Tunkum Olympic (Summer Olympic) ṭan ani ta a, mittlai tak a thlir tur a tam leh ta hle mai. Hetih hun hi khawvel ram hrang hrang te indo lo leh innghirngho lova an kal-khawm theih hun a ni a a hlu viau. Ram hrang hrang hruaitu te kum 2 dan a SAFEX a an kalkhawm, an ralthuam inlei sak a, a leitu te’n a lei sak a te kahna tur pawh a ni thei ang kha a ni ve hauhlo.In-tihlumna lam tel lova ram leh ram inelna hun a ni ṭhin.
Olympic alo thlen hian mi tam takin a hma lam a theiberte thil tih chu khum tumin khum pawh an tam ṭhin viau. Chutih hunah chuan tuarchhel, zelthel lo, thiam bikte chu an chungchuang ṭhin a, chawimawina tangkapui an dawn bakah khawvel ngaihsan an hlawhin hriat reng an ni tawh ṭhin.
Olympic ah hian Michael Phelps (maikal felps) ang a tangkapui (medal) dawng hnem an la awm ngailo. Tuichen lam a inelna a a tel tawh reng rengin, kum 15 anih a ṭang tawh khan tangkapui dawng lovin ala haw ngailova, rangkachak tangkapui 14 bakah dar tangkapui 2 a hawn tawh a ni. Kum 2008, Beijing Olympic-ah phei kha chuan a hmingṭha lehzual em em a, khami ṭum khan tangkapui 8 teh meuh a hui anih kha. Michael Phelps hian world record 5 a siam tawh bakah, ṭangrual-in (team) a dang 2 an siam tawh bawk.
Michael Phelps hian record a siamna pakhat chu meter 400 IM (individual medley) ah a ni a, chumi ṭum (2008) chuan a mah hnaihber tu, Ryan Lochte (Rai-an Lawkte) chu sekhawn 1 pawh tling lovin a hneh nghe nghe.
Ryan Lochte chuan leh, “tih leh hun chu ka chak hun a ni tawh ang,” tihna rilru pu ranin chawl lovin Olympic awm leh hma chu nasa takin a inzir a, a insawizawi nasa hle. Tichuan, kum 2011 alo nih chuan Michael Phelps chu a khum ta zeuh zeuhva, khawvelah pawh 400 IM ah hian chakber nihna a chang ta nghe nghe a ni. Ama sawi danin, “Olympic a inhnehna a nih loh chuan ala kimlo tlat,” tiin Olympic a chakber nih a tum ta ran a.
Michael Phelps ve erawh chu Mizo-pa infiamna a chak lawm thiamlo, rui buai ta mai ṭhin ang chuan “Tamakuk” (Bong) a zu laite chu chanchinbuah a lang chiai chuai ta thung a, insawizawi lam a lang tawhlo. Kum a liam meuh chuan pound 25 (kg 12 dawn) tehmeuh-in a rihbelh hman! Chutiang a kum tel tawp (kum 2 +) a tal hnu chuan a ṭhianpa fuihna a vang chuan ṭan ala leh ta a, mahse Olympic awm leh hun, kum 2012 a tan chuan kum 1 chiah inpuahchahna hun alo nei lek fang tawh a!
Tichuan, July ni 28 annih meuh chuan ama (Michael Phelps) record siamna ngei, 400IM ah chuan a ṭhianpa Ryan Lochte chuan theiber nihna a lak mai bakah, a hnaihber tu pawh hlat tak maiin rangkachak tangkapui chawimawina a dawng ta a ni. Hetah hian Michael Phelps chuan a vawikhat na’n lawmman pawh a dawng phak talo nghe nghe a nih kha!
Inthlahdah mai tur kan nilo tih a lang chiang hlein ka hria. Keini Mizo-te hi ngaihsam tak kan nihna hi paihbo ta ila, khawvel inelnaah hian eng chen tak thleng thei ang i maw. Hetia ngaihsam leh rilru thlak vut vut hmang tak kan ni chung pawh hian eng eng emaw chu hlawhtlinna kan ban-phak chinah kan tawng ve zel a nia. Infiamna lam kher ani lovang, mihring kan nih chhung (dam chhung) hian engtikah mah zelthelna hun a awm tak tak lo tih hi hria ila, zawm thei ila chuan, ṭha lamah hma kan sawn ve thei ngawtin ka ring!
Similar Posts:
- Michael Phelps – Pian hma atangin :)
- Man from the future
- What’s best to drink?
- David Phelps
- Eng Tirhkoh (Anti-Christ)
July 29th, 2012 at 9:32 pm
BVT
Report this comment
July 29th, 2012 at 9:35 pm
Inthlahdah that lohzia post…
Report this comment
July 29th, 2012 at 9:37 pm
Sawn ngawt ang le.
A hun hmain mizote chu kan inla-hausa a, sen tâwkin kuhva kan ṭhial a, chawlhni tûkah vawksa kan hmeh a… awh dang kan nei tawh ṭhin lo.
Aizawla awmho phei chuan khawvêl hmun danga mizote kan la hmusit ve ta khanglang ṭhin a…
A hnam anga kan ṭanrual theih loh bâkah a mimal ang pawhin kan duap, kan zuai hma riau zël.
Report this comment
July 29th, 2012 at 9:46 pm
Report this comment
July 29th, 2012 at 10:04 pm
Good post
mahse tawngkam!=> tunkum# kumin ti ta zawk la…
Report this comment
July 29th, 2012 at 10:11 pm
Rinzova Khawlhring Lalhnam #5 “Tumkum” tih hi Mizo ṭawng diklo a nih ka hrelo. Tin, ka ṭawngkam hman ṭhin a ni a, ka hmang a ni mai, i ziakah “kumin” tih chu i hmang dawn nia aw?
hairehai
Report this comment
July 29th, 2012 at 10:48 pm
Michael a hi ka tan zawk a ka thir kiau a 3rd na tal chu ni ve hram turin kan duhsak leh a .A la ni ta chuang lo 4th a ni hram
lesson a zir ve ta a nih kha
Report this comment
July 29th, 2012 at 11:25 pm
Kan thianpa tui in ti cheng thiam lutuk pawh.. ‘*chumi veng* nghathu ka nih hi.’ in ti vel!
Report this comment
July 29th, 2012 at 11:32 pm
Peihloh deuh in ka chhiar a, ka chhiar zel a, ka tui tulh tulh a, a zirtir a lo that mai bakah a ziaktu in a ziah thiam vakloh aiin (
) chhiar a nuam phian reuh a. Ka comment ta hial anih hi! 
Report this comment
July 30th, 2012 at 1:46 am
A bengvarthlak hle mai a
Zir tur pawh chhawp chhuak ṭha khawp mai. Olympic pawh ka lo bengkhawn teh chiam lo a 
Report this comment
July 30th, 2012 at 4:52 am
Phelps nge Lochte a hi ka entawn dawn awww
Mahse tui chen lah ka thiam der si lo a, lan tum in pil daih a, pil tum in lang leh luap luap roh sia
Report this comment
July 30th, 2012 at 7:08 am
A ngaihnawmin a zirtir a tha e. Phelps hi Olympic a medal la hnem ber 2-na a niin ka hria. Mipakhat medal 18 la tawh a awm tlat(TV ah ka hmu zuai a, a hming ka chhinchhiah hman ta lo)
Report this comment
July 30th, 2012 at 7:26 am
Sunday ah te an inkhel vel alo..Synod ho khn han khap teh se..Kristian lo e mai!! MAhse sap an nia ka ngaisang tho2
Report this comment
July 30th, 2012 at 7:46 am
11 a ka comment khi ka han google a, Soviet Union nula gymnastics thiam Larisa Latynina alo ni e g-9,s-5, b-4=18 ani e. phelps hian g-14, s-1, b-2 =17 ala tawh thung a, gold ah chuan a chungchuang nalh mai. Tun olympic ah hian Larisa Latynina hi khum thei tak ang maw? posttupa sawi ang deuhvin alo inthlahdah rei lutuk deuh hi a tuar maithei e. Gold kher lo, silver emaw, bronze emaw te chu ala lakbelh thei tho maithei bawk. Lo thlir i la.
Report this comment
July 30th, 2012 at 8:16 am
Tukchhuah nuam vek u le
Report this comment
July 30th, 2012 at 9:01 am
A ti veee ziah. 15
Report this comment
July 30th, 2012 at 9:36 am
Lum tak ani lum tak!
https://m.timesofindia.com/PDAT.....268057.cms
Report this comment
July 30th, 2012 at 10:18 am
Comment naran..Comment khat em a..
Report this comment
July 30th, 2012 at 11:20 am
Hv, tunkum tih khi tawngkam dik ani meuh maw? Kumin tih hi adik chu niin ka hre si a..Zirtir nei tha tak ani.
Report this comment
July 30th, 2012 at 12:09 pm
Post tha tak a ni..
#19…
Ka ngaihdan chiah.
Mahse, patlingin tunkum a tih chuan tunkum a ni mai… Hairehai..
Report this comment
July 30th, 2012 at 12:59 pm
PKfanai@14 sawi ang khian Larisa Latynina hi kum 48 chhung ngawt Olympic medal la tam ber a ni. Vawiin (July 30) lam hian Phelps-a a chet ṭhat chuan a record hi a rawn khum thei ang chu.
Nizan Men’s 4x100m kha a hmuhnawm rem rem khawp mai. French swimmer Yannick Agnel, last leg-a rawn hleuh kha a va han chak kher em…Lochte-a meuh pawh a rawn lehpel zawk mai. Gold medal an phu hliah hliah reng e. Event dang-ah pawh a huphurhawm thei viau ang. Favourites Australian-ho chu pali-na an ni thei hram.
Report this comment
July 30th, 2012 at 1:51 pm
Kumin tih han ni hram se: post tupa hlau chung chunga lo sawi ve dek dek:
Report this comment
July 30th, 2012 at 2:15 pm
In han sawi takah chuan kumin tih khi ka hriat dan leh ka lam dan thin a ni a. Mahse, he hlathu hi han en ve chhin teh u.
Kumsul vei khua thalin khua a sang hle tunkum chu,
Khuang ruahpui sur tum si lo vawin ni chu,
Luipui dung a len zai i rel ang hmiang,
Tah chuan lengngha te’n laitual an leng an ti.
tren tren
Report this comment
July 30th, 2012 at 2:26 pm
Het, bold ka khar fuh lo
Fuh tawh em aw.
Report this comment
July 30th, 2012 at 2:37 pm
In khar thei lo
Mai mai lo chuan.
Report this comment
July 30th, 2012 at 3:22 pm
A beng varthlak hlemai, khawvel pang lehlam atangpaw’n, thutha taktak a rawn chhawpchhuak thina, a lawmawm thin khawpmai.
Report this comment
July 30th, 2012 at 4:21 pm
Report this comment
July 30th, 2012 at 7:53 pm
Ryan Lochte pawh nizan kha chuan engruai ani lo. Michael Phelps hi ka tan ber mai. Ian Thorpe ava ngaihawm ve.
Report this comment
July 31st, 2012 at 3:04 am
Saitawk, #9 hairehai
Report this comment
July 31st, 2012 at 3:08 am
Dr Mahminga Sailo #20 Tunkum ka ti tawh a tunkum ka ti a ni tawp hairehai
Report this comment
July 31st, 2012 at 3:14 am
Chhuakling a “bold” diklo chu aw
Report this comment