Lungpher khua hi Phawngpui tlang hnuai KM 5 a awm a ni a, kum 1918 khan Dokulha fapa Suichhuman a din a ni. Khang hunlai kha chuan Kristian an la awm lova, Phawngpui tlang hi an be mai thin a ni. A tlang neitu ramhuai lal an koh dan ah chuan Darkualpa leh Tialchhumpa tih a ni thin. Mi zawng zawngin an be thei mai lova, a betu bik puithiam( bawlpu) a awm a Cheulinga Tlangchhan, a bawlhlo phurtu atan Khuakara Chhiato an hmang bawk a ni. Phawngpui tlang an biak ni chuan an biakna hmunah hmeichhia leh piangsualte kal phal a ni lo. An biakdanah hian a hmasa berin ar an hmang a, vawk, bawng, Sial an hmang leh thin a ni. Tin ran n hman ho hi a pa an ni ngei tur a ni a, sawisel kailo piandan ah an ni tur a ni. He ni hi awmni khamin niserh ah an neih a, tumah khua atanga chhuah pawh phal a ni lo.
An tui hman tur hi zing karah nu hovin kawngpeng ah an dah thin a. Tin ran an talh a, a sa pawh mipa ho chauh in an ei a thiang a ni, an eibang nawi pawh dahthat awih a nih loh avangin an paih mai thin.
KHAWHRUM (KHUANU) AN BIAKNA THUCHHAM DAN:
Maw…..Ṭialchhumpa maw Darkualpa….
Maw…. Thingbawng e, Sangau e..
Na kan huhphen lai e…”
‘Tuchhunah hin nakmah remnak ah khua tipiin ni kan zarh hi kan zu leh kan sa hawng kan bawmh law”
“Kan chaah hmuldum zuah hlah hmul var zuah hlahnungak tha hawng kan pe, Tlangval tha hawng kan pe, pasaltha hawng kan pe”
“Ṭialchhumpa aw…Darkualpa aw… Thingbawng aw…..Sangau aw….. tuchhun ni ah hin hawng kan hupin hawng kan phen u”
Tiin malsawmna dilin nula hmeltha, tlangval tha, pasaltha, ramsa, buh leh bal, a malsawmna dilin leh venhimna dilin an puithiamin a chham thin a ni. ( chhunzawm tur…..)
Thu lakna: YLA SOUVENIR 2009
Similar Posts:
- Road to Phawngpui
- Phawngpui Tour Album leh Ring Of Fire
- Phawngpui Tlang ah Zawhte Ki Nei
- Serchhip leh Keitum inkarah Maxi Cab a Accident Hliam na tak tak an awm
- Vawk in sai ang tak mai a hrin chu!
a tha khawp mai
July 22nd, 2012 at 9:24 am
A bengvarthlak hle mai
Kan pi lrh pute hunlai ngaihtuah chuan Mizorama Tlang sang ber biak chu ca awm khawp mai. 
Report this comment
July 22nd, 2012 at 9:26 am
A bengvarthlak hle mai
Kan pi leh pute hunlai ngaihtuah chuan Mizorama Tlang sang ber biak chu a awm khawp mai. 
Ziah sual palh hi a ninawm, edit leh theih tawh bawk si lo
Report this comment
July 22nd, 2012 at 9:56 am
He tih hun laiin bawng an la vulh lo ang?
Report this comment
July 22nd, 2012 at 9:59 am
A va laklawh e, han chhunzawm thuai teh. A ngaihnawmin a bengvarthlak dawn e.
tren tren
Report this comment
July 22nd, 2012 at 10:43 am
1918 velah chuan Phawngpui hi Mizorama tlang sangber a ni tih chu an la hre lo mai lo’ng maw? Mizoram pawh tuna kan Mizoram ang hi a la ni lo ang – India independent hma a la nih avangin.
Report this comment
July 22nd, 2012 at 10:51 am
A tlang a tak ai mah chuan a tlang huai kha aniang an biak chu. Pi leh pu te kha chuan sih te, lungpui lian deuh leh thing lian deuh te, tlang lian deuh te khan huai neiin an ring a, an huai te khan an tih nat loh nan an inthawi thin a lawm.
Report this comment
July 22nd, 2012 at 10:56 am
Report this comment
July 22nd, 2012 at 11:03 am
Pawi ṭawng chuan PHAWNGPI
Report this comment
July 22nd, 2012 at 11:05 am
Mr.Fanchun leh!! Phawngpui chhehvelah te chuan in tawng an hman loh ten maw le!!! Bawh hla, hla do tih velah te pawh hian Pawi tawng a tel tam mai
Report this comment
July 22nd, 2012 at 11:29 am
Sipai bo ka bang
Report this comment
July 22nd, 2012 at 12:10 pm
A ziak tupa hian Lusei tawngin a ziak tlat mai, Ka ngaihdan a nilo khawp mai, Laitawngah ‘chh’ kan nei lo, Lusei a ‘ch’ hi Laitawng chuan ‘c’, Lusei a ‘chh’ hi Laitawng chuan ‘ch’.. Thu kan ziah ve chuan Fimkhur deuh ang u..
Report this comment
July 22nd, 2012 at 12:58 pm
Maw…Tialchhumpa (Tialsumpa)ti a ziah zawktur Lai P awitawng leh Laizo tawngah Chhum a awmlo Lusei tawnga Chhum kantih hi Laizo Lai leh Hmar in SUM anti entirnan hetah pawh Tusunah tihturah (chhun)irawn hmang leh a tunla i Mizo tawngin Vawi i’n hian tihna Jacka Pi i ti tha e.
Report this comment
July 22nd, 2012 at 1:18 pm
@Sihtea i hresual deuh nih hmel, chun chu awm chiang e, hmuldum saw hmulnak tih tur zawk nih hmel, Phawngpui huai chu Thlaceua anti emaw ka lo tia, hre sual nge maw ni le!!!
Report this comment
July 22nd, 2012 at 1:51 pm
Mr. Fanchun..Mizo Tawng hi Lusei tawng tih tawh suh..in Lai tawng kha in clan tawng ani..tuna ka type mek hi MIzo Tawng ani e
Report this comment
July 22nd, 2012 at 1:58 pm
lusei tawng chuan @elarpeea
Report this comment
July 22nd, 2012 at 2:04 pm
Mizo tawng han tih hian duhlian tawng (tuna ka hman mek) te, hmar, lai/pawi tawng etc hi a huam veka, a chhan chu mizo vek kan nih vangin.
Mahse tunlai hunah chuan clan bil or a chi bilin khaw hran hranah kan cheng hrang thluah tawh lova, Mizoram State ah mizo hnam hrang hrang leh chitin kan inchen pawlh tawha, chuvangin kan vaia kan inbiak pawh theihna tur ‘Duhlian’ tawng (tuna Mizo tawng ber anga kan sawi tak) hi a hmangtu kan tam ber avangin Mizo Official Language angin kan hmang ta a ni. Lusei tawng chauh ni awm taka sawi hi a fuh lo, a chhan chu duhlian tawng ah hian heng pawi/lai/hmar/mara etc lakluh kan ngah lutuk, tawng zawng zawng inbelhkhawm a ni ber mai. Tin hmanlai huna luseite pawh kha rawn tho leh se tuna kan tawng hman hi chu an hrethiam tlem ngawt ang, tunlai mila kan tihdanglam nasat tawh bakah hun kal zelin a tul anga a siam rem hret hret zel vang a ni.
PS: Phawngpui tlang hi 2004 khan kan kal tawh, Thlazuang kham khi a ropuiin a rapawm ngawt mai…Far Pak khi a nuam tawp bawk..
Report this comment
July 22nd, 2012 at 2:21 pm
Lusei/duhlian an hman hian Mizo Tawng hmusitna ah ka ngai tlat anih chu mawle!! Ka thin a rim tawp zel. Ka Mizo lutuk emaw ni..:)
Mizo tawng, lusei tawng han ti ngat ngat phei hi chu reh dak awrh awrh mai ania ka duh thin
Report this comment
July 22nd, 2012 at 2:46 pm
tutt.. hei pawh chu #$%^&*()
Report this comment
July 22nd, 2012 at 3:49 pm
‘South Lungpher’ tih ni se…
Lungpher khua hi mizoramah pahnih a awm – North leh South (thenkhat in an lo hriatpawlh tak in)
Report this comment
July 22nd, 2012 at 3:57 pm
eg: ‘Tuchhunah’ ti loin TUCHUNAH ti zawk tur.
Kan ‘chaah’ ti loin kan CAAH tih zawk tur.
LAI tawng hi duh duh dana siksawi tur a ni hleinem..
Report this comment
July 22nd, 2012 at 4:09 pm
A bengvarthlâk e… Rawn chhunzawm thuai teh
Report this comment
July 22nd, 2012 at 4:15 pm
Tawng chungchangah hi chuan Pawi(Lai) leh lusei tawng hi a in zul khawp mai ! Kan hlado leh tawng upa (Idioms)te pawh inang a awm nual…..mahse Lakher (Mara) nen hi chuan chhim leh hmar ang hlauh a ni, in chik ve emaw ?
Report this comment
July 22nd, 2012 at 4:23 pm
#22 A dik khawp in ka hria
Report this comment
July 22nd, 2012 at 5:11 pm
Sangau khua khi ramhuai biakna a, sangau atang khian am phuah an ti (lalpa tihna an ti ta em kha aw!!). Laldiheli pawh kha ramhuai lalnu hming atanga an phuah a ni e an tia…..den rem rem
Report this comment
July 22nd, 2012 at 5:19 pm
Ka han belh leh lawk, Lungpher South leh a chhehvel hi Khuafo tlangdung tih a ni thin a, Dokulha thlahte lalna hmun a ni. Tunhma chuan an tawng thu ah hian Mizoram an lo thlangtlak hma hian laitawng leh khuafo ( laitawng pengkhat) an hmang thin a. Mizoram an lo luh hnu Dawn vel a awn awm hnu hian Lusei lalte nen a inremna siamin saui an tan a. Buh leh bal an ngah avangin lusei hote chuan an hnen atangin pur a chaw thin a, chu chu buh lei tihna a ni. Hetianga an inhnaih tak em avang hian Dawn leh Cherhlun a an awmlai atang hian an tawng a lo danglam a, Lusei tawng tlem a lai deuhin thumal thenkhat khuafo atanga la bawkin an hmang ta a ni. Hmeichhe ho chuan khuafo chu la hman chhunzawm zelin pitar ho chuan tunthlengin an la hmang a. Mipa leh hmeichhe tawng hi danglam mahse la an inhre pawh vek tho a ni. He mi chung chang hi nakin ah ka lo la sawi zau deuh dawn nia.
Report this comment
July 22nd, 2012 at 5:33 pm
@1 Hmanlai Chin Hills a an awmlai chuan Khuazing/Khazohpa/ Pu Vana an be thin a. Mahse Helai Phawngpui Tlang bul an lo thlen hnu hian Tunhma a Khuazing an lo biak thin dan ang khan a tlang nei tu huai lalpa chu an be chhunzawm ta a ni.
@3 he thulakna ziaktu hi chuan an vulh tawh niin a sawi a, kum 1920 vel ah hi chuan an lo vulh tawh pawh nimahna.
@12 Laitawng ah hian CHH hmanna tur ah S an hmang ngai lo, HMAR tawng nen i hriatpawlh deuh nimai thei.
@20 He thu lakna hi an ziakna a rei deuh tawh avangin laitawng hawrawp an tawmpui lo niin a lang. Tin laitawng(halkha) hi an hunlai pawh khan an hmanglar em em lo a ni ang. Ceural ah Tlangchhan ho an lal a, Vawmbukah Zathang ho an lal thung. Amaherawh chu Chinzah lalte khan an thunun hneh viau niin a lang.
Report this comment
July 22nd, 2012 at 5:56 pm
#26 Lai/Pawi tawngah CHH a awm lo, i hriatpawlh palh zawk a ni mai thei.
Tin, Tialchhumpa leh Darkualpa an tih hian, Tialchhuma pa leh Darkuala pa tihna a ni.
Fapa an neih tawh chuan an fapa ipa ber te hming chawiin an inko tawh thin a ni.
Duhsaka’n fapa Lalremruata nei ta se, Pu duhsak tia ko tawh loin Remruatapa (remruatpa) tiin an ko tawh dawn anih chu.
Kan hre tlang tho ang a, hriat ve chhun2 ka lo sawi ve mai a ni e
Report this comment
July 22nd, 2012 at 6:03 pm
@27 i thusawi hi a dikna chen a awm thei ngei mai a, han ngaihtuah chian chuan amaherawh chu. Kristianna lo luh khan helai tlangdung hi Serkawn bial a nih avangin Chin Hills nen an intlawhpawh vak lo a. Hetih hun kum 1965 hmalam kha chuan laitawng ziaknan hian Mizo hawrawp an hmang thin, hei hi a dik tih a hriattheih. A AW B C D E F G NG H I J K L M N O P R S T Ṭ U V Z. A danglamna han en ila C leh CH ah chauh a ni tih kan hmu thei ang. Chin Hills Mission sap khan hawrawp siamnan hian Mizo alphabet alo en nasa hle ang tih a hriattheih.
Report this comment
July 22nd, 2012 at 6:35 pm
Bengvarthlak mang e
Report this comment
July 22nd, 2012 at 7:45 pm
han sawi zel teu, mahse tawng bil neih hi apawi miah lo a, Mizo te min ti ropuitu ani. Mahse in lak twngbil neih te hi a awm a, Rethei an awm a, Inla rethei vel deuh te hi an awm bwk a, hetiang hi chu ka phing hian a zo lo. mai mai
Report this comment
July 23rd, 2012 at 4:03 am
@convenanter “,Ka han belh leh lawk, Lungpher South leh a chhehvel hi Khuafo tlangdung tih a ni thin a, Dokulha thlahte lalna hmun a ni. Tunhma chuan an tawng thu ah hian Mizoram an lo thlangtlak hma hian laitawng leh khuafo ( laitawng pengkhat) an hmang thin a. Mizoram an lo luh hnu Dawn vel a awn awm hnu hian Lusei lalte nen a inremna siamin saui an tan a. Buh leh bal an ngah avangin lusei hote chuan an hnen atangin pur a chaw thin a, chu chu buh lei tihna a ni. Hetianga an inhnaih tak em avang hian Dawn leh Cherhlun a an awmlai atang hian an tawng a lo danglam a, Lusei tawng tlem a lai deuhin thumal thenkhat khuafo atanga la bawkin an hmang ta a ni. Hmeichhe ho chuan khuafo chu la hman chhunzawm zelin pitar ho chuan tunthlengin an la hmang a. Mipa leh hmeichhe tawng hi danglam mahse la an inhre pawh vek tho a ni. He mi chung chang hi nakin ah ka lo la sawi zau deuh dawn nia.”,
He Lai i ziah hi chu i pawlh deuh tlat hian ka hria “, Mizoram an lo luh hnu Dawn vel a awn awm hnu hian Lusei lalte nen a inremna siamin saui an tan a.”, “, Dawn Khua hi Chin Hills, Cherhlun chhak lawk ania Mizoram ani lo.
“,Hmeichhe ho chuan khuafo chu la hman chhunzawm zelin pitar ho chuan tunthlengin an la hmang a. Mipa leh hmeichhe tawng hi danglam mahse la an inhre pawh vek tho a ni. He mi chung chang hi nakin ah ka lo la sawi zau deuh dawn nia.”,
He mi i Sawi, Khuafo tawng i tiha hi “, Dawn”, khua tawng, mipa in Lushei/sei tawng lek lek an la hmang renga, “, Dawn”, nu cuan Lai tawng Original an hmang thung. Mah erawh chu hei hi in hriattawn sak vek ania. Lai tawng original hi kan la chawi nung em em ani.
Chin Hills lam leh heng Lawngtlai area Lai tawng hi tlem tlem in a dang deuh nan, leh kha zir ziahnan kan zaa kan hman theih tur a tan a siam CCAC, Chin Christian Association for Communication”, version, “, Hakha”, tawng Alphabet a siam a in zirtir leh zir hi ania, kan ziah leh thu leh hla te Lai tawnga kan ziah dawn chuan Lai Tawng ziahdan a ziah hi kan tihtur leh kan zir turah ka ngai. He mi kan sawivang hian misualdotcom ah rawn tih vak a Mizo duhlian tawng hmangte rilru natna tan a rawn ti ka ni lo ania.
In lo helh leh vak palh ange.
Report this comment