mi(sual).com

Sawi leh phawng phawng mai ang aw niang, ka pendrive hi 8GB Cruzer Blade China rama siam a ni a. Eng ti tih a, hetilai kan zoram ar hmai tiat leka rawn thleng nge chu ka hre pha hauh lova, eng hmanga an siam nge ni phei phei chu ka hre lo leh zual kei mimawl hian. Mahse ate ren rawn viau na in aṭangkai em em mai leh nghal a. Mifate hi zawng anlo chungnungmang teh e aw !!!!, kei fapa rangkachak inti ve hian sairawkherh pakhat pawh kalasiam thiam ve der mang si lo a, mite tana ṭangkai tur thil hi eng tikah tak siam chhuak ve ang i maw?!

Ka’n ti leh deuh hluai a, a computer hrim hrim pawh kum 4-5 liam hnu vela ka hmuh kha ka hmuh hmasak ber a ni hial awm e, amak na leh a ṭhaṭna hrim hrim pawh ka hre lova, a hmingte chu kan hriatna a rei ve tawh alawm. Mahse enge a nih a, eng atan nge an hman kalo la hre ngailo hrim hrim, mawl pawh minti maithei, mawl vang pawh a ni chiah lo, hmuh tur kha keini thingtlang kilkhawr lutuk a awm tan kha chuan a awm lo hrim hrim, a rim a ra pawh kan hre lo.

Khawvel changkan na chuan min zuan khum bik lo a ni chek ang chu, kan khuaah te atak hmuh tur a awmve zel a, kan pathian thu in awt lo tura min hrilh mawlh mawlh te chu dah bo in, ka awt a, ka it bawk a, neih ve ngei dan tur chu ka zawng ta ruai a, a thla tel tel a sa pawh hmehphalo tan chuan ava sang lua em em kher vele.It ve ngawt pawh mi rethei fa tan chuan a in thlahrun awm rum rum zawk mah.

Mahse hun a her danglam ve zel a, a awt a awt ta na na na chu puk chawp leh bat belh ṭunin kan in chhungah chuan kan hung ve ta rup maile, mihausa fapa Car/Bike chhuak thar lei inti thei tluk zetin ka inti thei ang chu mawle, mut a har a, a bula ṭhut reng kha ka thlahlel ngawih ngawih a ni ber e. Aaaa khai kan thupui lo lamah kan peng thui ta mah mah e.

Chuan ka pendrive lei aṭang chuan thil eng emaw ka hriat belh a, Virus an tia mawni hi computer-ah a awm ṭhin a, chu chu a chhan pakhat ah chuan mi computer vela thil kan lak kha virus an tih an neih chuan kan kai chhawng ve leh a, anti-virus ṭha tawh tak neih a in ven reng a ngai tihna alo ni reng mai a nih chu. Midang ta hriat chian loh chu hawlh luh fo chi alo ni der lo mai, hawlh luh a ṭul ta ngang a nih chuan a in venna lam neih ṭha ila alahim tho mai.

THLIRNA TLANG DANG AṬANGIN.

Kan LALPA duh tak hian pendrive tha eltiang, khawvel finna in ala hmuh chhuah loh leh ala siam thiam phak loh min pe a, eng GB nge a nih zawng ka hre thiam pha leh pek chuang lo, chuan pendrive vuahna tur USB port pawh tha eltiang, ram ni tlaseng lova mite leh khawchhak mifingte pawhin anla siam thiam rual loh min pe bawk a, chuan a hmang thei ni a in ngai te chuan kan hmang mawlh mawlh a, data chi hrang hrang kan in transfer zut zut chu a ni ber e.

Aw nang mipa lo ngai teh, i siamtu in duhsak taka pendrive a pek che kha vawng uluk la, kumkhaw chawrlohna virus i kai loh nan fimkhur la, i duh na leh i chak vang ngawt khan mi cabinet ah khanva vit ve ngawt ṭhin suh ang che, anti virus leh USB disk security ṭha tawh an lo neih loh palh phei chuan ila in chhir vawng vawng dawn a nia, i memory zawng zawng leh i software thleng khan an ei chhiat sak vek dawn che nia aw, FIMKHUR RAWH.

Aw nang hmeichhia nangpawh i USB port kha, mi nazawng pendrive hawlh luh nan phal hlek suh, tunlai technology changkang tak mai in virus a siam te hi i kai ve palh ange, a then te phei chu a thah na tur anti virus anla siam chhuak miah lo a nia, virus kawl ṭun a nun hman reng zawng i peih dawn miah lo a nia, shutdown chawp ngai lova virus in a tih thih mai che a hlauhawm. Nangmah a part awmsa te kha back up ṭhin mahla rei lo te ah a buai leh tho tho anga, khawi dawrah mah i part thlakna tur kha an zuar dawn der lo a nia. Chung hun a thlen chuan Eng engineer pawh rawn la i bei a dawng tho tho ang a, eng mithiam mah in an thlamuan dawn der lo che a nia.FIMKHUR MAI RAWH CHHIATNA A THLEN HMA HIAN.

Similar Posts:

• Min pui thei em?
• Windows XP, Windows7 leh Hiren’s BootCD Pendrive pakhat atanga boot dan.
• Fake Credit Card
• Linux Operating System Pendrive atanga install dan:
• Engtinnge ka tih ang?

Recent Posts:

• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!
• PI ZIRI A CHING EM NI?
• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.

This entry was posted on Sunday, August 5th, 2012 at 6:03 pm and is filed under Advice, Health, Tech trek trek. You can follow any responses to this entry through the RSS 2.0 feed. You can leave a response, or trackback from your own site.