(Chhiar duh in lo awm tak mialin… )
Ui vulh tute tan a ninawm leh an buaipuiawm ber chu hmul tla (alopecia) hi a ni awm e. A bik takin ui hmul sei leh buk/chhah (Golden Retriever, Pomeranian, Spitz, Alsatian, Cocker Spaniels, poodle, etc.) te’n an vei tam bik. Chhan hrang hrang awm zingah, ui note an than chhoh lai a an hmul inthlak hun laite, hun bik a zir (seasonal) te, natna hrik vang te emaw, chaw tha tlakchham vang te pawh a ni thei.
I Ui vun leh hmul hrisel nan:
1. Nitin emaw kar khata vawi 2/3 tal an hmul khuih thin tur(Brushing): An hmul a zirin brush hman tur pawh a dang thei. Ui hmul khuih hian, hmul tla tawh kan khuih thlak bakah, tuhrik/saphihrik awm te pawh a khuih thlak theih a. Tin, an vun a thisen kal vel pawh a pui thei bawk. Ui reng reng, khuih nuam ti lo an awm kher lovang tih theih a ni.
2. Hmul to ang zel in khuih tur: Hmul to/tluk loh zawnga khuih hi, a hmul sei tan phei chuan a na viau thei.
3. Chaw tha pe ang che. I theih angin chaw tha pe la. Ui hriselna leh dam thatna hi an vun/hmul ah hian a langchhuak ber thin. Doctor-te rawn la, i ui tana chaw pek tur an hrilh thei ang che.
4. I chaw ei ang kha I ui tan a hrisel vek lo thei. Mihring chawah hian ui tana chaw tha tam tak a awm ngei mai. Amaherawh chu, an tana tha lo tam tak a awm bawk. A bik takin ui tha chi I vulh a nih phei chuan, an chaw leina atan sum insen huam a ngai, an hrisel that I duh chuan.
5. Thosi, uihli leh hrik seh: Thosi, uihli leh rannung seh avangin, an vun a thakin, an inhiat a. A chang chuan an hiah avanga hliamah hian natna hrik (bacteria, yeast, etc) te’n remchang lain, vun natna an thlen thin a. Vun timur a chhiat chuan, an hmul chelhnghettu an nih avangin hmul a tla tam thin. Chuvangin, i in leh a vel a faia; thosi, hrik leh rannung laka nang leh i ui an him a tul.
6. Taksa chhunglam natna: Taksa bung leh peng thenkhat hnathawh chiang kuang lo avangin ui hmul a tla nasa thin hle. Natna thenkhat, entirnan hypothyroidism, hyperadrenocorticism, te hian ui hmul tla ni mai lovin, an ngum leh hnungzang hmul tla kawlh vekin an hrek thei.
Englekhawle, ui hmul tla lo tawp tura enkawl a har a, mahse kan enkawl dan azirin ui hmul tla erawh kan ti tlem thei thung. A chunga chhan tlemte kan sawi te khi, a then chu awlsam taka tihdam leh ven theih an nih rualin, natna thenkhat erawh tihdam theih loh tluk a ni thung.
I ui hmul a tlak chiam a, a vun a kawlh hial chuan, Veterinary doctor pan vat la, a tul angin thisen exam te tiin, kawng tam takah, he harsatna hi I pumpelhin, I titlem thei ngei ang. Tin, an vun leh hmul atan chaw tha (supplements) tam tak a awm a, heng hian kawng tam takin hmul tla a titlem thei.
"
”
“Goldie, A neitunu tarlang lo mai te’ng.. 
”
(Y)
July 19th, 2012 at 8:20 pm
Ui tang lam pang comment awih loh ti i la
Report this comment
July 19th, 2012 at 8:21 pm
Ui hi vulh ve mai tur a ni. Rawn tur Dr kan nei tha si a
Report this comment
July 19th, 2012 at 8:31 pm
Hman kumah ka hmelhriat te Ui heart-attack in a thi a, ui heart-attack avanga thi ka vawikhat hriatna a nih avangin mak ka ti hle.. mahse an ui kha kum-12 vel a upa ani tawh a, a upat avanga heart-attack nei-ah ka ngai a, hei hi a dik em?.. Engvang in nge Ui te hian heart-attack an neih ve theih, tih hi ka zawhna @ Dr. Mahminga
Report this comment
July 19th, 2012 at 8:41 pm
ui hmul tam chu talh hunah a rawh leh tihfai a buaithlak duh bik em Dr.Labrador Mahming
Phuihnam hrisel tak a, chin dan Pu Shailendra`n lo sawi ve se, a kim biai ni mai
Report this comment
July 19th, 2012 at 8:42 pm
Ka duh chi tak post a ni e
Report this comment
July 19th, 2012 at 8:45 pm
Report this comment
July 19th, 2012 at 8:54 pm
uite, hmul buk lutuk chi lo si kan vulh ve. A tangkai dawn phian e.
Report this comment
July 19th, 2012 at 8:56 pm
A bengvar thlak hle mai, a dang pawh rawn ti zel teh khai.
Report this comment
July 19th, 2012 at 9:35 pm
doc…. Ka fa te hian ui hi an awt ve khawp mai a, eng breed nge tha ang… Chhang chhe deuh kan nia….
Report this comment
July 19th, 2012 at 10:02 pm
E khai,, he post hi a tha hle mai. Ui duh tak mai ka ni a, ka la hriat loh a awm nual mai. Ka lawm e.
Report this comment
July 19th, 2012 at 10:26 pm
Jack-a tan pawh a that dawn hi….
Report this comment
July 19th, 2012 at 10:36 pm
Report this comment
July 19th, 2012 at 11:07 pm
Eheu, nula rim hlana a lo chhuah chu le! Phone atangin ka misual tlat. Naktukah, dam te’n kan misual turah ngai ila, zirtawp ni lawm ni pah fawmin kan titi dawn nia…
Report this comment
July 19th, 2012 at 11:09 pm
Eheu, nula rim hlana a lo chhuah chu le! Phone atangin ka mi(sual) tlat. Naktukah, dam te’n kan (sual) ngei turah ngai ila, zirtawp ni lawmna ni pah fawmin kan titi ho dawn nia…
Report this comment
July 19th, 2012 at 11:23 pm
He site hi rei fe ka lut thei lova, in tawng ve em?
Report this comment
July 20th, 2012 at 12:09 am
Lushai_er #11
Report this comment
July 20th, 2012 at 12:33 am
#16: Jack-a nau tan pawh a tha hlei hlei ang….
Report this comment
July 20th, 2012 at 9:06 am
@ ItsMyLife… Mihring ang tho hian, ui pawh hian natna an nei vek a. Mihring natna zawnchhuah/finfiah (diagnosis) anga kan tih tam loh avangin, ui natna tam zawk hi ka hre lo mai zawk a ni. An ei leh in (cholesterol leh saturated fats sang lutuk, adt) leh an thlahtu a zir te’n natna hrang hrang an vei thei. A nihna takah chuan, breed tin deuhthaw hian natna vei bik an nei. Entirnan: Dalmatian hian breed dang zawng aiin bengngawng an nei hma. Alsatian hian vun natna an vei tam bik, chutiang zelin…
@ drake…
@ saint.. Hman nia ka post tawh ang khan, chhangchhe chhungkaw tan (Mizorama awm bikah) chuan Labrador retriever, Pug, Bull dog, Golden Retriever, leh Terrier groups an tha.
@ PimPom… A lawmawm e. Theihtawp ka lo chhuah ang e..
@ Jacka Pi.. Jacka u leh nau, a pi leh pu, a ni leh patea, a thiante thlengin lo tangkaipui mawlh teh u…
@ James Bond.. Nimin chawhma chhung zawng ka buai phah. Misual.com hian virus a kawl emaw ka ti hman..
Tukchhuah nuam vek u…
Report this comment
July 20th, 2012 at 10:13 am
Post bengvarthlak
Ui hi kum tam liam ta atang khan kan vulh ta lo. Ka nu boral a kan ui in a tawrh dan kha tunthleng hian mak ka tia, ui hian mihring rilru pha lo mahse ran fing tak, engkim hi an feel ve tih ka hriat phah. Ui chungchang tho ania, ka OT chuang lo ang chu.
Report this comment
July 20th, 2012 at 10:49 am
@ sheldon… OT love. He vang hi alawm, pet animals tih aia companion animals an tih tak fo ni.
Ui hian a neitu a zirin thikthu pawh an pe chhe ve hle a. Mi rinawm sawi nan pawh, a pi/pute tana Ui rinawmna nen an tehkhin chawk reng a ni. Remchangah, an pi/pute tana ui rinawm tarlan te pawh ka la tum ang chu…
Nizan hmasaa Army Lt. Col nupa pawh, an ui (alsatian) kha a hmul a fai tle siau mai si. Han chul ila, a nel thep a. In enkawl tha awm hle mai, hetianga ui hmul tha hi ka la hmu ngai lo ka ti a. An pa chuan, (nui ruh ruh chungin) kan ui hi nalh lo chi pawh a ni lo, a pi hian a pu chaw ei phak loh leh hrisel tha tha a pe zel a a ti ta roh a. Kan nui dar dar..
Report this comment
July 20th, 2012 at 10:58 am
post tha chi
Report this comment
July 20th, 2012 at 11:11 am
Tui so in han leih ila, chemte in han ziat ila a tla tha duh khawp mai..
Report this comment
July 20th, 2012 at 12:47 pm
an hmul atlak atlak tawh hi chuan ei an hun viau tawh tih na
Report this comment
July 20th, 2012 at 12:51 pm
# 22 & 23…
Hman ni, Pu Chhuauthuama thuziakah khan a ziak tel takin ka hria. Kum thum tang (mange) vei tawh, vun chhah ngei hi a tui an lo ti thin a mi kha?
a duh tan chuan a hang tham khawp ang le. 
Report this comment
July 21st, 2012 at 7:53 pm
pu Dr .. Kan ui (local) hi a eitur bik a an siam saruh ang hi kan leisak thrin a.. A duh thei hle thrin..mahse a ka a uih thrin a vangin ka tih rimtui na (ei chi tho) kan pek a trang a saruh a ei toh ta miahlo a.. Enge a chhan ni thei ang le?
Report this comment