Vawiin chu ka len luh zeuh zeuhna pitar leh putar kum 90+ ve ve ka tlawh a. Ka tlawh khat angreng viau nangin an pa, Pu Cordoso a á¹hat loh riau avanga kal ka ni deuh mah.
Tar lam damlo a ni a, nurse-in a chen chilh tawp mai a. Tichuan thei leh thei lo vin, “Kan á¹awng, Italian hmang a titi pui tur ka duh hle mai tunlai chu. Ka chhungte lah ka ngai em em reng mai si a….” tiin a lunglen thu chu a hnar a oxygen dawt invuah chung chuan min hrilh á¹awk tawk a. An nu chuan a kut chul heuh heuh pah chuan a thiam ang tawk tawkin a lawm tur chi eng eng e maw a sawi melh melh bawk a.
Keimahah ka han inchan ta a. Pathian zarah damin an kum ang hi dam thlengin hmun nuam zawkah pawh awm mah ila, ka ram Mizoram hi ngaihloh ni ka neih theih ngai ka ring bik lo reng reng tih ka ngaihtuah chhuak nawn leh a ni. Ani kum 70 vel US a awm tawh pawhin a pianna ram leh an á¹awng hman a thlahlel em em mai a ni si a.
Kan ram ka ngai á¹hin a, kan pianna ram, kan chhung leh khatte awmna a ni miau a a awm kher mai lah tak a. Pianna ram nilo, Mizoram a piang nilo, Mizo nisi ram dang a awmte ngaih leh thlahlel tlakin á¹hangtharte hian hmangaih leh dimdawi takin kan ram, Mizoram hi i enkawl zel ang u. A ram a cheng nungcha zawng zawng lakah ngilnei ila, á¹ul tak tak lovah thing leh mau i suat lo bawk ila, kan ram Mizoram hi i hmangaih zual sauh sauh ang u. Tichuan, kei ang a piang kherlo tan pawh, Mizo nih a nuam ang a, Mizoram pawh “Kan khawpui awmna” tia sawi nuam an ti hlawm tur nia.
♫ Aw Zoram ka ngai em a che, nanglo chuan lawm a kim theilo. Dar ang tawn leh ni her chhuak thuai se, thinlai dam te’n len ve maw ka nuam e…♫
August 6th, 2012 at 1:52 pm
good post (Y)
August 6th, 2012 at 1:53 pm
india ram state pakhat i ngai ni maw 😀 😛
August 6th, 2012 at 1:55 pm
Tuantul vanga sappui ram zuk kai paw’n an pianna Zoram nuam bawk an ngai leh thin;
Engdang vang a ni lo, pianna chunnu Zoram hnuntui ngaih an bang bik si lo.
August 6th, 2012 at 2:05 pm
thingtlang khaw chengkera awm pawh hian Aizawla inbenbel an chak bik vek lo khawp mai..mahni ramah rau rau pawh.
August 6th, 2012 at 2:08 pm
Va rawn inleihbaw nasa angreng ve… 🙂
August 6th, 2012 at 2:15 pm
(Y)
August 6th, 2012 at 2:30 pm
ni ngawt mai….
August 6th, 2012 at 3:49 pm
#2 mahni pianna ram ngaihna chang hrelo ka nih ka hlau teh a sin 🙂 hairehai
August 6th, 2012 at 3:58 pm
Ka ngai deuh tho a, mahse a nuam chu ka ti miah lo..??
August 6th, 2012 at 4:14 pm
lrp #9 mahni pianna hi chu a ngaih loh theih loh chu a ni e. Han haw chang erawhin a khawngaihthlak ka ti ve á¹hin lawi si!
August 6th, 2012 at 4:33 pm
Post tha leh lungkuai tak a ni.. (Y)
Zoram ngaih hian ban ni a nei dawn lo niin ka hria (i ve khanglang ila). Tin, Zoram ka tih bikah pawh, Pu Cordoso ang deuhin, ka pianna khua ngei ka ngai… ;-(
August 6th, 2012 at 4:36 pm
I tu leh fa te zawng zawng Mizo tawng thiamtir la, i upat deuh hunah pawh mahni tawng ngeia lunglen thu sawipui tur i nei dawn alawm 🙂
#2 khi a tul lemlo khawp mai.
August 6th, 2012 at 4:40 pm
Vawin chu ka va buai deuh ve! Misual pawh kan misual hman loh chu le. Good post (Y)
August 6th, 2012 at 4:47 pm
10 @ Pu Hv..nia..news..vanglaini, zozam te kan han chhiar a..lawmna tur hi a awm lo ani e…mahni ram vei hi vei loh aiin a hahthlak phian..a pawn a tang hian a lang chiang em em a! thenkhat lah in a pawn atanga sawi an lo ngaithei lo em em a..achhung atanga engmah sawi chuang si loin..anih nih niteh se…beidawn hma hian ka beidawng sa e..!
August 6th, 2012 at 4:53 pm
Charice #12 i sawi hnuhnung zawk khi ka ngaihdan (Y) :-S
lrp tunlai á¹hangthar fel tak tak an pung zel niin ka hria. Chuvangin ka beidawng dawn lo, beisei neiin ka thlir zel dawn ka pian na Zoram hi (Y) (B)
August 6th, 2012 at 7:15 pm
Mah ni pianna leh seilen naram, ngaih nachang hrelo khawpa, mi inla enge maw deuh , mahni pianpui tawngpawh, zahpui deuhroh, e mawni hohi, ka ngaisanglo khawpmai. Sial pawhhian, a pian na leh seilen naram chu, kum 30 a liam pawn a theihnghiah ngai lo an ti a lawm.
August 6th, 2012 at 7:37 pm
Hmmmm…. Hidusssstaannnniiii hi i lo ngai em em a ni maw. Ha ha ha
August 6th, 2012 at 8:14 pm
He post chu a va han ril in, rilru a va han khawih ve le. :-S (F)
August 6th, 2012 at 11:02 pm
bei tha thei fuuuu ni, thianpa hi! LIKE
August 6th, 2012 at 11:43 pm
Nitin kan thil tawn atangte hian zir tur hi a lo.awm zel a nih hi maw. Ziak tha khawp mai. (Y)
August 6th, 2012 at 11:59 pm
Mahni ram/khua chu kan upa tulh tulh a, kan ngai tulh tulh e, an tia lawm! I lung a leng dawn chauh, nakinah i ‘buai’ lutuk loh nan tun atangin lo inhmakhua la, i lunglen zual tulh tulh hun atan lo inbuatsaih tan rawh le! (Y)
August 8th, 2012 at 1:01 am
Sasaks #21 ni e, dam chuan retired nan Mizoram ngei chu ka rilruk mek a ni e, ka lawm e. (Y) 🙂