Midang fate ṭhat theihna tur eng ilo han sawi vel hi chu a awlsam phian a, mahni chung a a tlak meuh chuan hoh hmel tak pawh hian lu ati hai ve thei map zel mai!
Mizo tam takte hian kan fate hnenah hian an kum mil a an hriat tur pawimawh hrilh hi kan ching tamlo ṭhin viauin ka hria a. Tin, a bik takin mipat hmeichhiatna lam hawi ngat phei chu “zahmawh” tih kan ngahna te pawh hian ani mahna, fate nen titi naah sawi ho a khat zual hlein ka hria!
Fate’n min ngainat takset a, an ṭhian ṭha tak leh an rinngam kan nih theih nan an zawhnate chu dik tak nisi-in, an kum phak tawk anga hrilh thiam alo van ngai tak em tih ka hrezual sauh sauh mai. Kan fate’n thil min zawh a, chhan ṭhat peih loh emaw, dikhlel taka thil hrilh kan chin hian an upa tawlh tawlh a, thil min hrilh tlemin, min râwn tlem tawlh tawlh mai dawn niin ka hria.
Entirnan kan chhungkua bik han sawi ta ila, ka fanu hi tunah kum 6 mi lek ala ni. Keima chhia leh ṭha hriatna aṭangin ka thiam ang tawkin ka enkawl ve chuan ka inhria. Kan inkawmngeih em em a, kan inawm dun tawp ani ber fo. Chutih karah chuan TV leh thildang aṭangin nula leh tlangval lo inkuah emaw ang hmuh chin alo awmlo thei lova (tunlai chhanah!). Chutiang thil hrang hrang a hmuh aṭang chuan zawhna a ngah ta sawt viau mai.
Hmanni khan, “Apa, tinge mipa leh hmeichhia hi mut dun a ngaih a,” tiin min zawt heu mai a. Hetia a zawh ngam, pa ka ni hi ka lawm rual rualin han chhan mai ngaihna ka hrelo hle mai. Zawhna hote mai niin ka hre bawk si, a kum ang zat hriatthiam theih tur ang nisi, dawt ni silova han hrilhfiah ngaihna mai ka hre ta derlo mai… ka hamhaih zo ta a! “Mate, ka sawifiah thiam chiah lova, nakinah ka hrilhfiah ang che aw,” ka ti ta ngawt mai a ni.
Hnathawhna lam ka thlen hnuin kan thawhpui nu fel tak mai, hna pension hnua rawn thawk ṭha leh chu ka’n berâwn ta ngawt mai a. Ani chuan, “puitling mipa leh hmeichhia-ah Pathian-in a siam a. An ni chu an inneih hnuah an mudun ṭhin, ti mai rawh,” a ti a. Midang kan râwn leh a, chumi chuan, “puitling rilru put hunah, engkim hriatthiam hnuah mipa leh hmeichhia chu an mudun ṭhin alawm, ti la a ṭha mai ang a?” a ti ve leh thung a.
Ka mirâwnte pahnih thusawi khi ṭha kati dun em em a, tichuan chawhpawlhin ka hrilh ta a. Pathian-in mipa leh hmeichhia a siam thu ka hrilh tawh chu sawi nawnin, “puitling nih hnuah mipa leh hmeichhiate chu an mutdun ṭhin chauh tur a nia. Puitlin hnuah mi tam tak chu nupaah an insiam a, tah chuan an mudun ṭhin, puitling nitawh emaw intih vang a tih chi a nilo…” ti zawngin ka hrilh ta a ni.
Mi ṭhenkhat chuan, “naupang te si avan ngaihtuah hma vele,” kan ti ani maithei e. Ka lehkhabu chhiar ṭhin tawhte, naupang rilru lampang ziakna bu-ahte chuan naupang thil hriat tam zia hi an sawi nasa hle reng a ni. Kan kiang a an sawi lohna chhan niṭhin chu an rinngamin kan awm tak tak ṭhinlo emaw, an thusawi kan ngaih pawimawh sak ṭhin loh vang a ni thei maithei.
Naupangte hian fim takin an ngaihtuahna an phak ang tawk tawkin an hmang ve nasa hle tih hriat alo pawimawh khawp mai. An mahni a thil an hriat, an inzir chhoh ngawt ai chuan an biakrawn ngam, an zawh ngam nu leh pa nih alo van pawimawh dawn tak em!
Similar Posts:
- Mipa leh Hmeichhia-II
- Hmeichhia (hmeitha) te pawimawh na
- Nupui/Pasal neih leh fa neih chungchang!
- Tlangval ho tân (ti ngawt ila!)
- Mizo Mipa Vs Hmeichhia
July 4th, 2012 at 9:12 am
A va tha tak em! Ka neih ve hunah ka ti ve ang!
Report this comment
July 4th, 2012 at 9:31 am
Post tha khawp mai. Tunlai Film leh serial reng rengah sex scene te hi a serh zinga amei ang mai ani tawh si a, a buaithlak khawp mai. Kan hmetsawn zuk zuk fo mai. Kum 8 mi vel kanih lai hian ka thianpa kum 10 mi lungfing tawh tak nen kan inhnial chiam tawh alawm “Ka nu leh pa te an inpawl ngailo reng reng” tiin ka tang a, aniin “Nupa zawng zawngin sex an hmang vek, i nu leh pa inpawllo se ipiang lovang” ati si. Kan nu leh pa te beng a thleng ta, an hawi buai nasa mai maw le. Tunlai naupang phei chu an fing tawh nasa mai si a, an hriatthiam tawka hrilh/zirtir a tul ngawt mai. Keipawh khi, Sex hman kha sual lianpuiah ka ngaih tlat vang ania.
nupa kara hman chuan thil thianghlim anih dan leh chumi pawnlama hman chu sual anih dan te hi inzirtir alo tul viau a ni.
Report this comment
July 4th, 2012 at 9:35 am
PKfanai #2, Disney movie hovah pawh kum tlinglo en chi niawmlo tak tak a awm ta nawlh nawlh mai.
Ka post-na chhan tak zawk a chu, kan fate nen kan inkawmngeih, min rin ngam, an hriat chak zawng an zawh ngam kan nih a pawimawh ka tihna lampang anih bakah, dawt emaw a chhanna pek emaw, vin deuh hlur a ṭhalo ka tihna lam te pawh ania’ng chu
i hrethiam tho ang a!
Report this comment
July 4th, 2012 at 9:55 am
@3 nia, ka hrethiam alawm. Ka nu leh pa te khan kum 8 ka nih thleng khan khatiang lam kha min lo hrilh miah lo tihna ania, mizote zia pawh ani awm e. Hmeichhe naupang ngat phei chu mipa puitling inpawmtir mai mai lo tur te, an taksa part pawimawh lai khawih mai mai phallo tur te, midang hmuh phak lohva tla fal lo tur tea zirtir an ngai khawp mai an ti. Nu leh pa an faten an thuruk engkim an ngaihzawngpe thlenga an hrilh ngam leh fate thil tha hrilh keuh keuh chin hi alo tha dawn khawp mai. Tleirawl tam takin mahni nunna an lak chhan hi an bialnu/bialpa te nena an inthen vang niin a lang a, nu leh pa te nena inhriat pawh vek leh a tul anga direct in emaw indirect in emaw intanpui thin a lo tha ngawt mai. He khawvel kan awm chhung tawitea kan hlimna leh tar thleng pawha theihnghilh theih tawh loh rilru ruak neih theih phahna hial ani si a.
Report this comment
July 4th, 2012 at 9:59 am
Post tha tak a ni…
Tawnhriat nei tawh awm takin ka’n sawi ve te’ng..
A bik takin, nu leh an fanu te ngat phei chu an inkawmngeih leh zual tur a ni. Taksa puitlin (puberty) an tawng chho va, thanthi an neih lai vel phei chuan; taksa leh rilruah nasa takin danglamna (stress) a awm a. Hetiang nun tawng tawhtu, an nute ngeiin thiam leh duat taka an hrilhriat a tul khawp mai.
Tin, pa te tan pawh, fapa te’n an titipui ngam loh/zah hial inhmuam up theih a ni, sim a tha.
Report this comment
July 4th, 2012 at 11:01 am
fate nena inkawm ngeih tluka hlu a vang khop mai. fate duhdan leh an thutlukna, an ngaihdan zah sak hi a pawimawh hle bawk. Chutih rualin an nu leh pa, an chunga thuneitu, a final na chu kan thu, an nunna chungah hial pawh thu neitu kan nih kan hriatchian tir a ngai khop bawk.
Report this comment
July 4th, 2012 at 11:21 am
Hei chu nu leh pa tamtak chhiar chi a nih hmel lo ti ve ngot teh ang……………
. Hrithiam dan ang zawnga thil in hrilh hi chhungkua chauh lovah pawh a pawimawh khawp thin mai, mihring thanlen dan in ang lo tak2 kan nih hlawm avang hian………………….
Report this comment
July 4th, 2012 at 12:54 pm
A buaithlak khawp mai, a chang chuan neih duah pawh ka huphurh phah thin. Min sutu hi a khauh talh talh em a.
Report this comment
July 4th, 2012 at 2:02 pm
A va ṭha êm!
Hriat reng chi. Dâwt hrilh emaw, “chutiang mai mai zawt suh” tih emaw a awl viau vang ka ti. Chutia kan tih erawh chuan zawhna zâwt ngam lovah kan chhuah ang tih a hlauhawm bawk si.
Report this comment
July 4th, 2012 at 4:00 pm
Post tha khawp mai
A bikin Mizo te hi kan Society a zalen a kan innel tehreng nen chhungkaw member hi kan inpawh lo riau. Naupang in a nu leh a pa a harsatna a hrilh ngam nih a pawimawh khawp mai. Mizo hi chu kan ho khawp a, nula tlangval uaih tawh nu leh pa bula la tawlh leh nu leh pa close deuh te hi a chuti khati hi kan ti zel a, sim a ngai.
Report this comment
July 4th, 2012 at 4:15 pm
Ka va’n duh em! Fa te nena titi ho a inkawm tam hi a tha ani tih ka patea(uncle) te chhungkua atang ka hre tawh tlat keipawh.
Report this comment
July 4th, 2012 at 4:21 pm
Seldom,,kan in hmangaih thu phei hi chu gospel camping chhuah ni bakin kan inhrilh hleithei hlawm lo anih hi maw ti raw..
Report this comment
July 4th, 2012 at 4:28 pm
seldon #10, a dik ka ti
lamji gospel camp chhuahin an sawi tir ṭhin che u tihna em ni? hairehai
Report this comment
July 4th, 2012 at 5:16 pm
Report this comment
July 4th, 2012 at 5:27 pm
Fa enkawl hi zawng a har a niang fa enkawl dan a bu meuh a ziak tute pawh an felfai thei bik lo chu a nih hi. An fate pawh an OD or lerh kual ve mai mai bawk ania!!
Report this comment
July 5th, 2012 at 5:55 pm
A hlawkthlak hle mai.
tren tren
Report this comment