Tuingo khua ah lung satel mak

July 22nd, 2012 6:50 pm by kawlhawk

(A mak dangdai em mai, a nih ang angin ka rawn vawm lut tawp!)

By B. Zosangliana, Tahan

Tahan khawpui atanga KM 20 vel hlaa khaw nuam tak, Tuingo, ‘B’ Group-a awm Pu Zunglianvela chuan Satel mak tak mai a kawl a, ni tin mi thahnem takin an en thin. Lei tuma ente, thil mak a nih avanga ente, chanchinbua chhuah atana ente an ni nuk a, Pastor leh evangelist-te pawh an tel nual.

He Satel hi nunna nei Satel chu a ni lo na a, a kal sawn thei a, thlai, buh leh rannung a ei thei a ni. Satel pangngai ang chiahin a tial a, a dulah pawh a mawng leh a ke ni awma lang zia a nei.

Kum sarih kal ta khan; Kan Gyi khuaa U Htun Aung-a’n he lung Satel hi Bungchaung (Sakhangyi) luiah a chhar a, a danglam em avangin mak a ti a, a hawn ta a. Pu Zunglianvela hi Kan Gyi-ah in sain a inhlawh thin a, thil man to tak nia a hriat avangin Pu Vela chuan a hmuh veleh Ks. 5000/-a lei a dil a; mahse, an phal lo va. A ai sang deuhva lei te pawh a dil zel a, an phal chuang lo va. A dawnna man a tihsan deuh takah chuan 2012 February ni 23 khan Ks.100,000/-in a leisak ta a, a lei lai hian a chhartu hi a boral tawh nghe nghe.

He lung Satel hi buk 7.5 vela rit a ni a, a phêk hlai lai bera tehin inch 11 a ni a, a sânna lai ber pawh inch 5.5 a ni. A thang chak ve hle a, an chhar hlim aiin a lian zawk fe tawh a ni. Nunna nei angin a chêt sawn theih leh theih loh a neitupa hian a chhin a, tui inch 2 vela chhah dahna bêl darah a dah a, a hmalam leh a sir lamah inch 1.5 zetin a tawlh sawn a, sangha an dah chu a mei leh a rilte a lo ei a, kuangkuah hnah an dah pawh hîp betin a lo ei thin a ni tih a hmuna enfiah; Zo Rûn palaite chu Pu Vela hian a lo hrilh a ni. Lung Satel hi a e ve thin a, a êk chu a rimchhe hle a, a khât tâwkin tui an thlâksak reng thu a sawi bawk. Chengkawl pawh bêl chhungah chuan a dah a, nung reng siin a che sawn thei reng reng lo.

A mak leh em emna pakhat chu; ni saa an dah pawhin tuia dah ang maiin a vawt thlur reng a ni. A tiapui lung chu hetiang hian a rit thei lo tih chu mi pangngai tan chuan hai rual a ni lo. Pu Vela sawi dan chuan he lung Satel hian hlutna riau a nei a, diamond emaw, rangkachak emaw a tichhuak (ei chhuak) theia ngaih a ni. Lung lam chinchang hria mi eng emaw zatin an en tawh a, Mandalay-ah keng thlain Kachin-a mi hausa pakhat pawhin a ensak tawh a, cheng nuai 5000-a lei a duh na a, an state-ah buaina a chhuah avangin a leisak thei ta lo niin a sawi. Tahan-a pa pakhat pawhin nuai 200-a lei a dil a; mahse, a phal rih lo niin a insawi bawk. Chhiar chhunzawm duh tan — www.zoin.info/

66 Responses to “Tuingo khua ah lung satel mak”

Pages: « 1 [2] Show All

51
kawlhawk Says:
July 23rd, 2012 at 12:21 am
47
Charice_mizo Says:
July 22nd, 2012 at 11:37 pm

#45 Awke sawi takah chuan hmanah thingtlang khaw pakhat kan zinnaah an biakin sak lai mekah hian kan inkhawma, awke kha alo awm anih kha, lal biakna kan sawi tan chiah, “Kan pa..” kan tih veleh khan “awke..” alo ti duta, “Vana mi…awke” alo ti leh mai chu insum a har duh asin aw..

hahaha… min tinui pha ve tlat

Report this comment
52
Charice_mizo Says:
July 23rd, 2012 at 12:27 am
CCtea….muah! pichiu

Report this comment
53
kawlhawk Says:
July 23rd, 2012 at 12:30 am
heyh… misualho tawmkuk-ah lo inmuah su… :pil bo nghal:

Report this comment
54
VaiVa Says:
July 23rd, 2012 at 12:33 am
Awk e sawi chuan Kawlhawk pawh a rawn thlawk duai duai mai a lawm! Engpawh nise, misual awih an awm ka ring lo. Khi tiang kan awih duh tlat lo khi kan sualna lai tak a ni

Report this comment
55
century child Says:
July 23rd, 2012 at 12:45 am
@Charice muah back
Zanin chu ka mut a tui leh sawt dawn a nih hi

Report this comment
56
lrpa Says:
July 23rd, 2012 at 1:35 am
‘a dulah pawh a mawng…’ satel hian a dulah mawng a nei ani maw , satel dul!!! a chhuat, satel floor

Report this comment
57
chhana Says:
July 23rd, 2012 at 3:15 am
Mak ve aw.

Report this comment
58
sheldon Says:
July 23rd, 2012 at 7:39 am
Tukchhuah nuam vek u le

Report this comment
59
Awmtea Khiangte Says:
July 23rd, 2012 at 7:44 am
Tuk chhuah nuam u le

A va mak tak ve maw le, ka van hmu ve chak e

Report this comment
60
Lamji Says:
July 23rd, 2012 at 7:57 am
He satel hi Ninja Turtle tura an train,camp atanga tlanbo anih hi. A kawr awm kha zen rawh u,ralthuam a pai teuh ang!

Report this comment
61
Sihtea Says:
July 23rd, 2012 at 8:01 am
a thlalak tepawp rawn tarlan lawlaw awm che u enve tepawh achakawm ve alawm.

Report this comment
62
bbney Says:
July 23rd, 2012 at 10:53 am
A mak hle mai a. #61. A thlalak chu a tawpah a awm khi.
Kei ni ila, nuai 200 a ka hralh phal dawn tehreng nen leh

Report this comment
63
Chhuaklinga Says:
July 23rd, 2012 at 11:53 am
Nuai 200 chu nei ila khitiang mai mai chu ka lei lo tawp ang, hahaha. A live a hmuh ve chu a chakawm phian.

tren tren

Report this comment
64
Terema Chhakchhuak Says:
July 23rd, 2012 at 12:57 pm
He thil hi chu ka awih lem lo, lunghlu chanchin bik khi a nia ka tih! Mahse mak ve mai mai chu tuikep pawh hian pearl an hmuam ve tho mai, pearl kha a rawn insiam ve thei tlat.

Report this comment
65
Jacka Pi Says:
July 24th, 2012 at 1:20 am
Thil ei thei,e thei, che sawn thei,thang thei….a nung a ni mai alawm maw le. :-O. Mahni a chesawn theilo, thlai mahin nunna an neih chuan nunna nei lo tih tur chu em ni dawn?

Report this comment
66
ahooma_ Says:
August 3rd, 2012 at 5:00 pm
A va mak awm ve.

Report this comment