(Ram Neitu Thu tih post ka chhiar zo chiah a, a format hman rilru ah a awm deuh aniang e, ka numbering thla ve duat duat mai!)
1. Mizoram pawna piang leh seilian ka ni.
2. Mizo dik tak, Pu HV-a tawngkam takin ‘pure breed’, erawh ka ni.
3. Keimah ang Mizo hi Mizoram chhung aiin a pawn lamah kan tam zawkin ka hria.
4. Chutiang ka nih avang chuan Aizawl, Mizoram khawpui mai ni lovin Mizote Khawpui hi ka ngaisang hle.
5. Aizawl ka chuan chhuah hmasak ber kha kum 20 liam ta a ni, keimahin ka bazaar ngam lo! Mizo leh Mizo han indawr vel kha ka zak tlat pek a!
6. Mizoram pawn hmun pakhatah zirna avangin kum engemaw zat ka awm a, in ka luah ve thin.
7. Ka Mizo thianten min tlawhpawh hle a, tam tak phei chuan an duh hun hunah chaw an rawn ei thin a, hostel-a awm sa rawp deuh phei chu sa te leiin chaw eiah ka sawm ve fo thin.
8. Tumkhat chu Aizawl bazaar ah ka ina chaw lo ei ve fo tawh nen hian kan intawk dawn a, ralkhat atangin chu ka thian (?) hlui chuan min hel ta tlat mai, ka hmu lo emaw a ti a ni. Ka mit sirin a hmu ru reng! Mak ka ti hle.
9. Nikhat chu Aizawl veng lun tak maiah mamawh tul ti-a ka vah velna ah ka thian (?) hlui, buaipui a ngaih laia ka lo buaipui ve nual tawh hi in lian tak atangin a lo chhuak kan intawk a, kan inchibai zuai. Ngawi rawh, hetah hian ka kal lawk, a ti a, ka lo nghak a, ka nghak chhuak zo ta lo. Mak ka ti zel! An in erawh a lian, Aizawl atan chuan compound pawh nei nuam tak an ni phak ve.
10. Chutihlaiin, Aizawl ah hian thian tha leh rinawm tak tak ka nei tho mai. Ka duh duha ka luhchhuah ngamna, ka riah ngamna, chaw ka ei ngamna an ni.
11. Ka sawi tel hram duh chu – Aizawl ah khan dawr (a changkang lam deuh) te, pisa (sawrkar leh kohhran pawh) leh bank (a bikin) ah te hian nui hlim hmel sanga min lo chhawn tu ka la tawng mang lo! Midang pawhin he thil hi an sawi ka hre fo mai. Mizo kristian kan nih angin kan danglam tur niin ka hre si a. Hei pawh hi mak ka ti.
12. Aizawlah in chu kan nei ve. Mizoramah erawh ka la awm chuang lo. Ka tumna ringawt chuan awm pawh ka tum lem lo. Mizo erawh ka ni reng ang, ka damchhungin.
Similar Posts:
- Handset camera nen Inrinniah ka bazaar a…
- MIZORAM CHU AIZAWL (Aizawl Khawpui zauh a tul kher em?)
- Nuam dangdai ve deuh asin.
- Yangon Bota Htaung, Yangon River tourist attractions
- AIZAWL – AIZWAL
August 6th, 2012 at 7:27 pm
E… sawi zawmah a ni maw? 😉
August 6th, 2012 at 7:33 pm
Aw Aizawl.
August 6th, 2012 at 7:38 pm
Nitin mai hian mitinte hi inzir belh zel ngai kan ni vek e. I ziakte hi inennawn nan hmang thei hlawm ila…
Mizo nih tumlo mahla i nih tawh chuan i ni reng ang. Mizo nih hi kan duh emaw, duh loh vang emaw, ni a kan inhriat vang emaw, nilo a kan inhriat vang emaw, miten “i ni” min tih vang a ni emaw, “i nilo” min tih vang a nilo ngawt kan nilo. Lusei, Lai (pawi), Mara (Lakher), Hmar, Ralte, Thadou, Paite (Zomi) zing a engemaw ber kan nih vang zawk a Mizo kan ni. State leh ram awmna a hran hian inkoh dan dang fo mahse, midang, mihrang kan nih phah heklo. (Leh duah mai a) hairehai (Y) 😛 😉
August 6th, 2012 at 7:50 pm
Aizawl hian khawpui a nih man hi a tel nasa a, Mizoram budget pawh sawkkhawmin sawrkarin a bel tawn tawn a ni ber e. Hmasawnna lah chu khawdang chan ve a phu lohvin a zuanin a zuang zawk zawk mai bawk. A lawmawm e, khawpui a nia duhsak pawh a phu reng mai. Mahse he malsawmna dawngtu Aizawl michengte hian Zohnahthlak te huikhawm hi an mawhphurhna a ni tel tih hria sela. Thing deuh deuhva inlek kual lovin khawpui mi nun zemawi leh ngainatawm lantir rawh se… Kum 7 liam ta a Aizawl a pemlut ve chauh keimah pawh tiamin.
August 6th, 2012 at 7:56 pm
a tawt em mai, building lian pui pui rem lo deuh a sak ho saw, engtin nge maw an luah ngam le!!
August 6th, 2012 at 8:08 pm
1. Mizoram pawna piang ka ni. Mahse ka seilenna a ni lo.
2. Mizo dik tak, Pu HV-a tawngkam takin ‘pure breed’, ka ni.
11. Ka sawi tel hram duh chu – Aizawl ah khan dawr (a changkang lam deuh) te, pisa (sawrkar leh kohhran pawh) leh bank (a bikin) ah te hian nui hlim hmel sanga min lo chhawn tu ka la tawng mang lo! Midang pawhin he thil hi an sawi ka hre fo mai. Mizo kristian kan nih angin kan danglam tur niin ka hre si a. Hei pawh hi mak ka ti.
Point dang pawh khi ka ngai pawimawh tho, khi te chauh khi kan paste chhawng leh mai mai. Point hmasa 2 phei chu keima dinhmun based in cut ka nei in ka hria 😀
August 6th, 2012 at 9:18 pm
Kei chu Aizawlah hian ka tlangnel lo khawp mai, kan chhungte awm ve chhun pawh ka hre mang hlawm lo, Aizawl chu Mizoramah na na na chuan a developed ve bera, mihring nunphung a danglama, attitude pawh an nei deuh bik. Aizawla cheng tam tak Mizoram hmundang la hmu reng reng lo Aizawl chauh hi Mizoram emaw ti, Lunglei te pawh thingtlang emaw ti vek an awm nual nia mawle :-S
Sasaks, i rawn ziak tha khawp mai, i tawn ang khi mi tam takin an lo tawng ve fo tawh asin.
August 6th, 2012 at 9:23 pm
Charice_Mizo chiah hian min hrethiam a nih hi (F)
Post a tlem in ti chhen bawk sia, ngawih chuh reng bik aiah ka’n puak chhuak phawng a ni e.
August 6th, 2012 at 9:28 pm
Rilru chhia leh kawi ta viau ah te min lo ngai ang tih pawh ka hlau hlel love 😛
Aizawl ho hi kan en bik, an fimkhur a tul, tih thu mai a ni e.
August 6th, 2012 at 9:28 pm
Aizawl a piang leh seilian ka ni. Pu Rokunga hla “Ka pianna Zawlkhawpui” tih hla kha Aizawl thlir chungin ka tahpui tawh. Aizawl ho hian Aizawl thlirna atang chauh hian thil sawi kan ching khawp mai. Kohhranah pawh, Politics ah pawh. Aizawl leh Mizoram khaw dang inthlauhzia hi kan hmuhpui thiam lo fo.
August 6th, 2012 at 9:34 pm
Sasaks, phaia awm thin i nih hmela, Mizo leh mizo pawh hi kan mak tawh lutuk, attitude of indifference hi kan nei tlat zel henglaiah chuan, kan tana tangkai lo tur chu kan in lawm tha peih vak tawh lo, Urbanism in a ken tel ka ti mai…Aizawl pawh hi a ‘urban’ ve tawh em maia, kan nunphung hian vai ho nunphung a awn ve telh telh tawh asin…entirnan thenawm khawveng inlaichinna etc,
Tin phaia inhria leh inkawm tam tak zoram lama kan in distance ta tlat thin te pawh hi kan nun depde ta lutuk rahchhuah a niin ka hre ve mai maia..bakah phaiah chuan mi kan inhrechianga, mizo community ah kan inhman chuan chhungkhat ang maiin kan inpawha, kan thiltih leh nundan tam tak kan inhriat leh hmuhpui, zoram lama chhawm zui tlakloh vangte pawh hian kan in hmaizah thim them te pawh ani mahna…ka’n sawi ta duaha 🙂
August 6th, 2012 at 9:39 pm
MARY KOM hi MIZO anilo tih i hre tlang ang u…. Chet that vaga MIZO tih rik ngot cu a zia lo ka MIZO pui te u.. A duh thlan tir poh ni ila MIZO nih cu a duh bik lo ang.. PEACE
August 6th, 2012 at 9:41 pm
tribepower #12 Mizo i nih chuan Mary Kom pawh Mizo a ni tih ilo hre tawh dawn nia.
Mizo nih hi kan duh emaw, duh loh vang emaw, ni a kan inhriat vang emaw, nilo a kan inhriat vang emaw, miten “i ni” min tih vang a ni emaw, “i nilo” min tih vang a nilo ngawt kan nilo. Lusei, Lai (pawi), Mara (Lakher), Hmar, Ralte, Thadou, Paite (Zomi) zing a engemaw ber kan nih vang zawk a Mizo kan ni. State leh ram awmna a hran hian inkoh dan dang fo mahse, midang, mihrang kan nih phah heklo. (Leh duah mai a) hairehai (Y)
I rawn sawina pawh hi hmun diklo a nih hmel bawk. I chiang lo a nih kha 😛
August 6th, 2012 at 9:46 pm
Urbanization hian ken tel tam tak a nei reng a ni, Lengzem ah Vanneihtluanga’n Thingtlang atanga Aizawl khawpuia pem lutte tan tih lampang a ziah kha a tha ka ti khawp bawk mai. Ni e, a dik, phaiah hi chuan inhre ngailo pawh kan in-‘unau’ zung zung mai a, Mizoram chhung aiin a pawnlamah hian Mizo nih hi a lo nuam zawk nge ni!
Chung zawng zawng ka sawi zawh chuan (that being said) – rampawnah pawh hian kan tam lutuk chuan NUAM CHUNG LO!
August 6th, 2012 at 9:52 pm
*CHUANG LO! ka tihna a ni e.
August 6th, 2012 at 10:13 pm
#13 tlem2 hian i hre ve a. I ziak sei duah zel a i soitum lah cu Sentence 2 velah ka lo hrethiam daih sia!!!akeke… Tawi deuh pon thiam takin a soi theih.. Advice
August 6th, 2012 at 10:13 pm
A va tha ve. Point # 11 na khi a vei awm lehzual. Aizawl hi ka tan chuan a laklawh ani ber mai!! Thingtlang ah hian a nuam ber mai. 🙂
August 6th, 2012 at 10:26 pm
Aizawl ah hian han zin ve chang pawh a thlenna mai tur hi ka neilo tawp kei pawn. Ka zin hnuhnun berin Circuit ka book a, ka changlo zui!
Hotel man tlawm deuh ka zawn kual leh fe hnuah Ramthar lama chhungte titih deuh in ah inthlahrung lutuklo in ka in vawm lut ve chawm mai. Nang chu Aizawl ah In i la nei tal a lawm le!
August 6th, 2012 at 10:42 pm
Saitawk, Kulikawn i thlen peih chuan kan inah, Aizawl mihlun in ah ngei i duh hun hunah ilo thleng thn dawn nia. Mizo i nih leh niloh an zawt lovang che, Mizo takin an lo thleng ang che. Ka thian ini tih i insawi phei chuan an en hrang lo khawp ang che.
Huiham, laptop ka hmang thiam lo hairehai 😛
August 6th, 2012 at 10:45 pm
HV kan in ang anih chu!! keipawh ka hmang thiam bik lo hairehai! 😛
August 6th, 2012 at 10:49 pm
mamboih, type dim a ngai di de em mai hairehai 😛
August 6th, 2012 at 10:56 pm
HV chu mai piah lamah mouse awm lo a kut a tih vel hi!! ka peih lo ve pangngai! 😛 Cell phone atanga online phei chu a ngaihna ka awm lo hairehai 😛
August 6th, 2012 at 10:56 pm
Aizawl bazarah kan han kal a, kan Mizo-pui hlir maiin (a bikin sa zawrhna ah) min lo au sup sup mai thin kha chu hmun danga mahni duh duh leia kawk kual thin tan chuan a zahthlak letling duh hialin ka hria! Leisak tur bik ber pawh hre lova din laih reng a awl asin 😀
August 6th, 2012 at 11:36 pm
Inthlahrung tak leh tawngkam hawihhawm tak hmanga diklo nia i hriat tarlan i thiam khawp mai. Thuziak tha tak a ni e. (Y)
August 6th, 2012 at 11:47 pm
The Biz #24 – ka lawm e.
August 7th, 2012 at 12:22 am
Point 11-na hi a pawimawh khawp mai. Hmel hlim tak pua mi biak hi Mizote’n kan zir nasat a ngai viau a ni. Khawvel hi a tinuam bik teh mai a nia.
August 7th, 2012 at 12:25 am
Point 8 & 9 ang hi kan college kal lai khan ka tawng nual mai. Kan khaw lama kan thiante rawn zin hi chu chaw ei te sawm in theih ang ang hian kan lo welcome ve thin lai hian Aizawl a kan college kal pui thin thiante han tlawh hi chuan a tlangpui thu in min welcome dan a nep hle in ka hre thin. Tum hnih phei chu Shillong a Hostela kan awm pui thiante an in ah ngei ka tlawh a, thingpui takngial pawh ka hlawh chhuak lova; kan la naupang deuh bawk a mak ka ti a sin aw!!
August 7th, 2012 at 12:35 am
#27 – a lo nih ve bawk tak chu mawle. I tlawh leh pawhin ka ring lo hehe. #26 – a little smile can make a big difference! Mizo “kristiante” danglamna tur niin ka hria a, mahse, hnam dang hi kan tluklo zawk em aw…vai kan tih ang chite leh NE lama kan tlangmi pui te ngei pawh hi?
August 7th, 2012 at 12:36 am
I ziak tha reuh. Negative view hi ka support vak lo na a i point khi a tha hlawm ka tia, mahni theuh inenfiahna’n.
August 7th, 2012 at 12:41 am
Correction! Sheldon, ‘positive’ takin ‘negative’ thil ka tarlang mai zawk. ‘Negative view’ tih chu ka duh hauh lo mai, ka thil mention ho khi a negative a nih pawhin ka ‘view’ chu a ‘negative’ kher lo tih ka puang e. 😀
August 7th, 2012 at 12:46 am
Sasaks, a tha alawm. Mizo te hi kan ziaawm viau tawh ania. Hospital, bank, office leh mipui deal tute hma kan sawn lutuk tawh. Mi tlemte fel lohna hi a ri a ring hluai thin mai pawh a.
August 7th, 2012 at 12:59 am
Ni e, 21st century ah phei hi chuan danglam tak kan ni ve ta. Mahse, comments khi en la, tan kan lak erawh a la ngai tho mai – no offense.
Aizawl-a chengte hian Aizawl pawnlam/piahlam hi nasa takin an influence a, an affect a ni, tih an inpawm a tul, hnam angin.
Politeness ah hnam naupang kan nih angin, hnam upa zawkte kan tluk lo ka ti bawk. Mi thenkhat, polite tak tak leh phungthlu tak tak chu awm mahse.
A chhe lam hi chu a ri ring zawk lo thei lo, eng thilah pawh. Sawi a tul miau thin si a.
August 7th, 2012 at 1:09 am
Point 8 leh 9 khi kan comment ve teh ang. Kei chu Aizawl a awm, piang, ka pu pawh Aizawl a awm hlun, Aizawl hlun ve tak chu kan ni. Chuan phaiah lehkha zirin, ka u hnathawkin, in te tak te ah kan awm ve raih thin. Aizawl a veng changkang leh chhungkaw hausa tak tak hi kan in ah chuan duh duh eiin, an rawn in ve thin. Kan ei tur tui tha tha te pawh min ei zawh sak thin. Kan ui lem lo. Mahse Aizawlah chuan heng mi hausa ho hian eng atan mah min ngai lo. Chaw eia sawmtu hi chu chung zingah chuan mi 2 vel chauh ka tawng. Chuvangin phaia harsa ve tak emaw, mahni inchawma in luah ho khan, Aizawl mi hausa fate kha lo hmangaih duh vak suh u. Ka experiance tawh a ni a, Aizawl a han haw changa min lo welcome leh dusaktu ka tawng mang lo. Kan ei tur neih ve chhun tui tha tha ei zo tu te kha, an in ah thingpui no khat pawh hlawh lohna ka nei teuh mai. Pu Liankunga poh khan vawikhat chu ‘One Way Ticket’ tih article, hetiang chungchang hi a ziak tawghin ka hria.
August 7th, 2012 at 3:16 am
Charice-te khua-ah hian Aizawl chu sawi loh, Mizoram hrim hrim hre lo hi 90% vel an niang ! N.E lam hi chu ang khat vek turah an ngai tawp mai niin a lang. Mihring kan pung zel anga, 50 lakhs vel population kan tlin hunah chuan heng i sawi te hi chu a la ngaihawm ngawt ang.
Tin, hriat atan tha chu Aizawlah hian ‘Mihlun’ ti a han inchhuang thei an awm lovang ! Sap-ho khan Aizawlah Mizo awm ve an phal lo, Aizawla awm hmasa ho hi harsatna vanga Sapho bel an ni tlangpui (Ka la rawn post ang).
August 7th, 2012 at 7:32 am
Mi hlun tih hi ni e intihtheihna vak niin ka hre lo, mi awmrei tawh kan nihna bak chhuan tur kan neihloh chuan. Aizawla veng hlun ber pawlah kan awm a, kan awm atanga kum 25 ah pawh “mi hlun” ho chuan awmthar min la ti tho. Mahse hei hi Mizo ho chauh vei ani lova. khawvel puma awm a ni. American immigrant hmasa ber Mayflower lawnga kal te khan an hnua rawn pem, a bikin hnamdang English ni lo chu an hmuhsit ve em kha.
August 7th, 2012 at 8:29 am
Ehe!Mihlun leh hlun lo tih vel boruak a lo awm elaw, ka lo hre ve reng reng hlei nem, a va bo thei ngai ve le. (Hawi hu)
Urbanization chung chang khi kei pawh a dik ka ti, tuna tanga kum 50 vel a ral leh a nunphung pangai zawh a ka’n dam thleng ve te a nih ngai chuan kan naupan laia kan tual chai te kha chu Tu te bulah a lem (cartoon) in hrilhfiah fe a ngai tawh ang, tunah pawh hian hei thenawm te nen chuan kan in HI BYE ringawt tawh chu a ni e, kan naupan lai te kha chuan Buk sak te, inbailem chhuan hmang te khan kan inkawm thin kha a ni ngai a
Aizawl hi khawpui dang te nen khai khin chuan eng teh ual ni lo mahse nuam ka ti ve khawp mai
August 7th, 2012 at 8:32 am
Mizo te hian hawihhawmna ‘manner’ hi kan tlachham ve hrim hrim, kan thiam loh pawh ani lo, kan nundan phung ani ve hrim hrim a. Hmanlai atanga ‘mipa’ tak nih kha kan inzirtirna ania. Tawngkam ti hluak hluakah kan ngai deuh thin a. Inchhungkhurah pawh ani tho. Nu leh pa, unau te pawh khawi-ilo kal dawn pawn kan inchibai hram ania! emotion/affection lan chhuah tir lamah hian kan nep viau a, a pawina phei erawh ka hre em em chuang lem lo a.
Office vel ah hi chuan ‘tih pawp’ loh chuan mawi hnai taka inchiau-au hi chu beisei lo hrim hrim ila, ‘puih theihna che ka nei em? tanpui i ngai em?’ tihte hi chu beisei vak lo ila.. 🙂
August 7th, 2012 at 8:40 am
ka bank ah hian “meet and greet” staff an tih ang chi hi an nei a, lo kal apiang kha enge an tihtur puih an ngai em, kalna tur an lo kawhhmuh zung zung a. branch lianah chuan hetiang staff hi full time in an chhawr nual.
August 7th, 2012 at 9:14 am
aduh-i chu bank te a lo nei thlip thlep tawh ani maw 😀
August 7th, 2012 at 9:27 am
@lrp bleh
August 7th, 2012 at 9:27 am
@lrpa, aduhi hi mahni a bank nei pha ngat a nia o 🙂
August 7th, 2012 at 9:28 am
piggy bank
August 7th, 2012 at 9:32 am
Maawm, Aduhi te hi chu a turu ru a lawm.. 🙂
August 7th, 2012 at 9:46 am
Negative tak tak in awm chuan dark room ah Pu shailendra te nen kan pring mai ang che u 😛 😉
#36 ka ngai viau zel mai.
August 7th, 2012 at 9:58 am
(Y)
August 7th, 2012 at 10:31 am
Post tha tak a ni… (Y)
Hostel-a nuamsa taka kum 5 chuang awm ka nih avangin, Aizawl khi chu tlangnel ve takin ka awm ve thin. Awmna hmun apiang hi a nuam zel rihin ka hria… 🙂
Mihring fel leh fello an awm laiin, tawngkam tha leh hawihhawm dawn duh chuan, a dawngtu turte kan inngaihthlawm leh polite hmasak phawt a ngai tih hi hre fo ila… (Y)
August 7th, 2012 at 10:37 am
A rei tawh mai a, thingtlang lehzual atanga lehkha zir tur nula pakhat kan awmpui tawh a, kan thiam tawkah kan duat ve hle. A nu leh pa te pawh an rawn thleng fo. An khua kan kaltlang changin a chhungte nen kan inhmu fova, mahse hotel ah chaw kan ei thin. A mak kan ti lem lo.
August 7th, 2012 at 10:59 am
caribou, #47 i sawi takah chuan ka pi leh pu damlai kha, Lungleng ho ke ngat a Aizawl an rawn bazar thin lai kha ania. Kan in kha an chawfun eina thin a ni. A nuam thei mup mup teh a sin. 10+ vel awm chang pawh a awm fo ka ring. 🙂 A lunglen thlak mang e aw :-S
August 7th, 2012 at 11:19 am
Min la tawng ve lo nih chu a, ka’n biak nasat dawn tehlul che nen :-O
August 7th, 2012 at 11:19 am
#46 khi a dik ka ti, khawi ramah pawh kal i la, mi tha chuan mi tha bawk an tawng, mitha lo in mi tha lo an tawng duh bik. Vai/midum/sap/khawchhak mi tam tak te pawh hi kan dawr dan azirin an hawihhawm vek, Aizawl ah pawh a dang chuang in ka ring lo, kan va dawr dan a zirin mi bengvar leh hawihhawm tak tawn tur an awm ka ring ve tlat. Dawr nghah hian kan hnam zia tam tak hi chu a hriat ve theih khawp mai, kan va dawr a te chu sawi loh, min rawn dawrtu a te pawh hi khirh tak tak an tam lutuk
August 7th, 2012 at 11:20 am
# 48…
Thehlep (Khamliana Sailo pianna) kan awm lai khan, Belthei khua atangin Tuikuk hian chawhmeh an rawn zuar thin a. Tukthuan ei hunlai tak hian an rawn thleng thin bawk si. Chaw kan chhum belh fo mai…
Khawpuiah kan han zin ve a, mahni laina hnai emaw hmelhriatte ina thlen changin, duh ang tawk chaw kan ei ngam lo thin erawh khan Mizo tlawmngaihna min rinhlelh tir rum rum thin nia!..
Tunah erawh, chaw eia min sawmtu an awm chuan, ka hnial ngai reng reng lo; mi han hnial tung tung hi zahthlak ka ti ta deuh a!…
August 7th, 2012 at 11:38 am
E khai kan in ang lo deuh a ni maw… Kei, ka vannei khawp mai. Aizawl leh Lunglei vela ka chuan kai tawh chuan hun ka neih tam loh avanga hmuh theihlohte hi an lung a awi lo nasa thin mawle.
Sikulah kum 5 dawn ka awm hman a. Naupang leh an nu leh pate hi ka chung hian that an chhuah bang thei lo a ni e. Chawhmangkhawng nge khawng lo nge ka ei thin zo zai pawh hi ka hre seng tawh love a…
Keimahni hi kan pawimawh khawp mai. Rilru tha tak pu chunga mi kawm leh thurualpui hian a tha zawngin nghawng a nei chawk thin.
August 7th, 2012 at 2:09 pm
A tha lo ka tawn 2 ka’n sawi mai a, a tha leh fel tam tak ka tawn te ka sawi lo mai zawk a ni. Tih tak emah chuan Aizawl hi tawngkam leh chetzia ah pawh Mizo ah a sang ber an ni.
August 7th, 2012 at 2:24 pm
Saiha-ah ni hnih thum vel ka cham ta, thian hlui thenkhat lo awm ten chawei a min sawmna hmun hnih thumah a awm a, kal lovin ka la hnar zel rih chu a nia. ( insawithei
).
Mihring an thuhmun vek lo tih a nih kha maw, a fel lo deuh an awm hian a fel deuh te an ti hlu a ni ti mai ang.
tren tren
August 7th, 2012 at 2:35 pm
Saiha kha nuam ka ti khawp mai
Saiha sawi takah chuan hmaanah kan thianpa pakhatin Saiha-a an zin chanchin a sawi ka la hria:
Mi in an zawng a, an hmu mai si lo khan tlangval pakhat hi an zawt dek dek a, “Khawpuia in kal chuan in bo map mai ang!” ti chiahin a lo chhang pek a ni awm e!
Tak tak a nih leh nih loh phei chu ka hre lem lova.
August 7th, 2012 at 8:33 pm
Tha hle mai. I mi sawi pahnih te ang khi ka ni ang tih ka hlau.