Han sawi tak zelah chuan hetih hunlai na na na hi chuan tha a la zain ngaihtuahna a sâng vet vet bawk a mual nuam leh mar tha lai phei chu thlawhna tum hmuna siam kha kan huphurh lo ren reng.Chutah, Saphai ngawpui, Ngiau thing lian pui pui hlira khat mup mai kan han fan meuh chuan khaw dang hawi a har duh hle mai.
He Saphai ngawpuia Ngiau thingte hi kum 450 vel bawr niin, 4ft atanga 8ft. hawlh tlang thiau an ni hlawm a ni. He Ngiat ngawpui hian ngaihtuaha a tithui a, chakna min pe a, kan hawsan hnu pawh chuan kal leh thuai thuai min tichâk a, kan hotute thutlûkna nghakin Lalhnam Sikul lamah hun kan hman san leh ta rih a ni.
Tichuan, ni 26, Pawltlak thla, 1990 a lo her chuak a, Khawruhlian ram atang chuan Kelzâm ram leh Hmuizawl ram lut turin heng mite hi an feh chhuak leh ta a: Pu Rorelliana- Champhai, Pu Liantluanga- Thingsulthliah(T.s.t), Tv. Vanlalsiama- Champhai, Tv. Ramdinmawia- Darlawn, Nl. Lalnunthari- Darlawn, Tv. V.L.Hmunluahpuia- T.s.t, Pu C. Lalronghaka- Khawruhlian, Pu Engliana- Khawruhlian, Pu Parsala- Khawruhlian, Nl. Lalchhhanhimi- Khawruhlian, Tv. Lalduhkima- Reiek te an ni.
Tukthuan eikhamah zanriak buhfai leh mutbu nen Khawruhlian atangin kan in ak chhuak a, km 1 vel chauh kan kal hman ang tihah Pu Ronghaka, Khawruhlian chuan Sakhi a kap ta mai a, a lawmawm rualin kan buai phah ta zêk a. A chek pawh hâwp hman loin kan tum ram lam chu kan pan ta zel a. Tuirial kan thleng thla a, pûm pathum siamin Kelzam ram fang turin kan inkar thla ta lauh lauh a, tui thiam ve lo chu le..tui dum kûk mai chungah chuan nungchang tha takin kan thu ngawi hle hle mai a, thianpa Siama(Champhai) kha che loin a thu rei thei ta berin ka hria..khati ang reng renga a nungchang that kha ka la hre ngai lo. Tichuan, khua a lo tlai lam ta a, tiaupho zau laiah riahbûk kan suala, zan kan riak ta a ni.
A tuk zingah chuan a ngai têin, thuawih takin pum chungah bawk Tuirial dung chu kan zawh thla leh ta a. Tukthuan hmeh atana Pu Tluanga, Thingsulthliah sangha vawm thlukte chu kawmg chenah na na na chuan kan chhar ve ngam khawp mai.
Kelzam ram, Tuirial lui kama Puanphah ram, hmun zawl nuam tha em em mai chu ni 28, Pawltlak thla, 1990 chawhnu herah kan rap ta a. Pu Enga(fam), Khawruhlian pa titi thiam chuan, “E khai! helai ram zet chu a va tha in a va nuam em! Perek pawh phun ila chawr mai thei a mawi a nih hi le! an ti vang vang mai a, kan hlimpui ham ham hle mai. Tlangval ve ta fam chu le hma hruai ngaih chang a tam a, Hmuizawl ram kan en hmasak tum a kan riahna hmunah khan zanriah ei tur lo han bawl tumin kan kal ta char char a. Hmanlaia he hmun lo luah hmasatute kawng ruh hlui chu zawhin kan riahbûk hluiah chuan zan kan riak leh ta a ni.
A tûk ni 29, Pawltlak thla, 1990 khua a lo var chuan Nunna Lalhnamte Engineer Pu Liantluanga(Thingsulthliah) hovin khaw dinna hmun tur chu em fel leh a ni a, tuna Chhanchhuahnakhawpui lo dinna hmun hi thlan fel a ni ta a ni. Tichuan, mipui nawlpui luh hmaa a lo luah hmasatu turte awmna hmun tur nen ruahman fel a ni a, kan hlim tlang hle. Tichuan, chawhnu her a nih meuh chuan Tuiphu leh Tuitung luite kânin Khawruhlian lam panin kan haw leh ta a ni.
Tichuan, hun leh nite a inher liam zel a, Lalhnamte hmunpui tur Chhanchhuahnakhawpui luah tur chuan ni8, Pawlkût thla, 1991 chuan Khawruhlian atanga luh a ni ta a, hemi ni atang hian mei mit loin Chhanchhuahnakhawpui chu a lo ding ta a ni. Khawruhlian atanga lut hmasate chu; Pu Engliana- Khawruhlian, Pu Lalvuana- Khawruhlian, Nl. Zikpuii- Khawruhlian, RMI- Khawruhlian, Lalchhanhimi- Khawruhlian, Tv. Vanlalsiama- Champhai, Tv. Lalduhkima- Reiek, Malsawma- Seling, Chawngchhuana- Champhai, VL.Hmunluahpuia- Thingsulthliah te an ni. Ni 9, Pawlkût thla, 1991-ah Darlawn atangin Ramdinmawia hoin mi engemawzat an lo lut veleh bawk a, Damdiai lui leh lui inkarah riahbûk sual a ni a, hetih lai na na na hi chuan lui dungah chawhmeh zawn a nuam hle mai, lung phawh sual a awm meuh lo.
Tichuan, khaw hmun luah luh fel a nih veleh lovah riahbûk sual nghal a ni a, pa hoin lo tur ram an ena. Ni 11, Pawlkût thla, 1991 atang chuan kan hotute; Pu Rorelliana leh mi thenkhat lo va tur pawh an lo thleng khawm tan ta a ni. Lo vah riahbûk, mi 30 atanga 40 vel riah theihna tur chu ni thum chhunga peih fel nghal vek a ni a, kan tang tlâng bawka mau kan han pu te chu kan dar dona lai maute a sâwp ve rap rap mai nia.
Tichuan, ni 12, Pawlkut thla, 1991-ah Chhanchhuahnakhawpui lo tur chu vah tan a ni a, mi 17 in lo vah hi tan a ni a, kan vat zau hle. Chumi ni atang chuan tuktin lo vat turin kan inruahmana, zan a lo ni a, inkhawmna hun tha tak mai neiin hun kan hmang thin a ni. Chuti anga hun hlimawm tak hmanga, chauh pawh hre hauh loa hun kan hman mêk lai chuan Thingsulthliah lama School sak pawh a kal ngaiin a kal mup mup reng bawk a ni.
Similar Posts:
- Lalhnam Sipai leh Chhanchhuahnakhawpui – Part-1
- Lalhnam sipai leh chhanchhuahnakhawpui – part- 3
- Lalhnam sipai leh chhanchhuahnakhawpui – part-4
- Mizoram khua ber kai thenkhat te
- Tuitla!
August 8th, 2012 at 10:41 pm
First em aw
Report this comment
August 8th, 2012 at 10:42 pm
@sisen, An sawn phei tlat alawm
Report this comment
August 8th, 2012 at 10:44 pm
Tunlai chu Pu Hnam Sakhua leh a hote an tang riau
Report this comment
August 8th, 2012 at 10:49 pm
Sisen, lalhnam sipai hi nge hlauhawm ang BRTF.?? Sipai ve veah chuan Captain ah lut dawn ta la, khawi sipai zawk nge i thlan ang??
Report this comment
August 8th, 2012 at 10:52 pm
Part 3 na ah chuan Chhanchhuahna khawpui atanga an keh darh dan a rawn lang ngei beisei ang aw? Chhunglam thu a nih hmel bawk a. Champhai lamah hetiang bul tan hi awl deuh bik a niang a?
Report this comment
August 8th, 2012 at 10:53 pm
I thuziak chu a sei dap dap bawka, ngun takin ka chhiar…………………………………………………………………………………………………………………………………………………………………………………………………………………………………………………………………………………………………………………………………………………………………………………………………………………..ta hrihlo mai
Report this comment
August 8th, 2012 at 10:54 pm
Vaiva, charice nen hian kan pathum hian kan chhunzawm chho ve zel tawh mai dawn em ni???part dang chu..
Report this comment
August 8th, 2012 at 10:55 pm
A ngaihnawm khawp mai.
Lung te pawh a léng vè det.
Report this comment
August 8th, 2012 at 11:00 pm
Nawm hmel mup mup ve
Report this comment
August 8th, 2012 at 11:06 pm
Chuan, han ti chhunzawm ta law law ila… Chhanchhuahnakhawpui hi tünah a la awm em le? In engzât vêl nge ni?
Report this comment
August 8th, 2012 at 11:08 pm
Thil inhmeh lote: Chemtatrawta leh kekawr tlawn
Pu HVa leh tuai
Vaiva leh nuih uar uar
Houdini leh lunglen
Report this comment
August 8th, 2012 at 11:08 pm
khaw hawi zau lo em mai a.. sawi peih leh lo
Report this comment
August 8th, 2012 at 11:14 pm
A ngaihnawm phian nia. A tir lama in vung that ngaihtuahin in tiavai leh hma em a nih kha mawle. Pu Vaiva sawi ang khian in keh darh thleng khan, a chhan te nen han sawi law law la.
Report this comment
August 8th, 2012 at 11:23 pm
Zan rei lamah thluak fima chhiar turin in lo chhawp chhuak elo?
A tak rau rauah chuan Pu HVa rawn chhawpchhuah Chhuanzuali kha ngaihtuah a ti thui
Report this comment
August 8th, 2012 at 11:24 pm
Sazuk an hual lai hian khua din ala nilova, khua an din atanga Kristian/kohran a din inkar zawng leh kohhran din a nih atanga tun thlenga a ram chhung inenkawlna leh inrelbawldante hi khaikhin ula, heng atangte hian Kristiannain kan ramah rahtha a chhuahlo zia atak/mit ngeiin Lalpa’n min hmuhtir ani.
Report this comment
August 8th, 2012 at 11:29 pm
#11 Charice_mizo mai mai chuh! Kei leh lunglèn kan inhmeh loh bîkna ka va han hre lo chiang
I tidik khawp e, atakah chuan
Report this comment
August 8th, 2012 at 11:33 pm
Hetiang hi Mizoram fast food dawr vel a hman ah ka awt. Intlar buai emaw a ngai der silo:
https://www.youtube.com/watch?v.....e=youtu.be
Report this comment
August 9th, 2012 at 12:08 am
1991 ah in lut anih chuan 2002/2003 em ni Presbyterian biak in hawn kha? Kum sawm erh awrh bak in lungrual na in a daihlo tihna ania. Sakhaw dang sawi chhe fo tur chu in nilo asin. Khami tum khan kalo kal ve alawm, biak in hawn khán. Khawvel a ka vangvat hmuh tam ber tum, motor ka nawr nasat ber tum, chirhdiak ka kai nasat ber tum, ka riltam ber tum ani. Khatiang kha in Kanaan kawng anih a, in khawizu leh hnute tui (Punjab vaibuh hlui leh vawksa hlang chhum) anih chhung chuan, keizawng in tán a Aigupta ram ah hian Tuipui sen kan ve lova chám hlen mai ka nuam e. Kristian ho chu in lungrual lohna chhan ah i puh deuh ani awm a, nangni pawl ah pawh a a kawhmawh bawl ho din kohhran kha keini pawn kan beisei sang vak bik hleinem. Mahse kan Pathian hi a tha em a, a enkawl zui turin kan hlan a, kan thlahliam ta anih kha.
Report this comment
August 9th, 2012 at 12:10 am
Ka hneeeeee
Report this comment
August 9th, 2012 at 12:26 am
Engnge maw in tum ber ni le aw? In HnamSakhua archive emaw in ti ni ber in ka hria. Mizoram pawl leh kohhran hrang hrang te hian misual.com hi an document hlui rawn archive nan rawn hmang ta sup sup mai se la,kan va chhangchhe dawn em….emaw thenawmpa hian an lehkhahlui ilo fahran hi ka mailbox ah hian rawn thun fahran ziah mai se la, ka lawm hauh lovang mawle, in hmuhsitna ah ka ngai hial maithei a ni….
Report this comment
August 9th, 2012 at 12:55 am
18#
kristian vanram kawng chu a hahdam em alawm, thawk lopawhin a kai theih a ni sia. Rin tawp kha a ni mai a, Samdala pawh kha lo tho leh ta sela em em a a ti ve ngei ang.
Report this comment
August 9th, 2012 at 1:06 am
Lalhnam Sipaiin an thut lai kha chuan Nungchate leh ramngaw humhalh kawngah te khan ram pum entawn tlakin a nung a nih kha! YMA pawhin ‘nungcha humahalh’ kumpuan a rawn nei zui ve zat bawk kha.
Kristian Kohhran a din hnuah khian, a ram chhung thing tha tak tak te chu sumdawnna(dan kalh a ni lo em ni) atan hmangin Ngiaupui hmun ngaw zawng zawngte pawh an tuk dar zawh vek tawh khi.
Helai tak hi Khuanu’n min hmuhchiantir a lo duhna chu a ni; ‘Chhingkhualin kan ram siam a hnekin a ti dazattu leh tichhetu ani’ tih hi min hmuhchiantir em em mai a ni.
Report this comment
August 9th, 2012 at 1:14 am
nangni in nih kha le…thing leh mau hmanga sumdawng chu.
Report this comment
August 9th, 2012 at 1:18 am
Rinzova: I fing fal hret!
Kristainte hi thing leh mau nungcha humhalh chungchangah kan turu lo hle. Kohhrana kan mi hmasate pawh sakapthei – pasaltha an awm nual.
Mahse a letling zawngin en chhin ang aw. Hmanlai khan kan mizo nunah kha engtin nge Pasaltha sakaptheite khan pawimawhna an neih kha? kan hnamzia tiin inchawi vul chuk a ni lawm ni ? A nihna takah chuan kristianna hian thing leh mau nuangcha humhalh kawngah hian min pui fe zawk ni awmin a lang zawk.
In thulak hi dik ziktluak a awm thei love…
Report this comment
August 9th, 2012 at 1:32 am
Chhanchhuahna khawpui ah khan chinchang hre deuh chu awm tam seng chuan Mizoaram din chhuahna bulpui ah an tang ngei ngei ang le.
Keikung hausakna nei lo leh ram khawro em em Israel ram din chhuahna bul pui ber pawh KIBUTZ ho hi an nia sin .
Tun thleng a agri vety/industry ah Israel ram ah hian 40% te hi chu KIBUTZ atang a thar chhuah hi an nia sin.
In chhanchhuahna khawpuiah khan heng te tih dan te hi lo hre dek ulang chuan Zoram sorkhar leh Kohran kha chu in duh duh in in ti kawi thei ngei ang maw le
Kitbutz ho zarah hian Israel ram chu khawvel ram hausa leh changkangah an tel phak phah a sin
Report this comment
August 9th, 2012 at 2:01 am
In thawk nasa viau na a, in thawh chhuah hi a nep si a, vanram beisei tur in la neilo lehnghal a. In lei vanram lah chu khati te mai kha ani bawksi. Mit a hmuhpui tu che hian in khawngaih thlak ka ti ngawih ngawih mai. Kan thawh tel hauh lova, rinna mai a vanram kai thei kan ni hi kan nihlawh na, chung pawh peih lova, awlsam zawk ni a in rin, mahni duh thu thu a tal duhna thiangzau nun in a tih retheih na zozai che u hi hrethiam ula, harh teh u. Ramngaw in humhalh anih chuan in titha thlawt e. Mahse engtia rei nge humhalh thei a in in rin? A fing hmasa leh a khek theilo deuh in anlo ti hmasa ani mai. A bak hi hmabak dang in nei reng reng lo. Sorkar(chhingkhual) tanpuina in beisei anih nghal loh chuan. In luah hma hauh pawh a sazuk thah tum leh sangha bomb nghal duh chuan, in ramngaw khan eng chen nge a daih che u a in rin? In ramngaw bak rin chhan tur dang in nei bawk silo, in lám puar thei te anih nghal loh chuan. Tah te pawh in ti chhuak rum rum e.
Report this comment
August 9th, 2012 at 2:47 am
a ngaihnawm phian mai..chipchiar deuh a ziah tur che u ania..ram kal tih vel hi a nuam ka tih zawng ania..!
Report this comment
August 9th, 2012 at 2:47 am
Post pawh chhiar lova comment ho kan chhiar chhuah vek chu le. Part 1-a ka comment saw ring tlang mai ang.
tren tren
Report this comment
August 9th, 2012 at 2:58 am
26# next post lo nghak leh rawh.
Report this comment
August 9th, 2012 at 9:04 am
khai a, next post la tita deuh deuh… khawlhring theuh theuh kanva han in anglo em!!! keizawng Krista tlanna a zara nunga thawve mai te chauh ka nia
Report this comment
August 9th, 2012 at 10:23 am
Comment ve leh hram teh ang
Report this comment
August 9th, 2012 at 10:32 am
A tha hle mai i thuziak chu..Mizoram History a thil thleng pakhat chanchin kimchang deuh in i ziak a, hetiang a ziak ngeia awm hi a tha a ni…Kan rama thil thleng te hi a tawngka a sawi thei an awm loh hnuah a thamral zel mai ang tih a hlauhawm…nakinah chuan tuna lo sawisel tu te thlahte ho hian i thu ziak hi Research neih nan te pawh an la hmang duh mai thei a sin…
Report this comment