Nupui fanau mut rehah pawnah Chair la chhuakin ka thu a, chunglam ka thlir a, Arsite chu an phe neuh neuh a.
Engtia rei nge ka thut tawh ka hre lova, engvanga pawn khaw vawta thu ta reng nge ka nih ka hre hek lo. Ka hriat chhun chu ‘Zan hi a ral lek lek tawh a, khua a var har tawh vak lovang’ tih chauh a ni. Zaninah hian tunge ka nih chiah pawh ka chiang ngam lo. Hei erawh ka chiang – Zaninah hian kum tam tak liam ta a Sialsuk khaw tleirawl Hmangaihzuali ta ka ni. Ni e, a piancham a lo thlen dawn hi chuan ka he ti ziah.
Thla eng hual vela chhum pan te te zam chiaiah chuan a nui hmel ka hmu a, huihchhuk thli rawn thaw heuh heuhah te chuan a rimtui hman thin rim ngei mai kha a rawn nam nawn leh a.
Nunhlui ngai leh lunglenna thlarau chuan min tham kang lawp lawp a, nunhlui ramah min thlawh kir puiin Mission vengthlanga mi inhnuai chep thim rik rekah khan min thlawh luhpui leh ta.
Kha tleirawl te kha a hmel thatzia sawi ka tum lo, tum mah ila vantirhkoh tawng tea kan sawi thiam a nih ngawt loh chuan, mihring tawng hian a puangchhuak zo dawn chuang lo. Sawi a fiah chi a ni lova, sawi loh lahin a chiang chuang der lo. Hmeltha reuh tak a ni tih hi ka sawi thiam dan ber a ni mai.
A u te khan zirna sang zawk zuanin Aizawl veng mawng lam, in luah man tlawm deuh tur an rawn zawng a, kha inhnuai chep zet maiah khan an rawn inkulh a nih kha. Kan nauvi chu sikul chawlh denchhenin a u te pui turin a lo phei ve hi a lo nia, chutia ka nghawng lenna rama khawdang sial lo tla lut ta chuan keia rawlthar hmangaihna pal chu a rawn nek puar ta pawp pawp mai. A u te in lah ka len luh ve fona a ni sia, a va han chak dawn lo rua em….
“Hmeichhia chu an inring lo lai hi fawp thut i la, kan inngaizawng a ni nghal mai” tih kha kan rual u deuhte leh kan Boss te hnen atanga thu rochhiah kan dawn kha a ni miau mai a, a lo thlen zanah a u te nena kan thingpui inna no a sil rak rak lai chu tui in chhuanlamin ka veh phei them them a, a biangah kan fawp thut mai a leh. Kha tih lai a a hmel kha ka thinlungah hian banga thlalak tar ang maiin a la fiah nia..
kan U te thu ro min chhiah kha a lo dik thui fu a ni ang, ‘Sikri’ ai in kan thu bial pap a, kan kut kan ti pharh sang mai bawk a, enge maw changa kan kut a insik hlek pawh khan a ‘Tek’ ta chuai chuai mai. ‘Kan hlim dun ta em em a’ tih hian kha tih laia kan awmdan kha chu khaikhawm mai teh se. Aizawla cham reng thei ni hek lo a haw a lo hun a, a haw dawn zan kha kan va huphurh teh lul em!
A liam fel ta maw tihah lehkhathawn ka han ziak tan nghal mai te kha tun hnua ka ngaihtuah leh hian ka nui vur vur thin.
Sialsuk Bus Conductor ipte bal zet maia dah mai tur ni si kha uluk em emin ka thlep a, ka u nula in a roh em em a Rimtui khan a hriat hlau zetin ka’n phuh zauh a…. Sialsuk Bus haw tur nang hman ngei turin ngaizelah ka chho nitin thin. Hmangaihna thu ril leh thlum tin reng mai, JF-a love letter chen zeta thui te, Ka ngai lutuk che tih ringawt te, tuman an hriat thiam ve loh tur ni leh thla (Date) ringawt inziak te… kha Bus hrawl pui mai khan a sawh phei pui boh boh thin..
Ni a liam a, thla a vei a, kumpui hial a let ta. Boruakah hmangaihna in sang sa a, hlim tawp hlau lova kan len lai chuan, Eden bawhchhiatnain a hrin chuah thikna avangin, kan hlim duh lotu ten kan inhmangaihna chu a zung chawpa kar phawh vek tumin hriam an lek ta. Na ve ngaih ngaih tak a ni.
A pa in uluk taka min Counselling zawh chuan ka rilru ka siam fel a, Thutlukna ka siam tawh zawng zawnga ka la inchhir ber mai chu ka ti fel ta. Rawlthar thisen lum lai leh hnutiang hmatiangin min la tih buai hma a ni bawk a, Mahni tawk a hmu zo in tih ve nak a laia mi phal lo chung te chu ka va han ngaizawng awm hlei lo em….ka ti ta a ni.
‘A sawp chu na tak a ni’ tih ang mai khan thlan khur thlen hma loh chu min um zui reng tawh dawn tih reng ka dawn pha lo. Zu hmun sa hmunah, nulat tlangval kawngah leh ruihhlo chi hrang hrang zingah Sialsuk khaw tleirawl thlak tu tur ka han zawng ta a, tumah rengin a ai an awh zo si lo….
Chuan leh.. rilru a in let but a, ka hmangaihber ka neih theih tak si lovah chuan, min hmangaihtu ber ni a ka hriat chu nupui atan ka sawm a, he ti hi kan lo ni ta.
Le, ka mualpho thui hmain a hmawr bawk mai teh ang.
Hmangaihzual, I piancham a lo thlen dawn zan hian tih at-in ka la awm ziah tih leh Kan inthen dawn zana ka sawi “Ka hmangaih ber i ni a, eng lai pawhin ka hmangaih reng ang che” ka tih kha ka din na a la ni reng.. Ka hmangaih che..
Note : He thu ka chhut boh boh laia tum deuh bar chunga min lo thut pui ve reng tu, … “Hengte chu hmanlai thil, kan in hriat hma daih a mi a nia.. a mihring hi ni lovin a literary value zawk hi a nia..#$%%$#@” ti a thlem lungawi mai theih Nupui FEL ka nei hi lawm tur nge lungchhiat tur tih ka chiang chiah lo..lol…
Similar Posts:
- Ka thian tha ber
- Misual soprano hi sipai bo a bang e… Lo pui mawlh teh u’n.!!
- Hmangaihna.. Beiseina.. Rinna..
- !
- “A tirah thil kan tisual tawh a tihsual nawn chi a ni lo “
a tha khawp mai
July 4th, 2012 at 6:29 am
Report this comment
July 4th, 2012 at 7:13 am
Tukchhuah nuam vek u le
A ngaihnawm ang tih ka chiang sa. Chhiar zawh ah comment leh ang.
Report this comment
July 4th, 2012 at 7:53 am
Hman huna chhiarah
Tuk chhuah nuam u le
Report this comment
July 4th, 2012 at 8:01 am
a sei ka hlauh luatah a tawp lam ka pawt chhe ta nuai a nih hi.. Part-in lo then i la, tha mai tur.
Fiction ti na na na in hmehbel talh awih loh. …haha..
Report this comment
July 4th, 2012 at 8:13 am
Thu i va thiam tak. Ka pasal ni ta la, i hun kal tawh kan intawn hma a mi pawh nise heti taka i la luangliam thei anih chuan ka lungawi miah lovang le. Thuziak reng reng hi a tak behchhan leh thinlunga khat ziak hi chu a danglam tlat a nia. Pha suh aww!
Report this comment
July 4th, 2012 at 8:13 am
Report this comment
July 4th, 2012 at 8:16 am
Fiction reng reng hi a tak tak behchhana phuah a ni chawk. Chuvangin, Hmangaihzuali pawh hi mi awm tak tak a ni ngei ang tih ka ring. A hming chu I thlak a ni mahna.
Report this comment
July 4th, 2012 at 8:26 am
Awi ha! Hmangaihzuali kha ka nia.
Report this comment
July 4th, 2012 at 8:29 am
Ts leh hairehai
Report this comment
July 4th, 2012 at 8:47 am
sheldy, i ti dik reng. ka nupui fel lutuk hi lawm tur nge lungchhiat tur?..haha..
Report this comment
July 4th, 2012 at 8:56 am
Saatea chu leh, i mumangah i hmu a i rilru a thar leh ani maw? I nupui chuan a hmangaih tak zet che niin a lan bakah a thil thlir dan a puitlin hmel khawp mai. Theihnghilh ve mai mai tawh teh i nupui iti khawngaih thlak lutuk alawm maw le.
Report this comment
July 4th, 2012 at 9:01 am
#11
Report this comment
July 4th, 2012 at 9:32 am
first love never dies einch. tunlai thla bial lai einch i lung a leng thar leh a ni maw. Tunah chuan mi nupui a ni anga fa 5 vel neiin tawp hnik hnek deuhin a awm ang, ngai vak duh suh.
Report this comment
July 4th, 2012 at 9:48 am
Tawi deuh siin, i sawikim viau lawi si. A ngaihnawm teh e…
Kha tleirawl te kha a hmel thatzia sawi ka tum lo, tum mah ila vantirhkoh tawng tea kan sawi thiam a nih ngawt loh chuan, mihring tawng hian a puangchhuak zo dawn chuang lo. Sawi a fiah chi a ni lova, sawi loh lahin a chiang chuang der lo. Hmeltha reuh tak a ni tih hi ka sawi thiam dan ber a ni mai…
Hmangaihzuali vanga hmangaihna kawng bumboh i hriatthiam hnua nupui fel leh rinawm tak i nei si hi, i vannei teh e.
Thingtlang nula hmeltha leh fel hi chuan, lung an dum bik teh e…
ti ve ngawt mai te’ng.. 
Report this comment
July 4th, 2012 at 9:58 am
aduh: hetsss… I ti khawngaihthlak e..lol..
Tak taka kei pawh ka ring…haha..
Report this comment
July 4th, 2012 at 9:59 am
Hmangaihzuali te chu kan veng a mi kha nilawm ni
Report this comment
July 4th, 2012 at 10:57 am
A ngahnawm hle mai a. Hmangaihzuali tih hian kei pawh eng ti takin ka rilru ah thu a sawi ve ngei tawh a, mahse ka sawi thui lo mai ang, ka thian nghal deuh deuh ho hian min chhui chhuak riau riau ang e.
Report this comment
July 4th, 2012 at 11:03 am
Hmangaihzuali hi hmanni chu kan inhmu teh nawlh a, ala tuai nalh khawp mai. Engvanga chuti taka nula hmeltha si pasal neilova awm reng nge anih ka han zawh chuan, “He khawvelah hian ka rilru zawng zawnga ka hmangaih mipa pakhat ka tawng a, kan thareng amaw ka tih laiin, ngawi rengin min lo ban daih a. Engmah anih loh lai zawngin rinawm takin ka nghak ve tang tang a, a inzirchhuah a, officer anih veleh min ban ta mai hi ana ka ti khawp mai, tunhnuah ka Pain a phalloh vang ni tein a sawi thin a, min hrilh tlang ve mai sela chuan engpawh ka huam tehlul nen. Nupui a neìh hnuah chauh ka hria a, a tlai lutuk tawh si…hmangaih dang neih leh theih hi ka inring tawh si lo…” a ti a, a sawi zawm thei lova, a kun daih naa, a mittui far kauh chu ka zuk hmu a…
Report this comment
July 4th, 2012 at 11:11 am
# 18…
Hetss, Pu Saint-a hi khenbeh a ngai, ngatinge hetianga mi rilru a hliam mai mai…
Report this comment
July 4th, 2012 at 11:12 am
Ngaihnawm lutuk
:tlanchhe nghal:
Chutiang em em a inla vei le.. A mawng ilo hnim hman a ni lo maw
Report this comment
July 4th, 2012 at 11:13 am
@piquě: hets.. Naupang hovin an hrethiam ang e..haha..
Report this comment
July 4th, 2012 at 11:20 am
@ C.C. : hnim lo chiang bal…haha.. mawng hnim loh hi an ngaih a na zawk em maw ni chu ooo.. Ka ti rum rum thin.
Report this comment
July 4th, 2012 at 11:27 am
Ni mai thei, an uiawm bik riau em ni? (la ti hram) hahaha
Report this comment
July 4th, 2012 at 11:28 am
Hetianga hmeichhe rilru in tihnat thin vang hian lawm hmeichhia te’n mipa an huat thin Shaaaalllaaaaa
.
Report this comment
July 4th, 2012 at 11:28 am
# 20…
@ malsta27.. Dik chiah. Rual u te leplerh vanga, nula rin ngam loh kan hlawh ta fo mai hi na ka ti vawng vawng thin…
Nia, Pathian hian kan kawppui tur hi a ruatsa vek si a. Ngaihzawng nei tam deuh (a ler deuh
) te’n sawi tur an ngah a, keini a zeia zei thlawt lo te erawh kan ngawichawi deuh a nih hmel hi maw… 
Report this comment
July 4th, 2012 at 12:51 pm
Dorothy-i chu that hmel hle thin mahse Ngurpuii lama tang ka ni reng ang.
Ngaihnawm ngei mai.
Report this comment
July 4th, 2012 at 1:08 pm
A ngaihnawm dap dap ngei mai. Novel puitling ziak ta la i hralh ṭeuh ka ring.
Similar posts list-a “Kawnpuiah accident tam/Damdawi In thuam changtlung mamawh” tih lo lang ve daih khi a mak viau bawk!
Report this comment
July 4th, 2012 at 1:09 pm
vakul: ka sawi duh loh i rawn sawi..haha..
Sialsuk tlangah.. A lu a rawn khum a, a khuh ve loh a bak sam kir.. Thli thaw te chuan a chhem… Khai, tawk teh se.. Ka dorothy zawng a mi deh a na em mai..
Ngurpuii zarah kan la april hram hram zawng a nih hi….
Report this comment
July 4th, 2012 at 3:05 pm
Ka chhiar ve ta! A ngaihnawm hle mai
Nupui tha tak zawng i nei ngei e
Report this comment
July 4th, 2012 at 3:31 pm
Ngaihnawm hle mai.
Report this comment
July 4th, 2012 at 3:45 pm
Va ṭha êm!
Report this comment
July 4th, 2012 at 3:47 pm
Hei chu i duh nghal danah ‘Love at first size’ ani chiang mai.
Hmangaihzual tih hi a thinrim inkohna awka tlat ka ti.. Aw teng chhuai in a inhmeh bik nge maw ni.. 
Report this comment
July 4th, 2012 at 3:51 pm
lamji tak hi chu aw.. Kei nin a sakhming atang rengin dawr a dap e kan lo tih lai in….
Report this comment
July 4th, 2012 at 3:53 pm
Report this comment
July 4th, 2012 at 4:11 pm
@ Saint & Lamji… Dawr a dap in ti elo? Tu dawr nge a dap a?
Ka ni te dawr chu nepnawi dawr a nia, wai wai, maggi, leh kuhva chiah an nei… 
(inno rem rem..)
Nia, Hmangaihzual tih teh fawl ai chuan, Zualbawih, Mazualte (Zualbon ti lovin..
) te pawh a ngaihnobei zawk awm si a… 
Report this comment
July 4th, 2012 at 4:15 pm
Ka tel ve chakna deuh post a chhuah ni hi ka buai ni tak a ni ve ziah
Report this comment
July 4th, 2012 at 5:10 pm
doc, hmangaihzual han tih fawk mai hian ka nunah thu zu sawi ring ber a maw le..haha..
Sheldy, hetiang lam (a leng em mai.. Ti deuh ngiai ngiai chi) hi ka ziah lohna a rei ta. Ti leh zeuh zeuh tawh ila a tha ang…..nang nin min lo hlut pui a, ka phur thar riau..haha..
Report this comment
July 4th, 2012 at 5:13 pm
Inspiration a awm tih ka chiang
Report this comment
July 4th, 2012 at 6:23 pm
Pu Saint, Misualah hian thu leh hla chi hrang hrang kan mamawh a lawm. Keipawh koh duatna ai chuan Hmangaihzuali han tih hian rilruah a tla na zawk ka ti.
tren tren
Report this comment
July 4th, 2012 at 10:39 pm
tiang hi ka chhiar duh vaklo na a ka chhiar chhuah ve tak vek chu le
Report this comment
July 4th, 2012 at 10:39 pm
Lunglen deuh laiin ka chhiara, hrehawm tep alawm le..nunhlui ngaih hi a lo na a ni ang e, inkhap theih pawh a ni lo, kei pawn kum 2/1 lek liam ta kha nunhlui tiin ka ngai vawng vawng ve tho nia..i nupui chu ka khawngaih angreng, i hmangaih vak hmel si loha.
PS: Kan vengah nula hmeltha deuh Hmangaihzuali a awm
Report this comment
July 4th, 2012 at 10:43 pm
Leitlang dingdi atan chuan Charice_mizo hi a lo tling berin ka hre ta mai a:) ‘Bible in i naupan lai chuan i tai ah i hrenga, i duhna lamah i kal thin, i lo puitlin hnu chuan i taiah an hren sak chia, i duh lohna lamah an pawt kal ang che’a tih ang deuh khan..lolzz..Ka zawn lohna turah Leitlang dingdi hi ka lo zawng aniang
Report this comment
July 5th, 2012 at 7:07 am
charice ta mai mai thin hi aw… Fiction a intih kuau khi..haha..
Hei hi lo chhiar la, i ngaihdan a dang deuh mai thei..haha..
https://misual.life/2012/01/20/bawihte/
Report this comment
July 5th, 2012 at 10:36 am
Hetiang ang hian ka awm thin
Report this comment
July 5th, 2012 at 11:17 am
He Hla hi, Doc Saint-a tan…
..Ngaihzual, ka ngai em a che…
Eng vang nge maw, nang nen kan intawn,
Nghilhni reng i awm si lo;
Laikhum zala, thlaikhua kan varlai,
Nghilhbik suh aw, (Hma)ngaihzual..
Report this comment
July 5th, 2012 at 5:28 pm
A ngaihnawm hle mai.
Hahaaa, fawh thut policy khi ka thianpa pakhat hian a hmang tangkai thei rura. Tha tih ve zawng deuh te hi a lo khawngaih (fawp tih hi khawngaih kan ti thin
) leh hman reng thin, ngeiawm duh thin khups mai. 
tren tren
Report this comment
July 5th, 2012 at 5:32 pm
Chhuaklinga hi ka ngai hle mai
Report this comment
July 5th, 2012 at 5:35 pm
Khawngaih thut tur ka duh ve hle mai a…
Nula khawngaihthlak tak hi tawng ve tawh ila, Hmangaihzuali iang pha lo mah se… 
Report this comment
July 5th, 2012 at 5:45 pm
@рдпģŤіСHAЩЯ, hahaa, thianpa nizan ka mumangah ka lo zin a, in inah ka thleng a nia aw.
Ka friend requeist i accept duh lo leh nghal, i ngeiawm(ngaihawm) fe zawk. 
@Dr Mahminga Sailo, Min arsi ve vak lo khawngaih thut chu a fuh vak lo a ti ka thianpain.
tren tren
Report this comment
July 5th, 2012 at 6:34 pm
Sammoo ka chhiar, a nem no nalhin ngaihno a bei hnap hnap khawp mai…bawihte tih hi saptawnga “sweetheart’ tih tlukpuiah ka ngaia kei chuan, kan hmangaih tak te koh nan a aia thlum a awmin ka hrelo. I nupui tan chuan a lawmawm ngawt ang le, ka thik lek lek mai a lolzz
Report this comment