Ka bank account-ah cheng 1 tlawng a awm a, chutiang bawkin ka wallet-ah pawh (tun dinhmunah chuan) a phek hlai deuh chin chu hmuh tur a awm lo. Thla tawp/tir deuh lamah hi chuan sam pawh a pang hlei thei tawh meuh lo a nih ber mai hi.
Hmelah lah chhuan tur awm hlei si lo hian a tha tha chu kan duh ve bawk si a… Ukraine leh Poland sana tlai lutuk vangin mut ka kham loh phah bawk nen, mawm takin kan hawi vawl vawl mai chu anih hi… Hmeh tui loh chu sawi loh, gas ala vang em em zui (rawngbawl pawh peih tawh loh nak alai in)… Khawvel hi tawp thut ta se, vantirhkhoh ho hian ‘Vanram Ticket’ rawn zuar ta chiam mai se, a tlawmber pawh cheng 100 aia to lo ni mahse, ‘sum nei lo’ case-in meidilah ka kal ve ngei ang.
Phai khawlum uap lutuk karah hmeltha anga lan ve talh ka tum bawk si, krismas boruaka chhelo ka lo intih ve theih tehreng nen, vairamah chuan Kumar-a leh Kumar-i te nen category khatah kan han awm ta tham mai chu ania(h) aluhaithlak thin khawp mai!!!
Bialnu erawh hmu zo lo chu ka ni hlei chuang lova (FB Pro pic-ah chuan chhe lo hek i). Thla tawp/tir lam apianga hair gel leh perfume zo ve chhen mai hi chu ka hrethiam thei lo. Chappal lah hi sum neih loh veleh hian a kau ve ziah lehnghal. Ka phone lah hi, “indopui pahnihna hunlaia ka pu chhar anih hi,” pawh ti ila awi a mual mual chu an awm ve ngei ang. Mahse, a tha viau bawk e, SMS ka type theih loh phah a, bialnu te an khi vur vur reng mai 
Mahse, miss call-na tur takngial pawh ka nei lo hi chu a MAN lo chu kati ve khawp mai.
Chutah, pawisa nei tawh loh nak alaiin kan kawmthlang pitar lah chuan, “hei B.A. lai te i zo tawh dawn bawka doctor te hi zir chhunzawm tawh la kati khawp mai, kan tangkaipui dawn em che asin…” minti chhen mai bawk nen, khua hi a lum-uap bik ngawih ngawih…
Tuna ka sam pawh hi su lova ka putna a rei tawh lutuk(sam pang tha tak, ban phak loh khawpa pang neih duh chuan suk loh reng reng tur, a recharge-na neih loh chuan). Ka thianpa in a hair gel dahna a thlak sek mai hi lawm buaithlak chu Thingpuife, bawnghnute, chini, gas, awm bawk si lo thingpui pawh in a khat khawp mai.
Thingpuife thlitna awm bawk si lo, ka tawnzau, ka pu min lo thawn pawh kan thler fai vek tep tawh. Mapuia (Zephyr) style-a niluma pho lum in ve mai angai tawh dawn a nih hmel. Leiba mai ni lo kutba, keba, mitba, luba,.. thleng hian kan la nei lovang tih a sawi theih miah loh
Khing zawng zawngte khian min ti chak lo fo thin. Khi nun khi a nuam lo tih chu a hrechiang bertu ka ni ve ngei ang. Mahse, khi nun retheihthlak tak mai khi ka mihringpui mi maktaduai tam tak te ‘DREAM’ ani asin. An damchhunga an neih ve phak loh, an chan ve phak loh, an suangtuahna ram mai ani asin.
“Lawm zel nun neitu hi khawvela hneh har ber, hneh theih loh chu a ni.”
“I vanneih zia ni lova I vanduai zia chuah a hmuhtir thin che anih chuan, chu mit chu i hnen ata paih bo nghal ang che.”
“He khawvela mi awhawm ber leh hausa ber chu lawm zel nun neitute hi an ni.”
“Zing nichhuak hian I thinlungah hlimna leh lawmna a thlen ngai lo che emaw, zing daifim leh zan boruak thiang takte hian anti hlim zo lo che anih chu Nangmah kha in en let ang che.”
a tha khawp mai
July 4th, 2012 at 11:36 am
Chhiar ila
Report this comment
July 4th, 2012 at 11:37 am
1st ve nge, pute ho tih dan tak ah
, Sum nei lo val hi Nula te pawh hian eng atan mah hian an ti lo.
Report this comment
July 4th, 2012 at 11:40 am
Testing.. Bold em ooo?
tah chuan a dik se.. kan chhiar a nge
Report this comment
July 4th, 2012 at 11:44 am
I fawmkhawm thiam mang e. Tlipna lah a tha bawk si…
Report this comment
July 4th, 2012 at 11:45 am
Sum chu kan neilo sum leh suk chu kan nei ve chiang a lawm
Report this comment
July 4th, 2012 at 12:10 pm
badboy a sum tlachham ve hi chu, town bus tawt deuh ah stand 3 vel a chuanga, pawisa a rawn hum chhuak trun zel, pui tak ani
Report this comment
July 4th, 2012 at 12:21 pm
badboy is a very bad boy…
Kar khat chhunga hman tur Rs. 100 ka’n ak aa(h). Tlai riltam tawpkhawka samosa Rs. 5 man han ei zauh te kha, a manhla thin teh e…
Report this comment
July 4th, 2012 at 12:36 pm
Vai chhangkawtin badboy-a an hmu chiah mai chuh, a chhang kawh lai a nghat a, a ei ve nghal char char mai mawle
Report this comment
July 4th, 2012 at 12:41 pm
khamranga sum neilo bank rawk pawn..pawisa a ru theileh silo a deposit form leh withdrawal form lehkha chhia a hralh tur in a hawn treuh ringawt
Report this comment
July 4th, 2012 at 12:45 pm
khamranga leh badboy chu Phunchawng leh RV ho chuan kan VVIP an ti
Report this comment
July 4th, 2012 at 12:56 pm
#10@mama: Rv leh Phungchawng khu Airport Road I (RV) & Airport Road II (phunchawng) ti in kan thlak dawn ati khamranga’n
Report this comment
July 4th, 2012 at 1:01 pm
badboy-a leh mama pawisa khotom lutuk kha, RV ah an zawhte vulh lai an dahkham tawp mawle
Report this comment
July 4th, 2012 at 1:09 pm
khamranga khan badboy kha RV ah a hrai rui a a chahthla a a dahkham hmiah male
Report this comment
July 4th, 2012 at 1:14 pm
hawi vawl vawl lovin hawi vual vual la i innmeh duh jokes hmel.
Report this comment
July 4th, 2012 at 1:14 pm
Khamranga sum neilo phakar lutuk kha afapa in, apa, cheng 5 milo pe a tia.. khamranga’n cheng 4 a..! ngatan nge cheng 3 chu itih a? cheng 2 chiah ka nei, kha cheng 1 hi va kengla Duli rawn hawn leh rawh la ti hram a
“Di” neilo pawla’n a sai anti tih ang deuh khan, Sum neilo pawla’n a sai anti tih awm ve se chuan, khamranga hi chu a saihlum mum neih hrawlh ber in a lo perh zawt ang ka ring
Report this comment
July 4th, 2012 at 1:46 pm
pawisa leh pawisak hi ka lehkha zir lai pawh khan ka neilo zing ve khawp mai.
Report this comment
July 4th, 2012 at 1:51 pm
mama & badboy pawisa neilo thufing: No money, No girlfriend, No problem, no worry, no tension
Report this comment
July 4th, 2012 at 2:04 pm
A ngaihnawm phian mai
Report this comment
July 4th, 2012 at 2:05 pm
Ava tha em! Hrehawmna,tawrhna mittui te hi mihring tichaktu an ni fo thin reng ani.
Report this comment
July 4th, 2012 at 2:05 pm
Va ṭha tak êm!
Report this comment
July 4th, 2012 at 2:48 pm
“He khawvela mi awhawm ber leh hausa ber chu lawm zel nun neitute hi an ni.”
Report this comment
July 4th, 2012 at 3:08 pm
Thanks all… Thla tawp lama chhuak ‘dal’ ho hi an tui bik niin ka hria.
Report this comment
July 4th, 2012 at 4:12 pm
‘Hlim te’n i len chuan lawm zel tang e’ an tih kha
Pawisa neilo mahila han hlim viau tho ila tha mai.
Report this comment
July 4th, 2012 at 4:35 pm
Vanram ticket vantirhkohte rawn zawrh kher i beisei ani maw. Mahni a tih theih chu tihve tum tur alawm mawle. Isua Krista zarah vanram kal theihna (visa) i nei tawh a, ticket te em em chu nangma’n buaipui ve tawh la ti nia
hairehai
Gas awm lovin rawngbawl dan chi hrang hrang a tam, chutiang chuan lo bawl mai teh khai. I bawl peih loh leh hring ei mai ta la ti nia hairehai
Thingpuife thlitna (strainer) i neih loh leh han chiah deuh la no mawngah a tla vek mai tur. Nghah theihna (patience) i neilo hle mai, a fe nen chuan lo hak bawrh bawrh mai rawh hairehai
A ngaihnawm e hairehai
Report this comment
July 4th, 2012 at 4:44 pm
Rethei te mah ni ila sum leh pai hi chu han nei im em phawt mai ilah
Report this comment
July 4th, 2012 at 6:27 pm
#24 & 25
Report this comment
July 4th, 2012 at 8:01 pm
Kan tlangval lehkhazir ve lai kha chuan, “Sum neih loh chu lu a buk duh!” kan ti thin.
Sum i neih loh chuan pawisa tsl nei la, a zia zia a awm deuh ang chu a
Report this comment
July 4th, 2012 at 8:06 pm
I bank acc neihna hi bank maksak tak a ni ve hrim hrim, cheng 1 chiah balance awm thei
Report this comment
July 4th, 2012 at 9:32 pm
Va tha ve, ngaihnawm bawk
Report this comment
July 4th, 2012 at 10:25 pm
@Sasaks, hehehe i tunhma a/c record ka rawn phawrh ve ange o. I phone hman dan te kha
@Century child, thankz…
Report this comment
July 4th, 2012 at 10:48 pm
Kan dinhmun a in ang tep, tunlai phei chu khawlum a zual nge humidity san vang, ka thak sep sep reng maia, thawk tur boruak thianghlim a tlem si, tui harsa si, zan mut theihloh nen, chawei theih loh nen, thin hi a rim hlur reng mai a ni. Vawiin tlai phei chu ka cooler tawih chhe zet alo pawp belh tih ka hmuchhuaka, siam that tur chi nge tih chhiat vek law law tur tih ka la ‘decide’ theilo, mipa chu ni ila ‘val hi’ tih leh kawmthlanga dive pawp ka rual ang mawle!
Report this comment
July 4th, 2012 at 11:58 pm
@charice, hehehe khawvel hi a thim zawnga thlir chuan nuam leh tha reng reng hi alo awm lo. Nitin a ek chhuak reng ringawt mai te, darkar tin deuh thaw a tui in ngai ziah te, riltam reng mai te; sam, tin leh hmul hleh ngai reng mai te, hmeichhe tan phei chuan thla tin thi neih reng mai te, tin, eitur thawhchhuah ngai reng mai te, etc etc a tam lutuk. Mahse, a eng zawnga thlir chuan khing te khi enjoyment vek a ni. Hnathawh te hi alo va han nuam tak em!!!
Report this comment
July 5th, 2012 at 12:23 am
Tunlai chu ruah sur duh bawk a, ka account mai ni lovin kan tanky pawh a full ania Dustin_Sampler14. By the way, 14 hi paih tawh teh – 20 i nih ve tawh ka ring
Report this comment
July 5th, 2012 at 3:27 am
Chawrice, thawk tur boruak thianghlim i hmuh tlem chuan boruak pangngai thaw keuh mai rawh.
Report this comment
July 5th, 2012 at 10:58 am
ATM a 50 lek a lakchhuah theih loh te hi buaithlak ka ti! Thla tir ah chuan cheng 10 lek! Thla tawp ah chuan cheng 10 lawih!
Report this comment
July 5th, 2012 at 6:05 pm
Tu te camping chhuak hlim uangin emaw “lawm mai tur kan lo ni” an tih ka hre chhuak zawk mai a.
Lawm mai zel theih hi chu a tha viau a, a har deuh a ni. Thu i thiamin i duhna lamah i keuh lut mawi hle mai.
tren tren
Report this comment