mi(sual).com

Ni 31st(Thursday) May, 2012 tlai lam ah chuan KṬP(Ni 1-3) meet kan hmanna tur khua lama kal tur chuan kan inbuatsaih a, dar 11am vela kal tura kan inti kha a ni a, mahse ruah a sur nilen ṭhak avangin kan kal dawn nge dawn lo tih kan inngaihtuah buai nasa khawp mai, kawng ṭhalo nen kan tang reng anga, kal tlang thei lovin kan let leh mai lo maw tih rilruah a awm tlat mai.

Mahse tlai dar 4pm velah chuan kal chu hotuten an ti thlu ta nge nge a, ka mamawh tur zaipawl form te ka hawh a, chawlhni kekawr ṭha hak tur pawh kalo nei miah lova, ka hawh chawp bawk a, ka thawmhnaw chu bag pakhatah ka khung khawm leng vek a, a ṭul leh kan in nawr mai ang chu tih rilru pu ranin kan chhuak ve ta rawih a, kan kalna tur khua hi an kawng metal road anih loh avangin kawng a nal a, huphurh awm tak chu a ni.

Motor-ah chuan duh duh thlan ve tur awm hek lo, khua a Bus awm chhun lah lehlam kohhranin an hmang bawk si a, kan branch Leader te 407 chu kan hmang a, AC vek a lawm tiin kan inti thei letling phian a, ruah ala tlak cherh cherh avangin silpaulin kan keng nghal a, a ṭul leh kan zar tawh mai a ni. Ṭhutna avang dawn em mai an tia hruaituten kohhran ṭhut thleng i hawh mai ang an tia, ṭhutthleng pali kan rem a, tah chuan kan leng vek a, kan zinkawng zawh tur chuan kan han ṭhu ve ta, a dup nuam lemlo khawp mai.

Kan tlan chhuak a, daiah Ṭawngṭaina te neiin kan inhlan a, kan tum ram lam pan chuan kan tlan ta vuk vuk maile, mobile phone te chu kan nei ve fer fur hlawm a, earphone kan vuah bawk a, eng hla tak chu ngai thla hlawm maw? kei chuan inti changkang fahranin A7X hla ‘Sieze the day, Warmness on the soul’ tih vel chu KṬP rawngbawl tur e ti lo chuan ka ngaithla ta dup dup mai a, zinkawng tum tawi nan chuan ṭha ve viau chuan ka hria.

Kan tlan zela tluang takin, peng kan thleng ta, metal road lo chin, thin chu phu reng mahse chu mi kawng chin chu a phut dan a dang ta zar maile, kan hma a kal ten anlo chil phuailuai vek tawh a, driver tan pawh zawh bik tur thlan a har tawh khawp ang, chu a chhapah khua in min thim hnan leh ta dah a. Hmalam en pah ran chuan lungdam lo zet chuan ka chuang ve ran mai, ka sap hla ngaihthlak chuam min thlamuan lo tak zet, a bengcheng ru riau mai ka off hmak, kan CM zahawm takin pakhatin kan ram kawng chu rulngan pa ang zar a ni ang a tihte kha rilruah alo lang chuai chuai a, rulngan pa ang lo deuh rulngan pa in lip na hnu ang main a ṭi ṭoh/ barchuar vek ni mai hian ka hria.

Tluangte chuan kan kal ve zel a, engtikah nge kan innawr dawn tiin kan ngai chang ṭhap mai a, kan zinga then khat te chu kan tan ring sa in KTP meet hmang tur e tilovin, Burma boot (hunter) nen an in bun thlap hlawm bawk a, kan kal zel a, kawi khat kan kal tlang thei ta hauh lo, kan motor chuan kawng thlang lam a hawi ta vu maile, a ke in khawilam nge a hawi ka hmu thei ta silo, kan tlan liam thla puat mai dawn nih hi ka tia, motor tlang chu theih pa tawpin ka vuan ve a, ka ṭang ngei mai. Mahse kan vanneih a siamin kan kal ve leh thei mai. Kan tlan zela, kawng chhiat nen kan lam hawiin motor a rawn tlan, kan intawh chilh angai ta tlat mai, kawng sirah alo ding a, kan pel tur chu kan motor a vu chur chur a, a kal theita hauh lo mai, motor ke vir vut vut si, kal bawk silo, enge kan tih tak angle, mipa ho zawng chhuh angai tih chu puan kher angai lo, kan zuang thla sang sang a, khawl chakna belhchhah tur chuan a rem remah kan nawr ta, khawl in a tih theih bak mihringin alo ti thei chiang tih te chu ka ngaihtuah ngailo, mahse kan tum ram kan thlen hmain ka hriat belh leh ta pang mai, hlawkna ka hmuh belh phawt a, midang ho hian an ngaihtuah ve em ka hre lo.

Kan kalna hmun tur kan thlen hma a khua awm chu tluang takin kan thleng ta phawt a, thaw chu aveng sawng sawng ṭep, mahse chu khua kan thlen theihna aia hla kan kal ala ngai tlat tih ka hriat kar avangin kan zin kawng chu ala ngaihṭhat thlak chuang lo, a tawizawngin sawi tawh mai ang, vawikhat mah kan tang tawh lova, mahse tlem tlem a slip na chu kan tawng ṭeuh, zan dar 7 pelh hret ah kan lut ve a, inkhawm pawh kan nang hman lo, chaw ei loin ṭhenkhatin min lo hmuak ṭhap a, an fak awm khawp mai. Min sem darh sang sang a, khawṭhenawm a kan * ve deuh te kha an kal ve angem tih te chu rilru chuan a ngaihtuah neuh neuh a, mahse khaw chhia nen, mi thlen ruala thleng lo nen, he khua hi vawi 2 kal na chauh a ni a, ka kal hmasak lah kum 10 liam hnu ami daih a ni tawh si, khaw awm dan ka hre lo bawk nen, chaw ei a, intih faia mut mai loh chu tih tur avang ta khawp mai.

Kan thleng fuh dawn nge dawn lo pawh kan hre lo, min dah tu ten min dah lut tawp a, kan in sawi zung zung a, khual chhuah chuan enge kan hmeh dawn tih kha kan rilru ber a ni fo a, rap kan en hmasa ber a, aw vawksa alo in rep phawt mai, chau viau mah ila kan veng leh ta sawng sawng mai. Mi khual neih an lo in ring lo nen chaw min lo chhum kep hauh lo mai, ril a ṭam tawh bawk si a, mahni in lam kan ngai ru ta khawp mai. Chaw an han chum a, in lama kan tawng ngai loh Mizo Artui ngei mai kha min han chum sak a nih chu mawle, ka van lawm tak, rawngbawl hi chu alo nuam dawn khawp a nih hi kati ta neuh neuh a. Zan chu tui takin kan mu ta, mumang pawh bo ṭhak khawpin kan mu anih kha.

A tuk zing (Inrinni) khua alo var a, ruah atla reng bawk a, hemi ni hi outdoor game a intih hlimna neih tura tih a ni a, khaw chhia nen kan ṭhulh mai awm mange kan tih lain Bial hruaituten an thluak an han sawr leh a, Sunday school Hall chhungah tih mai tur an tia an han au leh ta a, ruah han chuh in dawrah eng emaw lei turin kan chhuak ve a, ṭhian te thlenna te kan zawng kual a, chaw ei hunah rilṭam em em in kan hawng a, enge kan tih hmasak ber ele rap chunga sa in rep kha kan melh hmasa ber mawle, angai ngaiin alo la in rep tlat mai, chaw kan ei a, thlai rah hlir mai kha kan hmeh a, sa rep en pah reng chungin nileng daih tur chaw chu kan ei ve mai, inti polite takin ka puar hle mai te chu kan hanti thla ve leh a.

Ruah tla cherh cherh hnuaiah kan programme ang ang chu kan ṭan ta, outdoor item tur vete chu khaw chhiat avangin In chhung (indoor) ah kan ti ta, outdoor item indoor a tih ka vawi khat hriatna a ni leh ta pang mai, GK a zua belh leh ta. Bible race te, bottle race te leh adt. Thilmak ka hriat ngai loh pakhat a thleng leh ta, hruipawh tur hun a thleng a, a thlengtu lamin hmanrua an rawn la a, hrui nilovin pipe an rawn keng lut leh ta tlat mai. Kan phawk deuh hru hlawmin ka hria. Hruipawh ti lovin pipe pawh ti se chuan a mak vak lo tur. Tlemin khua a rawn eng a, volleyball leh dead ball chu field lamah tih tur an tia, kan in suan chhuak leh a, kan tih ve theih ala awm chuang lo kan tia thlenin lam kan pan leh a. Tlai chaw kan ei leh ta vawksa rep mawlh kha, aw tun chu alan dan adang ta kan tia, an siam tawh niang tiin ka thlen puipa nen chuan kan ngaih a ṭha tawh khawp mai. Kan chaw hmeh thlengah chuan bawkbawn bai leh sawhthing zai lep, bepui tlak zawng a awm leh ta, ani an sa rep kha a hawi zawng anlo thlak mai mai lo niin, kan in melh hrek hrek a, vawksa rep melh pah ranin kham khawp chu kan ngah ve leh mai. Rilru in mahni in lamah pawh engmah kan hmeh ngai hlei nem, mikhual nih vanga ei ṭha ringawt ei tur kan ni chuang hlei nem tiin kan in hnem mawlh mawlh mai a ni.

Chhun lamah kan mi hmuh hual te thlenna kan hre bawk nen inkhawm ban thuai thuai kha kan chak zek zek tawh a, kan inkhawm ban velah kan thawmhnaw te kan thlak a, kan leng chhuak veta a, khawṭhenawm nula te pawh khan minlo ngai ru ve hle tawh alo ni a, khawvawt nen tap lam kan chuh vat a, an ni thlenna chu vawk sarep mai a nilo, sakhi sa an lo rep tuarh mai nih chu, ṭhianpa in kan ru haw mai dawn mawni atia, kan thlenna chanchin te kan sawi hova kan hlim dar dar khawp mai, eng thu ho mai mai emaw kan sawi fe hnu chuan haw a hun ta, kan hawng a kan mutmu chu kan tuah ve leh ta.

Chawlhni zing anita, kan sa rep chu a awm tawh lo ngei mai, kan phur ru tawh khawp mai, sana a kal muang bik riau hian a hriat a, ril a ṭam bik hle mai nidang ai chuan, chaw ei a han hun a, ṭawngṭaina ka ṭhian pa in a neih hnu chuan an nula te chuan chaw ei an siamta a, kan thlen tirh aṭang a kan rilru ngaihtuahna luah ber tu vawksa rep ei tur chuan kan in peih tawh khawp mai, kan ei ṭan tihah pa pakhat alo dak zawk a, ‘vawksa man kha in nei em?’ a rawn ti, ani kan thlenna te khan a ba in anlo la niin, an neih loh thu a han sawi mai chuh, ei pawh in thlahrun awm tak a ni. Kan thlai rah hmeh ai mah khan kan ei tlem awm asin, fuh lo cher cher.

In khawm turin kan insiam a, zaipawl in tihsiakna te, solo te, kan nei a, chhun hun awlah tute emawni nen khan khawdaiah te kan leng a, nileng chu kan tling tla ve leh a, zan hun kan hmang a, inkhawmban lamah fellowship te kan hmanga tute emawni nen hun thawl hman a chak awm tawh teh reng nen peihlo leh rilru lut lo zetin zan dar 11 leh a chanve thleng kan hmang a, len khawtlai na hun anih tawh loh teh lul nen, an ṭawngkam tha bawh zuiin zanlai pelh thleng rak chu kan meng leh a, a tuk zing dar 5 vela mahni khawlam pan tur kan nih hre rengin am takin kan hun te chu kan hmang ve a, engemaw in tek rek awm lovin KTP kan nih hre rengin kan hun tawp chu ṭhian hovin kan thlah liam ta a ni.

Zingkhua var velah mahni khaw lam panin kan in ṭhen darh leh ta a, lung chu a leng ve khawp mai, a PATHIAN thu lam chu han hawn pui tur avang khawp mai. Khua te a ziaawm avangin kan haw kawng pawh a diak tawh lova, thlamuang takin 407 hnungah chuan kan insawh haw ve leh lawp lawp a, kal lama A7X hla a awmzia hre mang lova kan kur pui dup te kha rilru ah a awm tawh lova, kan mizo zai thiam ten, ‘In tawng leh ngei ang aw’ tih te, ‘Khua hmun loh D’..adt tih an sak te chuan min hneh ta em em zawk a ni. Kawngtluanin kan hun hman te ka ngaih tuah neuh neuh a, ka hlawk pui nate kan chhut a, rawngbawla chhuah ve hi a zawng chhang tlak em tih te ka ngaih tuah a, ka ngaih em em hian min ngai ve angem? Ka rilru a kal ding viau lai chuan kan khua kan lo thleng der mai. A eng pawh chu nise KṬP meet ka hmang chu ka hlawk pui ve hrim hrim e.

Similar Posts:

• Bawng Vulh Maw!?
• Shimla daifim leh Delhi vaivut
• Think globally, act locally!
• Ka Mittui A Tla Hial..
• Vangtlang lamah aw!

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Saturday, July 28th, 2012 at 1:00 pm and is filed under Religion. You can follow any responses to this entry through the RSS 2.0 feed. You can leave a response, or trackback from your own site.