A hmun taka cheng ka nih loh avangin ka sawi fiah kilh kelh thei lova. Kar kalta zirtawpni zan atanga intan niin a lang. Bodoland People’s front (BPF) thawk thenkhat thah an nih kha Muslim ho (Assam ah chuan muslim an han tih deuh kher hi chu Bangladesh a tanga lo pem chho ho hi anni deuh berin a lang) tih anih rin avanga Bodo ho leh Muslim ho buaina hi hluar chho ta zel anih hmel. A hrechiang zawk te’n inhrilh hriat belh ta ila.
He thil thleng hi thil inup lianpui lo puakdarh ta ah kei chuan ka ngai deuh mai a. A chhan chu Bodo ho hi kan hriat theuh angin Bodoland state sual char char ve tho anni a, an zirlai pawlte phei chuan Assam hi 50-50 a then hial duh khawpin khawlaiah poster te tar in bang ah te an ziak rang riai ruai thin ani tih chu Bodoland Territorial Council (BTC) huam chhung kal tawh te chuan kan hriat theuh ka ring. Chibinga awm tih takah mizo te leh hmarchhak hnam dang te ang bawkin inkulh hran an duh ve em em ni pawhin a lang.
Tun tuma buaina chhuak a lehlam pawl te hi han thlir ila Muslim ho hi Assam ah hrim hrim hian ngainat an hlawh lemlo hle tih tam tak chuan kan hriat vek ka ring bawk a. Indian muslim pangngai (A hlawm a khua khua a awm lo, lungi veng fer fur ni lem lo) ho hi chu va en hran vak pawh an niin a lang hran lo.
Tuna buaina ah pawh hian Bodo ho (tribal khawchhak lam hmelpu ve tho te) pawh hian va tihbuai taka an neihna chhan chu engpawh nise, heng Muslim an han tih bik ho hi huaisar khawpin an lo lian ve hman tawh tih chu a chiang ta reng a ni.
Tin, tunah hian Assam chhunga tribal hnam tho Karbi ho pawh Autonomous district council te an neiin, inkulh hran an chak em em ve thova. Bodo ho ang tho hian hnamdang in an chiahpiah tan ve mek a, nikum Karbi Anglong district chhung a kan vah kual tum khan Kheroni ah phei chuan tun hnai maia lo pem lut ni si Bihari (an ti maia Muslim pawh ni chuang lo) ho khaw lian ve tak hi a lo awm reng mai a. Buaina an tawh hlek tawh chuan identity nei tham a lian an nih tawh avangin engtia tih hleih theih anni tawh der lo.
Va sawi vak dawn chuan a thui lutuk palh ange. He ka thil rawn sawi, Bodo ho leh Karbi ho (hnam lian ve pangngai deuh) harsatna atang hian keini Mizo te leh kan Mizoram dinhmun ka ngaihtuah chhuah phah ta daih a. Mizo te hi heti lam kawngah hi chuan kan vanneih zia ka hre chiang ta tulh tulh mai ani.
Tin, tuna kan chhehvel hi han ngaihtuah ila, Bodo ho tihbuai ang ho tho hi an ni si a, tin, India rama a nawlpui leh a ruk taka an buaipui em em leh hnawk an tih ruk, Bihari ho (ti mai ang, pawi lo turah dah mai ang) inkulh nghet kan la nei ve lo te hi tunah rih chuan a thawven thlak a. Amaherawhchu, kan vanneihzia hi inhre chiang in, ram leh hnam humhalh a pawimawh zia hrechiang tlang ila, siam that theih tawh loh buaina te hi kan tawk ve palh ang tih te hi a hlauhthawn awm hle in ka hre thin.
Tin, a tawp berah chuan Assam hnuaiah district pakhat in la awm ve ta ila, heng ho chan tur ang tho hi kan chan tur a ni ve thei ang em le? Tin, Mizo te hi a hnam ang chuan minority kan la ni bawk si a, ILP te hi nei lo ta ila, kan chan tur chu a dang chuang bik vak hian ka ring lo. Ka rawn ziak thui viau a, tunlai NE lam chanchinbu a news langsar ber pawl chungchang atang hian ka ngaihtuahna ka rawn thai tial ve a ni e.
Similar Posts:
- Fimkhur a tul (Breaking news lutuk lo, ni ve si)
- Indo ta se tunge chak ber ang aw?
- Mizo Nationalism leh Indian Nationalism Indona!!!
- Tùanthu
- Lo Maw?
Mr Duhlova...
ka chhiar chak hle...
July 25th, 2012 at 5:27 pm
A bengvarthlâk e.
MNF-ho zalenna sual zar kan zo ve a, hetah hi chuan MNF-ho hian fak an phu takzet. (Assam district pakhat kan ni tawh lo hi)
Congress firfiak tan lo chuan lawmna tur ngei ngei chi a ni.
Mahsé siam ṭhat theih tawh loh buaina chu kan tawk ve reng tawh a ni lo’m ni? Chakma Autonomous District Council saw buaina tlingah i ngai ve lo em ni? ka han ti hräm teh ang.
Report this comment
July 25th, 2012 at 5:36 pm
Arakan lam mi, vailen lai pawh a an lal-in Sap ho Mizo lalte lo dopui tu, Chakma te Autonomous district Mizoram chhungah kan pe hi chu a pawi ka ti takzet. Ve tawp mai a.
Tun anga kan ngaihsam reng chuan Mizote chu Tripura ang khu kan la ni ngeiin ka ring. A huam zau zawnga entirna pek dawn chuan USA a native American (shawnee etc) ho ang vel hian kan la mang deuh thaw tur a nia.
Report this comment
July 25th, 2012 at 5:54 pm
harh thar kan mamawh
Report this comment
July 25th, 2012 at 6:05 pm
Report this comment
July 25th, 2012 at 6:06 pm
Tha lutuk e, i idea rawn vawrh chhuah hi…Mizoram kan nei hi chu kan vannei thlawt alawm, mahse theihtawpa kan venhim loh chuan chimral chiah hi kan hmabak a ni..
Report this comment
July 25th, 2012 at 6:07 pm
https://articles.timesofindia.i.....-districts
News link pakhat khi ka dahtel ve ngei khan ka hre sia, preview ah khan a lang lo ka ti reng a.
@1#, nia CADC lam saw engtia lo theihnghilh daih thei nge ka nih pawh ka inhre bik lo. Nia, i sawi takah chuan khuarei ah he kan ralmuanna hi sawi theih a ni bik lo tlat.
Report this comment
July 25th, 2012 at 6:20 pm
#6 pangpui i eltliak a, zualbona chuan herhse a ṭhialsawm vek a sin hairehai
Report this comment
July 25th, 2012 at 6:21 pm
bodo ho hi chaw chu ei thei ve tak an ni, an thlengah vum thurin hmun ruak awm lo in an inkhawrh a, mahse an la inkhawrh belh leh tho.. district annei ve tawh em aw, an tam ve sia; mahse thil ropui ti thei an vang a nih hmel..
bihari bihari hi kan tia, mahse india ah hian Doctor thiam2 leh civil services ah hian an tam khawp mai!!
Report this comment
July 25th, 2012 at 6:40 pm
Ni chiah e, hnam dangho pawh hian chimral an ni tih an inhre miah lo
. An hnam zia emaw an ti ve hmiah, mi kara inzeh ve pheuh pheuh hi 
Hetiang chiah hi kan la ni dawn a, tünah pawh hian kan ni deuh reng tawh a, kan la changkan tâwk loh avangin min la rawn luhchilh duh lo mai mai. An thei lo ni lovin an duh lo mai mai a ni. A rawn lût chhun chu hnathawkho an la ni rih.
Chimral kan ni tih inhre miah lovin, zawi awiin, thlamuang takin kan la ral dawn khawp
Report this comment
July 25th, 2012 at 7:37 pm
@#7 H.V Vangchhia, thawnthu ah kha chuan Pangpuielhtliaka khan Pangpui pa pawm tia zet tiang atana a hman pawh khan a elh tliah zel avangin, kahpathir an siam saka, chu pawh chu a la hawl kur zak zak thei tho asin.. hehehe
@#8 drake, Bodo ho chu chanchin ka hre tam vak lo, mahse vau pung an ti na ve mai niin ka hria (Mizo tam tak angin). Tin, Bihari ho i sawi kha a dik chiah, an lehkhathiam ten an tum ber chu Central service kan tih mai hi ni in ka hria. Kan zirlai ve a kan institute a kan director (IFS) pawh Bihari tho a nia, a fapa chuan IAS nih tumin a bei fat fat reng, chawm hlawm nih ai chuan hna dang thawk thei reng a ni, mahse engmah a thawk lo, tlin tumin a bei ngar ngar reng mai (a la tling rih lo phawt chu ania, a palian si, a hmel a naupang tawh si lo, chawmhlawm ringawt tih mai chu awlsam tak ani). Chumi chung chang a hnamdang ho sawi ve naah pawh Bihari dan alawm an ti mai.
@#9 Houdini, desperate measures in desperate times a lo thlen loh nan hian tun atang hian kan harh tawh sa hi harh nawn thar fo hi chu a ngai ani e.
Report this comment
July 25th, 2012 at 11:07 pm
i thu rawn post chu a tha hle mai. Ngaihtuahna a kal thuiin Ram leh Hnam humhim a pawimawhzia hi ka hriat tlan theuh a pawimawh hle mai.
Report this comment
July 26th, 2012 at 12:44 am
Khua an chhuahsan ruih ruih mai sia a zialo hle mai. Ni e,mahni pianna khua ngei te hi rel chungah chuangin kan la tlanchhiat san ve ang tih a hlauhawm khawp mai.
Harh a hun.
Report this comment
July 26th, 2012 at 1:10 am
Ngahtuah thui hle mai.
Report this comment
July 26th, 2012 at 1:38 am
Pangpuielhtliaka #10 Zualbona chuan a ṭhial sawm vek ang chutiang mai mai
hairehai. Khawnge a mah roh hi mawle, a reh riau mai 
Report this comment
July 26th, 2012 at 2:23 pm
Chimral ngawt lo ang..
Report this comment
July 26th, 2012 at 6:24 pm
He buaina hi chu a manganthlak zawng a ni e
Report this comment
July 26th, 2012 at 7:02 pm
Chi leh chi, hnam leh hnam, ram leh ram…..Politics vang mai a ni. Khawvel hi kan zavai tan hian a zau tawk a sin maw le !
Mi ramah eizawnna avangin kan awm duh a, in leh lo te pawh kan beng bela, midangte pawhin zalenna nei ve tih te hi hriat nawn fo a tha awm e. Chim ral leh ral loh chu “Chunglam” thu a ni e.
Assam chungchangah hi chuan a lal lai ho hian midang bu khuar sa hi thiah darh an rilruk mai mai te a ni thei em?
Report this comment
July 26th, 2012 at 7:22 pm
@#17… Assam ho buaina anih zia ka han sawi chhuah chhan tak chu, kum 1 leh a chanve assam a hna ka thawh tawhna ah hian tih theih nei si lovin, Muslim ho an nin zia leh sual an tihzia thu hi ka hre hnem em atin ni. An dinhmun chu ka hrethiam, A Bodo leh eng hnam pawh ni rawhse, Muslim (Bangladesh immigrant) ho hi chu an ning ve thawkhat a,kan ram angin tih theih awm ve tawh hek lo, keini chu tih theih kan la nei tal a. Chuvanga sawi ve zawk chu ka nia.
Dik taka sawi chuan Guwahati dah tha in, a nawlpui hi chuan Assamese awmzia hi chu an hre ve khawp asin.
Report this comment
July 26th, 2012 at 7:27 pm
#18, Tih theih chu awm e…pem lut ho hi tute tan vote bank tha lutuk a nia, Kan PM thleng hian an vote hlu tak vanga India ram lu ber ni thei an nih hi tu’n an hai hlei nem. Tunah pawh hian tute bu khuar nghet lutuk hi politics hmangin an bei te pawh a tih theih mai loh maw? Tunah pawh hian tan la se, an la tlai chuang lovang. Tlai vek tawha an inhriatna te pawh hi politics rah pakhat chu a ni ve tho lo maw ?
Report this comment
July 26th, 2012 at 7:29 pm
Guwahati dah tha in ka han tih kher nachhan kha ka sawi lova. Hetia Assam a hna ka thawh tantirh lai vela “Oh(kh)omia” ka la thiam loh lai khan, ka kalna hmun apiang ah Guwahati atanga lo kal ka ni em tih min zawt thin. A chhan enge? An state “Assam” khawpui Guwahati (Dispur) hi eng angin nge an ngaih tih zawk daih kha ani. Mitin mitang awmna ah an ngai. Chutiang ang bawk chuan engtikah emaw chuan vai pawh, sap pawh, engmi pawh nise, kan zoram thingtlang khua ami te chuan Aizawl atanga lo kal anni nge ni lo an hre dawn tawh tlat lo alawm mawle…. ngaihtuahna thui belh zel….
Report this comment
July 26th, 2012 at 7:42 pm
@#19.. ka han sawi belh leh talh duh chu… thil tih theih an la nei nih pawhin “PREVENTION IS BETTER THAN CURE” tih a CURE bak kha tih theih an nei tawh lo mai thei. Keini chuan PREVENTION kha kan la ti thei ang tih ngaihdan ka neih vang a nia. District dang chanchin zawng2 chu ka hre lo, lower Assam ah chuan khang ka sawi ho in an dominate na tih chu kan hria ang. Upper Assam thleng thleng hian bu an khuar zel, District dang leh BTC lam chu thuhran lo nise, Nagaon District a a hlawma an tama an tam tawh zia mai chu. Politics avanga inkhuar nghet thei annih phei chuan a siamthatna hna chu buaithlak ve khawp ang le.
Chumi avang tak chuan ania ka tih.
CADC lam pawh politics lam avanga nei thei an nia, tih theih kan neih der tawh loh hi (desperate taka unethical leh inhumane measures anih loh chuan)
Report this comment
July 26th, 2012 at 7:51 pm
Mi an thuhmun fo lo ang hian kan ngaihtuahna pawh a inang lo hlawm viau ang….misual.commer zingah pawh hian, “Van Lal nau ang a tahna Kalvari-ah an dang chuang lo ve,” tih duh pawl chu kan awm ve hrim hrim chuan ka ring.
Global Village hi enge maw kan ngaih dan le…Mosolman ho hi tel ve lo se te kan ti deuh em :Vuak hot kan tum teh ang:
Report this comment
July 26th, 2012 at 8:11 pm
Muslim ho ka huat vang emaw in lo tia nge. Kan Aizawl, Mizoramah te chuan kan mamawh lutuk (Cement Mistiri ah). Huat duh chuan tumkhat chu highway ah muslim ho khua (Assam thoah) bulah ka thiam loh ni miah lovin kel ka chil tawh. Ka thiamna vek, mahse kel man ka chawi tho. Hindu ho khuaah pawh ani mai thei. Mahse, ka vai thiante chuan anih loh tur thu min hrilh vek (tak tak ni maw). Mahse a muslim zawngin ka generalise lo ania aw. Bangladesh immigrant zawngin, India a hlawkna chiah duh, India tana hma ngai lo lutuk, ram leh hnam(Indian) ni lova religion chauh (Muslim)tana hma ngai ho hi chu ka haw ve hran pa hrim hrim. India original ho hi chu kan dang zak zak mai ania eng sakhua pawh ni rawhse….
Report this comment
July 26th, 2012 at 9:03 pm
bodo ho chuan um chhuak vek se ka ti…
Report this comment
July 26th, 2012 at 9:09 pm
bodo ho chuan um chhuak vek se kava ti ve. An che na mah mah ka ti thin. keichuan ka hua.Hetiang firfiak lo pawh firfiak ru tlat muslim ho hi. Muslim in lo awm pawn in lo awm ani mai.
Report this comment