[Source : Mizo chanchin by Hrangthiauva&Lalchungnunga]
Hman laia Mizoram thlang tla hmasate zinga Khuanglawi, Khuangchhip, Khuangvum leh Kawmho hnam, Mizoram chhim lam pan tate zinga an hnam peng Bawhmawng hnama Pamanga hi Matu ram depa an awm laia chungho zinga lal a ni a. Lal ropui tak a ni a. In ropui tak a nei a. A inah chuan bahzar a siam a. Bahzar chu inchhungah kawmchar lamah chhuat kang sang bikin an siam a. Chumi chhuata thu chunga khaw hawi theihna tawka sangah chuan tukverh khamphei zawlbuk awkpaka ang siam a ni thin a. Thangchhuah pa lo chuan siam ve ngawt theih pawh a n lo va.
Pamanga chuan a in atanga mel chanve vela hla-ah sumdawnna hmun, dawrpui a siam a. Fur lai chuan chu mi dawrpuia kal a duh chuan a bahzar atang chuan chhim chhak zawn a thlir thin a. Chumi zawn van chu a en chuan khua a tha thin a, a en loh chuan ruah a sur deuh ngei ngei thin a. Chumi zawn kawl a en tuk chuan Pamanga chu dawrpuiah a kal thin a, a en loh chuan ruah a sur ngei dawn tih ringin a kal duh thin lo va. A chhichiahna chu a lo dik thin ta a.
Chu chu hriain khaw that dawn leh dawn loh hriat theih nan Pamanga kawl eng en thin chu an en ve ta thin a. Pamanga’n a bahzar atanga a thlir thin avang chuan a kawl eng chu “Pamanga bahzar” an vuah ta hlauh va. Tun thleng hian fur laiin Mizoram chhim chhak deuh hrat zawna kawl eng thin chu an thlir thin a, a lo en chuan, “Pamanga bahzar a eng a, vawiin chu khua a tha dawn a ni ang,” an ti a. Khawchin chhihchhiahnan tak an lo hmang ta a ni.
[Hman ni Aizawl ka kal chu ruah a sur bur bur mai a, mahse tlai lam a nih chuan ruahte bangin kawl a eng phut mai a. Kan thianpa pakhat chuan, "Kawl aw sen sen, ka fanghma aw tai tai, ka vaimim aw pum pum....!" kan tih thin lai te kha aw a ti vawng vawng a. Chutih laia ka rilrua lo awm chu Pamanga bahzar tih hi a ni ve daih thung a. Kan thian dang pakhat chuan a awmzia a hre lo va, han google chhuah mai hi a tum a, a beidawng a. E lo lungngai suh, i google chhuak em em ang ka ti a, ka insawi bat angin kan rawn post a ni e.]
Similar Posts:
- Vanhnuaitlira chanchin
- Chhim leh hmar kan indo dawn em?
- Leitlang Dingdi
- Lalnu Ropuiliani vs Lalnu Darbilhi
- Aizawl khawchhung Detail map .
July 21st, 2012 at 12:12 pm
A van ngaihnawm reuh ve, mizo tawng upa pakhat ka hriat belh leh ta, nuam e
Report this comment
July 21st, 2012 at 12:26 pm
Kan naupan lai chuan Baktawng piah vel khi kawl a en chuan ka pa hian, “Pamanga bahzar a eng,” a ti thin.
Report this comment
July 21st, 2012 at 12:26 pm
Ruah kung hi hre lo kan awm em ?
Report this comment
July 21st, 2012 at 12:34 pm
ka hre miah lo kei chu…
Report this comment
July 21st, 2012 at 12:39 pm
A va bengvarthlâk lehpek êm
. lushai_er 
nge nge, thil i hre zau ve.
Kei paw’n hei hi chu ka hre ve riai ruai tawh tak e, i han sawi tâkah chuan.
Report this comment
July 21st, 2012 at 12:42 pm
Charice_mizovi hian Pamanga tih thlûk dan hi a hre miah lo vang tih ka hre rîn ràn…
Report this comment
July 21st, 2012 at 12:48 pm
Houdini, sualthiam em mai, min han hrilh la…
Report this comment
July 21st, 2012 at 1:10 pm
Heng ho hnam hi khawnge an awm tak? Zampuitlangdungah aami?
Report this comment
July 21st, 2012 at 3:07 pm
Misual tam zawk tan chuan hei chu thil thar a nih ka ring. Kan la hre ngailo deuh vekin a nia ka rin. A bengvarthlak e.
Report this comment
July 21st, 2012 at 6:23 pm
Zanin tlai chu, Pamanga bahzar reng a langlo mai; chunglamin pe ung tlat, Thlawr ngei ang.
Report this comment
July 21st, 2012 at 7:37 pm
Ka pi min ti hrechhuak hle mai..
Report this comment
July 21st, 2012 at 9:13 pm
Hmana ka boss thin Sheldoni hi , mi thu ziak ka chhiar reng reng in ka chhiar liam mai a, khi ani chu ka chik lehpek ,PunctuationCapitalfullstop-i ka ti mai, ka chhuang chiang alawm…
Report this comment
July 21st, 2012 at 9:15 pm
ka Pizawn tur leh ka puzawn tur te min ti hrechhuak
Report this comment
July 22nd, 2012 at 12:57 am
Pamanga bahzar opposite chiah hian Mizoram hmar thlang deuh hret, Shillong zawn vel ti teh ang, a duk hle hian Aizawlah chuan ruah a sur deuh ngei ngei…..in lo chik ve emaw ??? Rev. Sakhawliana [L] khan a sawi thin hi ka la hre reng !!!
Report this comment
July 22nd, 2012 at 4:55 am
A lo chhuahna chu ka hre ngai hauh lo mai, kawlkil eng deuh pap hi ni hmiang ka lo ti mai a. Ka piin ‘Khua a tha dawn e, pamanga bahzar a eng e’ a tih thin min ti hre chhuak. A bengvarthlak hle mai.
Ruah kung erawh ka hria, ‘Evan Pu Zaldawla(mitdel) pawhin ‘Ruah kung in tih hi ka hmu chak ber e’ a ti e,’ an tia lawm.
tren tren
Report this comment
July 22nd, 2012 at 10:12 am
Tawi mah mah ngaihnawm si
Report this comment
July 22nd, 2012 at 4:45 pm
Reiek tlang chhip zawnah “Ruah Kung” an rawn her thim mup mup thin mai hi zawng, Pitar in awm ho an mangang thin teh a sin…!
Report this comment