Comment thenkhatah chuan ka ziak zeuh zeuh tawh a, post puitlinga ka siam loh chuan ka chaw ei a tui dawn tlat lo. Englo a nia, Ram, ‘kan ram’ tih tur neih ve hi ka chak eeem a-tuna mi ang ni lo hi. Hnam hla hran nei, Hnam puanzar hran nei bawk; kan ropui lo viau maithei e, mahse ropui rih loh pawh ka huam ta mai. Kan behna rama ‘Tribal lungmawl’ kan ni kumkhua mai tur leh, hmangaih tak tak theih loh tur nena inpawm reng ai chuan mawng sawh dawt khawpa tlak mai pawh a chakawm a lawm le.
Kimtlang inanna pakhat mah nei lo vaiho nen hian engvang kher nge hetia kan lo inngulzem mai aw!! Kan hmulphurh, kan ruangam, kan rilru sukthlek, kan tui zawng, kan chaw ei dan leh hun thlenga inang hauh lo kan ni a, chu achhapah min la hmusit em em zui bawk si, keini pawhin. ‘National’ tiha an rilruin a thlen phak loh rama cheng kan ni. Pakistan leh India-in Cricket an khelh dawn tum pawh khan National TV News Agency-ten Ramri-Ramri-a mite Phone-a an inbiaktir tum pawh khan Srinagar leh Guwahati-a mite a ni inbiate kha, ramriah pawh min ngai phak lo a ni ber mai. Keinin kan rama hnam chekhnawk cheng ve ram pawh nei ve loho kan ngaihdan ang tawk vel hian min hmu ve tho va, India mi dik tak kan nihna lam ai chuan an rama cheng ve enin min en zawk si a.
Hnam hlaah pawh khung len ve loh, pawngsual tur tawk vela an ngaih kan ni mai chauh em ni heti taka min tham loh mai ni ka ti thin. An ngaiha sa tuitang lo zawng zawng ei duh, chukchu leh maimawm nen lama vam hmak hmak tura an ngaihte kan ni a; kan rama mi 20 chuang thihna hian eng news mah a thlen phak loh laiin an vai tlangval ngalria naran mahni intihlumin ram a deng chhuak a. Kan CM riahbuk sual hian an MOS chhunpel(h) pawh a tluk si lo. Thanghnih thum liam tawh atanga hel ngar ngar, sang tam tak mi nunna latu Maoist helho tudai tura thlawhna atanga vawikhat silai hmehper pawh phal lo khan dim baksak lovin kan khawpui min bomb-sak a nih kha.
Kan farnute pawngsual a, kan unaupate ramtuilei lova siam a, kan naupangte fahraha siamtute khan a khawnawta min khalhkhawma min vuak kha duhtawk lovin kan khua an hal zui thin a nih kha; an ramah pakhat pawh an tih duh loh thah khan min han ching vel a maw. Mahni hmingthatna tura lemchanga mi dangte tihlum(fake encounter) thin leh chhungkaw hming humhimna changchawia fanu leh farnute tihlum(honour killing) thin hnama bet tur hian kan mizo rilru hian a phak ve ngai dawn lo a nih hi.
Ka beisei ram, hi lo piangin chu mi chhungah chuan han chen ka va’n chak tehlul em!! A tirah chuan kan rethei ang, kan bet ang…mahse kan retheihna avanga thangthar rilru lo indin chhuak chuan min hnufumtir bik reng dawn lo. Ke kan nei dinna turin, kut kan nei thawhna turin, thluak kan nei ngaihtuahna turin, zau lo mahse ram kan nei…hlimna turin. Zoram hian thawh tik a nei tawh lo tur hian min vel bang dawn lo a nih hi, kei leh ka chhungte hi.
Ka beisei ramah chuan “Mizo nula leh tlangvalte hlim nui ri ka hria a, ram aiawha feh chhuakte chevel chu kan ram atangin mipuiin kan thlir a, kan lawmna leh lungngaihna chu mittuiin a chhilh thin. Kan hnam hla ri chuan lairil a fan a, kawhmawh bawl zia kan ni lo; tangrual lo thei lova min siamtu chu thahnemngai taka ram kan din tlanna chu a ni. He tlang thawvenga hian Hnam puanzar phe vel hian min tur mek a ni si a” ti a hnehna hlado chham ka va’n chak em!!
July 12th, 2012 at 8:41 am
First mai ang… 😛 Dream tha tak a ni (Y)
July 12th, 2012 at 9:05 am
Kei pawh ka nghakhlel khawp mai
July 12th, 2012 at 9:16 am
#2 ang khi (Y)
July 12th, 2012 at 9:38 am
I beisei ram chu chen hlan a nghahhlelhawm teh e… (Y)
Mahse, kan cheng hman ngut ang em? tih erawh zawhna lian tak a ni si. Mizo nuai 5/6(?) chuang hlek an nih laia zalenna suala nun thap ngama ram an mut laiin; phatsan mai ni lo, mantir duh hial tawk an awm a ni si a. Tunlai nun angah phei hi chuan, kan intifing leh zual hlawm si a. Kan inlungrual lo nasa ngawtin ka ring… (N) (a thim zawnga thlir bik ka nih loh rualin, thil thleng thei niin ka hre tlat si)
July 12th, 2012 at 10:14 am
Intodelh phawt a tul..
July 12th, 2012 at 10:15 am
Kan pi leh puten he ram kher khera thlang an lo tla hi chu pawi ka ti vawng vawng thin. Kan CM te nupa tih loh chuan he post hi an thlawp ka ring!
July 12th, 2012 at 10:41 am
Ka Lung a chhe deuh tlat… Nakinah komen mai ang..
July 12th, 2012 at 10:50 am
Chawiei tui tur chuan inpaihruah a ngai reng a ni. (Y)
July 12th, 2012 at 10:59 am
nghahhlelh awm khawp mai..engtin nge kan tih tak ang..Vaiho hi an fing phakar si a. NSCN ho pawh eng mah an an theih loh hi..
July 12th, 2012 at 11:09 am
Full support (Y)
Central atanga pawisa lo kal hian thil tamtak kan tih theih hi ti thei lo angah min inngaih tir mai mai a ni lo maw..
Mi chak elhkhen pawh a tha hmanna tur a awm loh te chuan a chak tih a inhre tawp nang.
July 12th, 2012 at 11:40 am
UISA kn ei tlat a lom!!! GAS GAS GAS ah buai zok teh ziaktupa
July 12th, 2012 at 11:44 am
ka châkna leh huphurhna hi patla ah buk chhin i la…
July 12th, 2012 at 11:51 am
Beisei sang khawp mai a, a la hlat hmel ang reng bawk si ah. Thil tha tak chu ni mahse tun rilru leh dinhmun atang hi chuan kan thleng zo in a rinawm loh……….han in sawh nghet te2 i la chumi hnu a tan chuan a that dawn khi a.
July 12th, 2012 at 12:17 pm
Duhthusam i rawn sawi mahse duhthusam zawng zawng a hlawhtling vek thei thin lo hi a buiaithlakna niin ka hria…”Tribal Lungmawl” ka in ti phal ngai lo,ka tribal na hi vai ngalsin ho lakah hian ka chapo pui… ka tribal avanga min hmusit tu chu a let in ka hmusitna ka lantir thin lol…kei tribal hian an tih theih loh leh an thlen phak loh tam tak ka thleng pha…tribal nih nawm zia ka awhfik thin…am always a proud mizo and a proud tribal…(Y)
July 12th, 2012 at 12:30 pm
i pen chhuak tawh ang u ..ka ti lo a nia.
engtin nge kan tih ang tih lam chu thuhran ni se…duhthusam a ni ber mai.
mimalin kan fel falin kan dinhmun a tha viau thei e, mahse hnam anga min classify na hi a lian ber a chu chu a reh dawn lo.
ram hmangaihna thuk tak kan neih loh chuan kan ral mai ang. kan identity ah chiang ila… Israel ho Babulon hnuaia kum 70 vel an awm khan an ram kha an hmangaih bang lo …a ni, kan tap thin..an ti zawk.
July 12th, 2012 at 12:40 pm
Chhiar hmain sawizui lawk ang: ka rilrem zawng a ni dawn chiang sa, hläwm khatna ka bih zuai zuai hian (Y) (Y)
July 12th, 2012 at 12:50 pm
Ka rilru ang pumi ka chhar leh ta! A va ropui êm (Y) (Y)
Tunlai kan mi inlafing hovin honest taka Indianmi nih mai tur an ti hi khawvêl thusawi ka hriat tawha ka ten ber, ka dam chhung mai ni lo, chatuan ral hma zawng ka khinlêt tur a ni. Khawvêl thusawi zawng zawngah a mäwl chenbeh ka ti ber (N) (N) (N)
Mizote hi vaiho hian min awpbet lo selang chuan kan intodelh zâwk daih dawn tih a chian vei nen, hei hi kan hmu thiam pha hlawm lo a ni ber mai. A hmu thiam pha lote thatchhiat zawmthâwt vang (N) . Kan ropui nghal thut lo vang, vai ngaihnêp ni chunga an awpbehna hnuaia lo inlâkropui ve vêl ai chuan a hnam anga chimih hi ka ngaisang zâwk a, ka duh zâwk bawk! Kan chimit chuang lo vang! Kan dingchhûak dawn hrim hrim!
Kan va dingchhuak dawn chiang tak êm!
July 12th, 2012 at 12:53 pm
#9 whotalk, engtinnge kan tih ang maw? A hnam anga ral huamin kan bei ang! Ka rilru ang pu vek ilang chuan hnam pum ral pawisa lovin kan thawk chhûak leh nghâl ang.
A chunga ka sawi tâk ang khian, vai awpbeh nih ai chuan an awpbeh tur awm lova ral ka thlang zâwk! (Y)
July 12th, 2012 at 1:09 pm
A ni khawp mai. Pu Vakul, engtinnge maw kan tih dawn ni? Rualawh a na si, tihtheih tlem si. Tuna kan dinhmun, Central purse kan zen chung pawn heti leih leih hi kan ni si a, i dream hi chu duhthusamah a luangral mai ang tih ka hlau khawp mai.
Kan hmel leh pianzia inanglo mai bakah, kan rilru sukthlek inanglo chiang lutuk mai te, diktak chuan kan vai ho khuan Indian ah min pawm tak tak theilo, Indian ni ve mahila min en hrang tho tho, keini rilru pawh a Indian tak tak thei heklo. Mahse, tihngaihna ka hrelo :-S
July 12th, 2012 at 1:12 pm
Awp beh a kan inngai tlat hi a dik hi ka tia, amaherawhchu Vaiho ni loin mihausa ten min awp bet ka ti leh thung a. Freedom is not free an tih ang deuhin thawh hah a ngai a, opportunity mi tin ban phakin a awm, a ban sei thei deuh tan open a nih laiin mipui nawlpui tan restricted a nia, closed erawh a ni hran lo. Roreltu fel hmaah chuan ram a nuam in a thang duang a, tun dinhmunah mahni ro inrelin tuna kan party hruaitu te hian min hruai dawn ta se, miretheite chu kan chep ang chu awwwwwwww….
Beiseina hi han nei phawt mai i la, a dang chu a tla chawpin 😛
July 12th, 2012 at 1:12 pm
Kawng thar ṭha deuh ka hriat chu: ṭhangtharte hian China ṭawng hi zir nasa deuh ila, an ramah khian lehkha han zir nasa deuh deuh ta ila, chuta ṭang chuan tumruh ṭhem ṭhawmin han phiarru ila… te ka tia.
Chainaram khian min puih a hreh lo nasa tih chu a hriat a! Indiaram tihtêt nan chuan läwm takin min pui dawn chiang sa… Pakistan pawhin.
MNF-ho pawh kha anni ram pahnih hian a ni lo’m ni ralthuam pe deuh ber?
Kawng dang: Chainaram hian hmarchhak ramho hi rawn chuh buai se, min awp ta zâwk se. Chu chu vaiho laka kan zalenna tur kawng ropui pakhat a ni. Communist ram ni mah sé vaichhe awp nih ai chuan kan anpuite chen vèna ram Chainaram awp nih ka thlang zâwk deuh; lungthlu takin ka pawm thei ang. (Chainaramah khian kan anpui tak tak an tam ve mai, Tibeto-Burman ṭawng hmang veho).
Mahsé Mizoram chu a zalen chuang si lo vang. A puiha inpuihtir a hlâwk ber. Tu tute emaw anga lo inmantir tâwk, inphatsan tihvêl awm lo se la a ṭha ber ang.
Ngaihtuahna thui tak neih harsa mah sé, hmangchang hriate’n kawng chu an hre awlsam leh deuh hlek ang, tih hi ka beisei tlat a ni.
July 12th, 2012 at 1:23 pm
Thil theih loh zinga pakhat ni ve in ka hria! India ram hi (USSR ang deuh khan) a keh sawm te anih ngawt loh chuan chance chu a hla vawng vawng khawp ang! Khawvel hi a awm reng a a kal zel chuan a lo thleng mahna le. Hiostory repeat itself an tia lawm 🙂
Engpawhnise, kan ram leilung leh resources en hi chuan ‘in-dan’ hi a huphurh awm khawp mai. Kan rilru sukthlek nen lek phei chuan a peihawm lok sa ngawih ngawih 🙂
July 12th, 2012 at 1:35 pm
Thil manganthlâk deuh pakhat chu, tu tu emawte’n vai ṭawng an thiam a, an inla-Indiami êm êm bawk chho hi…
Mizo zinga kan mi ngaihsan ṭhenkhatte’n inla-Indiami tura min fuih te hi aw…! A va han pawi tak ngawih ngawih êm! :-S Infuihna tur ṭha dang a tam tehlul nèn! ;-(
Kan rama zirna enkawltu chu ni ila, vai ṭawng zirna hi ka tichangtlung duh miah lo vang 😀
July 12th, 2012 at 1:39 pm
Nuam dawn dap dap ve awwww…Engtin emaw ti teh ang u. A ngaihna hre ho khan ngaihtuah dan han ngaihtuah ula tha ang. (H)
July 12th, 2012 at 1:53 pm
Tun dinhmunah chuan independence hi kan la zo in ka ring lo, ti hian India pawisa hian inchhek lian tete ila, nakinah keimahnia kan din theih hunah kan la sual dawn em em ang.
July 12th, 2012 at 2:02 pm
a ngaihna hi tunah sawi mai chi a ni lo.
kan ram leilung khian kan intunnunna tur a nei…hortoki ramah pawh khian oil an pump chhuah hmel khawp khi a.
intelkhawm a tul ber.
July 12th, 2012 at 3:38 pm
A tawi zawngin duhthlan tur pahnih kan nei..
1) India laka indan tuma beih: tawng, hnam, hnam zia, sakhuana, pi pu ro thil, ei leh bar dinhmun, kan chenna ram vawnhim leh heng zawng zawng humhalh duh chhuanlama hmangin leh hengte avanga kan danglam bikna changchawiin India ram state intelkhawm (federation) atangin inhnukdawk turin hma kan la thei. Kan ram hruaituten ten political negotiation or peaceful dialogue hmang ringawt chuan an sawichhuah hmel si loha, tharum (violence) a tel a ngai ngei ang, tharum chuan tharum dang a hring zel anga, kan chan tur chu tuna J&K leh Nagaland dinhmun ang hi anih loh chuan ’70s Mizoram dinhmun ang kha kan hmabak leh chu a ni mai…
2) India a bet reng chunga kan identity vawn him: Hei hi a theih tehmeuh mai, tunah pawh Mizo nawlpui chuan Indian rilru aiin mizo rilru kan pu zawk. Indian tia kan in assert na tam tak (zirna, hnathawh, politics a hamthatna etc)ah hi chuan a tul vang leh a finthlak zawk fo vang a ni. Constitution in min recognise thlapa, dan hnuaiah humhalh bik kan ni a, ram buai a reh atang hma pawh nasa takin kan sawn. Chuan hruaitu fing fel leh mi dik tak kan neih phawt chuan India sawrkar lak atang hamthatna nasa tak kan sawk chhuak thei, kan ram ralmuanna hi remchangah hmangin kawng tinrengah hmasawn zual zel turin tan kan la sauh sauh thei..tun kan dinhmunah hi chuan revolution emaw a rawngkai tawh phawt chu kan afford theilo hrim hrim..
Kei pek rambuai stage ni lo tun ang hun ralmuanga ka lo piang leh seilian hi ka lawm takzet. Ram hmangaih inti te pawh hian ngun tak leh fim taka an ngaihtuah loh chuan an dawn tawi luatah buaina zakhua engmah guarantee awm si loah hian min hnuk lut(leh) mai ang tih a hlauhawm…tin Secession hi a thuhrimin ‘institutionalised discrimination’ leh human rights violation Court rorelna pawhin a tihdik theih tawh loh khawpa nasa (irreversible) a awm emaw peace agreement central sawrkarin a bawhchhia te anih ngawt loh chuan engtikawng mahin justify theih a ni lo …..sawi tur a va tam em..
Mahse buaina leh harsatna tinreng hmachhawn huama India laka indan kan duh talh anih chuan zopa tapchhak zawl titi leh zawlbuk thukhawchang ringawt lo deuh Colonisation atanga tun hun thlenga ram bung hrang hrang ‘zalenna’ lo sual/ngiat tawh te leh sual mekte, a hlawhtlingte, hlawhtling lo te, an dinhmun, a nghawng, a hnu leh zel thil thleng etc te example a hmanga chhut chianga, zira, khaikhinin, kan ram dinhmun (context) a apply theih thil te zawng zawng buk kualin, fimkhur taka hma kan lak a ngai ang…
PS: kan ramin kan lo tawn tawh ngei atang pawh khan inzirna tham chu a ni
July 12th, 2012 at 4:50 pm
Kan beisei ram kan thlen hun chuan (Y)
July 12th, 2012 at 5:08 pm
Indiaram laka kan zalen phawt loh chuan kan hotute rilru a dik thei dawn lo.
Han zalenin han bei tak tak ila chu, ram hmangaihna tak tak nen, kan rilru sûkthlêk pawh a dik thlap hian ka ringin ka beisei ve tlat nia. Indiain sum dukdak lova min chawm vang hian kan hotute rilru a dik thei lo va ni. Mahni thawhchhuah ngei rin han ngai ta se, kan kal dik zawt mai ang.
Pu James Dokhuma ṭawngṭaina hian ka thusawi ka’n khar teh ang:
July 12th, 2012 at 5:26 pm
#27 Charice_mizo, hläwm lian thumna (N)
Vai laka inhnuhdâwk chu thiam chantir theih a lo ni lo va maw? A va râpthlâk ve. (N)
Dâwt bâk va ni suh. Indo thil a nia, dan a awm thei tak tak lo.
Tuna min hmusittu, kan thlahtute pawngsualtute laka inlâkhran tihuphurhawmzáwngin i insawiṭhaih lo hräm ang u. Inlâkhranna rilru put hi kan vai tih tùr a ni, tih te hi Naupang zirlaibua telh awm tak hi kan nia!
I thil sawi tam tak khi chu a dik khawp mai, mahsé hläwm thumna khi a dik a nih pawhin ka haw hrim hrim.
Vaiho hnuaia hnamchawm ni chatuan tur anga Mizo hnam sawi hian ka thin a khei takzet. Inlafingho lah chuan, ka sawi nawn lehpek ṭhin ang, honest taka Indiami ka ni tih mai tur ( (N) (N) (N) ) te an la ti sapbai a!
Indiami nih vangin vai kan ni ngawt hlei nëm kan ti a ni thei e, kan tawpna tur chu vái tho tho, váiah pawh váichhia tur lehnghâl. (N)
July 12th, 2012 at 10:34 pm
Mizo-te hi India-ah hian in identify hmin thlap pawh ni ila, caste system avang hian vaiho hian min en hrang reng tho dawn.
India ramah hian hei leh chen kan bet tawh chung hian, Vai-ho hian an Indian puiah min ngai tak tak thei lova. Keini pawhin Indian-ah kan in ngai tak tak thei bik chuang lo. Chu chuan Identity crisis min neih tir a, chuvangin ‘ka ram tan’ ‘ka hnam tan’ tih rilru pua inpekna thuk tak nena ke pen thin ram leh hnamte nunzia ang hi kan pha thei lo.
Independent/Sovereign State chu ni ila a sur a sa hnuaiah pawh, hrehawm tin reng paltlang huamin, dikna, rinawmna, chhelna etc tun ai hian kan nei thuk zawk ang a, ‘raltiang ram’ kan thlen bik lohna chhan tur hi ka hre lo.
Pu Vakul, i post tha hle mai.
July 12th, 2012 at 10:50 pm
#31 Fergie pawh ka ngaihdan ang ngaihdan neimi a ni. (Y)
A va lawmawm ṭhin êm. (B)
July 12th, 2012 at 11:38 pm
Tharuma kan hneh ngang loh pawhin, kan rilru hi chu tlawm chikimin tlawm kherlo ila chu a tha chuan ka hria. China nen kan lo inri lo hi chu a pawi ngawt mai. Arunachal te hi chu an hel hi an hlau zek zek mai a, an lungawiloh deuh hlek te hian Sum hi an rawn pump lut thur thur zel asin maw le.
July 12th, 2012 at 11:41 pm
#33 PKfanai, dik chiah. Chainaram nen kan lo inri lo hi chu a pawi angreng. Inri ilang chuan Arunachalmiho ai chuan kan chaina-hmel-pu daih zâwk awm bawk sia, kan dinhmun hi a ṭha zual sauhvin ka ring. Min awp tumin an rawn bei chhên zâwkin ka ring.
July 13th, 2012 at 1:37 am
Hmmm… Vaiho hi, vaichheho hi… han ti leh dap dap ṭhin ila a ni mai aläwm. Bei hi a dawng ngawih ngawih.
;-(
July 13th, 2012 at 1:39 am
#22 lrpa sawi khi ka mitthla thiam riai ruai :-S ;-(
July 13th, 2012 at 1:49 am
#26-a vakul sawi khi a dik chiah; intèlkhâwm a ṭül ber. Inphatsan tihvêl awm lo sela a ṭha a ni mai. Kan ram leilungah hian kan kham khawp kan thar thei bawk.
Vaiho hmuhsitna hnuaia inlâkmilen ai chuan kawlphetha pawh nei lo ram thim nih ka thlang zâwk. Zalenna ka ngaisang ber.
Aw! Ka han hawi vêl a, kan Mizo thil ngaihhlut ber ber te, kan zaithiamho te ka han ngaihtuah a, vaiho hmuhsit leh chëksawlh mai mai atan chuan a va pamhmai êm! ;-(
Heti hrim hrim chuan a dik thei lo… Aw Zoram! Ṭhangharh la ka va ti tehlul êm! Aw LALPA! Inlafingho nuai chimit la, nangmah hmangaihtute tichak thar ang che!
July 15th, 2012 at 11:34 am
India hnuaia awm hi anuam ber,mizote tan vaichhe ho hi Pathian in min awp tura a siam an ni ang..China ram te chu awm chak suh u.Engtikawng mah in min awp bawk lovang..Tibetan ho an endan te khi en ta che u,mawl hlawm lutuk mai.Tibetan ho kawm ve rawh u,vai aiin an phakar(cunnin) in an sual zawk daih china ho khi..ILP hmang dik ila,vote zawn nan hnamdang hmang tawhlo ila,eiruk leh thatchhiatna umbo ila..Vai ho mai2 kan ti vak2 a,an awp beh mai2 a kan awm hian keini phei chu hniam tak kan ni tih a kawk nghal ruak asin..Vai haw hlur hian kan Indian reng thovang keini mizo te hi..