Leitlang Dingdi

June 22nd, 2012 3:00 pm by doc_lib

A saw raltiang Leitlangpui tual nuam ah sawn,
Mawiten a vul chiai e leitlang dingdi;
Zawlkhaw phunchawng, nauban leh ainawn ai pawn,
Kei ka tan a mawi zawk leitlang dingdi.

Ami zaleng zawng ten engtin ngai ve maw,
Chhim khawpui tual mawitu Leitlang dingdi;
Partin chhing zo tura khuanu duan ngei saw,
Kei ka thlir bang thei lo leitlang dingdi.

Kar hla tlang tin mual tin dan atang pawhin,
Rinna in ka thlir reng leitlang dingdi;
Theih chang se khawiva ianga thlawkin;
Dawn ka nuam e vul lai leitlang dingdi.

Mawiten vul zel nang che hawilopar iangin,
I parmawina leh rimtui leng velte;
Zoram dung leh vang mawitu lo niin,
Chutin duh ten Zoram par ka vuah nang che.

Kum 1993 December thla ni 20 zana MST night bus, Lunglei to Aizawl a ka chuan puinu, a sakhming ka hriat si loh leh zawn chhuah ngaihna ka hriat tawh si loh hriat reng nana 1999 a ka phuah. Ka zirna ka zawh hnu a Mizorama ka haw hnu khan a copy hi ka ti bo ta tlat a, mahse vanneihthlak takin Aizawl lama ka thiannu in a lo la kawl tha hlauh. Khawnge tun thlenga ka zawn hmuh zawh loh pual hian in post ve leh phawng ang hmiang.

NB :Poem ka phuah vawikhatna leh la awm chhun a nia, in mit a tlung zo lo ang tih phei chu ka hre sa

111 Responses to “Leitlang Dingdi”

1
chhangteval Says:
June 22nd, 2012 at 3:02 pm
First deuh nulh teh ang 😛
2
lrpa Says:
June 22nd, 2012 at 3:14 pm
Ekhai! bus chuanpui va nei chhe lo hmel ve aw 🙂
3
Kher Kher Says:
June 22nd, 2012 at 3:15 pm
A rei tawh ang reng sia pasal a nei tawh hrim hrim ang.
4
Dr Mahminga Sailo Says:
June 22nd, 2012 at 3:18 pm
Chhiar a va nuam dalh dalh ve le. (Y)

Ka’n sawisel ve chhin, a seltu pawh hi ka dik lo zawk thei thova.. 🙂

Mawi te’n, ai paw’n, duh te’n.. tia ziak ni zawk se..
Ami zaleng zawng ten engtin ngai ve maw? zawhna tel hi a tul ve lo’m ni?

MST bus-a, i Leitlang dingdi i tawn kum khi chuan; I am Lalhmingmuana Sailo ka ni ka la ti telh telh maw le… 😛

Leitlang dingdi chu, a la dam a nih ngai chuan, a chhangchhe ve fe tawh ang maw? A nih loh vek leh, a senior ve tawh ngawt ang… 😀
5
kawlhawk Says:
June 22nd, 2012 at 3:22 pm
Puah nalh kher mai. (Y) kei pawh champhai dingD ka nei, hmanni chp – azl sumo ka chuan pui – ka awm nghenga ka kuah mut kha… phone no te lo la ila tha tur…

Tuaisiala’n a rawn komen ve ang em aw…? :p
6
doc_lib Says:
June 22nd, 2012 at 3:22 pm
A chhang chhe ve tawh ngawtin ka ring. Zawn chhuah ngaihna lah chu ka hre tawh der mai si lo a..1993 a kawngtluana bus a a mal chunga a pawm ‘ A sawi dan takah rawlthar mut duh’ kha la hre ve thin tak ang maw :P. Kei aiin kum 3/4 velin a upat ka ring a, chuvang chuan chhangchhe rual chu a ni ve hrim hrim tawhin ka hria 🙂
7
doc_lib Says:
June 22nd, 2012 at 3:25 pm
Thu leh hla lama a kut vei lam pawh ka chai hneh loh tur Ku Kawlhawka`n phuah nalh a ti tlat mai. Poem phuah thiam tak tak emaw ka nih ka in ti mai dawn a lawm le 😛
8
vakul Says:
June 22nd, 2012 at 3:50 pm
poem leh song hian tehna chi hnih a pai ve a..technical taka a phuahtu rilna dap dan kawng leh a phuahtu inspiration dawn dan hi a ni.

he hla hi chuan a hnuhnung a mi khi a pawl zawk a, chu chu mi na zawng dawn chi a ni lem lo va..tum reng vanga phuah pawh nise…a phuahtu rilru kha a dup sa hle tawh a ni.

tha hle mai.
9
sisen Says:
June 22nd, 2012 at 3:51 pm
Chhiar ang 😛
10
doc_lib Says:
June 22nd, 2012 at 3:56 pm
@ Vakul, Critics ho meipui ka tawrh ngam chiah loh vangin ka phuah kum pawn ka up char char a, chumi hnu ah AMMSU magazine in 2000 kum nge maw ni le min chhuah sak a. Mizorama ka haw khan a copy ka ti bo ta daih mai a. Nimin ah kan thiannu in min rawn pe leh hlauh a. Khawnge a bo hlen palh ange ka tia, Misual ho critics meipui tuar turin kan rawn post ta phawng a nih hi. 🙂
11
Rinzova Khawlhring Lalhnam Says:
June 22nd, 2012 at 4:00 pm
Lung hlui te pawh a ti leng dawn mai alawm mawle 🙁
12
doc_lib Says:
June 22nd, 2012 at 4:04 pm
@4 Dr Mahminga, question mak hi dah tur nge dah loh turah ka buai reng a. Mahse mi zawhna kan zawh ni lo, enge an ngaihdan ni ang aw tia keimah ni a kan in zawhna ang chi ah hian question mark hi dah kher a ngai lo nikhan grammer ah khan ka hria a, ka dah ta lo ringawt a..A hre chiangin rawn sawi teh se. Kei pawh ka buai tlat. Dah tur an tih leh, kan dah ru leh zeuh anga ni mai alom 😛
13
Dr Mahminga Sailo Says:
June 22nd, 2012 at 4:13 pm
Thu leh hla hlui i sawi takah chuan, Pawl 12 ka zirlaia thu leh hla ziak tam zawk kha, ka hmu zo tlat lo. Ziak tha leh dawn ila, rilrua a chen lai ang khan phuah chhuah a har tawh ang reng si… ;-(

Leitlang dingdi, a hming leh veng tal i hre lo(?) khi a pawi a ni… 😉
14
lrpa Says:
June 22nd, 2012 at 4:18 pm
Doc_lib khawnge RemPy i i dah?
15
doc_lib Says:
June 22nd, 2012 at 4:22 pm
@14 lrpa lolz. ka sawi mai mai dawn lo.
16
Charice_mizo Says:
June 22nd, 2012 at 4:23 pm
Leitlang tih leh ‘dingdi’ tih hi a inhmeh bik e, 🙂

A address leh a hmingpum tal ilo zawt lo anih chu mawle..te ka tia..
17
doc_lib Says:
June 22nd, 2012 at 4:24 pm
@ DR Mahminga Sailo, dah that ngei ngei tur. Kei pawh ka hla phuah pakhat ka ti bo hlen ta anih hi. 2001 Good Friday kha chuan PMCF in khawmah khan kei leh ka thian leh ka thiante pa 2 nen kan sa ve ngei maw le. A bo hlen ta :(. A hun laiin a uihawm tih kan hrethiam lo a, tun hnu ah hian a uihawm zia ka hre thar.
18
doc_lib Says:
June 22nd, 2012 at 4:27 pm
@ Charice_mizo khatih lai te chuan tleirawl zah zum lai a nia, ka zawt ngam bik nang. Thlamuang takin a mal chungah ka muhil siai siai mai maw le 😛
19
Dr Mahminga Sailo Says:
June 22nd, 2012 at 4:30 pm
@ doc_lib… A dik chiah. Mi in kan luah atanga, kan ina kan insawnna velah kha niin ka hria. Ui tak ka ni.. ;-(
20
Charice_mizo Says:
June 22nd, 2012 at 4:30 pm
Chang thumna tlar li-na ‘dawn ka nuam e’ tih khi, ‘tawn’ ka nuam e tih zawk tur anih hmel…te ka tia a dawt leh chiah thu nena inrem tur chuan hehe

Ami zaleng zawngten engtin ngai ve maw…zawhna chhinchhiahna dah a ngaiin ka hre lo, hei hi zawhna ni lovin i suangtuahna vakvelin a thil chhuidawn ang kha a ni a, tumah pawh i va address chuang lo, (you’re just wondering on your own) chuvangin zawhna anga ngaih bur chi a ni lem lo.

Tunge Ruati i ngaihzawng? (F) tih angah te chuan dah ngei ngei tur a ni thung, ka lawm e 🙂
21
doc_lib Says:
June 22nd, 2012 at 4:37 pm
Charice_mizo ‘dawn’ tih khi maw hei khuaiin pangpar zu a dawt ang kha teh khinna anih a vang khian ka hmang ta mai.
Han criticise sap sap ula, ‘ Leitlang dingdi’ dang ka tawng palh leh anih vaih chuan ka phuah nalh tawh ngawt ang 😛 ..A nih loh pawn ‘Zawlkhaw derhken’ tan pawh kan la phuah mai thei a sin 😀
22
Charice_mizo Says:
June 22nd, 2012 at 4:40 pm
doc_lib, ok i hmang nalh hle mai a, a common lo kher mai, tha lutuk e (Y)
23
Dr Mahminga Sailo Says:
June 22nd, 2012 at 4:48 pm
He post chu ka hlawkpui khawp mai. (Y)
Sawisel tur ka hriat a zo tawh tlat. Ka phur thut chuan, Zawlkhaw phungchawng ka la phuah ve mai thei a ni… 😀
24
doc_lib Says:
June 22nd, 2012 at 4:52 pm
@D Dr Mahminga Sailo Zawkhaw phunchawng i hauh chuan keiin Zawlkhaw ainawn ka hauh e 😛
25
Charice_mizo Says:
June 22nd, 2012 at 4:58 pm
2010 a i post pakhat zawk ‘leitlang dingdi’ i tawn dan chanchin khi ka chhiar leh ngata, a ngaihnawm khawp mai. I vei rei ve khawp chuan ka hria hehe
26
badboy Says:
June 22nd, 2012 at 4:59 pm
Keichuan RV phunchawng ka hauh e 😛
27
doc_lib Says:
June 22nd, 2012 at 5:00 pm
@25 Charice_mizo, Khati taka duata min pawm tu, hmeltha bawk si kha chu tun hnu hian ka hmu leh chak maw le.. 😛
28
lrpa Says:
June 22nd, 2012 at 5:01 pm
lunglei lam saw an hmeltha ve zek ania
29
doc_lib Says:
June 22nd, 2012 at 5:01 pm
badboy lolzzzz rawn ti khaw lo suh, khaw duai ruih hnuaia lungpuam tawka kan awm laiin min tih nuih huk chu le 😀
30
Lamji Says:
June 22nd, 2012 at 5:11 pm
‘MST Dingdi’ anih zawk mah hi a. 😀
31
badboy Says:
June 22nd, 2012 at 5:12 pm
#29: Kanu’n khawlohna in mi pai a, khawlohna a din kani ta si a tih ziak ang khan lolzzz 😛
32
doc_lib Says:
June 22nd, 2012 at 5:13 pm
Aizawl-Lunglei MST bus chuang hman chin chu mihlui kan ni zo dawn 😀 . Thenzawl road a tang lahin darkar 5 lekah a thlen theih tawh si
33
lushai_er Says:
June 22nd, 2012 at 5:15 pm
Leitlang-Dingdi, (Y)

Chhaktiang-Chhawkhlei, (W)

Zawlkhaw-hermawii, (U)

Thlangtiang-Thadangi (L)
34
badboy Says:
June 22nd, 2012 at 5:17 pm
engtik kum nge Office thil avang a kanpi 1 leh kan pu vai 1 lunglei kan zin tum in kan haw kawng ah Bolero hma ah ka thu a chuan driver nen 4 kan nia kawngtluan nileng thak in daduhi cassette kan play chhuak zak mai kha chu an ning ve ngawt ang side leh lam a zo a ka leh thlak char2 😛
35
lr hlonchhing Says:
June 22nd, 2012 at 5:19 pm
Tha reuh…
36
doc_lib Says:
June 22nd, 2012 at 5:30 pm
Lolz Badboy..an rilru chuang thing kung hnuai vela in um deuh zar zar a lan vak dawn loh chu a 😛
37
Dr Mahminga Sailo Says:
June 22nd, 2012 at 5:31 pm
#28.. @ lrp.. Nia, kan hmeltha zek asin… 😀
38
drake Says:
June 22nd, 2012 at 5:31 pm
doc_lib chu i lerh hma nge i chal viau zawk hehehe 😛
39
Charice_mizo Says:
June 22nd, 2012 at 5:33 pm
Keipawh lunglei aleh 🙂
40
doc_lib Says:
June 22nd, 2012 at 5:38 pm
@ 39 Charice_mizo, chuti Leitlang dingdi hi ka hmuh zawh tak loh chuan nang hi ‘Leitlang dingdi’ nihna ka hlan mai dawn che ania 😛
41
Charice_mizo Says:
June 22nd, 2012 at 5:39 pm
doc_lib, ka phu lo, ka phu mawlh lo, weinch
42
doc_lib Says:
June 22nd, 2012 at 5:42 pm
Charice_mizo, a nih chuan min han zawn pui vat vat teh. Chanmari ni ta tlatin ka hria an chhukna kha..Saitawka hi khawnge maw a awm le, ka lo zawng char char ang kha a ti sia 🙂
43
Dr Mahminga Sailo Says:
June 22nd, 2012 at 5:45 pm
@ doc_lib… Saitawka chuan, ka thiannu; chandmari-a pasal nei a hria… 😀 Chutiang nu/nula senior a hriat ka ring lo… 😉
44
Charice_mizo Says:
June 22nd, 2012 at 5:48 pm
doc-lib chanmari chu a veng a lian asin, hehe Lungleia ka awm lai a nilo hlauha lawm mawle, tihdan ka hria, i thuziak leh hla hi lunglei chanchinbu ah chhuah mai la 🙂
45
doc_lib Says:
June 22nd, 2012 at 5:50 pm
Charice_mizo, ka rilru deuh chu ania, mahse lunglei chanchinbu lam mi hmelhriat ka nei lo tlat si a lawm le. :-O
46
doc_lib Says:
June 22nd, 2012 at 5:54 pm
Dr Mahminga, Ku Saitawka a hlawhchham anih chuan Misual rualin zawn runpui nei ila, chuta kan hlawhchham ta anih leh lung muang takin a zawn hi ka chawlh san mai ta lo`ng 😛
47
TuaiSialA Says:
June 22nd, 2012 at 5:55 pm
A saw raltiang Leitlangpui tual nuamah saw’n,
Mawite’n a vul chiai e leitlang dingdi;
Zawlkhaw phunchawng, nauban leh ainawn ai paw’n,
Kei ka tan a mawi zawk Leitlang dingdi.
Ami zaleng zawngte’n engtin ngai ve maw,
Chhim khawpui tual mawitu Leitlang dingdi;
Partin chhing zo tura Khuanu duan ngei saw,
Kei ka thlir bang thei lo Leitlang dingdi.
Kar hla tlang tin mual tin dan atang pawhin,
Rinnain ka thlir reng Leitlang dingdi;
Theih chang che khawiva ianga thlawkin;
Dawn ka nuam e vul lai Leitlang dingdi.
Mawite’n vul zel nang che hawilopar iangin,
I parmawina leh rimtui leng vel te;
Zoram dung leh vang mawitu lo niin,
Chutin duhte’n Zoram par ka vuah nang che.

Khawiva – Vahkhuai.
Che – Se.
48
doc_lib Says:
June 22nd, 2012 at 5:58 pm
@ TS, khi lai chu ka edit uluk viau a maw ka tia, ‘Theih chang se’ tih tur. Nizan khan ka submit lai khan current awm lo thut a, chuvang vek ani. Plz in admin te khan siam tha teh u
49
Charice_mizo Says:
June 22nd, 2012 at 6:25 pm
doc_lib, min lo mail la, chhuah i duh dan takin, ralvengtu leh vulmawi ah ka lo pe dawn nia..
50
doc_lib Says:
June 22nd, 2012 at 6:27 pm
Charice_mizo okhay, a article kha tlem edit a ngai dawn a, article nen a inkawp khan poem hi chhuah mai ila, ka lo edit anga, ka lo mail mai ang che.

51
sheldon Says:
June 22nd, 2012 at 6:32 pm
E hiau! Kan detective pawh chu a va poetic ve. Misual ho hi kan va hawl chikim tak em. Critic rilru pu in kan chhiar ang e 😀
52
doc_lib Says:
June 22nd, 2012 at 6:35 pm
Sheldie, chhiar rawh mahse 3rd stanza third line kha ‘theih chang se’ tih tur..Admin an awm chuan plz siam tha teh u
53
sheldon Says:
June 22nd, 2012 at 6:36 pm
A tha thawkhat e 😀 3rd verse third row a ‘Theih chang che’ tih khi chu ‘Theih chang se’ i tihna a ni ngei ang a.Thu pawh, hla pawh phuahchhuak tur hian a phenah engemaw a awm a ngai a, nangpawh i lo tawng ngei zawng anih hi. He nula hi zawng hmu la chu hnamdang tawnah i nem lo tur 🙂
54
sheldon Says:
June 22nd, 2012 at 6:39 pm
Doc, i phuah thiam e. Kan comment khi a lut rual deuh thaw a, i rawn point khi ka sawichhuak ve chiah anih khi. Kei chu hla hi ka la phuah chhin ve miah lo 🙁
55
doc_lib Says:
June 22nd, 2012 at 6:41 pm
Sheldie in a rawn comment loh hi chuan ka post hi a kim thei tlat lo. I pual hian la rawn phuah ve ila tha ang :). Admin awm se aw, siam tha se tha ang. Nizan ka submit dawna ka edit laiin current awm lo thut a, hmanhmawh lutuka ka submit vang vek ani
56
Rokob Says:
June 22nd, 2012 at 7:01 pm
Leitlangpui nula ho hi an zun phur a na ani ang, nula rim tur rihngawtin 2000 khan ka thianpa H.Lalremruata(fam) nen kan han kal ve tawh ngei kha le, hmelchhe piah lama la che chhe em2 thin kei hian kan nula rimna pa kha ka thianpa khi emaw tiin an kawngkhar phenah ka lo changa, kan barakhaih tehreng anih kha leee, a fanu(kan nula rim), ka thianpa leh kei kha kan inthlahrun dan a inchen vel vek ta ve ang.haha zialo thei ngei mai. 😀 ,..leitlangpui nula te khi a tlangpui chuan kawm an nuam bakah an chhelo hlawm zek asin..

In rilru a awm, nalh taka in han phuah chhuak thiam hi chu ‘in vannei teh e’..i phuah thiam hle mai..
57
doc_lib Says:
June 22nd, 2012 at 7:05 pm
@56 Rokob, ka nuih vur vur chu le..Kei chu ka mi zawn ve hi chhangchhe nu a ni tawh ka ring a, mahse zawn chhuah leh a, vawi khat na reng reng hmuh leh ka chak avanga zawng hram hram ka ni 🙂
58
ɪ̣uɪ̣pnoɥ Says:
June 22nd, 2012 at 7:16 pm
Va ril sï êm.
59
Chhuaklinga Says:
June 22nd, 2012 at 7:17 pm
Eheu, eheu… kan misual detective ropui-a chu hmangaihna khurah tlahawlhin poet nih te a tum e lo maw! :-O

Dek mam tha vei phian lehnghala aaa… (Y) (F) (B)

tren tren
60
Rokob Says:
June 22nd, 2012 at 7:20 pm
@ doc_lib,I tawn ang deuh hi ka trawng ve tawh keipawh, mahse ani chu civil hospital ah sawn nurse ani thin, ka thianpa ute inneih niin a nia, in opp chiaha thu in kan van inmelh nasa tak em, haha, kan in en zeuh2 reng a, kan han innui leh rih thin, mahse tlai chaw ei dawn kan ker2 hlanin an lo haw hman daih, ka van ui tak em, a tuk tuk leh lawkah kolkata ah ka zirna chhunzawm turin ka kal leh ta mai sia, kum 1 hnu a ka han haw leh chuan naute a lo pawm daih tawh hahah..kei ai chuan i thleng sang fe ni khi a malchungah tal ila mu a, keini ve kha chu inmelh leh innuih kha ni mai..lunglen thlak reuh chuan.. 🙁
61
saint sammoo Says:
June 22nd, 2012 at 7:28 pm
Thlarauvin (Heavenly Amuse?) min pawl laia chhut pawp pawp hi a hlu duh phian… kei pawh hi..siam that (edit) phal loh ka nei fo…
A tha thlawt….
62
doc_lib Says:
June 22nd, 2012 at 7:30 pm
@59 Chhuaklinga.. Sherlock Holmesa`n Irene Adler a hre reng kha ka dem ta lo tawp mai.
@ 60 Rokob kei pawh ka mi zawn hi run lum nuthai changin a buai ve fe reuh tawhin ka ring.. 🙂
63
doc_lib Says:
June 22nd, 2012 at 7:52 pm
Ka sakruang duat ten nau ang i tuam,
Theih chang se tawn leh che ka nuam;
Ngaia au vin ka rawn zawng zel che,
Lenna tlang leh mual dang thin mahse..

aabb rhyme thungin aw 😀
64
mamboihi Says:
June 22nd, 2012 at 9:39 pm
Einch!! Doc pawh chu a va luangliam nasa ve!! Mipa ho hi in ler ka tih dawn chuan dik chiah si lo!! Chhas tur in melh nasa hlawm thei ee…haha.. 😛

Khitiang khawp a i phuah chhan hi zawng hmu ngei turin duhsakna ka hlan a che.. 🙂
65
doc_lib Says:
June 22nd, 2012 at 10:49 pm
Mamboihi, lerh lam pawh ani lo 🙂 Ka mi zawn i chu a chhangchhe nu ve tawh viau ina nia ka rinni.
66
mamboihi Says:
June 22nd, 2012 at 11:01 pm
Doc.. kum 20 dawn hnu a zawn te chu i tawk tlai eee… Mahminga Brahmin Tleitiri kha chi zawk tawh mai thei hehe..
67
doc_lib Says:
June 22nd, 2012 at 11:05 pm
@ Mamboihi, Dr Mahminga Sailo hi khati lam sawipui chuan a ngawi daih zel lolz..Chang khat tal han phuah ve chhin hrim hrim teh khi 63 ah aabb rhyme in ka rawn ti leh ania 🙂
68
sheldon Says:
June 22nd, 2012 at 11:12 pm
doc_lib te chuan zawn hmuh tak tak tum heklo. Arunachal lamah zawng mai se 😛
69
mamboihi Says:
June 22nd, 2012 at 11:14 pm
Doc haha..

Duhthusam thin Doc-a
Oo a sam ang a thleng lo si..
Chuan Misual kaltlang in chhas a zawng!!

Lenrual te u, lo pui ruuu
I tanpui theih chuan a tha!!!
Biahthu di hrilh tur a hmu lo..

Haha!! ka thiam em?… A va rapthlak em! 😛
70
sheldon Says:
June 22nd, 2012 at 11:17 pm
Yes!!! mamboihi thiam lutuk. Kei chu hla hi tlar khat pawh ka la phuah chhin lo (Y)
71
doc_lib Says:
June 22nd, 2012 at 11:18 pm
Lolz @ Sheldie and Mamboihi..in va han sual dun mai mai e aw..Hmeichhia hi zawng ngam in lo har aniang e 😀
72
mamboihi Says:
June 22nd, 2012 at 11:22 pm
Ka phuah khi a thluk lo siam teh u haha!!
73
doc_lib Says:
June 22nd, 2012 at 11:23 pm
Sheldoni kha siam tir rawh. MI hunah in duet dawn nia lolz 😛
74
sheldon Says:
June 22nd, 2012 at 11:25 pm
Hahaha…engtin chuan a thluk kan siam dawn ni maw??? 😀
75
doc_lib Says:
June 22nd, 2012 at 11:32 pm
@Sheldie a tih hot nan a tir lamah yo yo yo.. te han ti kual vel la lolzzzzzzz
76
mamboihi Says:
June 22nd, 2012 at 11:39 pm
Nia, ka in chhuang teh mai ania hla ka phuah ve ta hi!! 😀 Idol awm leh hunah an theme song ni ngei tura rapthlak taka sak tur khawpin uluk takin a thluk siam tur haha! 😛
77
doc_lib Says:
June 22nd, 2012 at 11:53 pm
MI awm leh hun hunah Mamboihi`n a hla phuah a sa ang 😛
78
mamboihi Says:
June 23rd, 2012 at 12:03 am
Doc chuan ka lar vet vet tawh ngawt ang.. Bus a chuanpawh ka duh tawh lo ang, ka zak tawh tlat ang.. 😛

Hlaphuah thiam ber of the year ah ka inpuang nghal bawk e. 😛
79
Charice_mizo Says:
June 23rd, 2012 at 12:06 am
#76 (Y)
80
Charice_mizo Says:
June 23rd, 2012 at 12:06 am
#76 (Y) 😀
81
doc_lib Says:
June 23rd, 2012 at 12:08 am
@78 Mamboihi, music vedio i siam anga, hlaphuahtu, sa tu leh producer i ni nghal bawk anga, tichuan mizoram ah chuan ‘mi lar’ i ni nghal ani mai 😀
82
mamboihi Says:
June 23rd, 2012 at 12:19 am
Yeshhhh!! Mi lar all in all ka ni dawn ta nih chu.. 😀
A va rapthlak em! 😛
83
mamboihi Says:
June 23rd, 2012 at 1:22 am
One more thing Doc.. Body guards te pawh ka mamawh dawn nia.. Lo screen tan la tha ang!! 😛

Ka nuih hi a va za tak em!! Inkhel en luai luai laiin ti hian Recent Comments hi lo tibuai ve hrim hrim ang!! 😛
84
blackmagicwoman Says:
June 23rd, 2012 at 1:23 am
yes, mamboihi online e! i van reh ve ka….ka lo ngai tawh lutuk che u a ( LRPA nen khan)…in reh duh daih a! 😀
85
mamboihi Says:
June 23rd, 2012 at 1:27 am
BMW kei chu ka tam!! LARPA pawh a awm ve zuk zuk thin a, mahse Kangaroo time hi chu a buaithlak ni!

Nangpawh i vang lutuk, he paws hi hman hunah chhiar la, ka lar zia i hmu mai ang haha.. 😛
86
doc_lib Says:
June 23rd, 2012 at 1:29 am
Mamboihi, ka poem a vanga lar chhuak i nihna deuh reuh a awm dawn tlat. A hlawkna 50% will come to me 😛
87
blackmagicwoman Says:
June 23rd, 2012 at 1:33 am
mamboihi, awi down under lam atangin ni maw a rawn online tawh? ka van news lo ve! i lungleng awm 🙂

Doc_lib chu ziak nalh ngaih ngaih hle mai! (Y) hmel leh sum tello pawn nupui i zawn hnuh theih mai dawn hi!!
88
doc_lib Says:
June 23rd, 2012 at 1:35 am
BMW khi kan la zawn mek khi. Han zawng ve vat vat teh 😛 . Article hmangin ka zawng tawh a, tunah poem in ka chhu zui leh tawh ania. A misual anga zawn mai pawh hi a la ngai mai thei ani 😛
89
mamboihi Says:
June 23rd, 2012 at 1:41 am
Doc haha!! Body guards mawlh chu aw…: Ka nuih hi a za em ani!! 😀
90
doc_lib Says:
June 23rd, 2012 at 1:48 am
@89 Mamboihi hi idol ah thlang mai ang u. Nuam a ti emai 😛
91
mamboihi Says:
June 23rd, 2012 at 1:50 am
Doc leh BMW, weekend hman nuam ule. (Y)
92
blackmagicwoman Says:
June 23rd, 2012 at 1:53 am
mamboih, ty and same 2 u ….lungleng lutuk lo la 😛
93
doc_lib Says:
June 23rd, 2012 at 1:58 am
Mamboihi hian Leitlang dingdi chu a lo lawm ber ani. Khawnge kei pawh mumang lama zawng zel chungin laikhum kan bel teh ang..
94
lushai_er Says:
June 23rd, 2012 at 3:33 am
A tawnmangah “Leitlang Dingdi” tawng tak ang i maw..???
Lengi man tuak ei zo zel val-rianga hian;
Zingtian bawhar lo pau ve RIMS hostel runah !
Hai ang thang a lunglam vaih hmabak doc_lib hian,
A tawnmang chu rawn share leh hram se misual.com-ah hian!
95
muansakhi Says:
June 23rd, 2012 at 12:25 pm
Tunhma night bus a kan chuang kha kan meng engngemaw deuh phut a, engtehual nilo pawh kha kan melh tawka hru duh khawp asin. I Leitlang Dingdi pawh hi a tuk chhunengah engtak ni maw tih hi ka la question tho mai. Thu leh hla a hmasawnna erawh ka ngaisang e.
96
Maisek Says:
June 23rd, 2012 at 12:30 pm
Phuah thiam em em ve… detactive lam aiin i hneh sawh dawn tlatin ka hria…. 😀
97
doc_lib Says:
June 23rd, 2012 at 4:40 pm
Ami lengin an sel maw Leitlang mawitu dingdi,
A mawi bil lo`ng e tur nipui eng hnuai ah tiin;
Chuai lo ten a par vul chiai e Leitlang dingdi,
Zingtian chhaktiang kawl eng ti mawi zualin.
98
Charice_mizo Says:
June 23rd, 2012 at 5:07 pm
A va century teuh ve hei chu (H)
99
PKfanai Says:
June 23rd, 2012 at 5:23 pm
Leitlang Dingdi parmawi tawh vek vek hi chu an dawng ngoh maia, an chhuanawm duh viau ania.
100
Chhuaklinga Says:
June 23rd, 2012 at 5:28 pm
Khawnge Century child hi? 😛

tren tren
101
VaiVa Says:
June 23rd, 2012 at 5:36 pm
1st
102
muantea Says:
June 23rd, 2012 at 5:53 pm
Kan khaw nula i lo buaipui a ni maw? @saitawka hovin kan lo zawng luih luih dawn em ni le?

Hla pawh i phuah mi dawn riau mai, mahse ‘khawiva’ tak khi Lunglei lam mi rilruah chuan Khawiva lui HEP an siamna hmun a lang daih a lawm le
103
Sangpuiipa Says:
June 23rd, 2012 at 6:35 pm
ok
104
doc_lib Says:
June 23rd, 2012 at 8:32 pm
@Muantea, Ku Saitawka zek zawk kha alawm, a lo zawng chak lo lutuk a, a zawng hmu zo lo emaw ni..Haha tak taka, a chhangchhe nu ve fe tawh ang.
105
doc_lib Says:
June 23rd, 2012 at 10:06 pm
KU saitawk, tawka..hei i la zawng chhuak si lo a, hla thu nen meuh ka rawn bei ta anih hi
106
Saitawk Says:
June 23rd, 2012 at 10:13 pm
@dog_lib, doca.. a contact no min lo pe law law la, ka lo zawng chhuak mai dawn nia, he chanmari nula ka zawnna lamah hian ka khup a pilh vek tawh!!
107
doc_lib Says:
June 23rd, 2012 at 10:23 pm
Saitawk le..i va han khawlo mai mai. a contact no nei ila misual.comah ka zawng tlut tlut nang maw le..
108
lushai_er Says:
June 24th, 2012 at 4:34 am
@doc_lib : A Original hi kan rawn comment teh ang… Pi-te Lalhungchhungi Pachuau, Sailotangi Sailo, Zosanglianite’n an sak hi ka rilru-ah a la thar reng maw le….!

1.Thalbawm romei iang kian ni awm thei dawn lo,
Suihlunglenin ka han hawi vel a;
“Leitlang Dingdi” aw ka ngai ber mai che,
Tah lai ka bang thei lo.

***Hawktui lian-in chhawl a hnawl ang hian,
Min hnawl mai lo la rairahriang hi;
Nuih zai rel ve-in tah lai bang tawhin,
Leng dun zai i rel ang.

2.Aw ka thinlai lungdam nan vawikhat talin,
I hmangaih thu min han hrilh ve la;
Kumtluanga hal lote’n kan len ve nan,
Len dun zai i rel ang.

3.Ka ngaih ang hian min ngai ve in ka ring lo,
Zan mu chhing lo te’n ka dawn changin;
Lem ang min der san mai hi ka hlau ber,
Ariangval min hnem rawh!!!!
109
doc_lib Says:
June 24th, 2012 at 3:03 pm
@ Lushai_er, ka la ngaithla ve miah lo nia..ka va ngai thla ve chak e. Zosangliani hi chu ‘Aw kar a hla’ tih kha a va han sa lung run hlerh hlerh tak.
110
Saitawk Says:
June 24th, 2012 at 3:06 pm
@doc, a ori ka la rawn send dawn che nia thu i awih viau chuan!
111
doc_lib Says:
June 24th, 2012 at 3:14 pm
A tu ‘Leitlang dingdi’ nge hmeltha zawk ang aw..Ka lei tlang dingdi a hmeltha zawkin ka ring e