Lalrinmawii (Mawii) leh Lalrinzuala (Zuala) te chu thian inkawmngeih tak mai an ni a. An inkawp dan chu a thianghlimin mite fak pawh an hlawh dun hle a. An kohhran lawinaah pawh an pahnih chuan mi tangkai tak ve ve niin an thawhhlawk dun hle a.
Tum khat chu Zuala chuan Mawii chu a ngainat zia thu a hrilh ta phawng mai a, Mawii pawh chuan nui var var chungin a huat bik loh thu a hrilh ve ta a. Chu mi ni atang phei chuan an inkawp nasa leh zual a, an pawh then theih loh hi a ni ber. Hun a kal zel a, an inkara hmangaihna piang chuan par mawi tak a chhuah chho zel a.
Nikhat chu Zuala chuan Mawii hnenah chuan ngenna mak tak a siam ta tlat mai a. Zuala chuan “Min hmangaih tak tak a ni tih ka hriattheih nan kar khat chhung kan in hmu miah lo ang a, phone call, text leh mail-ah pawhin min rawn biak i tum miah tur a ni lo. Chu chu i theih phawt chuan ka hmangaih kumkhua tawh ang che” a ti a. Mawii chuan a ngenna chu a hrethiam loin mak a ti hle mai.
Mahse, Zuala chuan a tih tlat avangin a tawpah chuan hreh tak chungin a ngenna chu a pawm ve ta a. Zuala ngenna ang chuan inhmu lo leh inbe miah lovin an awm ta a.
Kar khat hnu chuan Mawii chu Zuala hmu turin phur takin a kal ta a, ngai tak chunga a ngenna a tihhlawhtlin theih avang chuan a hlim hle nghe nghe a. An in ava thlen chuan mi eng emaw zat hi an lo awm a, an nguai riau lehnghal a. Ngaihthat lohna pawh nei chuang lovin in chhungah chuan Mawii chu a lut a, mahse chutah pawh chuan Zuala hmel hmuh tur chu ala awm chuang lo. Room pakhat ava luh chuan kuang pangpar nen a cheimawi sa diam hi a lo awm a , a han en chuan nak chuan a chhungah chuan Zuala chu thlamuang takin a lo mu a. A kutah chuan ‘Mawii tan’ tih lehkhaa inziak hi a lo hum a. Mawii chuan lehkha chu a la a, ti hian a lo inziak a:
Mawii duhtak, kan pahnih inkara inngainatna a pian hnu lawk khan Doctor ten Thluak Cancer natna ka vei a ni tih an hmuchhuak a, hrilh ce ka duh thin a . Mahse, ka hrilh che chuan kan hlimna zawng zawng kha lungngaihnain a luahlan ka phal lova ka hrilh ngam ta lo che a ni. Ka intiam tir ni che khan zai tur ka ni a , ka na tuar lai hi i hmuh atan ka phal ngang lo a chuvang chuan hreh tak chungin ka nawr lui ta che a nih kha, khawngaih takin min ngaidam ang che.
Hei kan hun tiam chun alo thleng ta a, ka ngenna min tihhlawhtlin sak avangin ka lawm e.’ Hmangaihnain a dawhthei a,……engkim a tuar hram hram a, engkim a ring a, engkim a beisei a, engkim a tuar chhuak thin.'(Korinth 13:4-7). He hmangaihna neitu i nih avang hian ka lawm em em a ni. Mawii, tunah chuan “KA HMANGAIH KUMKHUA TAWH ANG CHE” tiin. Mawii chuan lehkha a chhiar zawh chuan Zuala kut vawt tak chu a la a, mittui tla zawih zawih chungin a fawp ta vawng vawng a.
“Zuala, hmangaihna hmasial lo hmangaihna neitu i nih avangin kei pawhin “KA HMANGAIH KUMKHUA TAWH ANG CHE” tiin a hmangaih Zuala chu a mangtha ta a.
July 15th, 2012 at 9:39 pm
ka va duh reuh e..
July 15th, 2012 at 9:40 pm
1st ve nulh te ka ti dawn a, min lo phawi khalh leh sia
July 15th, 2012 at 9:41 pm
grandy…hmmmm.
July 15th, 2012 at 9:43 pm
A va mak! Comment ka type lai khian no comment a la inti reng sia!!!
July 15th, 2012 at 9:57 pm
Thawmthu tawifel tak, chhiar nuam tak a ni. Mahse, pawhthen theih loh khawp a inkawp an nih chuan Zuala thih chanchin hrilh chak tak tak chu an ngei ang le. 😉
July 15th, 2012 at 9:57 pm
1st nihna khi vawi khat chuks ah ka hralh phal..
khawi maw.. lo hawi lawks teh.. close your eyes.. open your mouth… chukss.. slurp..slurp…
ti kha chuan i first e…haha..
July 15th, 2012 at 10:03 pm
Saint!!!! :-$
July 15th, 2012 at 10:05 pm
haha……
July 15th, 2012 at 11:11 pm
(Y) a tawi ngaihnawm hle mai 😀
July 15th, 2012 at 11:17 pm
Enga ti tehreng nge maw ni ka khawngaih ru deuh tlat che nia mole……….. :-O :-O .
July 16th, 2012 at 12:38 am
YMA information ah chhiat tawh thu an puang lo ani maw? Ngaihthat lohna nei lo khawpa mitthi in chhunga han luh theih chu eng society nge aw?..thil mak tak tak chhui tur a van tam ve..te han tikual vel ila..detective mit chawngkawr a tang hi chuan zawhna hi a tam duh ania..
Post tawifel thiam hle mai.
July 16th, 2012 at 7:11 am
Hi hih…. tha leuh e
(Y)
July 16th, 2012 at 8:03 am
I thu leh hla hle mai. Han ziak zel teh
July 16th, 2012 at 8:08 am
Tukchhuah nuam vek u le (L)
July 16th, 2012 at 8:13 am
nizan chu ka mu tui hle mai…ka lawm e..lalpa..
July 16th, 2012 at 9:28 am
Thluaithlum teh chiam si lovin, a tawikim phian lawi si; a ngaihnawm khawp e… (Y)
I thuziak ka chhiar lai hian, tu emaw ni te te ka mithhlaah a lang… 😉
July 16th, 2012 at 10:05 am
Chhiarchhuak ta. A ngaihnawm e. A tawi fel bawk si a. Mahse, hetiang lam hawi thawnthu hi an hre ta zauh zauh a, film pakhat Sweet November pawh hi tiang lam hawi hi a niin ka hria, ka pawm zawng a ni vaklo. Mi 2 an in hmangaih anih chuan chhiat ber lai pawh a in hmangaih, in tanpui, harsatna in share hi ka duhzawng.
Mawii hian Zuala damlo, na a tawrh lai te khan hnem/tanpui, a bula awm ngei a duh ka ring. Min thihsan tawh miau chuan mitthla ah hlim dunlai a cham thei tak tak tawh chuang lo ang ka ring ka rawn ti ve niah nuah e…hairehai 😀
July 16th, 2012 at 10:40 am
No Comment
July 16th, 2012 at 11:36 am
A ngaihnawm phian, mahse a thih ni a predict fuh khi a msak deuh.
July 16th, 2012 at 11:36 am
# 17… ka rawn ti ve niah nuah e…hairehai 😀
K’u sheldon, phalna lain he tawngkam hi a hmang ang chu maw? Pu HV-a registered trademark niin ka ngai ngawt a… 😛
Nula leh tlangval hmangaihna lam hi zawng, sawi tur reng ka hre tlat lo… 😉 In ziah apiang hi, ngaihnawm ka ti viau zel a.. 🙂
July 16th, 2012 at 11:58 am
Tha lutuk tlat (Y)
July 16th, 2012 at 1:02 pm
A tawi tawi nen a va ngaihnawm reuh ve. (Y)
July 16th, 2012 at 8:28 pm
A lungchhiat thlak hle mai