Kan hnam sakhua, Mizo sakhaw din thar lehna kawng sawi tur hian a hmasain engnge kan mamawh? engtianga kalphung siam tur nge? eng chu nge sakhua a nihna tak tak leh a lanchhuahna te chu? tih te hi kan ngaihtuah fo a ţul awm e. Hetianga kan han sawi mai hian Chung Khuanu a nunna kan neih na thu lama fiah lohna emaw, Khuanu nen kan inkara buaina lam emaw a ni lo. Chu sakhaw tak chu mimal pakhat emaw, mi tlemtein emaw a an hriatthiam theih leh an nunpui theih, tlemte hnena pek leh a inpuanna bik chauh sakhua leh Pathian thu ni lovin chu sakhaw vuantute zawng zawng thunun zo, hriatfiahna tak tak an neih hma pawh a an nun humhim zo leh kaihruai tha zo sakhua leh Pathian thu, kalphung tha leh dik nei sakhua chu kan din chhuah a, hnam mipui hnena kan tuh a, hman nghal theih leh a kawng kal zawh nghal theih tura kan siam chhuah hi a tul tak meuh tawh a ni.
Engvanga hetianga sawi ta mai nge kan nih? Pathiana kan nun thuah lah kan fiah em em in, hnam thutlung Pathian thu a nihna lah kan tlangau aţangtein kan hrefiah em em si a? kan ti maithei. Mahse a chhan chu sakhaw hrang hrangte hi han thlir ila, a bikin Mizoram sakhaw kohhran hrang hrangte hi han thlir ta ila. Za a za deuhthaw Kristian an ni a, Mizoram chu Kristian state ti khawpa hriat lar a ni. Chutah Kristian zirtirna te chu han en leh ila, nun kaihruai tha zo khawpa tha zirtirna thu te a lo ni ve leh hlawm si a.
An zirtirna hi a tak takin nunpui ta sela Zoram hian heti em em hian chhiat a tawk lovang. A chhan chu Kristian ram, ram kalphung tha leh dik, a zuitu hnam mipui tha leh dik tak tak te pawh an awm ve tho. Mahse chu an zirtirna tha tak si chu an kalphungin a zir lo nge an nunpuiin, an that pui thei si lo. That pui chu sawi loh anmahni mai bakah, ram leh hnamin a chhiatpui zawk a ni si a. Thatpui tura an beih nasat dan te han thlir ila, thatpui a, a nihna ang taka nunpui theih a, ram leh hnam siam that nana hman chu an duh ve em em tih chu an beih nasat dan atang hian a lang tho si. Mahse an thei si lo. Engnge a chhan ni ang le?
Kan hnam sakhua nih loh vang a ni kan ti liam awm e. Hei hi chu a bulpui ber chu a ni ngei mai. A chhan chu an sakhaw thil zawng zawng chu Israel ramah a awm a, sakhuana an hman chhuah dan leh Pathian thu an dawnsawn dan leh sakhaw kalphungte chu Israel leh sap ram kalphungah a awm a. An sakhaw lehkhabu ah te kan ram leh hnam enkawlna tur leh kan hnam thil engmah a chuang ve lova, mahni hnam hmangaihna atangin Pathian a hmangaih theih lohva, kan hnamzia leh nihna hmangin Pathian thu lah a awih theih hek loh. Pathian mithianghlim, Pathian pasaltha ni tur chuan kan ram leh hnam thlawh khûm a khawi ram a mite emaw tana nun hlan ngam te a tul tlat si a ni. Chuvangin an sakhuana leh an kalphung atang chuan kan ram enkawl that theih a ni lova, kan hnam hi Pathain thuin hmangaih theih a ni hek lo. Kan hnam nun chu dikna, rinawmna leh tlawmngaihna in tuam vel mah se Kristianna atang chuan kan hnam sakhua leh zia zawng zawng te chu ram thim, Setana lalna ram a ni tlat a ni.
Tichuan a chunga kan sawi atang khian sakhaw inzirtina chu tha hle mah se a kalphung leh sakhuana hman chhuah danin a zir chuan si loh chuan mi zawng zawng huap, hnam nun pumpui tana thatpui theih a nih loh zia chu kan hrethiam mai awm e. A nih leh hnam sakhua vuantu inti te chu kan lo lang ta chenga. Kan thu leh hla lah chu tha em em mai, ram leh hnam damna tling, a hmu fuh veka te tan chuan mihring nun kaihruai tha zo zirtirna tha a ni takmeuh mai. Amaherawhchu keini pawh hi kan ti teh ang.
A tute emaw tan chauh a nunpui theih, thatpui theih leh hriatthiam theih kalphung hi a la ni ve em aw tih hi kan ngaihtuah ngai em? Mizo sakhua chu mitlemte te tan chauh ni lovin hnam pum pui leh a sakhua vuantu te zawng zawng kaihruai tha zo leh chhandam zo a ni a. An hrechiang emaw, hrechiang lo emaw an sakhuana chuan a humhim zo a , nunphung tha lo lakah a te ber atanga a lian ber thlengin a hum zo a ni si a. Chutiang sakhaw dik leh kalphung tha nei let leh tura hmalak chu Lalhnam, Mizo sakhua tundin leh tum te kalphung, hmalak dan leh hawi lam hi a ni ve tawh em tih hi inzawt ta ila; kan nitin khawsak phung; kan inthenawm khawvenna leh hna kan thawhna kawng tinrengah te, kan thil chin duhdan zawng zawngah te, sakhua kan hman dan kalphungah te, pawl kalphung kan rem dan leh pawl tana kan tha leh zung kan pek dan zawng zawngah te hian kan sakhaw tanna kan inpekna leh kan sakhua kan ngaihdan te, kan sakhuain kan nuna nghawng a neih dan te chu chiang takin a lang thei awm e.
Tuna kan kalphung leh hmalak mek dan en hi chuan chu kan sakhua chuan kan nunah nghawng tha a nei tlemin Mizo sakhua tundin leh duh tak takna chu a la awm meuh lo em mi aw? tih theih niin a lang. Inlehsan theih leh pemsan theih sakhaw kalphung kan la keng tlat a, sakhaw dang vuantute thiltih ropui deuh leh lar deuh te a lo awm emaw, keimahni pawl(society) thila lungawiloh deuna te kan neih emaw in tamtak chuan sakhaw dangah kan inlehsan leh mai thin. Pawl/kohhran danga kan inleh hian keiniah chuan kan sakhua thlengin kan phatsan a ni si a. Lal thu an la hmu chiang lo emaw, hriattir an la ni ve lo emaw kan tih leh mai thin dawn em ni? A ni thei lo. A hma lama kan sawi tawh ang khan hnam sakhaw diktakah chuan an hrechiang emaw, hrechiang lo emaw, a kalphung thatna leh dikna khan an sakhaw laka an nun peng bo tur kha a humhim zo ngei ngei tur a ni. Chu chu thil awm thei a nih zia chu chu kan pi leh pu te hunah khan kan hmu thei tlat a ni. Anni chuan sakhuana/Pathian thu hi a sawi a sawi vak vak leh haw hawin an kalpui ve lova, an inkaihhruaina a ni hek lo.
An inkaihhruaina tak tak zawk chu puithuna, serh leh sang, thiltihin a ni. Tuna kan sawi lar em em ‘nun’ nihna hian a ni an inkahhruai ni. “Hriatitir i nih hunah ila hre thiamin i nunpui ve mai ang,” tih lamin an inkaihruai lova, “Hei hi chu tih tur a ni lova, a thiang love” emaw, “Heti hian tihtur a ni e, malsawmna a ni” tiin an inkaihruai vek zawk a. Chu chu puithuna a ni a, serh leh sang, thiltihin an chilh leh thlap thlap a, an palchhe ngam ngai lova, tuma palchhiat chi lah a ni hek lo. Palchhe lui te tan chuan an khawvel chu tuarnain a khat tlat a ni. Chu hnam nun, sakhaw kalphung chuan ‘Zonun zemawi’ hi a siam chhuak tlat a ni.
Tichuan thil lang chiang tak chu Kristian zirtirna tha tak chuan kan hnam a siamtha zo lova, siam tha zo lo mai ni lovin hnam nun tichhetu a ni zawk tlat. Ka hnam thil a nih loh avangin. Chutah Lalhnamte thuthlung leh zirtirna tha em em mai, hnam hnuk khawih phak, ram leh hnam damna tling, hnam sakhaw tak thuthlung leh zirtirna tling phak pawh chu a nawlpuiin kan la thatpui hleithei lova, kan nunah nghawng tha a la nei hleithei lova, kan la vuan nghet hlei thei lova, kan la pemsan zauh zauh reng mai chu a nih hi! Hei hi engnge a chhan kan zawn chhuah a kawng tha zawk kan dap vat loh a, tuna kan kalphung ang renga kan kal hi chuan Mizoram Kristian kalphung ang bawk hian zirtirna tha tak nunpui hleih theih si lovin haw haw sakhuaah kan lut leh ang a, kan ram leh hnam tuarna hian dam ni hmel a hmu chuang lovang.
A nih leh engtin nge ni ang? Hetia kan sawi avang hian tuna kan kalphung zawng zawng hi paih vek tur tihna em ni? Ni love. Kan mimal nun mai bakaht tuna pawl kan nihna zawna kan hmalakna hi nasa zawka kalpui zelin kan sakhaw thuthlung leh zirtirna te hi nasa taka inhrilh a, inzirtir chungin sakhuana tak tak zawk chu mimalah, chhungkuaah, hnamah puithuna, serh leh sang, thiltihah a lantir tur a nih angin Mizo sakhaw kalphung, kan pi leh pu te hunlaia a kan hmuh tawh ang khan kalphung hi kan rem chho zel tur a ni. Vawilehkhata tih vek theih a ni lo. Amaherawhchu hemi lam hawi hian he pawl(Nunna Lalhnam) hian he hnam hi ke a pen pui hret hret zel tur a ni. Serh leh sang leh puithuna tel lo hi chuan mihring nun hi a kal ngil rei thei tak tak ngai lo tih chu kan hnam kal tawh dan atang hian chiang takin a hmuh theih a ni. Pemsan theih sakhua kan neih tak hi!
Chuta kan hriat tur pawimawh hmasaah chuan pawl nihna awmzia leh sakhuana hi kan hre hrang tur a ni. Tuna kan inzawmkhawmna pawl Nunna Lalhnam pawl hi va sakhuapui chi a ni lova, sakhuana lah a ni hek lo. Hnam sakhaw a dinchhuah theih nana thawk tura pawl inthlungkhawm(society) mai kan nihna hi kan hrechiang tur a ni. Tichuan he pawl tana kan thawh nasat leh nasat loh a te, kan inpek dan a zir zel te in pawl thiltum hlawhtlinna leh hlawhchhamna chu a innghat zawk a ni. Chuvangin chu pawl chakna tur leh a thiltum hlawhtlinna tur chuan theihtawp kan chhuah zawk tur a ni. Chutiang ang rilru kan put phak phawt chuan he pawl hi lo kehchhiain, pawl kalphungah lungawi lo mah ila, kan sakhuanaa banna tur leh pemsanna tur engmah a awm ngai lovang. Pawl kan sakhuapui tlatna hian sakhua min phatsan tir a, hnam min phatsantir zawk thin a ni.
Kan sakhua, Mizo sakhua nihna tak leh a lanchhuahna tak zawk chu mimalah, chhungkuaah, ram leh hnamah a ni zawk a ni. Tichuan kan sakhua chu mimal sakhua, chhungkaw sakhua leh ram leh hnam sakhua a lo ni tihna a nih chu. Thilnung tinrengte hi Chung Khuanu’n awm tura a dinte an ni a. Nihphung nei vekin a din a. An nihphung tur ang taka an awm theih nan nunna a pe a. Chu an nihphung anga an awm a an nunna chu siamtu Chung Khuanu nena an inzawmna an ‘sakhua’ chu a ni. Chutiang chiah chuan mihringte pawh kan ni. Mihring ni a a dinte chu thilnung dangte anga tla darh mai mai lova, inlungrual tak leh thilsiam dangte tana chawlhna tlinga ding tura a dinte kan nih avangin hnam niin min siam a. Chenna ram min pe bawk a. Chenna ram leh hnam mil zel chuan nihphung leh zia min pe vek bawk a ni. Chu hnam nihphung leh zia anga hnamtinte kan awm a, kan parchhuahna zel chu siamtu Khuanu nen kan inzawmna leh kan in biakna ‘sakhua’ chu a lo ni leh ta a.
Chu siamtu Khuanu min pek kan hnam zia leh nihphung anga kan awm reng a, amah siamtu Khuanu chu kan hriatrenga, hnamtin hnena a pek a thuthlunga kan din reng theihna turin hnamtinte chu kan hnamze mil zelin serh leh sang, puithunain min thuam vek a ni. Chutiang zawng zawng khaikhawmna hming leh nihna chu ‘hnam sakhua, hnam culture’ a lo ni ta a ni. Chu hnam sakhua/culture hawisana, bawhchhhe hnam a piang chu hnam dazat, hnam boral an lo ni thin. Bawhchhe lova, an changkan dan ang leh an hmasawn dan ang mil zela tihmasawn a, her rem thiam hnamte chu hnam ropui an lo ni thin a ni.
Tichuan kan hnam sakhua chu mimal sakhua, chhungkaw sakhua, ram leh hnam sakhua a nihna ang taka hungchhuak leh tur pawh chuan a nihphung leh awmzia te kan zir ngun peih a kan hmalakna zel tur te kan hriat chian a kan ngaihtuah fo hi a pawimawh hle awm e. A tlangpui i lo thlir leh teh ang.
1. Mizo sakhua chu mimal sakhua a ni. A hmalama kan sawi tawh ang khan Siamtu’n nihphung leh zia min pek ang te zawm a, nunpui reng thei tura min pek hmanrua serh leh sang leh puithuna chi hrang hrangah chuan mimal hman chi, chhungkuain a hman chi, chi bilin a hman chi leh hnam pumin a hman chi te a awm thliah thliah a. Chuta mimalin a hman chi ang te chu kan hnamin a lo hman tawh angin kan thuthlung ang mil zawng leh kan khawvel hmasawnna leh eizawnna te, nunphungte nena inhmurem thei zawng zela kan hman chhuah leh mai hian hnam sakhuaah kan ding a, kan nihna kan nunpui mai a lo ni.
2. Mizo sakhua chu chhungkaw sakhua a ni. A hmalama kan sawi tawh angin sakhaw tak, sakhaw kalphung dikah chuan sakhaw thuthlung leh zirtirnate chu a taka hmang chhuak a vawng reng thei tur chuan puithunain a kaihhruai a, serh leh sangin a zui a ngai a. Chutiang anga chhungkaw inhuhona siam tha leh a kan sakhaw thuthlung anga ke kan pen leh theihna tur chuan chhungkua a bul kan tan a, kan sakhaw serh leh sang te chu chhungkuaah puithu tak leh urhsun takin kan kalpui leh tur a ni ang. Chhungkuaa bul kan tan an loh chuan ram tân, hnam tân a hlutna a langchhuak thei tak tak ngai lovang. Chhungkua hi mihring nun inchherchhuahna bultanna a ni si a. Chutiang ang nei let leh a, chhungkua a bul tan tur chuan a hmasa ber leh a pawimawh berah chuan nu leh pa, chhungkaw khaidingtu te an pawimawh hle. Hei chu sawi ngai lovin kan hre vek awm e.
Tin, thlalaite pawh an pawimwhna a bang chuang lo. Entirnan, kan sakhua kalphungah chhungkaw bul tanaah chuan miin nupui a lo neih a, an inpui atanga indan a lo duh chuan ‘sa’ a phun thin a. Chumi awmzia chu amah chu lo indang ve ta in, chhungkaw inenkawlna, chhungkua ni tura mawhphurhna awm zawng zawng chu a koah a nghat ve ta a, amahin sakhaw kawng kal, chhungkuain a hman chi pawh a lo ti ve thei ta tihna a ni. Mizo hnama chi bing hrang hrangte hian ‘Sakung’ kan tih hi koh dan hrang hrang an nei hlawm a, a hming danglam mahse, a tum leh awmzia chua in ang vek a ni .
Hemi kan han tarlan pakhat ringawt pawh hi thalai mipa nupui neia, indang mai tur leh chu kawng rawn zawh tur te chuan tun atanga kan hman nghal mai hi kan tih tur a ni tih kan hriat a pawimawh hle. Chutiang zel chuan kan sakhaw kkalphunga chhungkuain serh leh sang hman tur a neih ang te chu puithuna nen, urhsûn takin kan hmang leh ngei ngei tur a ni. Tun atanga bul kan tan nghal hi a pawimawh hle. Hetiang anga a hl;utna leh a pawimawhna ang taka kan hman chhuah leh theih ni niah Mizo sakhua, chhungkaw sakhua tak tak, mitin hruai tha zo sakhua chu kan hungchhuak leh ang a. Ram leh hnamah rah tha pawh a chhuah nghal ngei ang.
3. Mizo sakhua chu ram leh hnam sakhua a ni. Chenna tur ram min pe a, hnama min dintu chu Chung Khuanu a ni a. Mihring ni a min din a, Amah atanga chhuak chatuan nun min pek mai piah lamah mihring nihna puitling keng turin chenna tur ram min pe a, hnam hrang hrangin min din a. Tichuan siamtu Khuanu leh a siam mihringte leh an chenna ram leh an nihna hnam chu inzawm tlat, pum khat, then hran theih loh(Chungkhuanuah chuan) a lo ni ta a ni. Chu pum khat an nihna chu Mizo sakhua, sakhaw tak chuan serh leh sang leh puithuna hmangin a lanchhuahtir a, a humhim tlat thin a ni. Chu chu hnam sakhua a nihna diktak chu a ni. Chu nihna leh kalphung chu kan dinchhuahpui leh hun hunah hnam sakhaw diktak chu kan hungchhuak leh ang a, a takin hnam nun diktak Siamtu min pek ngai chu a parchhuak leh ang.
A tawp lamah chuan hnam sakhua tungding leh tur chuan tunlai mila kan sakhua hi kalpui tum ngawt chi a ni lova, kan sakhaw mil zawk hian tunlai nunphung leh zia nena hmer rem a, kan sakhaw thuthlung zawkin tunlai kan tum tur a ni ang. Chuti a nih loh chuan kan sakhua chu khawvel nun phung danglam ang zela danglam mai mai thei, sakhaw thuthlunga kaihhruai ni lova, khawvel nun inher velina a tihdanglam mai mai theih, nunphung mumal nei lo a lo ni ang a. Ze nghet kan nei thei ngai lovang. Chuvangin a hmalama kan sawi tak zawng zawngte tungding leh a, hnam sakhaw tak, Chung Khuanu thuthlung anga kan ram lelilung luah leh tur hi chuan kan hnam sakhaw kalphung, serh le sang te kan hriat chian a, kan zir chian a, tih tak tak hma kan lak a pawimawh hle.
July 17th, 2012 at 3:36 am
Khuanu leh Pathian hi kan sawi pawlh á¹hin em aw..ka ti niah nuah a!
Khuanu: mother nature
Pathian: God (Y)
July 17th, 2012 at 5:53 am
Thianpa chu sakhuaah bawk a ni maw i la buai laih laih?? Sakhua (Hnam Sakhua tiamin) hian min chhandam dawn lo. ISUA KRISTA chauh hi mimal, chhungkua leh ram/hnam himna leh dinchhuahna a ni tih hi han hre fuh hlauh mai la aw!! Ka lo tawngtaipui ang che.
July 17th, 2012 at 7:18 am
Thianpa, sakhua hi i hre chiang chiah lo a ni mai thei e;Saptawnga ‘religious,’ an tih hian keini hnampui(Duhlian) tawnga ‘Sakhua,’ kan tih hi a kawk pha chiah lo a, ‘Sa’ leh ‘Khua’ hi siamtu Pathian sawina ve ve a ni a, an sawi zawm avangin ‘Sakhua,’ an lo ti ta mai zawk a ni. Judaism sakhuaah chuan(‘sakhua’ ti ve zel mai ila, a lehna dang kan hre si lo a)Pathianin Eden huanah a chhia leh a tha hriatna thing a dah a, chu huana a mihring dahte(Evi leh Adama)hnenah chuan chu chu ei lo turin dan a siamsak a. An ei chuan an ei ni la lain Pathian nena an inzawmna kha a chat nghal dawn a, Pathian lakah an thi dawn si a. Paula chuan, ‘Dan awm hmain sual khawvelah a lut tawh si a; nimahsela dan a awm loh chuan sual chu suala ngaih a ni lo,’ a tih ang khan kha ei loh tur dan lo awm khan sualah mihring chu a lo siam ta a ni. Keini Mizo sakhuaah erawh chuan chuti ang chu a ni ve lo a. Pathian hnena mi thlarau kan neih, Pathianin ama thlarau min pek hi kan tisa mihring nena inzawmna chat thei tur khawpa sual tih theih tur Pathianin dan min pe ve lo a, chu bakah Adama sualna kha keini a thlah ni ve lote chungah hian Isua chhandam ngai turin a tla ve lo alawm. Isua chuan Adama thlah, ei loh tur eia dan bawhchhiate chauh alawm a chhandam dawn. Keini chu kha sualnaah khan kan tel lo a, Isua chhandam kan mamawh ve lo a nia. Zofate’n Isua chhandam kan mamawh ve lo a, kan lo pian tirh ata chatuanin Pathian nunna kan zawmna hi a chat ve mai mai thei lo a ni e.
July 17th, 2012 at 7:51 am
Ka pu Hnam Sakhua GAS lak na tur i hre mial lo mo???
July 17th, 2012 at 8:22 am
kei pawh hnam sakhua ah ka in let tawh mai dawn.. a awlsam riau..
.
July 17th, 2012 at 8:32 am
Hnam Sakhua, a comment ve ta… Good Morning Sir! Hnam han tih hian eng hnam nge Lal Hnam han tih hian engchin nge a huam, tlang chang pha chin nge chin lo… ? Hei hi ka lo ngaihtuah ve det a…
July 17th, 2012 at 8:44 am
He post chu pending-ah khan a awm rei bawk a, a lochhuak ta a ni maw! Hman zenzawn hunah chhiar ang.
tren tren
July 17th, 2012 at 8:50 am
Awi HS!!! A sei eeeeeemmmm mai, ka chhiarsak lo mai ang che
July 17th, 2012 at 8:57 am
Hnam sakhua hi Mizo kohhran hi em ni? :hre lo tak tak:
:-S
July 17th, 2012 at 9:32 am
Keipawh Hnam Sakhua hi eng chiah nge a nih ka hrelo tak tak. Post ka chhiar lova. Eng rinna chiah nge? Eng kohhran nge…hrelo tak tak.
July 17th, 2012 at 10:09 am
UAI!!!! Hnam Sakhuain a post a vil ve a nia…..mak lutuk!
July 17th, 2012 at 10:57 am
Jacka Pi hi nula 30+ in la strict deuh a nih duh hmel.
July 17th, 2012 at 11:21 am
Dear Misual.comer,
He Misual.com-ah hian thian te thu ziak comment bak, thu han Post ve ka duh thin a. Mahse, a tih dan ka thiam lovin, ka post hlawhtling thei lo deuh tlat mai. Khawngaih takin New post dan min lo hrilh ve hram u la, ka lawm hle ang.
July 17th, 2012 at 11:44 am
Dear bigboss. Mi(sual).com wateva tih hnuaiah Post ziah dan tih a awm khi.
July 17th, 2012 at 12:23 pm
Phuihnam leh uisa ka eichak 😀
July 17th, 2012 at 12:37 pm
Kohhran ami Hnam Sakhua hi?
July 17th, 2012 at 1:33 pm
I thupost hi ka chhiar ziah a, a mupui i hel ziah mai. Nge, i sawichiang ngamlo..a laimu kala man hauhlo
July 17th, 2012 at 1:37 pm
Jacka Piiiii….Alejendro #12 khi rawn hau teh 😀
July 17th, 2012 at 2:13 pm
Tunlai chu sakhuana lam post a tam riau, post a kulmuk thei hlawm lutuka, a ninawm tep, ka misual that peih loh phah..LOL
July 17th, 2012 at 3:21 pm
Adama thlah ni lo ten i insawi ta mai mai. Chuti chu “zawng thlah” i lo nih reng dawn chu. Nang ni tang hian alo ni maw Charles Darwin an ‘Theory of Evolution’ a mihringte hi zawng thlah tia alo chhui luh chhan. Ekhai in species hi a rem mai ang tih a van hlauhawm ve aw..Extinct hmain khawvel hriatah Charles Darwin a theory proofna, Zawng thlah dik tak Mizoramah hei Hnam Sakhua leh a pawlte an awm tih puang chhuat vat ang u. Mizoram chu lar dawn vet vet lutuk. 😛
Misual.com hian buai pui nghal ila, a hlawkna awm ang te pawh misual.com tan chhung lut ila. 🙂
July 17th, 2012 at 4:03 pm
Ala ziak peih ka ti…
July 17th, 2012 at 4:47 pm
#10 sheldon leh mi dang dangte: hnam sakhua chu dikna leh rinawmna trana thih ngamna, inlasâp emaw inlavai vêlvei lova mahni hnam zahpui lova nun ngamna, mahni hnaa rinawmna leh mite tana inhuamna leh inhman tak takna hi a ni.
Ka lawm e.
July 17th, 2012 at 4:59 pm
@houdini, Hnam Sakhua chu denomination hrang angin Mizoramah hian an awm nge Kohhran dang huangchhung a awm tho, ngaihdan hrang nei? Kohhran hrang anga ding an nih chuan enge an Kohhran hming i hre mial em? Diktak chuan Hnam Sakhua han tih hian a thu chhiar chiang tak taklo hian kan nam nul deuh hlek thin in ka hria a.
July 17th, 2012 at 5:03 pm
#sheldon: hnam sakhuaah hian kohhran kohhran a awm ve lo va, sâp tawng thumal denomination tih hmanga sawifiah chi a ni hek lo. Buddha sakhua ang hlawka sakhaw hrang a ni. Kristian sakhaw peng a ni lo.
July 17th, 2012 at 5:11 pm
@houdini, thanks. Diktak chuan ka la pawh ve lo tlat :-S
July 17th, 2012 at 5:12 pm
#25 sheldon ha ha ha! Mi i zâwt duh hi ka va lawm tak êm.
Pawh thuai la ka va ti tak êm (F)
July 17th, 2012 at 5:14 pm
K’u sheldon, Hnam Sakhua i zawm dawn hnai elo? 😛
July 17th, 2012 at 5:16 pm
@houdini, chutia hnam sakhua chu dikna leh rinawmna tana thih ngamna, inlasâp emaw inlavai vêlvei lova mahni hnam zahpui lova nun ngamna, mahni hnaa rinawmna leh mite tana inhuamna leh inhman tak takna hi a nih chuan Sakhua lam pawh anih loh chu…Eng denomination ah pawh awm ila tiang khian kan nung thei tho alawm, a ni mai em??
July 17th, 2012 at 5:21 pm
#28 sheldon, I hnam sakhua ber i vawn ngam loh chuan i hnam i zahpui a va la ni mai awm ve, te ka tia?
Sakhaw dang i vawn hrim hrim tawh chuan mizonaa lawm lovin i hmusit a ni.
I bialpa hnênah, ka hmangaih tho che a, i thianpa nen sawn kan mu dun mai ang aw? han ti la, chutiang vêl chu a ni.
July 17th, 2012 at 5:25 pm
@houdini, a ni mahna :-O Kei chu Protestant ka nia, Presbyterian Kohhran ah ka lawi a, dikna leh rinawmna ka nunah lantir ka duh a, ka Mizo-na ka zahpui lova, ka inti vai/sap bawk lova. Ka Mizo-na ka hmuhsit lova, ka mizo ngawih ngawih bawk sia.. :-O
@Mahminga, ka inpek san daih tur che u a nia 😀
July 17th, 2012 at 5:34 pm
A va ril ve… :-S
July 17th, 2012 at 7:28 pm
Mmmmmm..Hnam Sakhua bawk maw, a ril em a ka zo lo, huiz…
July 17th, 2012 at 7:37 pm
Chhei le Sheldie hnam sakhua ah a in pe dawn e. Kei pawh ka hmin tep a, mahse Adama thlah kan ni lo kha a ti leh sia, Zawng thlah nih ka duh ve si lo a, ka in pe ve ta lo mai 😛
July 17th, 2012 at 8:39 pm
doc_lib, ka la hrilhfiah dawn che nia 😀
July 17th, 2012 at 8:41 pm
houdini, Hnam Sakhua hi maw ilo sawimam sak deuhin ka hria nge ilo tel reng zawk. Hnam Sakhua chu Nunna Lalchhungkua leh Lalchhungkaw ho hi an ni alawm. Kristianna hi Mizo hnam sakhua a ni e. Han ngaihtuah chiang teh u, Kristianah pawh hian hnamtinin Bible milin an hnam nunphung tha te an la lut theuh angin keini pawhin lengkhawm zaite leh thildang thahnem tak kan lalut a nih hi. LALPA RAWNGBAWL DUHLO RAM LEH HNAM CHU AN LA BORAL DAWN SI A…..
July 18th, 2012 at 12:18 am
hman ver vawr hunah chhiar atan ka khek e
July 18th, 2012 at 6:44 am
Hnam sakhua(Mizo sakhua) hi kohhran a ni lo a, Kristian kan ni lo. ‘Adama thlah kan ni lo’ kan tih hian Adama thlah ni lote chu zawng thlah an ni tihna a ni chuang hlei nem. Adama thlah chauh hi mihring an awm hlei nem. Genesis bu i chhiar ngai em? Gen.5:1-2 kha han chhiar teh. ‘Hei hi Adama thlahte chuanna lehkhabu chu a ni,’ tiin a ziak a. Adama thlah ni ve lote reng reng chu Genesis-ah chauh ni loin Bible bu pumpui bu 66 thil khawmah chauh pawh la ni loin, Apogrifa buah pawh ziah tel an ni ve lo tih hi lo hre phawt mai teh u’n. Kan sawi tam tawh viau na a, kan han sawi nawn leh ang e. Dr. Livefoot-a leh James Ussher-a sawi dan chuan Adama chu kum B.C. 4004 October ni 23/26-ah khan a lo piang a. Muslim-ho lehkhabu thianghlim Kuran bua a sawi dan chuan Adama chu B.C.4001-ah a lo piang niin a sawi thung a. B.C.4004 tih khi Mizo tawng Bible chhuak hmasa lamah kha chuan an ziak lang thin, tun hnuah ziah lan tul loah an hre ta a ni ang. Chuti chuan Adama pian hma khan mihring an lo awm teuh tawh. Indonesia ramah chuan mihring kum 18,0000 lai an lo awm tawh a. Africa-ah chuan kum 5000 B.C.kal taah khan mihringin sabengtung hi an lo chhawr tawh bawk. India rama Santal-ho(Dumka kan tih) hi kum 10000 lai India ramah an lo awm tawh bawk.
July 18th, 2012 at 6:54 am
‘Lal hnam,’ tih hi chu Mizo sakhua(Hnam Sakhua) vuantute inzawm khawm pawl hming mai a ni a, ‘Lal hnam,’ vuah a nih chhan erawh chu, ‘Lal’ hi Pathian sawina a ni a, huam china nei lo a, nang pawh Lal hnam i ni tih i inhre lo mai mai zawk a ni e. Chatuan tlang chang phate chu Lal hnam kan ni vek asin. Nang pawh chatuan tlang changtu i ni e. Adama thlah i ni lo a, bawhchhiatnaah i tel ve lo a, Isua tlanna i ngai ve lo. Van ram(Pialral) chu i ta a ni. Harsa taka Thangchhuah a ngai tawh lo. Hremhmunah i kal lo reng reng ang tih lo hria ang che. I thih hnuah pawh i chenna tur chu Pathian hnenah a ni e.
July 18th, 2012 at 6:56 am
Pathianin Mihringte hi chenna tur ram leilung min buatsaihsak vek a. Chuta thlah khat, chenna hmun khata rei tak awm ho tawh te chu ‘Hnam’ ti a vuah kan ni. Hnam khat kan ni tih pholanna turin zia leh khawsakphung hran bik pawh hnam tinte hi min pe vek a ni. Tichuan, kan chenna ram leh kan hnam zia leh nihphung zawng zawng chu Pathian min pek, amah Pathian atanga chhuak nunna kan neih avanga lo awm vek a nih avangin kan hnam leh kan chenna ram leilung hmanga Pathian nen kan inzawmna leh kan inpumkhatna chu Hnam Sakhua’ a lo ni leh ta a ni. Kan hnam zia leh nihphung anga min dintu, nunna min petu Pathian kan chawimawi te, serh leh sang kan neih te, zia leh nihphung tha kan neih zawng zawngte chu sakhuana kan tih kha a la ni zel a ni. Chu chu kan Hnam Pathian thu a ni a, Kan Hnam Sakhua chu a ni.
http://hnamsakhua.blogspot.in/
July 18th, 2012 at 9:02 am
Hnamsakhua i ziak tha thin e, i post pawh i vil ve ta a a va lawmawm em! enge PATHIAN i tih tak hi o??? YHWH hi a ni ve tho em??? Israel te Pathian ngei kha?
July 18th, 2012 at 1:56 pm
Pu Hnam Sakhua, Kei chu Adama thlah kal zel ami nih ka la thleng tho tho, i hova zawng thlah nih ai chuan. 😛
July 18th, 2012 at 2:05 pm
Hei Pu Hnam Sakhua, hla ka phuah sak che u, tikhan i hnam Sakhua khawmpuiah in lo rem dup dup dawn nia. Solfa pawh a ngai lo, in mamawh lo, a thluk chu in duh duh dana in siam ka phalsak che u 😛
Zawngte thlah kan ni,
Mei sei tak kan nei;
Thingzarah kan ban kual thin,
Nitin kan hlim hle.
Van ram kan ngai lo,
Chhandam kan ngai lo;
Lei hi kan van ram ani,
Nitin kan hlim hle.
Kristian kan ngai lo,
Isua kan ngai lo;
Chhandamna kan hre phak lo,
Nitin kan hlim hle.
Adama thlah kan ngai lo,
Zawngte thlah ngei kan ni;
Kan Sakhua ah kan chiang tawk,
Nitin kan hlim hle.
July 18th, 2012 at 3:17 pm
#42 :-p
Hman sakhua-te hnam chu in upat tawh tawh nen in va la mawl si ve. Adama pian hmaa hnam lo ni daih tawh te chu tawlailir nawr tung tung tawh awm lo tak. Nangni aia hnam nau fe pawh thlaah te an lawn tawh a nia. In pathian inti lawm lo aniang a.. miten an ti palh ang che u.
Adama siam a nih lai khan khawi hmunah nge in lo khawsak tawh reng reng a, Nova huna tuilet lai te kha in lo ral thlir em ni? a pui hem hem fu lo maw! aaa mahse ziak leh chhiar in thiam har em a, a chanchin sawi tur in hre lo ang.
Tisa thiltihin thihna tur khawpa in pathian pawi a sawi phak loh chuan nangni pathian leh kristiante Pathian chu mi hrang hlak an nih chu. Pathian pakhat chauh a awm bawk si chuan a tu emaw zawk zawk pathian chu ramhuai a ni ngei ang. Kan Pathian lah ramhuaite hlauh em em a ni a, a fapa pawhin ramhuaite chu a ngaithei der bawk si lo. In pathian ve chu tu nge ni ta ang le?
July 18th, 2012 at 3:20 pm
Doc_lib..hnam sakhua hi han chhui teh.. 😀 ..engtin pawh min zawt chuang lo la.. Han chhui chhawr mai teh.. 😀
July 18th, 2012 at 3:33 pm
Trawtte hei hla ka phuah saka ka duh tawk ta mai 😛
July 18th, 2012 at 5:08 pm
Chhei le Pu Hnam Sakhua post in half century a vaw chhuak dawn e. Member te tang ang aw..a liam hma hian vaw chhuak teh se
July 18th, 2012 at 5:38 pm
Alejendro #12 chu!!! Hre dik teuh hle mai matreee, just a coupla years late 😛
July 18th, 2012 at 5:45 pm
houdini leh hnam sakhua hi mi thuhmun anni em? chhui turin doc_lib kan sawm e 🙂
July 18th, 2012 at 6:03 pm
Pu Hnam Sakhua chu khawnge? ka hla phuah sak thluk siamin a buai em ni a? In hla pui atan in hmang dawn nia 😛
July 18th, 2012 at 6:09 pm
Khai le, half cnetury phawt ila… 😀
In han inhnial vel danah chuan, in inhmin loh tawn hmel mang e… 😛
July 18th, 2012 at 6:36 pm
An lo ti leh ta!! sei em mai ka chhiar lo mai.. Doc a hlaphuah chu ka phuah ai in a thiam lo zawk!
Hlaphuah thiam ber of the year ka la ni reng nih hi haha!!
July 18th, 2012 at 6:36 pm
Phek thar hawng ang aw…
July 18th, 2012 at 6:37 pm
Oops!! sorry Vaiva, ka lo hawn khalh thawt thawt che nih hi!!
July 18th, 2012 at 6:51 pm
Zai ang u.. Zawngte thlah kan ni, meisei tak kan nei, thingzarah kan ban kual thin, nitin kan hlim le…. eu a suprano ho in va lang lo ve..a bass lam kan pawr ania.
July 18th, 2012 at 6:54 pm
Tunah a bass ho chauhin aw..Vanram kan ngai lo, chhandam kan ngai lo, lei hi kan van ram ani, nitin kan hlim hle.. Eu a van nuam ve..Contralto ho khan chang 3 na kha han sa ve ula.
July 18th, 2012 at 6:59 pm
Doc hei Contralto in kan sa mek e hehe..
July 18th, 2012 at 7:05 pm
Contralto in an sak zawh ve leh tenor lam khan chang 4 na kha rawn lut ula, in zawh veleh, kan zavaiin a part kimin, ‘zawngte thlah kan ni…’ tiin changkhat na atangin bul kan tan leh thin ang lolzzzzzzzzzzzzzzzzzz
July 18th, 2012 at 7:09 pm
Adama thlah an nih loh a zawng thlah nih an duh bik bawk si loh chuan HS te hi tu thlah tak ni ang maw… .. Bible te chu a rawn refer ve leh tho bawk sia, dik taka sawi chuan enge a rin ber tih hi amah pawh hi a chiang ta chuang lo ni berin a lang!
July 18th, 2012 at 7:19 pm
Doc CD te siam nghal ila tha ang haha!! min release sak turin minister kan sawm bawk ang hahaaa…
July 18th, 2012 at 7:23 pm
Mamboih, musual music vedio kan siam ang..A hla la thiam chhuak lo kha chuan comment 42 a tang khan thiam chhuah tum mai ni se..’ Zawngte thlah kan ni……’ han ti leh hem hem thin kha a nuam riau
July 18th, 2012 at 7:28 pm
Song of the Year ah puang nghal mai ang haha..
July 18th, 2012 at 7:36 pm
@Mamboihi Khai aw, kan vaiin a part kimin aw..Zawngte thlah kan ni, meiseitak kan nei, thingzarahn kan ban kual thin, nitin kan hlim hle… lolzzzzzzz a va han mawi huk huk em
July 18th, 2012 at 7:40 pm
Doc.. ka zai ring fal bik teh mai ania!! Pui hem hem tak ani lolzzzzzz..
July 18th, 2012 at 7:41 pm
ditektiv doc_lib chu conductor ah in let daih mai ni maw, nula in a han fuih phur deuh chuan
July 18th, 2012 at 7:45 pm
Ka lo tel ve
July 18th, 2012 at 7:46 pm
Sheldie contralto sa ve nghal rawh! Doc nen hei ropui takin CD kan siam dawn haha!!
July 18th, 2012 at 7:54 pm
Awi ha… mamboih, uar takin sa ang u. Kuhva ka rui a, ka zai tha thei lovang a…???? Doc khan solfa vai se
July 18th, 2012 at 7:55 pm
Doc,a tempo hi tun ai hian rang deuh se lam rem a nuam deuh ang chu
July 18th, 2012 at 7:59 pm
Chang 2 na aw.. Van ram kan ngai lo, chhandam kan ngai lo, lei hi kan vanram ani, nitin kan hlim hle..A van nuam helh helh mai em
July 18th, 2012 at 8:00 pm
Zanin atang chuan hla zir tha lo leh zan 2 absent chu zaipawl member a tanga mahni in ban tihna aniang tiin khauh leh zual ang u
July 18th, 2012 at 8:01 pm
Hahaha..Jacka Pi, a tempo a ran chuan Doc hian a vai dik thiamlo…haha
July 18th, 2012 at 8:01 pm
Het zaipawl memberte phun su..ka vai ang ang in thlek dial dial tur
July 18th, 2012 at 8:03 pm
A bul atangin aw..’ zawngte thlah kan ni……… lolzzzzzzzzzzzz
July 18th, 2012 at 8:05 pm
Bass hi duh aiin a thum tha lo tlat Doc.. I vai pah khan zai ring deuh rawh haha!!
July 18th, 2012 at 8:08 pm
Pen thum lama lam rem talh ka lo tum a,unah chuan ka suk rem fuh thei ta et
July 18th, 2012 at 8:10 pm
Pen thum lama lam rem talh ka lo tum a,tunah chuan ka suk rem fuh thei ta e
July 18th, 2012 at 8:13 pm
Jacka Pi haha!! ka la insawi fuh ve hlei thei lo haha
July 18th, 2012 at 8:13 pm
Uaizz!! Ka edit emaw ka tia, a pahnih ten a lut vel
July 18th, 2012 at 8:15 pm
Zawngte thlah tih lai taka pi mamboihi hmui kum phut phut tur kha lolzzzzzzzzzzzzz
July 18th, 2012 at 8:23 pm
OT ho chiah kan tlar tuarh mai haha!! midang an reh vek.. zia lo ang reng.. ka hmui chu kum tak ani Doc haha!
July 18th, 2012 at 8:29 pm
hnam sakhua post ah hian OT vak zel suh u .. IPC section chuti kha ti in a khing ve ang che u…haha..
July 18th, 2012 at 8:34 pm
Saint, kan OT hleinem, comment 42 khi chhiar la..OT miah lo tih i hre thiam ang..A bass nge tenor i sak dawn
July 18th, 2012 at 8:54 pm
phoine te ka hmang ka scroll peih lo.. i duh duh min sak tir mai rawh .. ka buai lovang.. do re me fa….
July 18th, 2012 at 9:00 pm
Sheldie i zai ring lo lutuk
July 18th, 2012 at 9:12 pm
July 18th, 2012 at 9:15 pm
Hei century a chhuak thei mai dawn. Hlapui a awm tawh bawk sia.. in vaw chhuak law law ila
July 18th, 2012 at 9:36 pm
Saint chuan tenor sa roh se.. A aw hi a sang ve chi hi nia haha…
July 18th, 2012 at 9:48 pm
puitling zahmawh thankin vek tawh si.. in va ho e
July 18th, 2012 at 9:50 pm
In tui hmel em mai post pawh chhiar chiang hman hawt lovin ka lo comment ve teh ang…
Sakhua tih hrim hrim hi hmanlaia an hman dan leh tunlaia an hman dan hi a inan chiah tawh loh hmelin ka hria. Tunah chuan ‘religion’ tihna angin kan hmanga, kan pipu te chuan an biak kha Sa leh Khua tiin an sawia, ‘Pathian’ tihna nen hian a inhnaih zawk awm mange aw…te ka tia. ‘Mizo Sakhaw biak dan’ tihte ni ta zawk se a fuh zawk angem aw te ka lo ti ve nuah nuah a….a Sakhua chu an biaka kha a ni sia…..
Hnam hrangin Sakhaw biak dan hrang an nei theuha, Sakhaw biak dan hrang nula in tlangval hnam hranga mi nei dawn ta se ‘Dawi sa kil za thei lo’ an nih avangin sa an phun a ngai thin. Tunah chuan Lusei Sakhaw biak biak dan chauh emaw kha a tun nun bik theih tawh dawn si lova, chuvang chuan tuna kan hnam sakhua ni ta ber zawk Kristianna hi in duh dan anga tih Mizo te tum ta zawk ula in hlawhtling zawk ten ka lo rinpui deuh che u a…
July 18th, 2012 at 9:55 pm
@drake, fiamthu leh inthlahdah chang hi a awm ve a ngai alawm
July 18th, 2012 at 10:03 pm
@drake, ka tel hi chuan heti hi kan ni thin!
nuam kan tih em hi Doc a ho in!! 
July 18th, 2012 at 10:11 pm
Hla pui rem ang u lolzzzzzzz
July 18th, 2012 at 10:21 pm
Mamboihi leh Sheldie an contralto sia,keimah chauhin soprano ka sa a, ka hah tawh lutuk!
July 18th, 2012 at 10:24 pm
Suprano sa tur in Charice_mizo hi a awm nange..Ku HV a pawh hi US a tangin rawn bass se a tha ang chu.