Champhai night bus chesualah mi 18 thi tawh

July 21st, 2012 8:16 am by TuaiSialA

21.07.2012: via SPECIAL REPORT Nizan dar 12:45 vela ZK night bus MZ-01 E 7105 Champhai atanga Aizawl lam pana kal chu Keifang dai quarry chimin a hnawl a, ruang 17 hmuh ni tawhin damdawiinah 1 a thih belh tawh a, hliam 17 hmuh an ni tawh bawk. Bus-ah hian mi engzat chiah nge chuang hriat theih a ni rih lo va, ticket la chu mi 13 chiah an ni.

He bus chesuala thi kan hriat theih chinte chu:-
1. B.Mazumdar (address hriat loh)
2. Zoruatpuii Champhai Rahsi veng.
3. Lalramthari, Khawzawl Vengthar.
4. Johny-a, Driver, Champhai Vengsang.
5. Mohammed Aboot Uddit (address hriat loh).
6. R. Ramfangzauva Champhai Bethel.
7. Chhunliana Changelzawl.
8. C. Lianhmingi d/o Thlamuana, Tualcheng.
9. Steve VL Muanpuia, 2nd driver fapa, Bawngkawn Chhim veng.

Mitthite hi mipa 10, hmeichhia 8 an ni a, tuna hriat chian hi mi 10 an ni a, la hriat loh mi 8 an awm. Mitthite hi Keifang Community Hall-ah dah khawm an ni a, he chanchin ziah lai hian inquest pawh tih a la ni lo a, ruahmanna kalpui mek a ni.

Hliam tuar hi hriat theih chinah mi 17 an awm a, chungte chu:-
1. Eric, [8] Champhai Electric Veng.
2. Zoremsanga @Vala (19 – Handyman), Champhai Venglai.
3. Halam (21), Silchar.
4. Daniel Boithanga (8), Champhai Electric veng.
5. K. Vanlalrema (24), Churachanpur.
6. Dengthuama (24), Hmunhmeltha.
7. Lalthlengkima (41), Khawzawl Vengthar.
8. AK Singh (23), Khatla.
9. Lalmalsawma (29), Soil Quarter, Champhai (2nd Driver).
10. Zothanmawia (4), Hmunhmeltha.
11.Thangneihpauva (11), Champhai Kanan.
12. Malsawmthangi (24), Hmunhmeltha.
13. Zomuanpuia (3), Hmunhmeltha.
14. Abdul Hakib (31), Aizawl Emy Drug Store-a thawk.
15. Hussein (24), Khawzawl Vengthar.
16. Lalthlanmawii (39), Champhai Rahsi veng.
17. H. Zathanga (27), Champhai Kanan.

Hliam na zual vai pahnihte hi Aizawl rawn panpui mek a ni.

Chhuaklinga @ 9:21 AM: Update: Thi dang te:-
1. F.Rothangpuii Kum 70 Champhai Vengthlang
2. Lalrammawia Kum 49 (F.Rothangpuii fapa)Champhai vengthlang
3. Ramfangzauva Kum 49 ((F.Rothangpuii makpa)Champhai vengthlang
An vai hian in khatah a ruang nghah tur a ni.

59 Responses to “Champhai night bus chesualah mi 18 thi tawh”

1
aduhi Says:
July 21st, 2012 at 8:23 am
zialo hle mai.
2
lrpa Says:
July 21st, 2012 at 8:29 am
Mizoram kawng hlauhawm tawh mahnaklai a quarry an han siam leh te hi chu hlauhawm thuah hnih ani ringawt! Mi ramah chuan a teuh lo rapthlak ang chu..a min tur awm nilo pawh thir net-in kopang kha an tuam vek..a then phei chu concrete in an plaster hnan vek..
kawng chung lamah hrim hrim quarry siam hi khap se a tha ang! Safety hi kan ngai pawimawh lo em ani!
3
Chhurbura Says:
July 21st, 2012 at 8:29 am
Zialo ve aw..
4
TuaiSialA Says:
July 21st, 2012 at 8:37 am
An tlai lai taka quarry a rawn chim hi an vanduai thlawt a ni. Minute khatin hma se….emaw, tlai se… 🙁
5
chhana Says:
July 21st, 2012 at 9:03 am
A pawi khawp mai. Kan minister te an thleng chho nghal erawh a thlamuan thlak khawp mai. Lusun chhungte leh hliam tuarte Lalpa venhimna i dilpui ang u.
6
Dr John Says:
July 21st, 2012 at 9:04 am
;-( A va’n pawi tak em! Vanduaina hi a lo thlen tawh vek vek chuan… a rual rual hian a lo thleng thin… Fam chhungte Lalpa’n Awmpuiin Thlamuan mawlh Rawhse! (W)
7
Jacka Pi Says:
July 21st, 2012 at 9:10 am
Pawi tak a ni, pawi tak! ;-(
8
Chhuaklinga Says:
July 21st, 2012 at 9:21 am
Update: Thi dang te:-
1. F.Rothangpuii Kum 70 Champhai Vengthlang
2. Lalrammawia Kum 49 (F.Rothangpuii fapa)Champhai vengthlang
3. Ramfangzauva Kum 49 ((F.Rothangpuii makpa)Champhai vengthlang
An vai hian in khatah a ruang nghah tur a ni.

Mitthi chhungte Lalpa’n awmpui rawh se.
9
bauhbauh Says:
July 21st, 2012 at 9:24 am
Ka va khawngaih hlawm e aw. Thuneitute hian kawngpui hlauhawm laia lung lakna tih ang reng vel hi chu khap hmaks se a tha a,
10
Ignatia (33-115 AD) Says:
July 21st, 2012 at 9:25 am
One more sad tragedy in this SKEPTIC BROKEN World!

Muang takin Pa hnenah chawl rawh se!

A pawi thin em mai a…
11
VaiVa Says:
July 21st, 2012 at 9:26 am
Mithi chhungte ka tawrhpui tak zet….

Kumin February thla a Vanglaini a open letter Kawlkulh pa ziah hi lo chhiar ve teh u…
Keifang Quarry – Vanglaini.org
12
bigboss Says:
July 21st, 2012 at 9:33 am
Va rapthlak em !!!! Lusun chhungte Lalpan thlamuanin awm rawh se.
13
saint sammoo Says:
July 21st, 2012 at 9:33 am
a va mak leh zel vee..
14
lrpa Says:
July 21st, 2012 at 9:45 am
Vaiva..i link khi ka hmu thei miah lo..
Hetiang chhiatna te hi chu a pumpelh theih asin!
(N) (N) to the ignorant authority! shame on them! :-[
15
Chhuaklinga Says:
July 21st, 2012 at 9:46 am
Update:-

Tun mai khan hliam zinga 16na Lalthlanmawii (39), Champhai Rahsi veng khi a thi thu kan dawng leh, a luhaithlak ngei mai.
16
coolsoul09 Says:
July 21st, 2012 at 9:59 am
Mitthla-ah Keifang Quarry a lang iar iar a..a rapthlak kher mai. Kawng kan neih chhiat luat azarah kawng kamah lung kan la mai mai a..a han chim meuh chuan a sawp a va han na tak!

Kawng thar siamna tur pawh ruahman ni thin mah se, tihpuitlin a ni tak tak ngai lova…mi tam takin nun an chan te te loh chuan invenhimna lam hian kan rilru hi a kap lo nasa mai si.

Aizawl khawpui-ah meuh pawh hmun him lo fe fe-ah In kan la sa chur chur thova…engtikah emaw chuan a la min rup ang a..chhiatrupna a thlen hma loh chuan Aizawla insak dan phung pawh hi kan thlak duh dawnin a lang lo.
17
mik3s Chongthu Says:
July 21st, 2012 at 10:06 am
A mawhphurtu chu tu pawh nise BANG RAWH SE.
18
saint sammoo Says:
July 21st, 2012 at 10:22 am
k’u chhuaklinga te in buai deuh dawn a ni maw… pawi hle mai..
19
whotalk Says:
July 21st, 2012 at 10:25 am
chhiar a nuam lo khawp mai hei chu..pawi thin a ni.
kan sum duhluat ah hian duh2 na ah quarry kan bun a safety measures kan ngaihthah leh bawk si a

mawl vang hian kan la thih belh zel ang
20
Dr Mahminga Sailo Says:
July 21st, 2012 at 10:41 am
A va’n zia lo ve aw… ;-( Lalpa’n lusun chhungte thlamuanin awmpui rawh se…
21
chowtrixx Says:
July 21st, 2012 at 10:57 am
a va pawi tak em!!!!!! (W) RIP
22
TuaiSialA Says:
July 21st, 2012 at 11:10 am
A van rapthlak zozai em ve aw….
23
khirhkhak Says:
July 21st, 2012 at 11:18 am
A pawi a ni e, lusun chhungte ka tawrh pui hle mai, lalpan awmpui rawhse.
24
TuaiSialA Says:
July 21st, 2012 at 11:24 am
@lrpa, hei hi a ni e, i chhiar duh chu.

KEIFANG QUARRY HI
25
sheldon Says:
July 21st, 2012 at 11:34 am
@Ts, i link dah hi ka chhiar a, heng quarry te hi mipui hian a hma atang tawhin an hlau in hnawk an lo ti hle tih a lang. Hetiang mangkhawng awm tlat mai hi tunge kan mawhpuh ang? Tu mawh nge? Nunna a hlut tehreng nen tihian tamtakin nunna an chan phah a ni si a ;-(
26
lrpa Says:
July 21st, 2012 at 11:36 am
TuaiSial ..thanks. A chiang kekkawk hle mai! Mi bengtlalo ho chuan lo bengkhawn in mipui himna lo nghaihtuah se chu he accident hi pumpelh ani ngei ang mawle! Ban theih theih chu han ban ve teh se! 🙁
27
Charice_mizo Says:
July 21st, 2012 at 11:51 am
Vanduai chhungte zawng zawng ka tuarpui takzet. An thisen mawh chu Mizoram sawrkarin phur rawh se..

Tu vak nge kan mawhpuh chuang ang?! Vairamah chuan khuarkhuruma naupang pakhat a tlak hlum palh pawhin khuarkhurum laitu ai mahin State sawrkarin dem a hlawh zawk thin! He bus accident phei hi chu sawrkar nep lutuk vang leh a hun taka mipuite himna ngaihtuaha an chet vat vat loh rah a ni a, Minister a hmuna han kal tih vel kha thlamuan nachhan tur a awm lo, tu fate nge thi? tu nu leh pa leh unaute nge boral??

SEBO HNUA SE KAWNGKHAR DIKTAK A NI E. Quarry chungchang hrim hrim hi Assembly ah an khel a hun ta khawp mai, hetiang ang chhiatna hi thleng tawh lo tura theihtawpa hma lak a ngai takzet a ni, a pawi em mai..
28
Chhuaklinga Says:
July 21st, 2012 at 11:52 am
Tihdikna:-

15
Chhuaklinga Says:
July 21st, 2012 at 9:46 am

Update:-

Tun mai khan hliam zinga 16na Lalthlanmawii (39), Champhai Rahsi veng khi a thi thu kan dawng leh, a luhaithlak ngei mai.

Report this comment

Information dik lo kan dawng a, heta thi anga tarlan hi a thi lo, ngaihdam ka rawn dil e. Tin, a mah hi thite zinga mi 2na Zoruatpuii Champhai Rahsi veng nu a ni nghe nghe.
29
saint sammoo Says:
July 21st, 2012 at 12:05 pm
quarry hi thil buaithlak ve tak chu a ni.. Forest hovin rawtuai khawrh an khap ang deuh hi a nia raw hung tinah vengtu an dah a nih loh chuan, tih ngaihna a vang..haha…. thla 3 dana khapna thupek chhuah ngawt lo hian a hmunah vengtu dah se, lung lak hi khap tak te in khap se a zia ang..
Cubic lung, raw ra,stone dust..Demand hi a sang si a,quarry neitute mai bakah hlawhfa leh rawra chhu te hian ei zawn nan, chhung kaw chawm nan tak tak an hmang ve bawk si.. chhungkaw tam tak eizawnna kawng thar han zawn tir thut chu a har ve viau a nia..
30
mama Says:
July 21st, 2012 at 12:18 pm
A va han pawi tak em, nunna hi a hlu asin. Mizo hi kan tlem a birth rate a hniam a thihna hi a tam em em bawk si. Lusun chhungte leh khuate ka tawrhpui takzet.

Thufing tlem kan neih zingah “se bo hnua se kawngkhar ang” ti hi Mizote hian kan inhmeh ngawih ngawih. Open letter khi kan sawrkar hotute pawhin an hmu ve ngei anga, an ngaipawimawh lo tih a hriat reng mai a. Tunah mi tam tak nunna-in a tuar hnu hian thil an ti turah ngai ila, engmah an ti chuang lo a nih chuan a manganthlak ngawt ang.

Mizote hi ‘intawngharh’ chi kan ni… safety measure, precaution kan tlachham, kan ngaipoimoh lo ;-( :-S
31
Sangpuiipa Says:
July 21st, 2012 at 12:19 pm
Mitthi chhungte leh a thi te an khawngaihthlak khawp mai. Chutih rual chuan Keifang khaw mipui te buai em em tur ka ngaihtuah hian ka khawngaih khawp mai.
32
lushai_er Says:
July 21st, 2012 at 12:22 pm
Kawngsira Quarry neih hi danin a phal lo va, Magistrate te mawhphurhna a ni thei em Jack-a Pi ?
33
saint sammoo Says:
July 21st, 2012 at 12:23 pm
a kaikuang ber sorkar dem lo hian a quarry neitu te leh hnathawk te kan lo dem vak palh ang e..
34
TuaiSialA Says:
July 21st, 2012 at 12:26 pm
Kawngpui sira quarry awm hi a hlauhawm hrim hrim. Lung tlain a denhlum te, a chimin a delh te…etc. nunna hlu tak tak kan chân phah thin a. Harh a hun ta khawp mai.
35
Charice_mizo Says:
July 21st, 2012 at 12:33 pm
# 30, very good comment (Y)
36
ɪ̣uɪ̣pnoɥ Says:
July 21st, 2012 at 12:45 pm
Kan sawrkarin hetiang lam a ngaihtuah hman lo; ka car sil a ngai tih vêl, an eiruk suma an thil leiho ngaihven reng rengin an buai tih hriat tur. YMA bawkin ṭan la leh mai rawh se!

A va han pawi ṭhin tak ngawih ngawih êm, awmlaia thih mah tih tawh nâk-a-laia! lirthei chesuala thih fo mai, ka thin hi a rim ngawih ngawih. 🙁
37
Mx Says:
July 21st, 2012 at 2:01 pm
A va lungchhiatthlak ve aw! ;(
38
TuaiSialA Says:
July 21st, 2012 at 2:09 pm
Hei thuthar a awm leh ta…

Khawzawl atanga chhiat tawkte buaipui tura kal, Biaknunga, Khawzawl chu tripper LPK-a chhuk thla lam chu a tla a, Aizawl panpui nghal a ni.
39
CyberThug Says:
July 21st, 2012 at 2:15 pm
#38, a va zialo thin tak em, a hmanhmawh lutuk vang emni ang le
40
TuaiSialA Says:
July 21st, 2012 at 2:20 pm
#39 A ni maithei a ni. A boruak hi a naran lo bawk sia, engtin emaw a awm thut te pawh a ni maithei asin.
41
Sihtea Says:
July 21st, 2012 at 3:13 pm
Khi Quary zetkhichuan chhiatnaleh harsatna mi asiamsak nguntawh ngawtmai thunei tuten ngaihtuahna hmanahkhan lohman nachang hriasechuan hetiang chhiatna rapthlaktakhi kantawng folotur apawikhawpmai vanduainatawk chhungte zawngzawng Pathian’in awmpui’inthlamuan mawlhrawhse.
42
drake Says:
July 21st, 2012 at 3:44 pm
va pawi ve aw!
40#Sihtea comment chu chhiar hahdam hle mai 🙂
43
saint sammoo Says:
July 21st, 2012 at 3:49 pm
drake.. Keyboard thar lei sak rawh…haha..
44
saint sammoo Says:
July 21st, 2012 at 3:50 pm
drake.. Keyboard thar lei sak rawh…haha.. Space bar a tang thei a nih khi…lol.
45
saint sammoo Says:
July 21st, 2012 at 3:54 pm
ka komen hmasa khi a lut lo emaw ka tia… Ava lut duh pulh pulh ve, lubricated condom hman ang mai..

Ot loh nan… Chanchinthar deuh a awm em o…
46
TuaiSialA Says:
July 21st, 2012 at 4:29 pm
@saint, thuthar chu maw… Durtlang hmeichhe naupang pawngsual kha dawt a ti a nih chu, Joseph Lnt-a’n.
47
Lamji Says:
July 21st, 2012 at 4:34 pm
Ava pawi nasa em! ;(

Champhai Vengthlang YMA te an hah dawn hle mai. Mizo nih a nuam thin.
48
saint sammoo Says:
July 21st, 2012 at 4:45 pm
ts, engemaw vanga dawta chantir leh tum… Tih thawm te ka hria….
49
matea_tmj Says:
July 21st, 2012 at 4:53 pm
a zialo hle mai.. Pu Shailendra Aizawl kal tum pawh kan khaw lam ah alo kawi angaih dawn phah a.,… Thi chhungte Pathian in awmpui se, Hliam tuar te damna pe bawk turin i dilpui bawk ang u
matea_tmj Says:
July 21st, 2012 at 11:27 am
a lei min na lai leh a acciden na hmun pic hi hmuh theih a awm angem le
51
matea_tmj Says:
July 21st, 2012 at 5:00 pm
https://www.facebook.com/photo.php?fbid=260025004112053&set=o.385104751516818&type=1&theater

hei hi ka hmuh chhun ania….
52
Chhuaklinga Says:
July 21st, 2012 at 5:57 pm
A bus- https://m.facebook.com/photo.ph.....4751516818

Tunah hian ruangin Champhai a lo thleng a, an ruangte hi Vengthlang YMA runah nghatin, heta tang hian an vuina tur theuh pan pui an ni ang.
53
houdini Says:
July 21st, 2012 at 5:59 pm
#52 Chhuaklinga, a va han râpthlâk êm êm ve leh…
54
PKfanai Says:
July 21st, 2012 at 6:21 pm
Mizo kan tlem tehlul nen hian aw, hetiang zat zat tumkhata han thih chu, an va han pamhmai tak em. Khawhar chhungte Lalpan awmpuiin thlamuan rawh se.
55
Awmtea Khiangte Says:
July 21st, 2012 at 7:18 pm
Ka van lainat hlawm tak em! An chhungte Lalpan thlamuan mawlh rawh se
56
Jacka Pi Says:
July 21st, 2012 at 7:33 pm
Vawiin zet chu hmun tinah chhiatna ringawt mai alawm le..engtih tha mah pawh a tho lo
57
TuaiSialA Says:
July 21st, 2012 at 8:35 pm
A thei thei khan Special Report (LPS 1) en rawh u le…
58
hmingtea Says:
July 22nd, 2012 at 12:53 am
Aw a va han pawi ve le aw a thi leh hlaim turate leh a bus neitu leh enkawltute an va han khawngaihthlak em ve le aw

Ram da leh hrai enkawl na that lohna hmunah chuan tutu te emaw sum hmuhna atangin mi tam takin an tuar leh chawk thin zawng a nih hi le.

Mirethei zu zuar dap vak bakah pawh mihausa te dan zawmlo te poh hi dap thin niseng himphah ngei ang le.

Helam ah chuan tuin emaw fridge pawnah dah in lo inhawng in naupang lolutin lo intipalh seng a fridge dahtu khan case lian tak awrh thei.
59
H.Vangchhia Says:
July 22nd, 2012 at 10:09 am
A pawi thin mange aw RIP