Hun a danglam
TV Antenna her paha “a fiah em” kan ti lauh lauh lai hun kha a liam tawh a tunah chuan Manchester khawpui leh hmun danga Football khel pawh an au rualin kan au ve thei ta! Chuti ni lo se Nilai zan Bangladesh TV-ah Macgyver kan la chang thup ang a, hmuhnawmna nei hranpa miah lo Oshin-i te kan la en ang a, Inrini leh Pathianni tlai vai film enin kan la hawr tuau bawk ang a, chitrahar kham lo tawkin kan la en ang chu. Varpawh hma rau rauah chuan India aiin Bangladesh khan sap film hmuhnawm chu an pe tha fe zawk!!
Zirtirtuten min hnawtchhuak ang tih hlau reng renga sikul kan kai lai hun kha a liam tawh a, Transfer Certificate pek duh loh hmanga min vau lai hun a liam a, Private sikul Education sumdawn nana hmanga zirlai intlawnsiakna khawvelah kan chuangkai ta! Orange Squash lo chu theitui in tur dang a awm lo emaw kan tih lai leh Ambassador Car hi VIP-te car chauh tur emaw kan tih hun laite khan mual min liam san ta reng mai.
Zualko kal a bang ta der mai bawk, ram riakho thawng tura zau hrang hrang kan hrut kual laite kha kum tam a la ni mawlh lo; tunah lem chuan zualko tur chuan tlawmngaih vang ni hauh lovin sum neih a tul tawh a, call balance ngah apiang mai kha an tlawmngai tawh dawn a nih mai hi maw!
Thla eng hnuaia tualchher tingtang nena Lung ka mawl em mai kan tih lai khan kan lo mawl tak tak a, mahse a nuam si. Mtv leh VH1 hming hian kan beng a la thleng lo va, C.Vansanga erawh kan hria…Lallianmawia Pachuau pawh kan hria..Lady Gaga kan hre lo mai a ni lo va …ih.. kan hre lo a ni tawp mai! Thlawhlai, hma kan tarna chhak deuhah Radio hungin hla thlan kan ngaithla bang lo va, Tha dun hun kan nghakhlel thin. Mauhnuh elh tliah rap rap pahin kan lo beat pui a, sound wave khan rul a ko thei tih hre hawt lo khan Radio kan hunna bulah rultuha kan that fo a nih kha, chutiang hre turin Animal Planet emaw National Geographic emaw en tur awm ve hek lo.
Kan khawvel liang hniam tak hnuaiah chuan kan leng em em thung a India chuan National ruihin min up vung vung a, hriat loh leh neih loh avanga lawm lohna nei hran chuang lo khan hringnun kan dungchhir vel a. Mahse thil hlui te chu an ral ta, ngaiteh, an lo thar ta. Thawklehkhatah khawvel tukverhah Mizo leh zo lo kan han dak thut mai hi zawng a zo lo vek vek chuan an zo lo va, an thenawmpa nitina kan hmuh fo pawh kan hmu pawr fep fawp hnuhnawh a nih kha. Khawvel tukverha dak turin eng ar khuang mah hian min tintir tawh lo va, eng sana mah hian min thunun tawh na hek lo a chhuah hun hunah kan mu a, kan harh hun hunah kan tho leh tawp chu a nih ber tawh hi.
Engvang nge?
Ni e, khatia thangkhat lian zet mai India sum leh pai dinhmun a chhe hret hre a; that lam pan ta lo na chu kum 1991-ah chhiatpui kum kan tawk ta hial a nih kha. Khami hma khan PM Chandrasekhar chuan siam tumin bul a tan a, a tlak leh tak si avang khan kum 1991-ah Prime minister thar Narasimha Rao chuan tuna PM ni mek Manmohan Singh chu Finance Minister atan lalutin a thupek siam chhun chu, “Raise the money, i don’t care how” kha a ni a. Khami tuma Finance Minister Manmohan Singh han che tak tak kha Indian history-ah hian a dai leh tawh ngai lo vang.
Company-te khuahkhirhna zawng zawng a thlahdul(deregulate) vek a, Sumdawn phalraina(Economic liberalisation) a puang a, International Monetary Fund atang $2.2billion a puk nghal pang mai a, chu pawh sum dinhmun tla chhe mek tan chuan puk mai kha a theih loh avangin rikrum thila ramin invenna atana a dahthat rangkachak 67ton zet mai chu a dahkham ta hial a.
India ram rama zawnga national ruih mai chu chheu darhin a lo awm ta a, foreign investor rual chu chinghne koham ang maiin an rawn tleh lut ta dul dul a, sawiselna tam hle mahse duhthlan tur dang nei lo ta chu duhthlannain min hruai a ni ber mai, hei ngei hi a nia Globalisation thlipuiin India a tuam tanna chu.
Kan tawn hmasak leh dai leh tawh lo tur chu Coca cola culture atang hian a chiang…Orange Squash chu lan chiang vai vai tak a ni. Communist Party leh eptu pawl dang chuan India hian a thuneihna hloh tur angin an tlangthan a, capitalism kawnghawia sawisel an awm bawk a, Theologian pawhin he Economic liberalisation-in a hrin Privatisation avanga patling nitin mai deuhthaw an inawkhlum ringawt mai chu an vei lo thei lo va, au hla (slogan) thar siamin hmasawnna hian mipui a hrut kim tur a ni (sustainable development) tiin awchhang rawkin an au va. Engvangin nge an inawhhlum?
Sawrkar hnuaia thawktu tam tak awm dul dul kha a hlawk lo va, thawhchhuahin hlawh a tum pha meuh lo a ni chhap a, Private hnuaiah chuan thawktu tlem thawhchhuah tam kha a ni mai a, khatia mimal kuta a tluk luh tak rum rum khan thawktu tam tak ban an ni a, eizawnna avanga lungngai pa tam tak khan mahni tawka chinfel dan an zawng ta thin a ni. Ni e, Mizoram sawrkar Department khi i kutah lo tlu lut se, i ban then hnem ngawt ang chu. Private sikulah Class (period) 7 lak chuan kan haw lam hi kan lu hi a rit haw luk mai reng a.
Tin heti hi a ni a, India chuan hma a sawn hret hret a, a bat belh zel bawk a, kum 1994-ah khan $10Billion a ba fel der tawh a, chu chu hriain mizorama kan pute pawh khan “bat tam chu changkanna” an lo tih ve chhen kha. Khatia Foreign company-te ei tur zawnga an van vel ruai ruai khan sawrkar pawhin sum a lo dawng ve karh karh zel tho va, pepsi, coca cola, Nike, Adidas, Nokia(Nokla ni lo)samsung kei laisen lungmawl tana chhiarsen loh an lo pung ta hluai a; tichuan Globalisation thupui ber khawvel hi khaw te tak te ang chauh chhuah tumna(Global village) pawh a lo hlawhtling ta em em a India chu Global village-ah ‘Dinthar veng’ a lo ni ta a.
Sal tanna hi hmanlai ang khan a awm leh tawh kher lo vang, mahse tunah zawng sum salah tangin MNC leh TNC(Multi/Trans national corporation) hnuaiah vehbur khawn lo thei lovin min siam a. He mite do leh sahriak do apiang mai chu an ro tawlh tawlh a, a be tha apiang an da telh telh thung a nih hi. Ram thenkhat chu mahni ramah pawh thuneihna nei ik lovin an awm mek a, ‘Puktu chu puktirtu chhiahhlawh a ni’ tih a lo thlen dik theih nan.
A nghawng
Humbergerlisation tia mipui rum vawng vawng thawm chu i hria em? Humberger siamna tura mahni ram ching phul a, bawng vulhna tura ngawpui an chheudarh vek hnuah Lo atana an hman ramah thil siamna(factory) an han din tak khup hnuah hian mahni ramah ngei an ram an ngai a, hmanlai kan ti vawng vawng tiin duhamnain a hnuh luhna ruamah ngei chuan chalpang an dawmin, hlim taka an awm theih nan an thil siam chhuah tui tak takte chu an hlui a, mahse min tiretheituten hlimah min ngen bawk si thin tih kha a lo thlen dik theih nan.
Kan India ram ngei pawh hi leilet hmun zau tak tak buh an chinna hmunah ngei chuan kumtin khawl ropui tak tak a din belh zel a foreign leh reign lo company-ten theihtawp chhuahin tan an la a, mipuiin ei tur an dapna hmunte chu compound a ni ta zel mai a nih hi. A nei apiang pek belh an ni ang tih lo thlenna turin he khua(Global Village)ah hian mi 20% pawhin a hlawkna an tel pha si lo. Thil chhuak thar um reng rengin ni kan vui liam a, mit chuan a chakna phuhru turin khamkhawp a hmu lo va, beng lahin a hre hek lo mahse sipai convoy ang maiin kalna tur pawh hre chuang lovin ding takin hma lam kan pan tlang vut vut mai a nih ber hi.
Mak tur pawh hi a mak thei tawh lo va, rapthlak hi a tehna a lo san tak em avangin a rapthlak pha tawh lo va, khawvel let liama thil thleng kan dap zung zungna chuan engkim mai hi min ngaineihtir tawh a zahna lah a tawmim tlat a, tradition lian bera kan neih chhoh tak chu tradition laka kan helna hi a ni ta ber awm e. Nun zauthau, nun ruak leh khawhar ru siin kan then vel a…Oh Globalisation.
A dang
Nun hohna hian firfiakna thinlung a paw chhuak tih hi awih lo mahla a dik. Mi awm eu leh thiangzaute avang hian mi firfiak an lo chhuak a, siamthat duhna thinlung an neihna chu a rumra ta a ni ber zawk. Kum tin February 14-ah hian Shiv sena leh eng Dal..dal pawl emaw hi chuan thalai nun zalen fuankhawm an chheudarh a nih tawh tak hi!!. Globalisation avangin hmun thenkhata buaina kan hria a, chumi hmang vek chuan phuba lak kan duh a, chumi hmang vek chuan thu an thantir a, chumi hmang vek chuan NE mipui pawh an haw nguk nguk a nih kha le…
Mahse
A tha lo vek si lo he khawvel hmasawnna hi do ila hnehna kan chang dawn si lo…Privatisation rawn hmachhuantu Globalisation hi Private takin lo hmachhawn ila…nun dan chintawk ramri khamin buain lohna turah hian i buai lo teh ang u…nangma nun a lawm, veng tha rawh
Similar Posts:
- Khawvel hneh rawh!
- Naktuk hi ka tan awm ta lo se
- Engah nge i innghah?
- A Tlawm hlen lo Japan. Zoram i tlawm hlen bik dawn em ni?
- Mizo novel, film a siam theih a awm em?
(Y) fb account i neih...
September 4th, 2012 at 9:38 pm
.
Report this comment
September 4th, 2012 at 9:43 pm
Chhiar i la…
Report this comment
September 4th, 2012 at 9:46 pm
A tir lamah khian ka lung ka’n tileng dawn ngawt a, a va tha in zirtur a va tam em……….
Report this comment
September 4th, 2012 at 9:53 pm
Ngaihnawm, ril, bengvarthlak, zirtir nei tha leh tha hrim hrim a kim hle mai.
Report this comment
September 4th, 2012 at 9:55 pm
Chhiar nawn leh ngat teh ang…
Report this comment
September 4th, 2012 at 9:56 pm
A tha hle mai
Report this comment
September 4th, 2012 at 10:02 pm
I topic ziahdan khi ‘I nun alawm(it’s your life, i nun a lawm-your life is content/happy ni lovin
)’ tih zawk tur a nih hmel e.
I thuziah hi a puitling thin khawp mai, India socio-economic historiography tlangpui i pekdan pawh a ngaihnawm. Professor thiam tak lecture ngaihthlak ang vel a ni.
‘Think Globally, act locally’ era ah kan chenga, globalisation hian flipside a nei tih kan hriat reng hi a pawimawh khawp mai, privatisation khi chu Public Sector Enterprise ho an chet chhiat lutuk vanga economic boost up nana initiate an ni a, mahse chumiin a ken tel liberalisation vanga Indian companies te MNCs ten an rawn luahlan ta hmak hmak mai hi thil pawi tak leh inhnialna chawkchhuaktu a nih phah thung.
Agrarian-based economic system ringawt chu ramin a retheih pui em avangin khawvel pen ruala kan pen theihnan Central sawrkarin industrial growth a ngaipawimawh chho telh telha, Five Year Plans ah pawh Industrial outlay atan liau liau budget pui atangin sum hraw tham tak an dah hrang ta ziah a ni…
India ramin kan buaipui ber pakhat leh communist ho au hla ber chu agrarian crisis leh farmer suicide hi a ni awm e. Mizoram lamah chuan kan loneitute rethei mangangin last resort ah mahni intihhlum anla ching ve lo hlauha..! sawitam lo ang.
NE Exodus khi chu globalisation vang tih tawp chu ka hreh deuh..indirectly chuan a chhui luh theih tho awm e
Report this comment
September 4th, 2012 at 10:08 pm
Post puitling ani e. I sawi ang khian Manmohan Singh kha India ram her danglam lawihtu ani. Khawvel changkang zel hi bihruk san tum eng ang mahila kan thei dawn chuanglo, chuvangin kan phak tawk tawkah mi ruala ke pen ve thei tura mahni inbuatsaih hi ani mai. Mi fate’n Hamburger tui an tih laia Mizo chhangban chauh ei duh kan nih chuan mi nuihzat kan hlawh mai dawn
Kan nun leh khawsak mil a kal kan lo siam ve zel hi a tul a, a thalo hnawl thiam a, post tupa sawi anga private taka lo hmachhawn thiam hi mifing tihtur ani. Engpawh hi a hmachhawn thiamlo leh hmang thiamlo tan chuan tur ang a hlauhawm vek. Good post
Report this comment
September 4th, 2012 at 10:20 pm
nimin tlai post a tang rei deuh va post submit a tlem nih ringin nizanah ka chhu mawlh mawlh a..rinai tak chuan a lo chhuak har…
charice alawm khi i ti dik chiah…admin.ten lo correct se ka va ti em..
khi lo pawh ka la hria…dik famkim lo. pawi lem lo rawh se.
Report this comment
September 4th, 2012 at 10:31 pm
Lady Gaga, Theologian, Globalization, SUSTAINABLE DEVELOPMENT etc etc….a va inpawlh mawi leh dawn tak em!
Naktukah ka chhiar ang…
Report this comment
September 4th, 2012 at 10:31 pm
Post tha tak a nih hi. Rethei leh hausa kar a hla lutuk tawh ti in keini hausa ve lo ho hi au au mah ila, he khawvela kan awm chhung hian a inhlat telh telh dawn ni in a lang. Puanven i sawichhing tlang teh ang u.
Report this comment
September 4th, 2012 at 10:33 pm
Va sermon ṭha ve
Report this comment
September 4th, 2012 at 10:36 pm
charice…khawvel hi global villagea siam tumna hi globalisation thupui pakhat a nih si chuan…khawvela thil thleng leh issue…buaina kan hriat zung zungna hi globali…chu a nih si hi. chumi atanga rumour lo awm anih vangin NE exodus kha globalisation hrin kan ti thei a ni.
Report this comment
September 4th, 2012 at 10:44 pm
KZP
Report this comment
September 4th, 2012 at 11:03 pm
Vakul, NE exodus chungchang kha kan zirchian dawn chuan kan bul tanna tur chu India rama Politics of Discrimination and Alienation, a bikin Northeast mite laka kum tam tak an lo practice tawh leh communalism leh politics of insecurity, a bikin Muslim ho zinga hluar em em mai hi niin ka hria, its a deep-rooted psychical fear and skepticism embedded on the things thus said that caused such a sorry sate of affairs..and triggered the exodus…
Report this comment
September 4th, 2012 at 11:03 pm
Thuziak a puitling tha khawp mai, save tlak a ni. Modern Theologian tha tak ni tur chuan kut dinglamin Bible, kut veilamin News paper leh internet ken a ngai tlat tawh.
Report this comment
September 4th, 2012 at 11:03 pm
Ngaihnawm khawp mai
……engtinnge kan ven that ang tih a hi chu Bible ah a awm keuh mai, lo ti ve ngot teh ang. Mihring nih phungah thil loh theih loh tur thil mamoh chu tu pawn kan hriat sa vek a rinawm a. Mahse chumi piah lama khawvel a kalchak rual leh economic a intlansiakna a nasat poh leh mihring rilru a chhe nasa a, awhna/duhamna/ itsikna te, beidawnna te a nasa thin. Chumi a tlan nasa apiang leh kal nasa a piang chu a sawk khawk an tuar nasa thin. Hetiang lamah hian Ram anga a khai rual a kal thiam loh chuan retheihna a nasa tulh2 thin thung. A hmu tam leh hlawhtling a kan tih tam tak pawh hi a ram anga a khai rual loh chuan rei an daih tak2 ngai thin lo. Global economical crisis an tih lo chhuahna chhan pawh hi privatisation a kal nasa leh lutuk a a chhuak a tlem leh tawh si a, chumi vang chu a ni deuh ber mi thiam te’n an ti. Corruption kan tih tamtak a pawh hi hetiang lama rual awh lutuk na vang ti i la kan ti sual tampui lovin a rinawm. Mitin te mahni nun kan hman dan ah eng chin hi nge ka tan a tha? tih leh ka ram leh thenawm te tan eng chin hi nge ka dah theih tih a hi mimal tak a ngaihtuah a pawimawh khawp mai.
Report this comment
September 4th, 2012 at 11:21 pm
Charice… NE exodus kha maw…i sawi khi a dik lutuk…khing chanchin kan hriatna khi enge…rumours awmtirtu kha eng atang nge…miten engvangin nge an hlauha an tlanchhiat…ih mawm..khawvel hi a zim tawh em em a…thingtlang khaw te ang chauh a ni tawh a…chuvang chuan rumour kha a awm hma em em a ni. i sawi dik lo ka ti lo…khi aia thui khi kan ziak thei ang…factor hrang hrang..ka approach chu globalisation a ni e.
pakistan atang engtin nge an thehdarh theih…media hmangin…media hi globalisation fapa upa ber a nih hi.
Report this comment
September 4th, 2012 at 11:40 pm
Vakul, ka hrethiam alawm i sawi tum chu, mahse ka point chu, NE exodus kha chu a domestic affairs em maia, a chhan bulbal han chhui pawn India-specific a ni a, a thehdarhtute pakistani lo ni mahse*, Globalisation han puh tawp chu ‘tlawng vuaka nghate man’ a ang deuh ka ti mai mai
Globalisation is such a big concept and a huge phenomenon that it can be said to include in its scope: media, communication, technology, scientific innovations, cultural exchange etc, mahse Libya ram buaina te, Middle East crisis te, Africa ram zinga tualchhung buaina hrang hrang te hi Globalisation vang an ti tawp ngailo. A tawi zawngin In general, India sawrkarin a citizens te life and security a manage that theih loh vang, in particular Assam sawrkarin a ram chhung buaina a chinfel theih loh vang. Media and internet are just the popularising agents of what is already a deep-rooted problem..
Report this comment
September 5th, 2012 at 12:01 am
Chhiar ava khamawm loh ve.
Report this comment
September 5th, 2012 at 12:07 am
awwwww. charice..ngati nge africa i rawn sawi tel an han han nen…
a pakistan lam kha a la ni chuang lo thu thehdarhna hmanrua tak zawk kha….saptawngin han sawifiah thiam ka va chak em. one nation one culture tia an pen suau suau tawh avang hian thu dik lo pawh dik pawh…thehdarh hi a samkhai tawh lutuk. NE mite khan an tuar mang hlei nem.. tuar si lo.awlsam lutuka an vau hawvdan kha… hmanlai ni se khatianga thleng tur chuan hun a duh rei ngawt ang chu.
hmanlai ni se..vau nan dakah lehkha an thawn kim vek a tul dawn nia….engtin nge US lama awm HV a pawhin a rawn sawi ve zut zut theih …a hlat hlat nen…bangalore thil thleng kha a tuk parliament ah an discuss hman…England atang engtin nge an rawn sawi ve kha….
tunlai global village ah hian thu thehdarh a sam lutuk a..chu chu a ni mai…mike.au se khatiang a ni lo vang. assama muslim tuarna kha mi dangin an hriatna pawh khawvela communication hmasawnna vang a ni…chu chu
Report this comment
September 5th, 2012 at 12:21 am
Ekhai…i va hawl chikim ve. A ngaihnawm hle mai. Music/radio play (sound wave) in rul a ko tih lai khi hriat ve reng tur anih khi.
Report this comment
September 5th, 2012 at 12:24 am
caribou #22
It was still unclear, however, whether snakes could hear sounds traveling through the air. So Biologist Christian Christensen of Aarhus University in Denmark took a closer look at one particular type of snake, the ball python (Python regius). Studying them wasn’t easy. “You can’t train snakes to respond to sounds with certain behaviors, like you might be able to do with mice,” says Christensen. Instead, he and his colleagues used electrodes attached to the reptiles’ heads to monitor the activity of neurons connecting the snakes’ inner ears to their brains. Each time a sound was played through a speaker suspended above the snake’s cage, the researchers measured whether the nerve relayed an electrical pulse (the snakes showed no outward response to the sounds). The nerve pulses were strongest, the researchers found, with frequencies between 80 and 160 hertz—around the frequency for the lowest notes of a cello, though not necessarily sounds that snakes encounter often in the wild.
https://news.sciencemag.org/sci.....-hear.html
Report this comment
September 5th, 2012 at 12:41 am
@HV #23: Ka lawm e.
Report this comment
September 5th, 2012 at 12:44 am
Hv. vaihoin an music play hmanga chawngkawr an lamtir hi i hmu fo tawh ang chu an respond khawp mai a…scientifically chuan ka hre lo.
Discovery ah hian tum khat chu ka en tawh a..tin rul hi an pe ngun bawk a..ka en peih pawl ber a ni bawk nen…an ei tur an channa atan hian an mit an hmang lo tih chu a chiang…motion wave kha an lo hrethiam zawk tih hi scientifically proved a ni bawk.
thlawhlaiah hian Radio hung ve ngat thin teh u…rul chu ko tak a ni.
an experiment khi a tha viau va mahse rul a chet loh avanga pawm ngawt chi a ni lo..rul hian wave puitham tak an dawn hian an tlan loh vek vek chuan an che lo hmiah ve chawk. rul tuan muang rultuha hi mi a chuk hnem ber a…wave a dawng lo a ni lo…a dawn avabgin a tlanchhe ve duh lo va…a lo awm ngawi reng zawk a ni. rul dang chu boruak cheah hian an lo pil bo hman thin.
tin…bawm chhunga experiment leh thlawhlai experiment hi an respond dan a inthlau viau vang…
animal channel ah reng reng hian rul khawhmuh dan hi blur deuhin an dah a…chumi awmzia chu an wave man theihna an chhawr zawk tihnavtluk a ni ang.
Report this comment
September 5th, 2012 at 12:49 am
ka scientific ve ta riau mai ka ti…haha.
Report this comment
September 5th, 2012 at 12:55 am
Tha si ril si
Report this comment
September 5th, 2012 at 1:00 am
Va ngaihnawmin va ṭha tehlul êm…! Chuan Charice_mizovi sawi khi a ṭha leh êm êm bawk
(a ṭawng a ráng tih mai loh chu)
Report this comment
September 5th, 2012 at 1:45 am
vakul #25
https://library.thinkquest.org/C007974/2_6sch.htm
Report this comment
September 5th, 2012 at 2:07 am
A va ngaihnawm em! Ka chhiar tuiin ka chhiar kham lo kher mai.
Report this comment
September 5th, 2012 at 2:11 am
#30, ka awih…
Report this comment
September 5th, 2012 at 2:52 am
A thui bawk sia, zan a rei tawh bawk sia
Report this comment
September 5th, 2012 at 5:58 am
Hei zet chu….. a va han ngaihnawm ve… hmanlai nun atangin tunlai nunah hun rei lo te chhungin min hruai thleng der alawm
Keima irawma ka ziak ni se ka va ti ve…
HLA te pawh an inlei sak thin a ni lawm ni….vakul ka lo lei chhawng teh ang…
Report this comment
September 5th, 2012 at 6:47 am
E heu! A va ngaihnawmin a va bengvarthlak em! Ka chhiar chhuak dap! post puitling leh hriatna tizau hawk hawktu a ni e!
Globalization leh tunlai khawvel inlumlet vel te han thlir hian, “New World Order” tlangau puitute duhsam hi thleng chho zelin khawvel hi ai khata a luan za hunah hun tawp Sakawlh lal ram hi a lo lang tawh dawn a ni ang em? Hun rei a ni tawh lo mai awm mang e!! Kan Bible hian heng thil lo thleng turte hi a lo sawi lawk vek mai zawng a nih hi!
Report this comment
September 5th, 2012 at 7:54 am
#25,a ri ah an lam lo. An ham paha an chetdan zul zuii an thle kawi ve mai chauh ani. An magic show ve alawm.
Report this comment
September 5th, 2012 at 8:12 am
Thuziak tha tak tak hi chhiar ve fo tur a lo ni..
Report this comment
September 5th, 2012 at 9:22 am
a lawmawm liam liam e.
hv ..hei hi ka sawiah ngai mai teh.
ri a respond ka tih hi movement atanga lo kal wave kha a ni a. sound atanga lo kal wave kha movement wave nen a inang em ni dawn le.
qHi No snakes can’t hear, this is one of the differences between snakes & lizards. Lizards have ears which are called timpadrums (may be spelt wrong but I now what I mean lol). Snakes eye site is not very good they rely more on movement. The tong is used like we us nostrils, we can tell which way a smell is coming from. A snake as a forked tong that take particles out the air & then they us there jacobson organ to taste.
https://www.snakeinfo.co.uk
R
Report this comment
September 5th, 2012 at 9:38 am
A enga pawh chu ni se beng a var tawh hrim hrim, comment nen lam.
Report this comment
September 5th, 2012 at 10:03 am
He thuziak chu ka lo chhiar lawk lova. A va tha kher ve le. A bengvarthlakin, thil i thlir kim hle mai..
Report this comment
September 5th, 2012 at 10:55 am
A ngaihnawm dap dap hle mai, i thlir na zawnah chuan a dik thluam chuan a lang e
Report this comment
September 5th, 2012 at 11:02 am
A va han tha emm…
Report this comment
September 5th, 2012 at 11:54 am
Very Good Post.. heng thil hi ka lo ngaihtuaah ve tawh thin a.. Mizoram te hian thil tamtak kan zuankan asin.. Indushtrial age pawh kan nei ve hman lo.. digital age ah kan zuangkai daih a. kum 15 hmalam a DD-1 bak en pha lo khan tunah chuan Interenet atang Movie duh ang ang kan stream thei tawh a…
Phai a awm ngaihsan huk lai te pawha awm kha.. Silchar thleng tawh hrim2 kha chu an fing deuh bika hriat hun lai te kha…!!
A enga pawh chu nise, a tahtna a tam a.. a thatlohna a tam..Mihring te chu kan awmna hmun azir-a nuam ti thei zel hi kan nia.. “Hmasawnna” tih hi definitiona awm lo ka ti ve tlat.. “Pawisa neih teuh te, kawng tha neih, elektric nei tha etc tihvel te hi hmasawnna a ni em?” –> mi tam tak tan chuan a ni maithei… Mahse hlimna thlen tu chua ni ber lo maithei…
Tunlai a Mobile leh internet lampang hmasawnna ai hian Hmanlai nun (Bangladesh channel kan en lai ) kha nuam in ti zawk lo maw? Keichu khang hun ang kha ka awt zawk daih asin…
(Ka lo OT palh maithei… ) Post tha tak ani…
Report this comment
September 5th, 2012 at 1:14 pm
A tha lutuk ringawt
Report this comment