Source – vanglaini.org
MNF party thalaite chuan Mizoramah eirawngbawlna gas a harsat avangin nimin khan Aizawl khawpuiah meihawl an sem a, an meihawl sem chu ‘Hawla gas’ tiin a hming an vuah. Congress a sorkar apiangin gas a harsa thin niin an sawi. Hetih lai hian, FCS&CA Directorate atanga gas emergency quota a sem thin chu vawiin atangin tihtawp a ni dawn.
MNYF-in meihawl an semna hi Millennium Centre tualah an tan a, Millennium Centre atangin a huhoa kawngzawh pahin kawngpui dunga meihawl an sem a, thu chi hrang hrang hmangin an aurual nghal. Kawng an zawh zawhah Supply Directorate-a gas emergency guota diltute hnenah meihawl an sem leh bawk.
Meihawl an sem hmaa Millennium Centre tuala inkhawm tâwitê neihah MNYF President, PC Laltlansanga chuan, Gas hatsatna hi sorkar mawh a ni a, mipui sorkar hian mipuite harsatna hi kawng tinrengah a sukiang tur a ni,” a ti a; gas harsat chhanah sorkar hotute chhuanlam hrang hrang an hmang zel a, gas a ziaawm an beisei hun a thlenin harsatna a ziaawm thei chuang lo tih sawiin, an thiltih chu sorkarin harh phah nan hmang se an duh tak zet thu a sawi.
MNF thalaite chuan Congress sorkar kum khat hnu, 2009 tàwp lam atangin gas harsatna intan nia sawiin, “Gas harsatna hi sorkar hotute, a bikin Chief Minister leh Supply Minister te thatchhiat vang liau liau a nih bakah, Mizo mipuite hmakhua an ngaih loh luat vang a ni,” an ti a; sorkar hotute chu gas harsatna chhan hrang hrang an sawiah mipuite bumah an puh.
MNYF chuan, Assembly Budget Session-ah Supply Minister-in, ‘Gas harsat chhanah sorkarin mawh a phur lo, mipuiin IOC in nawr a tul,’ tia a sawi chu zahthlak an tih thu leh, CM pawhin Thenzawla Vantawng Group YMA Conference-ah, ‘Eirawngbawlna gas tam leh tlemah sorkarin pakhatmah mawh a phur lo,’ tiin tham lo takin a sawi niin an tarlang a; “State dangte pawh gas an harsa tiin Mizo mipuite dâwt min hrilh a, state danga Mizo awmte’n gas a harsat loh thu an sawi vek,” an ti.
MNF thalaite chuan, IOC hotute Mizorama ko chho a, gas harsat chhan dâwt hmanga sawifiahtirah sorkar hotute an puh a, “Gas harsat chhan an sawite dâwt a nihzia finfiah zel a ni,” an ti a; February thla tawp lamah a ziaawm ang tih te, June 15 hnu lamah a ziaawm ang tihte chu dâwt a nihzia mipuiin an hre chho zel niin an sawi.
MNF thalaite hian kawngzawh pahin meihawl an sem a, an aurual bawk a; ‘Eng nge kan duh – Gas’ tih te, ‘Hawla hming pum eng nge – Meiháwla’ tihtein an aurual a ni.
Hetih lai hian, sorkar chuan thuchhuah chuan, tunlaiin Mizoram mipuite’n eirawngbawlna gas-ah harsatna an tawh mek avangin vawiin atang hian Supply department atanga emergency quota pek chhuah thin chu tihtawp a nih dawn thu a tarlang.
Sorkar thuchhuah tarlan danin, Mizoramin gas a hmuh angte mipuiah tam zawk leh rualkhai zawka sem a nih theih nan vawiin atang hian thu leh awm hma chuan FCS&CA Directorate atanga emergency quota reserve dah thin chu tihtawp a ni dawn a; gas distributor-te’n LPG truck phur khata showroom reserve tur bûr 21 dah thin pawh bûr 10-ah tihtlem a ni a, showroom reserve bûr 10 bak chu mipuiah an sem zel tur a ni.
July 5th, 2012 at 12:59 pm
Hawla hming pum eng nge – Meiháwla… (Y) 😛
July 5th, 2012 at 1:10 pm
Pu Meihawla!! 😛
July 5th, 2012 at 1:33 pm
Meihawla, a hriat chuan anuih ve tho ka ring
July 5th, 2012 at 2:15 pm
He harsatna tuartu mipuite hi an khawngaihthlak ngawt mai. Chhungkaw enkawltute tan chuan a luhaithlak dawn em asin. A sut kianna tha tak hi awm thuai thuai se a duhawm e.
July 5th, 2012 at 2:28 pm
Kar hmasa khan, ka chhung te’n gas cylinder pakhat Rs. 1200-in an lei a. A va to em em ve ka tih lah chuan, Saiha-ah phei chuan Rs. 2000-a lei pawh an awm tiin ka pa’n min hrilh.. :-O
Khami ni atang khan, lirthei gas cylinder phur ka hmuh changin, ka thlir zui vung vung thin… 😉
Eiruk hi hluar lo chi pawh a ni lo, thil man reng a to… (N)
July 5th, 2012 at 2:39 pm
Democracy hrisel tha nei tur chuan opposition party chak tak an awm a tul em em a ni. MNF ho hi an chaklo hi ka lo ti hne hne thin lutuk a, tuntum chu an chetha ve viau e. Cöngress lam pawh Cabinet an in shuffle khan an minister chak ber Pu Zodintluanga kha Supply pek an duh vang liau liauah ka lo ngai a, ka rin angin an pe ta mang silova, tun hi an thlen ngei ngei kha ka ring lawk reng a ni. Inthlan a hnai tawh si a, mawngsawh dawtin an tlak phah thei mai ang em? Lo thlir teh ang. Myanmar hi khawvela gas ngah ram anti ani lawm ni? Look East policy apply hun tak ani lo maw?
July 5th, 2012 at 2:50 pm
vai ram a gas khur ami pipe in zawm se….haha..AGWSS-II ang vel an sen chuan a theih ang! Sawi leh sawi hnu, a awmsa supply luh ani mai hmel a, enge a harsat na??? nep hlawm zel zul lutuk..te han ti ve ngawt ila 😛
July 5th, 2012 at 3:02 pm
What can i say…nimin zingah ka chhungte mut reh laiin kan gas cylinder+regulator an lo ru chhuaka…gas ringawt pawh harsat nak alaiin, awm ve phei ila chuan ka thinrim ngawtin ka ring. Mahse…mahse.. ralkhat a nih vang nge an kawngzawh au hla kher khi chuan ka nuih a ti za tlat…ka’n nui lawk hahahaha…
PS: MNF hi opposition tha tak an ni, keep it up 🙂
July 5th, 2012 at 3:08 pm
opposition tha!!! mizoram angah te chuan awmzia awm vak chuang lo em mai a 🙁 ruling tha hi a pawimawh a, opposition chhe deuh nei bawk se 😛
July 5th, 2012 at 3:10 pm
Meihawl sem tur tal ala awm a a zia alawm. Hmanhmawh deuh changin chaw hminchiang vaklo nen kan Inkhawm ri pawp pawp mai a niang chu.
Sawrkar chuan ngaihtuah thuai teh se, a hunlai tak a nih hmel , boruak sosan lai hi politics lamah chuan advantages tam lai tak a ni ngei awm si a …… (Y)
July 5th, 2012 at 3:11 pm
‘Hawla gas’. Heehawww.. 😀
July 5th, 2012 at 3:15 pm
lrpa, ruling an that loh chuan opposition tal an that a ngai, chuan normal democratic theory ah “opposition tha awm loh naah ruling tha tak a awm theilo”…
PS: Note the sarcasm in my previous comment lol
July 5th, 2012 at 3:26 pm
Nia, opposition an that poh leh ruling an that a ngai ting a ni mai ang chu, . A mah aia sual bulah chuan tualthahhmang pawh hi fel tak a nia….. 😉
July 5th, 2012 at 3:34 pm
A hrim hrim ah Gas hi Tui anga tam ani lo a,kan sawrkar thiam loh chu ni tho mah se, alo kal na atanga amumal loh chuan helam a kan lo au pui chiam chiam atul lo.
July 5th, 2012 at 3:58 pm
emergency quota tih hrim hrim pawh hi enge a awm zia! Thing, electric, gas..electric hi Mizoram future chu anih ber hmel e..lui khuah lah chu an harsat phian hlawm leh nghal a, iron rod, balu, cement chawhkawi a..lui dan chat ani mai a! thil chhe deuh hi chu kan nei ve thei mai zel a, thil tha deuh neih hi kan harsat anih hi.. 😀
July 5th, 2012 at 4:06 pm
@ kilung… A dik khawp mai. State dang atanga kan chawkluh a ni miau va. Kan va dawr te berin min pek tlem tlat chuan a ngaihna a awm lo a ni. Induhkhum thei lah kan ni der si lo… (N)
Rilru sual ka’n pu lui hram te’ng… 😉
Thilman a to, khawsak a harsa tiin an iak an iak a. Sawrkar hnathawk tam zawk lah, an hlawha lungawi lovin, an inpunkhawm zauh zauh bawk si. Chutih laiin, mipui mimir khawsak leh incheina erawh a changkang phian bawk si! Hriatthiam hi a har lek lek thin… (N)
July 5th, 2012 at 9:11 pm
Chu Uitang rual hovin Meihawl an bauh ta tihna ami ( An in koh dan ve ve ) hahaha Nuih tiza bang lo ho hi. 😛
July 6th, 2012 at 12:51 am
(Y)
MNF-ho pawh chuti khati an tih leh chiam tawh kha. Mi puh kual hi an thiam awm chhun chu a nih mai hi. Khua hi a va han vár lo ṭhin tak êm :-[
July 6th, 2012 at 11:30 am
Mizorama gas connection awmzat leh thla tina lo lut zat hi an sawi teh fo a, gas connection awmzat hi tehfung bera hman chi a ni lo in ka hria. A chhan chu chhungkaw khata connection pali panga nei ho hian an card hi an hmang vek kher lo, kan veng angah te hian chhungkaw khata member 8 awm chinin card pahnih an hmang thei a, 8 an tlin loh chuan card panga pawh nei se pakhat bak an hmang thei chuang lo. An card hman theih loh ai kha khawiah emaw chuan a kal tho ang.
July 6th, 2012 at 12:52 pm
‘Meihawla’ 😀 😀 . Political propaganda te hi kan ti mimal(personal) thin ang reng, Policy leh plan a in beihna hi engtikah tak thleng ve ang maw………. 🙂 🙂