ribbon sen thing zara i khai kha, a lo la inkhai a; mak tiin ka en reng a. Mahse, a hluiin a dal tawh lutuk…
Min ngaidam rawh aw Pt. Engah nge tawngkama min duhthu kha i sawi mai loh? Engah nge i thuruk chu ka hriat phaka i au chhuah mai loh le? I thuruk te kha ka hrethiam ve lo tih i hre awm si a. Mahse…keima thiam loh vek a ni.
Tunah hian min la duh reng ang em? Ka puitling ve tawh asin. Hmu che ila, i kutah ka vuan ang a. Min duh em? tiin ka zawt bawl ang che, engpawh i chhanna nise ka pawm vek ang. I biang ka chul ang a, i hmuia ka fawh hial che ka ring a ni. Tunah khawnge i awm tak PT?
Kan tukverah chuan ka dak vawng vawng a, Pt-i hmel ang tak ka zuk…
(Hei hi misual.com-a ka post 50-na niin ka blog-a mi lakchhawn a ni e.)
Similar Posts:
- Naupang School luh tir na tha?
- Hmelthatna Thuruk
- Ka hmangaih che
- Ka D
- Socrates-a leh finna zawng tlangval
(Y)
June 26th, 2012 at 4:11 pm
First em aw!
Report this comment
June 26th, 2012 at 4:13 pm
Umm… first e
Chhiar ila…
Report this comment
June 26th, 2012 at 4:25 pm
Nang chu a hming tal i hria a, zawn hmuh a har lo ang. Leitlang dingdi te kha chu a hming pawh ka hre hleinem. Zawng tang tang rawh
Report this comment
June 26th, 2012 at 4:33 pm
I ziak ngaihnawm hle mai
Middle sikul kan luh lai vel min ti hrechhuak uar uar mai alawm
Report this comment
June 26th, 2012 at 4:41 pm
I luck bik teh e. Pt-i’n a duh che anga, min duhtu nula tawng ve ngat ila, ka chhuah lo chiang khawp ang…
A ngaihnawm…
Report this comment
June 26th, 2012 at 4:42 pm
Post va siam hnem tawh ve o, ngaihnawm bawk sia.
Report this comment
June 26th, 2012 at 5:21 pm
Rilru a khawih tlat mai hei chu,
han inpuang lawk ila,
i Pt-i ang deuh hian kan class ami star ka nei ve tawh thin. Mahse engtikawng mahin kei chuan ka ti lang ngam lo hrim hrim, a hria ang tih kha ka hlau ngawih ngawih zawk. Ka ngaihbel nge mawni ani pawh khan min biak kha a hreh tlat zelin ka hria, kan inzah tawn ve ve ni te khan ka hriaa. Amah kha hmeltha si, lerh lo si ang hi a nia (khatih hunlai kha chuan). Kum 2 kan in classmate chhunga kan in hnim hnaih ve ber chu tum khat bus a kan thut dun kha ni mai (classroom ah chuan kan thu dun ngailo hrim2), chu pawh tum reng vang ala ni lo zui. kan han thu dun chiah chu boruak a rit khawp mai, ka be ngam silo, min biak a tum (?) bik silo.
Lolz…a lunglenthlak e, ka dem hauh lo che a mitmeng leh chezia ilo hrethiam thin lo pawh chu.
Report this comment
June 26th, 2012 at 5:25 pm
Pt..Pathlawi, Parte, Pingthluaii…haha..
Report this comment
June 26th, 2012 at 5:31 pm
In nunhlui a ngaihnawm hle mai..
Nunhlui sawi tur reng ka nei lo erawh pawi ka ti tak zet… 
Report this comment
June 26th, 2012 at 5:41 pm
Thu hi chu i thiam teh e. I phuahchawp ni lovin a taka i thil tawn anih ka ring tlat. Ka lo zawnchhuah pui ang che. Leitlang Dingdi zawnchhuah ai chuan a awlsam zawk ang
Report this comment
June 26th, 2012 at 5:42 pm
@Charice mizo, hahaha.
A ngaihawm thin a ni e ti raw?
Report this comment
June 26th, 2012 at 5:44 pm
@u Sheldie, nia kan la zawng dawn em ni aw?
Report this comment
June 26th, 2012 at 5:45 pm
A hun lai hi a awm ve a. Hmangaihna pawh hi ropui deuh ania ( while it lasts
Lr, zawng buai leh lo mai ang. Khuanu samsuih in ni lo a niang a mitmei pawh i hrethiam kir ker silo 
Report this comment
June 26th, 2012 at 5:46 pm
# 10… Tu-emaw-ni Leitlang Dingdi zawnchhuah tum kha chu, kawng a bo ve em a ni…
Mitmei min hmuhtu han tawng ve ila aww.., A tawnglo tur tur hian in tawng tak hlawm si a…
Report this comment
June 26th, 2012 at 5:58 pm
@dr mahminga, ka awih lo mang e aw. I tawng tawh chiang
Report this comment
June 26th, 2012 at 6:00 pm
A ngaihnawm khawp mai.. luangliam tak i ni e hairehai
Report this comment
June 26th, 2012 at 6:01 pm
Luangliam tur hi chuan hetiang thil rilru a a len viau a ngai. Keini ang te hian ziak ve dawn mahila, a hul khawp ang..hairehai
Report this comment
June 26th, 2012 at 6:04 pm
@ lr-a… Star ka tawng teuh tawh a, min * tu erawh ka la tawng lo…
@ sheldon… Kei chu e, ka hul mai pawh a ni lo, ka dry tawp..
Report this comment
June 26th, 2012 at 6:08 pm
Mahming, i episode thar kan lo chang a nia. Police man chungchang i pel tawh a, hmangaihna chungchang a nih tawh ngei kan lo beisei thup mai
Report this comment
June 26th, 2012 at 6:39 pm
Congrats for your half century post. Puitlin hnua han thlir kir hian, kan lo nep zia kha kan insit viau a, a hunlai kha chuan phuloh nia kan hritte ngat phei kha chu hrilh ngam alo har ve bawk em a ni. Kan u te hian kei aiin an lo hre hmasa ta thin a, min dem a, ka hre ve chauh thin.
Report this comment
June 26th, 2012 at 6:40 pm
Congrats for your half century post. Puitlin hnua han thlir kir hian, kan lo nep zia kha kan insit viau a, a hunlai kha chuan phuloh nia kan hriatte ngat phei kha chu hrilh ngam alo har ve bawk em a ni. Kan u te hian kei aiin an lo hre hmasa ta thin a, min dem a, ka hre ve chauh thin.
Report this comment
June 26th, 2012 at 6:48 pm
A va ngaihnawm em, lunghlui te pawh a leng dawn alawm le.
Khitiang khi man thiam ve hnuin a uiawm duh, ui tawwwwk 2 ka nei
Ka ngaihtuah let chang hian ‘PA’ lo min lo ti awm te ka ti rum2 thin, insit a na duh..hehe
Report this comment
June 26th, 2012 at 6:55 pm
@ sheldon.. Nula/tlangval hmangaihna maw, ka tan zawng, ngil a nei lovin a dawthei si, ka dawh hram hram peih bawk si lo..
ka dry bawn tawp tawp.. 
Report this comment
June 26th, 2012 at 7:06 pm
I post 50-na maw lo ni tawh. I lo nei tam tawh bik hle mai. Kei 24 chiah. Kei aiin 26 in i upa
Report this comment
June 26th, 2012 at 7:11 pm
Va lâktlâk ṭhuai ṭhuai tak êm
.
Report this comment
June 26th, 2012 at 7:26 pm
I va ti uiawm ve aw… A hmelthat hmel tehreng nen a le(h), hairehai..
tren tren
Report this comment
June 26th, 2012 at 8:17 pm
Post ṭha tak a ni
Report this comment
June 26th, 2012 at 8:56 pm
@Pu Chhuaklinga, nia la zawng chhuak dun ang hmiang.
Report this comment
June 26th, 2012 at 10:47 pm
And a big limousine disappeared…
Report this comment
June 27th, 2012 at 12:48 am
Rilru chak lo ve hle mai a..
Report this comment
June 27th, 2012 at 12:58 am
Report this comment
June 27th, 2012 at 1:04 am
A sauntrek ka’n lo thawh leh ange..
https://www.youtube.com/watch?v=Uuegke22rdA
https://www.youtube.com/watch?v=BFCz1pm4xk8
Report this comment
June 27th, 2012 at 5:52 am
Report this comment