Tute Nge Kan Nih!? Part 4

July 16th, 2012 11:00 pm by Rinzova Khawlhring Lalhnam

Previous posts:

…Israel hnam beram bote hnena kal tura tirh chu an ni ve ta ngei mai le. Khawiah nge an kal ang a, khawilai nge an thlen ang a, engchen nge an thang tak ang le?

Mizote chu Israel hnam beram bote zinga mi kan ni ngei ang em? Israel ram leh Chaina ram inkar chu a zauin a thui tham dawn mang e. Palestina ram chhakah Syria, Syria ram chhakah Iraq te,Iran te, Afghanistan te, Pakistan te,India te, tichuan China a thleng chauh a ni. Isua lo kal lai khan khawl hmangakal Lawng an la siam silo; motor te, rel te leh thlawhna te a la awm si lo. Palestina chu PLO- ho tana an sahthlak hmaa Arafat-a tihhlum tuma Tunisia ram pana thlawhna chak chi nena an pan vang vangna pawh zanriaka thlawh a ngai a ni si a. Kea kal thlen chi rual lah a ni lo reng a, an kal lo reng a ni.

Isua zirtir sawm leh pahnihte khan Israel hnam beram bote hnena kala an chhuakkha hun rei pawh thang hek lo maw le! Israel ram (Palestina ram) bak an pel lo reng reng a nih kha. Isuan zirtir 12 a tirh chhuah chu kan chhiar ngeia. ( Matt. 10:5-6; Mar. 6: 7-13; Luka9: 1-6); Jentail-te kawnga kal an khap a, Samari mite khuaa luh te an khap tlat bawk a. Eng chen nge an thang a, engtikah nge an lo kir leh asawi hauh lo.

Palestina ram(anmahni ram) chhungmah ni sela, Jentail tam takan awm ve ngei ang a, Samari mite lah hi Israel hmeichhiain hnam dang (Jentail) pasala an neiha chunghote thlah chu an ni a, Juda mite’n an ten em em te an ni tih pawh Bible-ah kan hmu ani (Joh-4:9). Jentail-te kawnga kal a phal bawk lo a, Samari mite khuaa luh a phal bawk lo a, an fang zim hle ang tih a rin theih a ni. Zirtir 70-te a tirh chhuah thu kan hmu bwk a (Luka10:1-20), an lo kir lehthu pawh kan hmu a ni (Luka10:17-20). Isua hnenah pawh hlim em emin an zin report pawh an pek nghe nghe kha. Chuvangin zirtirho Isuan a tirh chhuahte khan khaw tam an tlawh hman a rinawm loh a ni, anni ke hlira kal leh nghal.

Aw le, Israel hnam beram bote hnenah chauh tirh niainsawi Isua khan (Matt.15:24) Palestina ram bak a pel lo tlat mai a, chuta tang thil lang chiang ta em em chu,’hnam sawmbote’ an tih maite chauh kha Isua ngaihah hnam bo an ni lo a, Israel hnam pumpui kha (hnam 12) an Pathian hnen a tang khan bo a lo ni zawk a ni tih kanhre chiamg thei ang. Mizote hi hnam bo kan ni tih lam a ni lo; Israel hnam 12- te chuan an Pathian anhre lo a, an Messia (Isua) kha an hai a, an bo a nih zawk kha.

Chutichuan Mizote hi Israel ni loin Mongoloid hnam dik tak zing ami chu kan nitih a chiang ta a; kan mitmeng zim dan te, kan fuke tawi danah te, kan taksa sei si danah te, kan ran vulh duh chi ah te hian a lang a, he Mizo hnam tawng pawh hi Hebrai tawng nen inanna a nei hauh lo bawk ang, a anpui chu Mongoloid tawng zing ami a eng emaw bak anpuia nei hauhin a rinawm lo a ni. Hnam hlaawm hran hran kan ni a, chung hnam hlawm hrang hrangte chu a hmain kan sawi tawh kha. Kan tawng pawh a hrang hlek hlek hlawm a, nimahsela chung tawng hrang hrangte chu a inzul deuh vek zel a; lalram khata an awmkhawm lai pawhin an tawng chu hrang tawh mah sela an la inhriat pawh theih vek a ni. Heng tawng ze hrang hramgte hi Mizo tawng te, Ralte tawng te, Pawih (lai) tawng te, Paite twng te, Gangte tang te, vaiphei tawng te, Khuangsai tawng te, Bawm tangte, Thado(kuki) tawng te, Komtawngte leh Khumi tawng te pawh a ni ang; Mizo tawnga kan inbiak pawhnaber chu Lusei (DUHLIAN) tawng hi a ni.

Hriat theih chinah Mizo te’nthing bul leh lung bul am biak a lang lo a, milem emaw siam chawpin an be ngai hek lo a, mi milem siam sa pawh an la be ngaihek lo. Engkim siamtu Pathian awmin an hria a,’KHUA’ an tih chu an bia ani. Pathian hi hnam hrang hrang emaw chu a awm thei ang; Pathian hnena malsawmna dilna inthawina hlantu puithiam,’SADAW T’ an tih pawh chu hnam hrang hrgangin intawm mai loin an nei hrang theuh a ni. Khuanu/Khuapa chu biain an zah em em thin a, rama an kala chun chaw an fak dawn te hian, ‘KUHUA TLAI’ tia chaw tlem te leh chawhmeh tlem te chu theh hmasa zet lo chuan an bar ngai lo reng reng a ni. Chu Pathian chu an be ngar ngar a ni. An sakhuaah an ngheha an puithu em avangin misual an awm ngai lo. Tunah Kristianna hnuaia kan Pathian biak dan leh kan inzawm dan hi chu an lapian a dal hle mai; kan pileh pute hun nen chuan khaikhin rual loh ang a ni hial ang. Kan sakhaw biak dan a der a, kan nghet lo a,Pathian biak dan a der a, kan nghet lo ag, Pathian zahna tak tak kan neilo. Krhstian tha tak emaw tih pawh hian mihring a hmuhloh phawt chuan Pathian ch a hre fuh tawh lo reng reng ang a ni, thil sual a ti duh tho. Nge Pathian awmhi kan ring tak tak lo zawk? Kan pi leh pute kha chuan Pathian an zah hle mai, mihring hmu lo mah sela, Pathian KHUA chuan ahmu rengin an ring a, thil dik lo an ti ngam hauh lo ani. Thatchhia an awm ngai meuh lo bawk.

(awmzeltur)