Kan hun hman mêk hi a chhût peih tân chuan ‘ni hnuhnung’ a nihzia chu hai rual a awm lo. Tûnlaia kan buaina – insawi thaihna leh intihderna – hi buaina piaha buaina leh chhâwng a ang ka ti. Mi bo thuthang leh thihna maksak tak tak thuthang kan hre châmchi a. Kan tûnlai boruak thlîrin a hnuaia point hrang hrangte hi i ngaihtuahho teh ang u khai:-
1. Mumang: Tûnlaiah mumang a lâr hle a, mang awiawm tak tak nei lah an pung tual tual. Mumang hi ‘dâwt’ mai mai a ni chu ka ti hauh lo, Pathianin a hman châng pawh a tam. Nimahsela, heti êm êma mumang kan ring hi chu kan tidikin ka ring hauh lo. Mi pakhat mumang ve mai thu tak–hla taka khûkpui hluai ni a mâwl thlâk ka ti. Ngaihtuahna fîm nêna beng sika kan ngaihtuah nawn (second thought) fo hi a tha âwm e.
2. Tawngtai mi: Tûnhma deuhte kha chuan tawngtaia mi bote awmna hre thei kha an lâr hle a. An thu pawh kan zâwmin Pathian atanga chhuak ngei niin kan ngai a, kan ring sual fo thin rêng a nih kha! Pathian mi hman te pawh an awm ngei a, tam tak te erawh zâwlnei der mai an ni tih kan rin ngam a hun ta! An sawi anga thil a thlen loh pawhin mipuite erawh kan fing thei hlawl si lo.
3. Khawmu: Khawmu chawi bo hi kan pi leh pute hunlai atang tawh khân an sawi thin a. Finfiahna rinawm tak erawh a awm ngai lo. Tûnah pawh ‘palian dum rên rûn’ kan sawi lâr viau. Khawmu hi a awm tak tak em? Tu nge a finfiahna dik leh rinawm tak nei che u? Heti ang êm êma kan buaipui luai luai hi chu a zahthlâk lu deuh lo maw?
4. Ramhuai: Ramhuai-te hi an awm ngei a ni tih Bible atang pawhin a hriat. Ramhuai hnathawh nasa ta lutuk anga kan sawi thin hi a chhan niawm anga lang thil pahnih a awm a – pakhatnaah chuan dawizep vang a ni thei; pahnihnaah chuan Pathian rinna tlâkchham vang a ni thei bawk. Hlauh nei reng tân chuan engkim mai hi a hlauhawm vêl vek. Chuti ang mi tân chuan ‘ramhuai’ hi an tam êm êm a, hlauh loh sên pawh va ni suh. Eng emaw danglam hlek ramhuai hnathawh anga kan lantîr zêl hi chu a ringtu hna lo khawp mai.
5. Zêldin thu: He thil hi tûnlai chu a lâr vet vet khawp mai. Hria nih kan châkna hian pawi leh pawi lo pawh thliar hrang thei lovin min siam a, zêldin thu mai mai pawh kan chaw tak khûkpui hluai thin. Hei hian Mizote rilru ngheh lohzia a tilang chiang a, a pawi hle. Mumang kan rinna avangin intirau takin kan tawngtai a, ramhuai te kan vau a, tu emaw awm tha duh vak lo kawchhûng atang te’n hnawh chhuah kan tum leh ngawt thin. Zêldin thu mai mai, ‘a ni maithei’ tih vêlah hian kan tâng rei ta, tâl chhuah a hun ta e.
Pathian duh loh zâwnga tûnhmaa aienthiam an ruai thin ang leh tûna kan kalphung hi a inang teuh hlein ka hria. Eng emaw hlek lo thleng se, kan phi chung a, rinna mumal lo tak kan pu thin. A nihna takah chuan aienthiamna nên a danglam teh chiam lo. Tin, tûnhmaa kan pi leh pute puithûna âtthlâk tak kha kan la thlah tak tak lo tih a hriat theih bawk. Kan Kristianna hian zirna leh tisa taka hmasâwnna kawngah tih loh danglamna a thlen tlêm hle a ni mai lo’ng maw? Kan inenfiah chu a hun tawh khawp mai.
(Y)
September 2nd, 2012 at 12:34 pm
A dik ka ti hlawm takzet.
Report this comment
September 2nd, 2012 at 12:39 pm
Mumang hi chu zan mut tituitu lekah hmang ila.
Tawngtaimi te pawh hi midangte tawngtaisak thintu-ah hmang mai ila.
Khawmu pawh hi thawnthu-a a changtupa-ah ngai leh mai ila.
Ramhuai pawh hi dawheh deuh bakin an hmu ngai lo, ti leh tawp mai ila.
Zeldin thu hi khawhar lunglen changa inawmtlei nan hmang leh ta mai mai ila.
A ram pum buaiin kan buai luai luai lo vang.
Report this comment
September 2nd, 2012 at 1:26 pm
Post tha tak ani….
Report this comment
September 2nd, 2012 at 1:43 pm
khawmu chawi an tih hi iodine tlakchham vang ani
Report this comment
September 2nd, 2012 at 1:43 pm
Mumang chungchang hi keipawh mumang nei nasa thei deuh mai, zantin khel lova mumang nei ziah ka nia, mahse ngaihthatloh nante, buai phah nante ka hmang duh lem lova, a thlen dik em em pawh ka hre ngailo..
Mizote hi kan changkan tawh ngaihtuahin kan lo la puithu khawp mai, a pawi a ni. Pathian kan rinna ngheh loh vang leh kan ramah sualna a zalen tak em vang hian ramhuai pawh hian min zuam tawh hlawm em a nih hi, thuthang lengvak vang mai maiin kan thle dual dual zela, patling nutling taka fim taka ngaihtuaha han insehruh hi a awmlo…”Alo ni maw, ekhai!” kan ti thei nghal zel mai a!
Report this comment
September 2nd, 2012 at 1:46 pm
mumang dik chu thil a thlen hma a an sawilawk dik hian a dik tlang pui!
Report this comment
September 2nd, 2012 at 2:03 pm
He post hi Kristianna nen sawizawm tul tak niin ka ngai. A bikin Mumang leh Tawngtai mi ngat phei hi chu Kristianna atanga chhuichian ngai tak a ni.
Report this comment
September 2nd, 2012 at 2:17 pm
Ngaihdan sawi chu a thiang ang chu maw..ka ngaihdan chuan kha an bona hmunah khan sahuai enge maw ber savawm emaw thil dang a awm anga chu chuan a ti na nih ka ring.Puk te a awm phei chuan savawm puk emaw pawh a ni thei.Kel emaw ar emaw ni thum vel tal kha Paliana ti a koh chettlatna khawi emaw berah khan han thlung chhin ta se.Evil spirit nih leh nih loh chu hriat mai loh maw u le
Report this comment
September 2nd, 2012 at 2:29 pm
Heihi keipawhin ka lo vei ve chiah chiah a ni. Ruang an hmuh hma daih tawh khan Zoram thlirtu ah te pawh ka sawi tawh nghe nghe a. Hetiang mai maia Mizo te kan la thlekawi anih hi chuan mifing kan la tamlo hle tih a entir ni ah ka ngai ve tlat a, chuvang chuan kei hetiang zawm ngailo tu hi Mizo zingah chuan fing ka inti thar leh khawp mai
Pastor ho ten an tleh dul dul a…huiham…Mizo te hi a reng reng thu ah kan dilchhut lo ṭhin lutuk. Khawchhak lungpui lum hlau ten kan tlan chhe thul, Chiahpuam ah te kan inhambuai, a hniak tam lam lam zui hi kan la bang theilo a nih hi.
Kan police te nge ka dem dawn mipui te pawh ka hre teh nuaihlo……Kan mibo te hnuchhui tur khan kei suihlung mawl hi min ruai nisela chu, ka duh ang mi ka kawm a, ka dawp an phal phawt chuan an awmna chiah hrelo mah ila an bo na Direction chu ka sawi theih ka ring… kei Sherlock Holmes hian
Report this comment
September 2nd, 2012 at 2:43 pm
Tunah chuan tuitla hlum an nih chu kan ring ta vekin adik ngei ang. Ka lo ngaihtuah leh mai mai chu Kawrtui lian khan a rualin vawi lehkhatah a la nghal chiah a ngem??? a awm nem zawk hmeichhia kha tal buai hmasa zawkin; khatia a buai a tla ta kha a thianpa TETEa khan chhan tumin a bei ang a …atlak phah ve ta a ni thei ang em.???..chiang fek fawka an tlak dan hriat a chakawm tulh tulh mai a????? Thian chhan thih ngam/ mi dang nunna chhan tum a vanga NUNNA hlu tak chan lo ni ta se..HUAISEN lawmman te pek a phu reng em?? tih te ka lo ngaihtuah daih pek a..
Report this comment
September 2nd, 2012 at 2:51 pm
Evidence te kha a sarhu lai khan ka en phal sela chu an tlak dan nenlam ka sawi thei tur a
fth
Mumang ringa Reiek vel an han pan phei kha chu, ka nuih pawh a za lo….A mumang kha dik takin min hrilh pawh nise, dawt chu ka tihsak lovang. Mahse FACT pawh nise DREAM anih chhung chuan ka curious ve tlat, DREAM hichu MIRACLE ka beisei hnunglamah ala awm.
Report this comment
September 2nd, 2012 at 3:06 pm
Full article-a ka ziah chu a thui deuh a. 60% vel a nih hi. Rilru nghet kan nei lo lutuk hi ka hah hluah hluah
Report this comment
September 2nd, 2012 at 3:18 pm
Mumang atanga hmuh, Pathian hnathawh/ hriattirnaa puh zel mai hi dik chiah ang em? Kei chuan ka ring lo.
An hmu lo a ni lo, hmuh an nei a, a hmuhtirtu Pathian or ramhuaia ngaih ngawt zel hi a fuh ber lo a ni. Hmuh naran a ni ve mai. Tawngtaia thil hrethei pan pawh hi tisual fe fe an tam tawh a nia aw..!
Report this comment
September 2nd, 2012 at 3:23 pm
Post hi ka thlawp e. Amaherawchu an chhungte leh lainate tan chuan beiseina pe thei awmchhun apiang kha bawhzui mai kha thil awm tak chu a ni e. Pastor chungchangah kha chuan, a beramten mangang tak chunga an ngen miau chuan beidawng lova siam kha a tih tur ni awm tak a ni. Keipawhin he mumang hi ka ring lova, mahse ka kohhran chhunga mipuiten beisei takin min ngen sela, hrilhfiah chungin an beiseina ka tihhlawmtlin sak ngeiin ka ring.
Report this comment
September 2nd, 2012 at 3:56 pm
A engmah khi ka awih ve ngai reng reng lo keichu
Report this comment
September 2nd, 2012 at 4:04 pm
Pawi thlen thei pawh a ni fo ang!
Report this comment
September 2nd, 2012 at 4:23 pm
#14 rawihteamizo i ngaihdan hi ka tawmpui khawp mai che. Nu leh pa, laina te tan chuan beiseina nen engpawh huam a awl ngawt ang. Ka dem lo. Thenrual tha te tan pawh an nin beiseina an la neih chhung chu, lainatna nen, han ralban san tawp chu kei ni ila ka thei hauh lovang. Mumang phei kha chu ka awih therte lo a tir atang khan. Min an sawi ho laih laih paw’n ‘kei chu thla 2 hnu velah ka sawi ve ang’ ka ti mai. Ka awihlo lo tih zawt zawt pawh a mawi bik chiah chuanglo. Thilmak zawng hrim2 hi awm ve ania, MUP chanchinbu hi an hlawk phian ka ring tlat
Report this comment
September 2nd, 2012 at 5:43 pm
Lo inring rawh u,tun kar chho atang inlarna an hmu leh tan dawn ania lirthei neiin petrol te lo thun lawk sa ula. Tleh leh dul dul mai tur.
Report this comment
September 2nd, 2012 at 5:46 pm
Ka rilru a lo awm daìh chu hetia sualna lo pung thur thur kara zonunze mawi lo lang te, kristian nìhna dik tak ruang zawn lai a lo lang kha chu alawmawm ka ti.
Report this comment
September 2nd, 2012 at 5:50 pm
Pi leh pu te atanga thawnthu..emaw..a tak thil thleng kan lo hriat thin te(prove vek an ni em ka hre lem lo), kan rinna hmatheh a rin loh/awih loh harsa taka insiam a thil pridict vak mai te leh chanchin sawi vak mai te hi chu a reh mai lovang. A dawngsawngtu/tur te hi kan inhrilh fin zawk a ngai ani.
An chinchang ka ngaichang ve char char a,tawngtai hre thei an tih khan ka down deuh a, MIDUM PALIAN an sawi rik chiah phei kha chuan ka tea-set ka la nghaaal…!
Report this comment
September 2nd, 2012 at 5:57 pm
Mumang neitu pa mumangah khan savawm lianpui dum zen zun a ni zawkin pa lianpui ang in mang neitu khan a hmu chu ni em lo maw.Savawm chuan pukah chuan pa a pawt sawm te lo ni ang se.Chuan sakei pawh lo ni ta se ramsa rim chu tui lo ve pangai bawk.Ka zel din nih hi…
Report this comment
September 2nd, 2012 at 6:42 pm
Mi bo te hi chu an tam em? an in hre lo mai mai a lawm
Kan mu bo daih teh ang! ..
Report this comment
September 2nd, 2012 at 7:04 pm
Full support.
Ka mumang ka la rawn post ang..haha
Report this comment
September 2nd, 2012 at 7:32 pm
#4,lrp khawmu chawi ni lovin maimizial zawk a niin ka hria i sawi khi.
Thil hi ngaihtuah chian a tul thin khawp mai a, mumang neitupa kha ka dem miah lo…a mumang a sawi a, an awih a ni mai a; a awihtute pawh han dem tur em em an awm lo miin mumang an nei a an sawi a, an awih a ni leh mai a.
‘Marawhchu hei hian mimal min nghawng dan kan ngaihtuah loh thin vang a ni; thlirtu nih kan thiam lo va, kan haw haw nghal dul dul thin hi kan nepna a ni fo. rational approach kan hmang hman lo va, hlau hlawpin thil kan sawi pung hluai zel mai hi a dik lo.
Kristian dawihzep hi kan tam lutuk a, ramhuai pawh lo ni se enge hlauh tur awm, enge zamna tur awm a, ngah nge kan panic ang.
Mumang neitupa kha dem kan tum leh ngawt ang e…a dem nasa apiang kha a hun laia phul an ni ngei ang.
Report this comment
September 2nd, 2012 at 8:17 pm
Insiamthat chu kan ngai ani…..
Report this comment
September 2nd, 2012 at 11:43 pm
Mumang an buaipui tan tirh lai khan Special Report lamah ka comment ve alawm le. Ka awih loh zia leh a nih theih loh dan thlengin ka sawi ve e ka tia. Mahse RATIONAL taka ka comment pek kha facebook ka hman tan tirh atanga ka inchhir ber tum a ni hial ang!
Khatia mumang awih lo zawnga ka comment khan a rang a rangin minlo chuk ta luai luai mai. Hman fe fe, tu tih pawh hriatloh khan tawngkam dengkhawng tak takin minlo ti ta nuah nuah mai a. Pawi ka ti teh a sin aw. A then phei chuan chanchinbu vela ka chanchin miin an lo ziak ve te an chhiar thu leh, mahse mumang awihlo zawnga ka comment avangin an rin ai daiha ka mawlzia an lo ziak ta mawlh mawlh mai. Ka tlanchhe nal nal!
Mahse ka ngaih tha lo lutukin a tuk lamah ka zu comment leh a chutah pawh chuan minla umzui tho. Mahse kha chu a zia deuh.
Duh aiin mizote hi kan EMOTIONAL deuh hlek ka ti thin!
Muang takin Tete-a leh Ruth-i chu chawl rawh se!
Report this comment
September 3rd, 2012 at 8:04 am
#26- kei pwh i thil tawn ang deuh tho hi ka tawng a lawm.mahse kei chu a nep deuh..comment fimkhur a ngai khawp mai tun lai chu..he post tu ngaihdan hi ka ngaihdan ciah a ni..
Report this comment
September 3rd, 2012 at 1:51 pm
Kei chu fb lamah chuan ka commend duh miah lo, ka thlir tawp!
Report this comment
September 3rd, 2012 at 2:13 pm
Paliana’n comment ve reng reng rawh min tia, ka hnial ngam si lova ka rawn comment ve ani e.
Report this comment
September 3rd, 2012 at 5:00 pm
Tha viau mai, mibo chungchang ah hian thil rational deuh2 a tam a tih theih awm e a, kan chhut dan zawng a in ang lo maithei e, a khawhar chhungte’n beng lo chhu ngawng mai se. ……Mumang hi a dik e a dik love, tih leh khami ni a ruah sur millimetre kha sabereka khuangkaih siam thei tur chi a ni em? tih te, a rainfall rate a kha khatiang lui te ni si, mihring chak lutuk a hmun hla thlen pui thei tur khawp kha a ni chiah em? Nge ni anga, Palian a an tih kha a lo dik reng a nga chumi hnu a tla chu an ni mai zawk em? Mit a hmu tute sawi dan in a ruang a la tha ang reng tlat………. Ngaihtuah ti thui leh zual tu chu ni 21 zet tui a awm tawh si ah chuan taksa hlawm tur la hmuh that theih leh ruang hlawm tur ang awm a kha a mak riau …………tui tla ni 7 zawn an tih hi a chhan ni ber a lang chu ni7 hma a taksa chhiat tak2 hma in an lang chhuak hi hmuh an nih thin vang a ni deuh ber awm e a. An taksa chu a chhe hneh viau thin toh tho ti in an sawi thin ni 7 hma pawh hian. Mahse ni 21 hnu vel a hmuh ni si ruang tha tak anga la awm bawk si hi chu ngaihtuah a ti thui duh khawp mai………
Report this comment
September 3rd, 2012 at 5:07 pm
# 30…
Mifing leh zir sang tak tak, university hial kan neih tawh hnu si hian, kan buai deuh luaina hi a ho leh tlat zel ti r’u. Chhiatnain min den dan hi a dangdai bik vang pawh a ni mahna…
Report this comment