mi(sual).com

Khawvel hnam hrang hrang leh sakhaw hrang hrang zingah hian Chi (Salt) hian dinhmun pawimawh tak a luahin kan ni tin khawsakna atan pawh kan rinrawl ber leh a tel lova kan khawsak theih miah loh a ni.

Hun rei tak liam taahte pawh khan chi hi thil tih thianghlim nan an lo hmang nasa tawh em em ṭhin a. Thianghlimna entir nan te, lawmna leh rinawmna chhinchhiah nante pawh hmang an awm bawk a, chi hian danglamna tak a nei ve reng reng a ni.

Chi hi a ṭangkaina em em pakhat chu, natna hrik a tihlum thei hi a ni. India rama chhungkaw tam tak hian an ha hi karkhatah vawihnih vawithum vel hi chiin an nawt ziah ṭhin a. Ha a tivar theiin hun rei tak aṭang khan ka chhung tih hrisel nan damdawi anga hmang an tam em em bawk a ni.

Chi hian ei leh in a ti tui mai a ni lo a, thildanga a ṭangkaina tam tak hmuh chhuah belh zel a ni a, hmanlai mite pawhin an lo hmang ṭangkai em em tawh ṭhin a, heng inchhungkhura kan hman ṭangkai bakah hian tunlai thiamna hmanga an han belhchian tak tak hnu hian a ṭangkaina sawisen loh a lo nei reng mai a ni.

Chi hi thil tihfaina ṭha tak, amah emaw thildang nena chawhpawlh emawin ṭangkai taka hman a ni. A tawk chauha chi leh tarpin tel chawhpawlh hian inbualna kuang leh ek in (commode) bal tihvar nan a ṭha em em a, tin, vinegar nena chawhpawlh hian dar leh darsen bal tihfai nan a ṭha bawk. Tuilum chi-al a choka chhuat hruk hian hriak leh thil mawm leh thil rimchhia a tihreh bakah tho a veng bawk a ni.

Chi tangkaina ṭhenkhat :
· Thil chhuma chi-al hian a ti hmin hma a, chhum rei a ngai lo a, mei a hek lo.
· Tui chi-alah artui dah la, artui ṭha chu a pil a, a ṭha lo erawh chu a lang thung.
· Thil kawr/hawng nei, chi tuia chiah hian a kawr/hawng kheh a ti awlsam.

· Dawhkan khuhnaa thil mawm, bawlhhlawh a kai chuan chi tah a, chumi hnuah tui vawta silfai leh tur.
· Ka chhung tih rimtui nan chi leh baking soda inzat chiah chawhpawlha kam ṭhuah hi a hriselin kam a tifai.
· Taksa rawl ṭhem ṭhum chu tuilum chi-al a chiah a, chumi hnua tuivawta sil lehin a reh duh.
· Tatoo tihreh nan a ṭha hle a, mahse hei hi chu Doctor te rawn tur a ni.

Aw le, chi hi a tawk chauha hman chuan a ṭangkaiin ei tur tituitu, a telloa kim lo ve tlat a nih laiin a hmandan tur aia tam a nih vaih erawh chuan ei tur ti khawlo vektu a ni ve thei thung a ni.

Hetiang bawk hian mihringte hi kan khawsak puite lakah AL dan tawk kan thiam hi a pawimawh takzet zet a, kan ni tin hnathawh-puite leh kan ṭhenawm khawvengte tana al dan chin tawk kan thiam loh a, kan al lutuk emaw vaih chuan miten min ei thei dawn lo a ni. Chuvangin CHI-in hmeh a tih tui theih ang hian mi dangte tana ei nuam tawka kan khawsak thiam hi a pawimawh takzet a ni.

(source: Hriselna mag.)

Similar Posts:

• Aw nangni tidamtute u!
• Chawhpawlh
• Pi leh pute damdawi hman ṭhin, US lamah an hmang!
• Facebook group ṭha ka tih zual te
• Zohnahthlak inpumkhatna kawnga Ralteho entawn tlakzia

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Friday, July 6th, 2012 at 10:00 pm and is filed under Health. You can follow any responses to this entry through the RSS 2.0 feed. You can leave a response, or trackback from your own site.