Zu hi kan in ve karh karh reng thin a min ti mualpho ngun ve khawp mai bawk a, engmah hre lo khawp pawh in min siam ngun ve ta khawp mai.
Vawi khat pawh High School a kan zirtirtu pakhat in ka lo show ang che a ti a, duh ve tho si zah tak chungin ka zui a, kan tlak deuh pap pap mai a, titi a tui tan ka no chhuata awm chu kan chhuih baw vek mai a, inti polite takin chhuat huh chu kan hru ve bawk a, inthlahrun ngailo tih pahin no dang an thli leh nghal a, chhuat hrukna ka dah tha a, let pahin khaw hmuh chiang tawh lo nen no dang chu kan pal baw leh hram a, luhai pawh reh vek………zak chem chem tak chu ka ni.
Chawlhni tlaiah kan kal leh a thian te ho nen, titi tui tawk vel kan ni tawh, tawngpawh kan in chuh tan tihah ka patea kohhran thawhlawm khawnin a rawn lut leh thut mai, min melh hrek hrek a, inti pa tan vai velh chak tawk vel nih lain, Sunday school naupang fel ber ang mai, nungchang chu tha duh hle hle tak chu ni.
Kan khaw zaithiam DDK Artist kan neih chhun thih zan mawlh kha ni, amah a la thalai nen tlaivar ngai in a boral a, lengkhawm pawh kan tam In a te hlauh zawka kan leng tlem mai mai zawk a, kan in lem phur vet vet bawk a, zan rei deuh ta tihah khuangpui kan chuh ve tlat mai a, phur tawh lutuk, englai maha khuang vaw ngai hlei lo kha, mi zai tui lai takin khuangpui kha ka vaw bai ve tlauh tlauh mai chuh……….. min melh thup tawh mai…awi awi awi sawizawm tawh lo ang.
Ka pitei nu thih zan mawlh kha lawm le, ka thianpa nen khan kan tulh tam mah mah, kan la pai zui, khawiah nge kan inthen pawh kan hre lo, keichu nula ka lo sawm niin, meng mang lo hian ka lo thu ve reng a, zanlai pelh velah tap thawm ka hriat khan ka harh deuh a, rui phur bawk nen kan tap tak tak mai a, tap ri ngam chiah lo khan, ka nula hruai rawmawl khan ka in khuh a, ka dir cher cher mai mawle…. ka tap khamta tihah zung ang a tia, pawn kan han chhuak chu ruih alo reh tawh nen..ka nula hruai kha kan chhung khat chu lo nilo phei se ka luh pui tawh nguar ang.
Ka nula rim te hi kan che chhe thei khawp a, Aizawlah nuthlawi ka ngaizawng ve fa naupang te ala pawm zui, sawi tur em em hre lo mah ila ka leng ve ziah a, zan khat chu ka thu rei mah mah aniang kan ngawi reng a, TV kan en a, 12 velah a nu in vin tawk in Tei chung chen chen i men a mu vat rawh a rawn ti mai chuh… Ui hlauh nei ang mai mei khupin ka chhuak zel zel mai alawm le..
Champhai lama ka chhass rim pawh kha fuh vak lo, dar 9 vel chet lak hun chho dawn velah a pa zu ruiin Mami naktuk lamah inkawm mai ula a tlai tawh em mai an ti leh nih chu mawle. ka tho lawk anga ka han chum bur dawn mawni ka ti rilru hmana mahse mikhual mai ka ni si a, ngai hle mah ila, pa tawkin (zak em em siin) ka chhuak leh ta hnu hnu nih kha.
Aw tunah chuan kan khaw lam nula rim ve thung aw, Zawlaidi rawn lar tan kha a nia, zu rui tawka in hnep hnuah kan han lem leh a, Nula chu kan va rim ve leh ta ngei mai, ka nawi mah mah ta, thut thlengah inti tlangnel takin ka mu a, a chhungte an mu vek tawh bawk a, ‘thianpa nen khan lo in kawm mai ru’ ka tia.. tlem ka chhing hman ka pum lam chiang ta lo, sitting room zau laiah zan reiah ar chaw kan pe luarh mai a, kan nula rimin a rawn hru fai mawlh mawlh mai, a hru zo a hrukna a dah fel ta tih ah kan bun leh ngek mai chuh zia lo rem rem.. ka rim tlu lo ve chiang sin kha nu kha chu.
Khing zawng zawng khi ka zahna chu anni hauh lo mahse duh tawk hrih te’ng…. A tawp nan ka nu rawngbawl sual hi kan zep leh teh ang.
Mipa awmchhun ka nia, eirawng chu ka bawl lo ve khawp mai, farnu te ho an zin chhuak veka, ka nu pawh a zin a lo haw ve chiah, zing eirawng a bawl a, chaw hmeh siam tur vang nen changkha a chhum a hmarchapui a rawt bawk a chuzawng chu ni mai. Chaw kan ei tan ta, a hmarchapui rawt kha chingal in a bawl emaw a tia, a ni tuibur an dah kha chingal emaw alo ti niin, a changkha chhum pawh hmehhan(Ajinomoto) a phul emaw a tih kha Acid lek alo ni bawk, chawhmeh neih loh nak lai a, eitlak loah a chhuah vek ta mai, pa ber a ding hluai, a titau zui.. chawm hlawm tan chuan tihtauh ve ngawt chi si loh puar khawp ei chu har ve khawp mai.
Similar Posts:
- Puii zûna uai a na ṭhelh!
- Virgin kher a ngai lo!
- arngeng…pimples…acne
- KTP Meet ka hmang ve a
- Zan Thla Eng, Mizo Hla leh Kei
July 29th, 2012 at 12:41 pm
Hihihihi… Hit hlawm ve…(Y)
Report this comment
July 29th, 2012 at 12:44 pm
In zing chawhmeh chu ei ava har dawn ve le.
Report this comment
July 29th, 2012 at 1:18 pm
A hit lutuk…
Report this comment
July 29th, 2012 at 1:32 pm
a hnuai a PKfanai post nen va in tu lo ve…changkha chu la hmeh tho maw?
Report this comment
July 29th, 2012 at 2:08 pm
Zuheh tih takah Zu leh a kaihhnawih chu sawi tur i hre hle mai
Report this comment
July 29th, 2012 at 2:18 pm
Ruih chetchhiat i han sawitak ahchuan, Keipawh tumli lai kache khir vetawh. Aizawl– Lunglei in kar, a khawhming sawilo maiang, ah kathiante nen NULA kanrim ve a. Kan NULA rim techuan, damlo chawlhkar hnihzet, chaw mumal pawh ei thei tawhlo hi an nei a. Zan dar 8:20 bawr velah, an damlo chu a rawnzual deuh emawni kan NULA rimi chu, damlo pindan ah a valuta a hnu reivak loah a rawnlet lehmaia, kei, inti polite tawk vela, rui phurin an damlo awmdan veltechu, inti chinchang hreve ni awm takin, kahan zawtkual zarzara. Ti chuan, kan NULA rimi chuan, an damlo chanchin chu, a kip akawiin minhan hrilhta a. Chu ti’a, an damlo awmdan te kahan hriachu le.e.e, thil inti hretakin, Chu zawng, in damlochu, a thihngei dawnchu ti’in, chiang fekfawkin kalo chhanga. Ti chuan, ka chhan a tanga reio teah, an damlochu a thi tamai si a le.e.e, a vahan zahthlak chemchem takngaiem, mahse, ka zahzeltur kahmuh fuhhloh. Kan NULA rimi u te nupa leh apu, lova riak kohhaw, a ngai tih kahan hriachu ka thawhuaimai. Chu tichuan, kan NULA rimi nau, rawlthar kum 17 bawr vel nen, zualko turin Gypsi in, anlo lampan chuan,ka in khalhphei bawrhbawrh ta a.
Report this comment
July 29th, 2012 at 2:29 pm
Zu hi an lo in thin a ni maw?
Nia, lu a han hai bak bak tawh hi chuan e, khawvel hi a keu ta phuk zel mai a. Sawi tur apui leh chet chhiat pui loh tur chen chenin, kan han show ta pek thin a nih hi maw.
Report this comment
July 29th, 2012 at 3:01 pm
Haha, a ngaihnawm hlawm khawp mai
Keipawh ………… aa,,, ka inpuang ve rihlo zawk teh ang
Report this comment
July 29th, 2012 at 5:20 pm
ha3
Report this comment
July 29th, 2012 at 5:59 pm
Zu hi ka kham, a chanchin sawi ringawt pawh ka ngaithla peih lo.. Ka fel vang pawh ni lovin….
Report this comment
July 29th, 2012 at 6:01 pm
kawhterenga iti zah thlak em mai…haha, ka in tam lo na in ka mual pho pui ngun ve a ni.drake ka chhungte chuan an hmeh lo, ka ei lui a, a kha thur tuau mai mawle, chi kan la al zui tui lo mai mai
Report this comment
July 29th, 2012 at 6:36 pm
Sihtea sitailin, “i chechhe theiin, a zahthlak duh awm hle tak mai a”.
Report this comment
July 29th, 2012 at 6:50 pm
Ka nui nasa ngei mai………….
Report this comment
July 29th, 2012 at 7:03 pm
Biang a’n chhah chho mep mep mai a, khawhmuh a han tawi tuk tawh mai a,… lei te hi a mahin a in sem darh ta a maw tih mai turin tawng kan han inchuh nak nak a… nuam ve thin takchu a ni… i ti lunglenthlak hle mai…
Report this comment
July 29th, 2012 at 7:23 pm
Haha a tawp ber khi ka nuih a ti za reuh lutuk, thurawn ka lo pe ve teh ang che post-tupa…tlangval fel leh rilru tha tak i nih ka ring, zu hi in tawh lo la i zahawm sawt ang…i luck bawk ka ring hehe
Report this comment
July 29th, 2012 at 7:24 pm
Report this comment
July 29th, 2012 at 10:31 pm
I sawi zet-u-zu hi chu a buaithlak a nia. A in thiam lo kan tih ho in buaina siam nan an hmang a, a in thiam kan tih loh hian pawisa hek chiah a hlawkna kan hmu thung. Thil tul lo zinga chhiar theih chu a va ni tak em. Mahse engatinge kan thlah theih hlawm der loh chu le.
Zu chu i nawipui ve hle mai a, kum chhiar azawng a kum tam phei chu ka la ni lo, kum 13 vel zet chu ka hmelhriat ve tawh, ka in tam leh tam loh chu thuhran nise, ka chhungte hian ka in tan tirh atanga kum 3 vel chhung khan vawi 2 chu min hria. Chumi hnuah chuan min la hre leh lo reng reng. Mahse ka in zeuh zeuh tho. Mi tam tak chuan i in leh in loh (ruih leh ruih loh an tihna ber aniang chu) hi kan hre lo reng reng an ti thin. Zu hi chu nawipui lo ila, rui lo ila, kan intur chin tawk a hun leh a hmun azir hian hria ila a tha ka ti ber. Mahni ah hnual suat na em em a awm loh chuan in loh tawp hi chu a theih loh tluk a ni.
Tin, zahawmna leh zahawm loh hi chu an nun dan, an mizia niin ka hria, zu in duh miah lo ka ngaih nep em em an tam lutuk tho. Zu in lo ka ngaihsan pawh an tam tho. Chutiang thovin, zu in tho, ka ngaihsan leh ka ngaihnep pawh an awm tho. A pawimawh berah chuan zu hi in bawih tir lo ila, hmanrua a tul changa hman ve mai anihna ah hian chiang ila a tha in ka hre mai.
Kei chu ka hnathawhna ah chuan tharum a ngai hnem thin. Zu in duh miah lo chu an tui tak tak a 100% a an inpe anih loh chuan an peih tluantling thin lo. keini zu in mai thei ho chu ka line a kan hnathawhna hrim hrimah hi chuan ka tlo zawkin hrehawm tuar pawh kan chhel em em zawk tih hi ka hriat ania (Zu vang pawh ani mahna le). Zu in lo ho chuan khawlum te, thosi te, kan awmna in nuamlo te, harsatna chi hrang hrang sawiin an phun nasa thin, keini ho chu hnathawh zawhah zanah kan han kai deuh phelh phawlh a, sawi sel hi a awm lo hrim hrim, hah em em chang te pawh hian tlai lam hahzu in min lo hmuak ani tih kan hria a, kan lung hi a muang em em mai ani. Zu in lo ho chu awm pawh an awm rei ve peih meuh thin lo. ZU ka han fak ta chiam a, a that lohna pawh tam tak a awm tih chu ka hai bik love.
Report this comment
July 31st, 2012 at 8:33 am
Charice_mizo ka lawm e, ka in tawh lo mahse ka luck chuang pawn ka hre lo..hehe
Report this comment
July 31st, 2012 at 10:19 am
# 17…
Mimal a zirin a zu in thiam leh thiam lo an awm teh meuh nangin, Pangpuielhtliaka ngaihdan khi ka tawmpui e. Vawksa pawh hi sa tui tak ni mah se, pumin a zawh loh ei chuan a hrehawm mai mai. Zu in duhin in se, hmang sual kher lo se a tha vek mai tur hi a ni a, a tam zawkin an thei der si lo…
Zu in (rui ni lo) mite induhsaktawn dante hi a hmuhnawm ang reng thin ka ti. Tin, rui pangngai bula awm pawh hrehawm ka ti lem lo; mahse rui thiam lo, atpui tlat ho hi an hnawksak…
Report this comment
August 1st, 2012 at 9:19 pm
Dr Mahminga Sailo a ni ngawt asin, kohhran mi inti in tei theilo tin ten te nun ngaihtuah chuan zu hmun sa hmuna in ngaih leh lungrual, in care taka an che ho hmuh hi a nuam ve kati keipawn
Report this comment