Nursery Veng khawtlang hruaitute chuan, nula pakhat kawng kal lai, July 26, 2012 tlaia pawngsual tumtu, Ali Hussain Laskar chu bail-a chhuah a nih avangin an veng mipuite an lungawi lo hle niin an tarlang.
Nursery Veng khawtlang hruaitute chuan, Ali Hussain Laskar hi Lallawmkima, Bungkawn H/S Veng-in a bail niin an sawi a; Lallawmkima hi Police department-a thawk, Laldinliani, Khatla-in bumin, Ali Hussain Laskar chu a bail tir nia an hriat thu leh, Laskar-a chu bail-a a chhuah hnuah Silchar lamah a haw nghal niin an sawi a ni.
An sawi danin, Lallawmkima hi DC Office bula a kal laiin judge pakhat office-a thawk anga insawi, Laldinliani’n Laskar-a chu bail turin a ngen a; harsatna a awm loh tur thu leh an nau (Laskar) chu motor-in a sû a, a tlukna lamah hmeichhia a bawh bet palh nia a sawi hnuah, Lallawmkima chuan Ali Hussain Laskar chu a bail ta a ni.
Khawlaia nula pawngsual tumtu chu a tàn ngei an rin laia bail-a a chhuak mai chu an ngaihthiam loh tak zet thu an sawi.
Similar Posts:
- Health Care Si-kim
- Anticipatory bail dilna hnûkdâwk
- Health director man Bail-in an chhuah zui
- killers of Lalkapliana Bangladeshis?
- Lalpiangliana chanchin kal zel..
a tha khawp mai
August 1st, 2012 at 8:43 pm
Laldinliani chu tunge anih zawnchhuaha, thil awmzia zawhfiah chi anih chu, vai vak rawlai satliah mai mai kan kawtkai ngeia lo hum duhtu chu vai rawngkai a ni ve hial lo maw le!
Report this comment
August 1st, 2012 at 8:45 pm
a bail tu ni a an sawi lawmkima khan a bail kha hnuk kir leh se… zu man leh se a fuh ber em aw.. te ka ti…
Report this comment
August 1st, 2012 at 8:50 pm
A va han mawl thlak thin em.. Lawmkima chuan a bail manah pawisa tlem a hmu pek ang chu..Mipuiin pressure pek deuh a ngai dawn anih kha..Court in a koh hunah vaipa kha a rawn lang lo anih chuan a bail tupa khan a tuar anga ni mai lawm.
Report this comment
August 1st, 2012 at 8:56 pm
I smell something fishy
Report this comment
August 1st, 2012 at 8:58 pm
Lallawmkima pawh chu a va mawl reng reng. Vai hmelhriat loh tuemaw in a ngen vanga han bail reng reng. Hetia a lan ang ngawt hi a nih ka ring miahlo. A phen ah engemaw a awm ani mai…pawisa..pawisa…pawisa!!!!
Report this comment
August 1st, 2012 at 9:02 pm
lushai_er jail tlanchhuak ho ai in a bei awlsam zaih mai.. a va zam love a, mizo nula te lo sual a tum, man leh vat rawh se sala!!
Report this comment
August 1st, 2012 at 9:11 pm
Laldinliani chu a lo chhe lo phian aniang a…!! Lallawmkima chuan a hmelhriat loh a lo bail ngawt ?
Report this comment
August 1st, 2012 at 9:17 pm
Tiang velah hian hmeichhia hi kan lo inrawlh tel ve ziah mai. Kan ramah ngei kan hmeichhiatpui a lo pawt ngam a nia, he thil a ukil pawh hi hmeichhia tho emaw ni
Report this comment
August 1st, 2012 at 9:27 pm
huiham…
Report this comment
August 1st, 2012 at 10:09 pm
Thil chianglo chu a awm chiang mai
Report this comment
August 1st, 2012 at 10:11 pm
” An sawi danin, Lallawmkima hi DC Office bula a kal laiin judge pakhat office-a thawk anga insawi, Laldinliani’n Laskar-a chu bail turin a ngen a; harsatna a awm loh tur thu leh an nau (Laskar) chu motor-in a sû a, a tlukna lamah hmeichhia a bawh bet palh nia a sawi hnuah, Lallawmkima chuan Ali Hussain Laskar chu a bail ta a ni. ”
An tihdan chu a va awlsam hmel et et ve le.
Report this comment
August 1st, 2012 at 10:13 pm
Laldinliani
Lallawmkima 
Laskar 
Report this comment
August 1st, 2012 at 11:54 pm
‘…a bawh bet palh nia a sawi hnuah, Lallawmkima chuan Ali Hussain Laskar chu a bail ta a ni.’
Ka awih lo berr awm e. Mi a nileng pawisa nei paw’n an bail ringawt duh lo tawp ang! A pawisa pek che in ange I lei tih nghal hmak ngam anih dawn hi. Vaipa sazu chu rubber band tawi te a perh nilen thak ava chakawm ve!
Report this comment
August 2nd, 2012 at 8:00 am
Ka va han awih hleo lo tak! Lallawmkima khian chhuanlam a siam mai mai a nih ka ring khawp mai. A enga pawh chu ni se, engati nge hetiang misualte hi kan bail mai thin le? Bail theih lohva tihdan te hi a awm lo em ni le.. Hahthlak thei lutuk mai, hetiang chuan pawngsual tumtu manin awmzia a nei tawh nang. Silchar-ah a haw ang a, Mizo nula pawngsual tur a zu zawng leh ruai ang tih pawh a hlauhawm alawm le.
Report this comment
August 2nd, 2012 at 9:04 am
Zoram Thlirtu-ah kimchang tawkin Rina Chawngthu-in a rawn post e.
A ram neitu nulâ pâwngsual tumtu Abul him takin Silchar thleng?
July ni 26, 2012 (Ningâni) tlai dâr 5:30 vêla Chawnga Road, Khatla motor kawngpuia Nursery Vêng nula pakhat kawng kal lai hnunglam atanga hnehlâka pâwngsual tuma beitu Abul Hussain Laskar chu ni July ni 31, 2012 (Thawhlehni) zîng khân dam leh him taka Silchar a thlen rin a ni.
Abul Hussain Lasker hi mipui kut tuar na hman loa police-in la thuaiin Aizawl Police Station-ah hruai nghâl niin thubuai case No. 1767/12 u/s 323,354,341 IPC ziahluh nghâl a ni a, Women Cell lam khawih tur a nih angin SI H.Lalhmingthangi chu case I/O niin a ni hian a theih anga ranga he thubuai hi chhuizuiin charge sheet pawh rei rial loin court-ah a thehlût thuai a.
Ngampa taka Mizo nula sual a ni
Nursery Vêng nula, mi pawisawi lo, ti zawk zawk lo tak thil tul tia a chhuak haw lam Khatla Vêng Chawnga Road-a mahni chauha lungmuang taka a kal chu thâwklehkhatah a hnunglam atangin tu emaw hian a hmai a rawn hup thut a. Atirah chuan chutia rawn ti chu a hmêlhriat tu emawin a rawn fiamah a ngai mai a. Mahse, tharum thawha chupa chuan a beihzui tâk avangin tawhsual a tâwk tih chawplehchilhin a inhre nghâl thuai a.
A theihtâwpin tan a khawh ngial a, mahse chu a hmêlhriat ngai loh vaipa chu a ni ang hmeichhe awmnêm leh pumraw lian lo tak khin rual a nih loh avangin tan khawh a sawt mawh hle a. Abul chuan kawng bul mai mi inchung garage-a pawhluh tumin a bei a, nula chuan a tan khawhna lamah engemaw a rap sual a, kawngpui sîrah chuan a tlu ta a. Chuveleh Abul chuan bawh nghâlin pâwngsual a tumzui ta a. Nula mangang chuan awrâwl tâwp chhuahin tanpuitu a au ta chiam a. Hemi ni hi khaw tha lo, ruah tla cherh cherh a nih avangin khua la êng mah se mi tam tak chhuak vâk leh hnathawhna atanga an haw vânglai pelh hret tawh hun niin hun dang angin helai kawngah hian mi an lûn lo a. Mahse, vânneihthlâk takin kawngpuia taxi lo tlân chuan nula mangang âu thâwm chu hriain nula chu an chhan ta a ni.
A nghawng
Hemi zân hian lock up-ah dahluh niin Nursery Vêng khawtlâng hruaituten nula tawhsual tâwk hi Police Station-ah an buaipuizui a. Pawikhawihtu Abul chu kâwmin ani chuan, thla thum vêl nula nên an inngaizâwn hnuah an inthen a, chumi a thinrim chuan khati khân a che ta mai, niin a sawi a. Amaherawhchu, nula hming an zawh chuan a sawi leh thei si lo a! Heta tang hian Abul hian dâwt muhlûm hlak a sawi tih a chiang ta hle a ni.
Nursery Vêngchhûnga NGO-te chuan July 27, 2012 (Zirtâwpni) zânah he thilthleng chungchâng ngaihtuah hian rikrum thutkhâwm ko chûk chûkin vêng thenawm maia motor kawngpuia Mizo nula ngei khaw ên laia ngampa taka hnamdangin (vai-in) pâwngsual tuma a bei ngam hi an dem takzet a, he thilthleng duh loh entîrnân hian ‘July ni 30 & 31, 2012 chu vêngchhûnga hnamdang (vai) pawn chhuah loh hun hman ni rawh se’ tih chu lungrual takin an titlu a.
He thil duhawm loh tak thleng vang bawk hian Local Council chuan July ni 28, 2012 (Inrinni) zîngkârah rikrum thutkhâwm ko ve nghâlin he pawikhawih tumna thleng hi an dem takzet tih leh vêngchhûng NGO-ten he thilthleng duh loh entîrnâna hmalâk an tum dân chu âwm an tihpui thu lungrual takin an titlu ve bawk a.
July ni 28, 2012 (Inrinni) vêk hian Nursery Vêng MHIP Branch chuan an huamchhûnga an hmeichhiatpui chunga thil thleng râpthlâk tak chu a theih ang ang bawhzuiin an virbuai nilêng zak bawk a ni.
NGO joint emergency meeting thudah angin July ni 30, 2012 (Thawhtanni) zing dâr 6:00 – 6:00 tlai inkâr chuan Nursery Vêng kâwnah khawtlang hruaitu thahnem tak fuankhâwmin ‘hnamdang pâwn chhuah loh ni’ hmangin an duty ta a. Harsatna engmah thleng loin hemi ni hi hman zawh a ni nghe nghe.
Abul bail-in chhuak (as retold by Lallawmzuala)
July ni 30, 2012 (Thawhtanni) chawhma dâr 11:00 vêla Lallawmkima S/o Lalbiakzuala, Bûngkâwn H/S Vênga khawsa chuan Mizoram Premier League (MPL) en tura a kal chu AR Lâmmual pan din mai loin DC Office-a a hmêlhriat Pu Lala (Pa Lala a tih mai), Bethlehem, Aizawla cheng hmu turin a kal hmasa a.
DC Office tualzâwla nu pakhat leh vai 2/3 vêl lo dinpuitu Pu Lala bul a thlen chuan nu pakhat chuan, “Ka naute hi an harsa ve si a, min lâk chhuahsak rawh,” tiin a lo ngen tawl mai a. Lawmkima hian a hmaa mi 2/3 vêl lo bail tawh atangin thil awmzia engemaw chen a hriat avangin, “Vai te an ni si a, an tlânbo palh ang a, nakinah ka buai phah palh ang,” a ti a. Nu vêk chuan, “I buai phah lo ang. Hei bail amount Rs. 10,000/- pawh ka kutah an dah sa vek alawm. Pu KL Liana staff ka nia min ring rawh. Hei i thian pa Pa Lala pawhin min hre vek alawm, harsatna a awm lo ang. I thlâ (passport size) va lâktîr la, ukil in hmu ang a, chuan in tifel a ni mai,” a ti a. Chu nu, Pi Vanlaldinliani UDC, District Council Court hnênah chuan Lawmkima chuan, “Eng case nge ni reng reng a?” tia a zawh chuan Pi Dini chuan, “Motor-in a su palh a, hmeichhe a bawhbet a, a ho lutuk,” a ti mai a.
Chutihlai chuan Abul unaupa Jamir Hussain Laskar, Thing mistiri, Pu C.Lalfamkima Varte, Chanmari sponsor chuan, “Bûngkâwn Vêngthara Pi Thlamuani in luah kan ni a, a hlauhawm loh. Ni 8.8.2012 (Nilaini)-ah pawh kan court thlap ang. Bail amount Rs. 10,000/- pawh Pu KL Liana staff hnênah kan dah vek tawh,” a lo ti bawk a.
Tichuan, bail nâna lehkha pawimawh tihfel tur a tih zawh chuan Lawmkima chuan a bail hlawh Rs. 2,000/- nên chuan inkhel en turin AR Lâmmual a panzui ta a.
Nursery Vêngin thuthar hria
July ni 30, 2012 (Thawhtanni) tlai zanriah ei dâwn vêl lai chuan hemi ni chhûna Nursery Vêng nula pawisawi lo pâwngsual tuma beitu Abul Hussain Laskar chu bail chhuah a nih thu khawtlang hruaitute chuan an hre ta thuai a, vêngchhûngah kha thil tenawm tak thleng duh loh entîrnâna July ni 30 & 31 chu ‘hnamdang pawn chhuah loh ni’ atâna hman a nih mêk laia hetiang teh thuta bail-a chhuah a nih avang hian an hrilhhaiin an lâwm lo hle a. Zanriah eikham meuh phei chuan mipuiin he thuthar hi hre darh tanin kâwna chhuah khâwm tumin an inhâwr khâwm tan a. Mahse, khawtlang hruaitute chuan an hmalâk tumna ring ngam tur leh a tul phawt chuan mipui pun an tum tho a, chumi chu lo ngaichâng tura an ngen hnuah mipui pun khâwm tum chu an inbengdai thei ta hrâm a.
Zânah chuan VC Hall-ah hemi chungchâng ngaihtuahho turin local council kaihhruaiin NGO-te nên rikrum thutkhâwm koh nghâl niin he thutkhâwm rêl ang hian Abul u Jamir in luah Bûngkâwn Vêngthar-ah chinchâng hriatfiah tur a awm beiseiin lamkal intirh nghâl a ni a.
Ngen lâwk an nih angin Bûngkâwn Vêngthar Local Council leh YMA Branch hruaitute kaihhruaiin Jamir in luahah chuan pawikhawih tumtu Abul chu zawn a ni ta a. Mahse, Abul awzâwng hmuh tur a lo awm tawh lo – hemi ni tlai dâr 5:00 vêlah Central Jail atanga hruai chhuah niin a u Jamir ruahman angin zân dâr 7:00 chhuak sumo service-ah Silchar panin a lo kal daih tawh chu lo niin!
Jamir sawi angin Abul bail-tu Lawmkima, Bûngkâwn H/S Vêng chu phone-a biain Nursery Vêng VC Hall-a hemi zân vêka khawtlang hruaituten kawm an duh tih an hrilh a, chiang zâwka Abul bail a nih dân zawhfiah atân Jamir pawh chu an in luahna neitu Pi Thlamuani remtihna thlapin lamkalte chuan an hruai ta bawk a.
VC Hall-ah chuan Lallawmkima chuan Abul a bail dân sawiin Pi Vanlaldinliani’n a ngen avang chauha bail a nih thu te, Abul thubuai neih chhan engmah a hriat loh thu leh a bail hlawh Rs. 2,000/- an dawn ngei thu a sawi a. Khawtlâng hruaituten a tobul atanga thin chinchâng an hrilhfiah hnuah Lallawmkima inchhîr chuan a tûk July ni 31, 2012 (Thawhlehni)-ah a bail chu hnuhdawh ngei a tum thu a sawi ta a.
Jamir pawh chu khawtlang hruaitute chuan Abul bail a nih dân zawtin ani chuan Abul Hussain Laskar chu a cousin a nih thu te, a hnênah ILP nei loa thla thum (3) a chên tawh thu te, helper atâna a hruai thin thu te, hemi ni chhûna a nau bail a nih dân te, bail hlawh Rs. 2,000/- leh bail amount Rs. 10,000/- a pêk ngei thu te leh Central Jail atanga a nau a lâk chhuah hnua Silchar-a a tirh haw dân chipchhiar taka a sawi vek hnuah hawtir a ni.
Hemi hnu hian khawtlang hruaitute chuan pawikhawih tumtu Abul chu Vairêngte YMA leh police ten lo changa lo man tura ngen mai tur em ni ang tih thuah police leh central YMA hruaitute an berâwn nghâl a. Mahse, thil chhe ber êm a thleng hman lo a, Abul chu man leh a nih chuan mipui thinrim khap daih zawh a nih dâwn loh avanga thil pawi tak a thlen ngei a rinawm avangin ûmzui tawh loh mai tha tihtlân a ni ta a.
Tlângkawmna
Keimahni tualzâl lûn laiah, khaw ên lai ngeiin a ram neitu nula hnamdangin ngampa takin pâwngsual tuma a bei ngam hi ngaihtuah chian a harhchhuah a va hun ta em! Keimahni khawpuiah ngei pawh kan hmeichhiate hnamdang lakah an him tawh lo maw? He pawikhawih tumna thleng hi hnathawk leh tul dang dang tia hnamdang (vai) Mizorama awmte laka kan hmeichhiate venhim a tulzia te, hnamdangin Mizo min chîmral loh nâna theihtâwp chhuah a tulzia te, hnamdang lo mikhual dân chin tâwk hriat a tulzia te leh Central YMA Kumpuan “Ram leh Hnam Humhalh” theihtâwpa bawhzui a tulzia te kan zirchhuah leh nâna Mizo zawng zawng inzirtîrna hmanrua atâna hmanzui ni mawlh teh se…..
…………………………
323 IPC: Punishment for voluntarily causing hurt – Whoever except in the case provided for by section 334, voluntarily causes hurt, shall be punished of either description for a term which may be extend to one year, or with fine which may extend to one thousand rupees or with both.
341IPC: Punishment for wrongful restraint – Whoever wrongfully restraints any person, shall be punished with simple imprisonment for a term which may extend to one month, or with fine which extend to one five hundred rupees, or with both.
354 IPC: Assault or criminal force to woman with intent to outrage her modesty – Whoever assaults or uses criminal force to any woman, intending to outrage or knowing it to be likely that he will thereby outrage her modesty, shall be punished with imprisonment of either description for a term which may extend to two years, or with fine or with both.
Report this comment
August 2nd, 2012 at 9:07 am
va pawi ve. mizo hnam aiawhin zirtirna pek hlek an ngai ve ve.
a rawn inlan hunah man leh tur a nih hmel…nih log chuan a bail tu.
false statement hmanga judge reputation tihbuangbar man khi nu khi tang ve awk chi a ni
Report this comment
August 2nd, 2012 at 9:39 am
kan awmna ram chu nise Police kutah a awm hman lovang, an pawtsawm rang khawp ang. Engemaw tiin police kutah awmin jail lut pawh nise a chhuah hun hun a thih hun a ni mai. Hetiang an hriat kiau vang hi aniang hnamdang reng reng hian a ram neitu nula hi an basa ngamlo khawp mai.
Laldinliani hi a ni ber e a kaikuang chu. Amah zawk hi a pawngsual tawk nita se, a dang deuh ang maw le.
Report this comment
August 2nd, 2012 at 6:58 pm
A bail tirtu hmeichhe nu chu zilh deuh hlak tur anih cu
Report this comment
August 2nd, 2012 at 7:55 pm
Thil a va buai teh nuaih ve… Lallawmkima pawh engmah hrechiang lova thil a lo tih reng reng le, a pawi zo anih hi. Amaherawh chu kan dinhmun azirin pawisa mamawh ni ta ila leh kan mi hriat chian ten ti turin min ti ta se, a buaithlak mai thei. Mahse Pathian zarah dan laka thil tisual chhan tur khawpin pawisa kei chuan ka mamawh lova, ka lawm tak zet. Hmanni ah pawh vai hovin in smartphone tha zet mai tlawm te in min zawrh ngial, an inla secure raps, an insawi dan zawng zawng chu sawi lo mai ang, mahse an rinawm hmel tawp a, lei ta ila engmah ka chungah a thleng lo mai thei, mahse ka hre lawk bik lo, ti tha in tiviau in emaw inchhir viau in emaw ka awm mai thei, mahse hetiang ang lam hrim hrim ah hi chuan hlawkna um loh a tha ka ti.
Tin, tunhnai a Guwahati GS road incident kan hre vek anga, nula naupang te kum ting lo chu bar atanga an chhuak molest ani tih pawh kan hriat vek ka ring, journalist thleng pawhin an inrawlh vek, ram pumin kan dem em em a ni. Amaherawh chu kan inngaihtuah chian a ngai, Muslim ho pawhin tun hnai mai khan unmarried couple pakhat chu Mali ah lungin an deng hlum. In ngaihtuah a ngai….
Report this comment
August 2nd, 2012 at 8:17 pm
Lallawmkima hian bail tu a a tan man engzatnge a dawn ang aw.. A case hi chu bailable a nia, bail tu an awm miau chuan lo phalloh ngawt theih pawh a ni lo an ti
Report this comment
August 3rd, 2012 at 12:17 am
Um zui tawh loh mai nise han tih ngawt chu a va tha natthlak deuh ve. :@
Report this comment
August 3rd, 2012 at 10:14 am
Awlsam deuh tak a sum of tangka hmuh hi kan duh tlang a nih ber mai hi A bailtupa hi a mah chauh in Aizawlah a awm em ni tunlai thil thleng a va hre awm lo ve leeeeeee
Report this comment