mi(sual).com

Vai pathian thawh khalhin zing daifim leh boruak thiang tak hip turin ka khum lum chu ka thawh san a, ka pheikhawk kum khat daih ngei ngei ngai, ka thawh chhuah phu lova ka lei in chei nan te zin nante khawilo ka chhuah a pianga ka bun thin chu (superstar) an tia mawni ka bun mawlh mawlh a, pumpui kang thelh nan nopui khat tui kan lem ri kuk kuk phawt a, chuan ka sakhmel no lo leh ve iawm loh tak chu kan phih thuak a, ka tum ram lam pan chuan ka phei khawng chu ka chhep ta a.

Khaw chhung a in te ka kal pelh hnu chuan thing te a lo hring tuarh a, phul te chu daifimin alo bawh var iarh mai a, hmar thlifim a thaw heuh heuh a, hei hi tuktin a a awmdan ani em ka hre hauh lo, chaw ei tura kaithawh ngai khawp a ka mut rei thin vang a ni. Ka kal zel a, sava te chuan khua a var ti niawm tak hian an chiar nuaih nuaih a, hlim takin an siamtu an fak te pawh ani mahna le.

Han leh hawi pawhin khaw lam hmuh tur a awm tawh lova dai kan tih te pawh ka pel fe tawh, phul hring dai fimin a khuh var that hmun pakhat hi ka thleng a, phul chungah hian lehkha ip (envelope) lo let reng hi ka hmu a khualzinin an thlauh anih dawn hi ka ti a, kan la kang a, a kawmah chuan KAPA I TAN tih ringawt hi alo in ziak a, a mak kati khawp mai, a in char lem loh avangin a chhunga awm chu hriat chakna ka nei tlat pek a, tun min huat phah loang chu maw tiin ka en ta a, he lehkha hian a thlenna tur hmun a thleng dawn lova ka hriat avangin kan hrilh ang che u, ti hian alo in ziak a ni.

“Ka pa Duhtak,

Eng hmel pu nge ka nih a,eng mizia pu nge ka nih pawh i hre lo ngei ang ti raw? Mahse kei fapa hi i hmangaihna avang pawh nilovin ka piang ve tih chu i hai ka ring phal love.

Ka pa nang chu sawrkar hna lian tak thawkin sum tam tak i thawk chhuak a, chhungkaw ropui tak i din a, midangte zingah ropui leh challang takin i nun I hmang ngei ang ti raw?

Nangmah avanga ka nu leh kei i fapa in hrehawm kan tuar te hi i rawn ngaihtuah chin ve ngai em le, nang nge ka nu hi ka dem ang che u ka hrethiam lo, i sum thawhchhuah te a tam a, I lo ropui viau pawh a ni thei, mahsemidangte nun hrehawm nan a i hman si avang hian ka ngaisang lo che a, ka haw hliah hliah che kati zawk dawn em ni? Nupui fanau nei reng siin lemchangin kanu i bum a, i chetsual pui a i thutiam hlen leh ngam silovin zahna kawnah ka nu i hnutchhiah a, hmeichhe awmnem zawk anih te hi i haider lui em ni zawk, maulpho na lehmi diriamna zawng zawng, deuh sawh leh kan chhe tleuh nana an hmante hi a hre lo a nilo, a tihsual thup bo nan thil thalo dang tih belh a duh loh vang chauh a lo piang ve ka ni asin, i rilru ang dawizep tak hi pu se mualpho leh zahna a pumpelh ve thai tho asin chuan keipawhin hrehawm ka tuar tawp nang he khawvelah hian.

Ka han piang chhuak ve tehrenga, rilru pawnlang takia min lawmtu chuan awm ve tho mahse, an thinlung tak chuan SAWN ah chuan a duhawn hle mai an ti, nia nia kei chu SAWN KA NI TLAT A. Thing delh loh lung delh loh chu ka thang lian ve zeal ka naupan lai thu tha hrilh ka mawmawh zual lai leh zirtirna ka dawn hun lai taka PA thu tha hrilh tu ka nei velo hi ka van duai kati. Thenrual kawn mahila, a chungnung deuh a awm leh nang SAWN mai mai minti a, min vela, thlavang hauh tu tur pa ka ngai thin. Ka ngam zawng leh kei aia pang zawk te han khing ve dawn pawh mi ila ngamloh rual u zawk ten nang sawn kha vel hlek the ka vel ve che a ni maimin ti a, ka huaisenna te ka tha neih vete pawh up beh tlat ang a chang leh a, pian chhuah ve man ava awmlo thin tak ka pa i thlazar hnuai a awm ve ni ila ka ti thin.

Lungngaih niin pa bula awm ka chak a, hlimni leh lawmni tawn ve chang hlei hlei in KA PA hnen a lawmthu sawi ka chak zual thin, min chhuang a min fak der vel tur ka suangtuah hian ka biangah mittui a luang thin, zirna kawngah pawh a thei fal chu kani lo nain kan pawlah top 4 aia hnuai kani ngai bik lo asin, a sang ber ka nih tum te hian kanu hi a hlim thei lutuk a, ipa chuan hria se a hlim ve ngawt ang ati thin asin ka pa, mite hian min fak der ve a, mahse sawn ti a ka hming an chhal tel kher hi ka rilru ana, mahse SAWN ka ni miau alawm, ka khawvel eng hmuh ve hi ava thim si em. Ka dam rei leh ka rairah chhung a rei a, ka lungngaihni a sei mai alo ni, ka felin sawn fel, ka sualin sawn sual, ka sakhming an sel nitin thin kei SAWN mai mai ertu te hian.

Rirlru na theilo tura duan kani bik lova, ka bull eh vela awmte hian min thlamuan ngailo va, hlimna ka neih an gang te pawh min laksak lui hram hram thin, thaw ve reng ka nih avang hian nun ka tan a harsa a, beidawnna ruamah ka lut a, I dawih zepna thinlung pu mi kalo ni kher kher nen, huaisenna reng rengin min kalsan a, katan nun ve reng a rem lo ni a ka hriatna ten min fuih nitin a, hmuhsit leh en dawng ni reng tura hrehawm tuar nitin chu ka zuam ta ngang lo a ni SAWN KA NI miau avangin thiamthu sawitur ka nei chuang bawk lo atin ni.

A tawp nan ka pa duhtak he ka thu fahrah tak mai ilo chhiar hi chuan he lei tah leh hathialna ram hi ka taksa in lo chhuah san tawh anga, ka chatuan ram hremhmun ang chhungah chawrno lo zetin par ka lo han chhuah tawh ang. Min dema mi dawih zep miti tu ten an chhe tin rengin ka ruang an kil ngei dawn a, chu chu ka tana ruat reng ang mai ani ka tan chuan, he khawvel tan hian eng thil tha mah hnut chhiah tur ka nei lova, mahse thu chah duh che pakhat chauh ka nei I hmangaih loh hnenah a derin vawi khat pawh HMANGAIHNA hlan tawh lola, i sum leh pai te kha nawmsip bawl nan hmangtawh lo hram la, mahni enkawl loh tur fa siam hi ilo sim hmak dawn nia, hun ila neih chhung hian PATHIAN ram a zauh nan thawh tawh zawk ang che, kei i fapa hming hian thil tha pakhat tal minlo tihsak ve hram ang che aw…

mangtha, KA PA DUH TAK.

Similar Posts:

• Muhil thawh a hun e
• Love Story- IV (Ka Thài)
• Nangni leh Anni!
• Ka Pi hi Ka Ngaisang a nia!
• Ka Di, Ka Di, ka ngai em a che!

Recent Posts:

• mi(sual).com hi!
• KA MITTUI A TLA!
• ȚAHNA NUNHLUI
• March 2017, Mizo(ram) Diary
• NUN THÂMRAL

This entry was posted on Thursday, August 30th, 2012 at 6:00 pm and is filed under Advice, Lifestyle. You can follow any responses to this entry through the RSS 2.0 feed. You can leave a response, or trackback from your own site.